Fréttablaðið - 21.02.2008, Blaðsíða 76

48 21. febrúar 2008 FIMMTUDAGUR
Það hefur lengi verið mín skoðun að
Þursaflokkurinn sé ein af merkustu
hljómsveitum íslenskrar poppsögu.
Nú er kominn út kassi með öllum
fjórum Þursaplötunum ásamt 70
mínútna aukaplötu með áður óút-
gefnum og fágætum hljóðritunum.
Með honum gefst tækifæri til að
rifja upp tónlist sveitarinnar.
Hvernig hljóma Þursar árið 2008?
Egill Ólafsson hóaði saman í Hinn
íslenzka Þursaflokk á haustdögum
1977 og hann hóf formlega starf-
semi í ársbyrjun 1978. Í sveitinni
voru í upphafi auk Egils sem söng
og spilaði á píanó þeir Þórður Árna-
son gítarleikari, Tómas Tómasson
bassaleikari (báðir félagar Egils úr
Stuðmönnum), Ásgeir Óskarsson
trommuleikari og Rúnar Vilbergs-
son fagottleikari. Hugmyndin var
að stofna sveit sem tæki íslensk
þjóðlög og færði í nútímalegan bún-
ing.
Þjóðlög færð í rafvæddan nútíma-
búning
Þursaflokkurinn starfaði nokkuð
samfellt til ársins 1984 og á þeim
tíma sendi sveitin frá sér fjórar
plötur, samdi tónlist fyrir danssýn-
ingu og leikrit og spilaði mikið á
tónleikum, aðallega á Íslandi, en fór
líka í nokkurra mánaða tónleikaferð
til Evrópu veturinn 1978-1979. Í
plötukassanum sem hér er til
umfjöllunar eru allar fjórar plötur
Þursanna: Hinn íslenzki Þursaflokk-
ur sem kom út 1978. Þursabit (1979),
Á hljómleikum (1980) og Gæti eins
verið (1982). Á aukadisknum eru
fimm lög af plötunni Ókomin forn-
eskja sem Þursar byrjuðu á 1984 en
kláruðu ekki, óútgefin lög, tónleika-
upptökur og upptakan af laginu
Þögull eins og meirihlutinn sem var
í kvikmyndinni Rokk í Reykjavík.
Eins og áður segir byrjuðu Þurs-
ar á því að taka fyrir íslensk þjóðlög
og færa í rafvæddan nútímabúning.
Á fyrstu plötunni eru fimm lög úr
þjóðlagasafnbók séra Bjarna Þor-
steinssonar og þrjú frumsamin, tvö
instrúmental lög eftir Egil og svo
smellurinn Nútíminn eftir Egil og
Sigurð Bjólu. Þegar leið á ferilinn
fjarlægðust Þursarnir þjóðlagaarf-
inn smám saman og á Gæti eins
verið eru eintóm frumsamin lög.
Inn í tónlist Þursanna blandaðist á
ferlinum allskonar tónlist, auk þjóð-
laganna voru áhrif frá progg-rokki
og djassrokkbræðing einna mest
áberandi.
Stöðug þróun og mikil spilagleði
Eitt af sérkennum Þursaflokksins
er að það var mikið lagt í útsetning-
arnar og þessir frábæru hljóðfæra-
leikarar sem skipuðu hann fengu
allir svigrúm til að njóta sín. Tón-
leikar sveitarinnar einkenndust af
mikilli spilagleði, ekki síst eftir að
Karl heitinn Sighvatsson hljóm-
borðsleikari gekk til liðs við hana.
Sumar af mínum kærustu minning-
um frá Þursatónleikum eru einmitt
um Kalla í miklum ham við orgelið.
Það sem gerði Þursaflokkinn jafn
áberandi góðan og raun ber vitni er
meðal annars að hann hafði alltaf
sérstöðu og metnað. Tónlistin þró-
aðist mikið, en var alltaf áhugaverð
og skemmtileg. Allar fjórar Þursa-
plöturnar standa vel fyrir sínu og
þó að meistaraverkið Þursabit hafi
alltaf verið í mestu uppáhaldi hjá
mér þá standa hinar plöturnar henni
lítið að baki. Og þær eru allar ólíkar
– hafa hver sinn karakter sem er
auðvitað kostur. Þó að Þursarnir
hafi verið framsæknir og stundum
nokkuð proggaðir þá eru lög sem
náðu miklum vinsældum á öllum
plötunum.
