Fréttablaðið - 21.02.2008, Blaðsíða 70
42 21. febrúar 2008 FIMMTUDAGUR
bio@frettabladid.is
Handritshöfundarnir í Hollywood eru
væntanlega hetjur í augum kvikmynda-
framleiðenda enda búnir að semja við sína
yfirboðara og stöðva sitt verkfall. Sem
þýðir að Kodak-höllin í Hollywood fyllist af
stórstjörnum hvíta tjaldsins þegar sjálfur
Óskar verður afhentur aðfaranótt mánu-
dags.
Óskarsverðlaunin eru sennilega eftirsóttustu
kvikmyndaverðlaun í heiminum. Ekki vegna þess að
gæðin hafa þar yfirleitt sigur heldur hefur gullni
karlinn þau áhrif að nafn sigurvegarans lifir nánast
að eilífu. Óskarinn er hins vegar ekki þessi fagverð-
laun sem margir telja þau vera heldur skiptir
pólítík, aldur og fyrri störf oft miklu meira máli en
frammistaðan sjálf.
Besta kvikmyndin
Það þarf að leita töluvert langt aftur í tímann síðan
spennan í þessum flokki var jafnmikil. Fyrirfram
búast flestir kvikmyndaspekúlantar við að baráttan
standi á milli No Country For Old Men og There Will
Be Blood. Báðar myndirnar hafa sópað að sér hvers
kyns fagverðlaunum og verið hampað af kvik-
myndagagnrýnendum um allan heim.
Að mati margra væri það stórslys ef önnur
þessara yrði ekki fyrir valinu en enginn skyldi þó
útiloka hina sterku hefð bandarísku kvikmyndaaka-
demíunnar; að koma á óvart. Skipbrot Atonement á
Bafta-verðlaunum kemur sennilega í bakið á henni
og bæði Juno og Michael Clayton þykja eilítið of
„litlar“ til að geta staðið uppi sem sigurvegarar.
Spá IMDB: Coen-bræður fyrir No Country For Old
Men
Besti leikarinn
Ólíkt kosningunni um bestu kvikmyndina þykir valið
á besta leikaranum lítt spennandi. Það þætti
nefnilega forsíðufrétt hjá flestum kvikmyndatíma-
ritum ef Daniel Day-Lewis fengi ekki Óskarinn fyrir
frammistöðu sína í There Will Be Blood. Lewis hefur
fengið Bafta, Golden Globe og aðalverðlaun samtaka
kvikmyndaframleiðenda og leikara auk þess sem
hinar og þessar kvikmyndahátíðir, stórar og smáar,
hafa valið hann þann besta.
En menn skyldu ekki vanmeta áhrif George Cloon-
ey í draumaborginni sem virðist hafa erft völd
Roberts Redford. Clooney kom öllum á óvart þegar
hann vann styttuna fyrir Syriana sem besti leikari í
aukahlutverki og gæti hæglega stolið senunni. Fyrir-
fram er hins vegar búist við því að ef Akademían
skyldi vera svo vitlaus að ganga framhjá Lewis þá
velji hún Johnny Depp í hlutverki morðóða rakarans
Sweeney Todd.
Spá IMDB: Daniel Day-Lews fyrir There Will Be
Blood
Besta leikkonan
Vefur breska ríkisútvarpsins BBC spáir því að ef
gengið verður fram hjá „stóru“ myndunum þá gæti
kvikmyndin Juno orðið óvæntur sigurvegari. Þessi
litla mynd Jasons Reitman hefur unnið hug og
hjörtu áhorfenda og stjarna hennar, hin tvítuga
Ellen Page, gæti hafa tyllt sér í efsta sætið hjá
Akademíunni. Hollywood þykir líka fátt jafn
skemmtilegt og að búa til nýjar stjörnur og Ellen
kynni að njóta góðs af því.
En Hollywood finnst líka nauðsynlegt að heiðra
þær gömlu og þar skýtur Julie Christie öðrum
leikkonum ref fyrir rass. Christie sýnir framúrskar-
andi leik í Away from her og þessi magnaða leikkona
fékk síðast verðlaun árið 1966 fyrir Darling. Þar
sem akademían er að mestu skipuð gömlu og
íhaldssömu fólki gæti það átt erfitt með að styðja
við unglingaóléttu og kýs því frekar að leyfa einum
úr sínum flokki að vinna enda eigi unga fólkið
framtíðina fyrir sér.