Glæsileg útgáfa
Það er mikið lagt í
þennan nýja Þursa-
kassa og hægt að full-
yrða að hann setji ný
viðmið í íslenskri end-
urútgáfu. Hönnun
umbúða og frágangur
er til fyrirmyndar.
Áður óbirtar myndir
og blaðaúrklippur
setja svip á plötuums-
lögin og Egill Ólafsson
rekur sögu sveitarinnar í fimm
textum sem eru birtir í umslagi
hverrar plötu fyrir sig. Skemmti-
legur texti sem gerir mikið fyrir
útgáfuna. Fyrir harða Þursaaðdá-
endur munar samt mest um auka-
plötuna.
Á henni eru sextán lög, flest
þeirra áður óútgefnar hljóðritanir.
Lögin fimm af plötunni Ókomin
forneskja eru góð viðbót í Þursa-
safnið og sýna að sveitin var langt
frá því að staðna þegar hún lagði
upp laupana. Var að þróast út í
þyngri og tilraunakenndari hluti.
Hljómurinn á tónleikaupptökunum
er nokkuð misjafn eins og gengur,
en það er mikill fengur í þeim flest-
um samt sem áður.
Sumar upptökurnar
eru skemmtilega
hráar og það er gaman
að þessum lögum sem
hafa ekki komið út
áður, til dæmis Anarkí
og Lísublús við texta
Megasar. Upptakan á
Frá Vesturheimi sýnir
þá miklu stemningu
sem oft náðist á Þursa-
tónleikum.
Hljóðvinnsla virðist hafa tekist
nokkuð vel þó að styrkurinn á
afspiluninni hefði mátt vera meiri.
Á heildina litið er þetta sérstaklega
glæsilegur og vel unninn pakki
sem gefur góða mynd af einni af
framsæknustu og skemmtilegustu
hljómsveitum íslenskrar rokksögu.
Nú bíður maður bara spenntur
eftir tónleikunum! Trausti Júlíusson
Flott útgáfa sem setur ný viðmið
TÓNLIST
Hinn íslenzki Þursaflokkur
– kassi með fimm diskum
Þursaflokkurinn
★★★★★
Plötukassinn með Þursaflokknum
inniheldur allar fjórar plötur einnar af
höfuðsveitum íslenskrar poppsögu
og 70 mínútna aukadisk með fágætu
efni. Flottur pakki sem hæfir flottri
sveit.
FR
ÉT
TA
B
LA
Ð
IÐ
/E
YÞ
Ó
R
ÞURSAFLOKKURINN 2008 Þrjátíu
ár eru liðin frá því að sveitin hóf
starfsemi. Afmælinu er fagnað með
útgáfu fimm diska pakka og stórtón-
leikum í Höllinni um helgina.
Fyrsta lag rokkaranna í Jet Black
Joe í töluverðan tíma verður
frumflutt í Kastljósinu 4. apríl
næstkomandi. Lagið fer í loftið í
tilefni af tónleikum þeirra og
Gospelkórs Reykjavíkur sem
verða haldnir í Laugardalshöll 16.
maí. Gestkvæmt verður á
tónleikunum og mun Páll
Rósinkranz meðal annars syngja
dúett með þekktum íslenskum
flytjanda. Ekki vilja þeir félagar
þó gefa upp hver flytjandinn
verður, enn sem komið er.
Þriðjungur miðanna á tónleik-
ana seldist upp aðeins tveimur
klukkustundum eftir að salan
hófst og ættu aðdáendur Jet
Black Joe því að hafa hraðar
hendur ætli þeir að tryggja sér
miða.
Jet Black Joe
með nýtt lag
JET BLACK JOE Rokkararnir frumflytja
nýtt lag hinn 4. apríl næstkomandi.
Rokkararnir í Oasis eiga tvær
bestu plötur Bretlands frá upphafi
samkvæmt nýrri skoðanakönnun
sem tónlistartímaritið Q og versl-
anirnar HMV stóðu fyrir. Ellefu
þúsund manns tóku þátt í könnun-
inni.