Spá IMDB: Ellen Page fyrir Juno
Aðrir sigurvegarar samkvæmt IMDB:
Besti leikstjóri: Ethan & Joel Coen (No Country for
Old Men)
Besti aukaleikari: Javier Bardem ( No Country for
Old Men)
Besta aukaleikkona: Cate Blanchett (I‘m not There)
Besta handrit: Diablo Cody (Juno)
Stjörnustund í Hollywood
VIRÐINGARVOTTUR Julie Christie gæti farið með sigur af hólmi
en 42 ár eru síðan hún fékk styttuna síðast fyrir Darling.
COEN-SNILLD No Country
For Old Men þykir enn eitt
meistarastykkið úr smiðju
Coen-bræðra og gæti stolið
senunni í Kodakhöllinni.
NÁNAST AUKAATRIÐI AÐ
MÆTA Daniel Day-Lewis þykir
svo sigurstranglegur sem
besti leikari í aðalhlutverki
að varla tekur því fyrir hann
að mæta.
Samkvæmt heimildum Fréttablaðsins
hefur umfangið á væntanlegum Ísland-
stökum í næstu Star Trek-kvikmynd
minnkað talsvert frá því sem upphaf-
lega var talið. Eins og kom fram í fjöl-
miðlum á síðasta ári sýndu framleið-
endur myndarinnar Íslandi mikinn
áhuga og komu í þónokkrar skoðunar-
ferðir. Jafnvel var talið að stór hluti
myndarinnar yrði tekinn upp hér á
landi en nú virðist hafa verið hlaupið
frá þeirri hugmynd. Hins vegar hefur
frumsýningu kvikmyndarinnar verið
frestað um hálft ár og því gæti opnast
smá gluggi fyrir Ísland að láta ljós sitt
skína meðal Trekkara en það verður þó
að teljast ólíklegt.
Jafnframt eru litlar líkur taldar á því
að einhverjar af þeim stórstjörnum
sem leika aðalhlutverkin í myndinni
komi hingað til lands en meðal
þeirra eru Eric Bana og búð-
arþjófurinn fyrrverandi, Win-
ona Ryder.
Framleiðslufyrirtækin Saga
Film og Pegasus hafa verið í
samskiptum við aðstandendur
myndarinnar í Hollywood en
þeir hafa gefið loðin svör og
lítið viljað gefa upp. Ekki
liggur fyrir endanlega
hvort fyrirtækin munu
þjónusta Star Trek-
myndina og hvenær
fulltrúar hennar
láta sjá sig á Íslandi
en það ætti að verða
í lok næsta mánað-
ar.
- fgg
Star Trek skreppur saman
Aðdáendur Indiana Jones eru himinlifandi yfir sýnishorni úr
nýjustu ævintýramyndinni um fornleifafræðinginn sem er sú fjórða
í röðinni. Í sýnishorninu eru sýnd brot úr fyrstu þremur myndunum
áður en Harrison Ford í hlutverki Jones sveiflar sér um á svipunni
sinni.
„Mér líður eins og barni á nýjan leik,“ sagði einn bloggari og
annar bætti við að sýnishornið væri uppfullt af gríni og hasar.
Myndin, sem nefnist The Kingdom of the Crystal Skull, kemur út í
maí. Auk Fords fara með helstu hlutverk Cate Blanchett og Shia
LaBeouf. Leikstjóri er Steven Spielberg og framleiðandi er George
Lucas.
Aðdáendur í skýjunum
INDIANA JONES Harrison Ford fer
með hlutverk fornleifafræðingsins
Indiana Jones.
THERE WILL BE BLOOD
Daniel Day-Lewis þykir sýna stórleik í There Will Be Blood, sem
byggir lauslega á skáldsögu eftir Upton Sinclair sem kom út
1927. Day-Lewis leikur gráðugan og kaldrifjaðan olíubarón sem
ásælist landareign Sunday-fjölskyldunnar. Myndin hefur verið
tilnefnd til átta Óskarsverðlauna. Jonny Greenwood, gítarleikari
Radiohead, semur tónlistina í myndinni.
Leikstjóri: Paul Thomas Anderson (Boogie Nights, Magnolia)
Aðalhlutverk: Daniel Day-Lewis, Ciarán Hinds og Paul Dano.