Í efsta sæti varð fyrsta plata
Oasis, Definitely Maybe, sem kom
út 1994 og í öðru sæti lenti (What´s
the Story) Morning Glory sem
kom út tveimur árum síðar. Plata
Radiohead, OK Computer, lenti í
þriðja sæti, Bítlaplatan Revolver í
því fjórða og samnefndur frum-
burður Stone Roses í því fimmta.
Paul Rees, ritstjóri Q, segir að
Oasis hafi rakað til sín þrefalt
fleiri atkvæðum en næsta hljóm-
sveit á eftir sem sýndi að hljóm-
sveitin sé tvímælalaust sú ástsæl-
asta á Bretlandseyjum.
„Niðurstöðurnar sýna berlega vin-
sældir Oasis því það hefur engin
áhrif þótt á listanum séu plötur á
borð við OK Computer með Radio-
head og Revolver með Bítlunum.“
Alls lentu fimm Bítlaplötur á
lista yfir fimmtíu bestu plöturnar
en aðeins Revolver komst á topp
tíu. Oasis átti tvær plötur til við-
bótar á topp fimmtíu, Don´t Belie-
ve the Truth og Be Here Now. Rad-
iohead, Pink Floyd, Muse og
Coldplay áttu þrjár plötur hver á
listanum. Aðeins ein kona komst á
listann, eða Amy Winehouse, sem
náði 35. sæti með plötuna Back to
Black.
Oasis á bestu plöturnar
TÍU BESTU PLÖTURNAR
1. Oasis - Definitely Maybe
2. Oasis - (What’s the Story) Morning
Glory?
3. Radiohead - OK Computer
4. Beatles - Revolver
5. Stone Roses - Stone Roses
6. Beatles - Sgt Pepper’s Lonely
Hearts Club Band
7. Clash - London Calling
8. Keane - Under the Iron Sea
9. Pink Floyd - Dark Side of the Moon
10. Verve - Urban Hymns
OASIS Rokkararnir í Oasis eiga tvær vin-
sælustu plötur allra tíma í Bretlandi.
Rokksveitin Kiss virðist eiga í ein-
hverjum fjárhagskröggum um
þessar mundir en hún hefur boðið
aðdáendum sínum að hitta sig á
tónleikaferð sinni um heiminn,
gegn gjaldi.
Þeir sem eru tilbúnir að greiða
um 85 þúsund krónur fá að hitta
goðin sín og láta smella mynd af
sér með þeim, auk þess sem þeir
fá bol merktan sveitinni og fleira
skemmtilegt. Þeir sem vilja ein-
ungis sjá lokaæfingu Kiss fyrir
tónleika þurfa að greiða um 35
þúsund krónur. Kaupi menn pakk-
ann í heild sinni, bæði fund með
hljómsveitinni og aðgang að
æfingunni, kostar hann um hundr-
að þúsund krónur.
Að því er kemur fram á tón-
leikasíðu Kiss er miði á tónleika
sveitarinnar ekki innifalinn í verð-
inu en aðeins þeir sem kaupa slík-
an miða mega hitta sveitina.
„Koss“ fyrir morðfé
KISS Hljómsveitin Kiss virðist eiga í fjár-
hagskröggum um þessar mundir.
Náman námsmannaþjónusta Landsbankans
410 4000 | landsbanki.is
Árlega veitir Lands
bankinn viðskiptav
inum Námunnar
veglega námsstyrk
i. Nú er komið að þ
ví að velja hæfustu

umsækjendur til N
ámsstyrkja Landsb
ankans í 19. sinn.
Umsóknarfrestur
er til 3. mars 2008
. Allar nánari uppl
ýsingar
og skráningarblöð
er að finna á land
sbanki.is
Styrkirnir skiptast
þannig
3 styrkir til framh
aldsskóla- og iðnn
áms, 150.000 kr. h
ver
3 styrkir til háskól
anáms (BA/BS/BEd
), 300.000 kr. hver
4 styrkir til framh
aldsnáms á háskó
lastigi, 350.000 kr
. hver
3 styrkir til listnám
s, 350.000 kr. hver