Dómur IMDB: 8,8/10.
27 DRESSES
Í þessari rómantísku gamanmynd fer Katherine Heigl (úr
sjónvarpsþáttunum Grey´s Anatomy) með hlutverk stúlku sem
hefur verið brúðarmær 27 sinnum. Þegar hún verður ástfang-
inn af tilvonandi mági sínum vandast málið heldur betur.
Leikstjóri: Anne Fletcher (Step Up).
Aðalhlutverk: Katherine Heigl, James Marsden og Brian
Kerwin.
Dómur IMDB: 6,5/10.
AWAKE
Þessi sálfræðitryllir fjallar um mann sem vaknar upp í miðri
hjartaskurðaðgerð án þess að geta hreyft legg né lið eða tjáð
sig. Á sama tíma þarf eiginkona hans að taka ýmsar erfiðar
ákvarðanir og takast á við persónuleg vandamál.
Leikstjóri: Joby Harold.
Aðalhlutverk: Jessica Alba, Hayden Christensen og Lena Olin.
Dómur IMDB: 6,6/10.
STEP UP 2 THE STREETS
Tveir dansnemendur af ólíkum uppruna fella hugi saman í
Maryland-listaskólanum. Þessi dansmynd er framhald Step Up
sem kom út fyrir tveimur árum og naut töluverðra vinsælda.
Leikstjóri: Jon Chu.
Aðalhlutverk: Briana Evigan og Robert Hoffman.
Dómur IMDB: 4,6/10.
FRUMSÝNDAR UM HELGINA
> FJALAKÖTTURINN Á STJÁ
Þrjár kvikmyndir
verða sýndar á vegum
kvikmyndaklúbbsins
Fjalakattarins í Tjarnarbíói
á sunnudaginn. Meðal
þeirra eru Joy Division
og króatíska kvikmyndin
Put Lubenica. Nánari
upplýsingar má nálgast
á heimasíðu klúbbsins,
filmfest.is.
ENGAR STJÖRNUR
Ekki er reiknað með
að aðalleikarar nýjustu
Star Trek-myndarinn-
ar, þau Eric Bana og
Winona Ryder, komi
hingað til lands.
Hollywood-stjarnan Scarlett Johansson virðist ætla að feta í fótspor
læriföðurs síns, Woody Allen. Hin sérlundaði leikstjóri hefur varla
mátt gera kvikmynd á undanförnum árum án þess að Scarlett hafi
verið viðloðandi og nú hefur leikkonan unga ákveðið að hastla sér völl
á tónlistarsviðinu. Eins og Woody sem öllu jafnan
leikur á klarinett í djasssveit sinni.
Johansson hefur þannig opinberað að David Bowie
sé meðal gesta á fyrstu sólóplötu hennar, Anywhere
I Lay My Head, sem er væntanleg í maí. Á plötunni
syngur leikkonan eingöngu lög eftir Tom Waits en
aðrir gestir eru Nick Zinner úr rokksveitinni Yeah
Yeah Yeahs og Sean Antanaitis úr Celebration. Dave
Sitek, meðlimur hljómsveitarinnar TV on the Radio
sem kom á Airwaves árið 2003, hljóðritaði plötuna.
Annars hefur allt verið logandi á slúðursíðum
netsins að undanförnu vegna sögusagna um að
Scarlett og Natalie Portman hafi slegist á tökustað
myndarinnar The Other Boleyn Girl. Samleikari
þeirra Eric Bana hefur hins vegar komið þeim til
bjargar og sagði að leikkonurnar elskuðu hvor aðra.
Tekur lög Tom Waits
SCARLETT JOHANS-
SON Scarlett syngur
lög Tom Waits á
fyrstu sólóplötu
sinni.
Kynningarfundur Á fl ótta
Kynningarfundur um hlutverkaleikinn Á fl ótta verður haldinn í
dag, 21. febrúar, kl. 20:00 á Laugavegi 120.
Fundurinn er ætlaður öllum þeim sem áhuga hafa á að taka
þátt í leiknum sem og foreldum þeirra sem ekki hafa náð 18
ára aldri.
Næsti leikur verður haldinn helgina 1.–2. mars, skráning fyrir
22. febrúar.
Nánari upplýsingar fást hjá urkir@redcross.is og 545 0407.
Ungmennadeild Reykjavíkurdeild Rauða kross Íslands.