Fréttablaðið - 21.02.2008, Blaðsíða 10
10 21. febrúar 2008 FIMMTUDAGUR
AÐ UTAN
LÖGREGLUMÁL Fimmtán og sextán
ára drengir í fjórða flokki Hauka í
handbolta voru rændir þegar þeir
léku við Aftureldingu í Mosfellsbæ
á mánudagskvöldið. Hafði þeim
verið úthlutað búningsklefa í
kjallara íþróttamiðstöðvarinnar
vegna framkvæmda við aðra klefa.
Meðal þess sem var tekið voru
farsímar, iPod, iPhone, peningar
og fatnaður. „Þetta er öðrum til
varnaðar. Ég held að unglingar séu
orðnir kærulausir með þessa hluti
í dag,“ segir Kjartan Birgisson,
faðir eins drengsins.
Sigurður Guðmundsson,
íþróttafulltrúi í Mosfellsbæ, segir
málið upplýst. Um tvo utanbæjar-
menn og góðkunningja lögreglunn-
ar sé að ræða og hafi þeir komist
inn um bakdyr á húsinu. Þá segir
hann ætlast til að verðmæti séu
geymd í afgreiðslu og mörg skilti
segi til um það. - ovd
Þjófnaður í Mosfellsbæ:
Verðmætum
stolið úr klefa
STJÓRNSÝSLA Eftir símtal frá
umboðsmanni Alþingis ákvað for-
stjóri Fjármálaeftirlitsins (FME)
að afþakka hér eftir jólagjafir frá
þeim sem eftirlitið fylgist með.
Telur forstjórinn að umfjöllunin
hafi verið óheppileg og geti vakið
upp efasemdir um starfshætti eft-
irlitsins.
Umboðsmaður hefur í ljósi þessa
ákveðið að taka ekki móttöku gjaf-
anna til formlegrar athugunar að
eigin frumkvæði „að minnsta kosti
að sinni,“ eins og segir í bréfi hans.
Umboðsmaður mun þó fylgjast
með hvort slíkt endurtaki sig.
Um jólin komst í hámæli þegar
svokallaðir lykilstarfsmenn FME
tóku við tveimur rauðvínsflöskum
að jólagjöf frá Kaupþingi, en þeir
starfa meðal annars við að hafa
eftirlit með því fyrirtæki. Þótti for-
stjóra FME, Jónasi Friðrik Jóns-
syni, gjafirnar innan „eðlilegra
marka“ og taldi þær ekki skerða
dómgreind lykilstarfsmannanna.
Umboðsmaður vísar til reglna
viðskiptaráðherra um FME en í
þeim segir beinum orðum að starfs-
menn eftirlitsins megi ekki taka
við gjöfum frá eftir litsskyldum
aðilum, umfram það sem almennir
viðskiptamenn fái.
Björgvin G. Sigurðsson við-
skiptaráðherra tekur ekki afstöðu
til þess hvort reglur hafi verið
brotnar. Í svari ráðuneytisins til
Fréttablaðsins segir að málið hafi
verið rannsakað og að niður staðan
sé sú að reglurnar séu nægilega
skýrar.
Hins vegar muni ráðherra „í
þessu tilfelli sem hingað til, láta
forstjóra og formann stjórnar Fjár-
málaeftirlitsins um að meta það í
einstökum tilvikum hvort óheimilt
er að taka við gjöfum sem berast á
grundvelli þessara reglna“.
Ráðherra sagðist í viðtali við
Fréttablaðið í byrjun janúar ætla
að skoða hvort þessar reglur hefðu
verið brotnar og hvernig brugðist
yrði við því.
Þótt reglur séu nú þegar til fyrir
FME er tekið fram í svari ráðu-
neytisins að starfshópur semji
reglur um heimildir starfsmanna
ráðuneytisins og stofnana þess til
að þiggja gjafir og aðrar ívilnanir.
klemens@frettabladid.is
FME mun ekki taka
við fleiri jólagjöfum
Fjármálaeftirlitið hefur ákveðið að taka ekki við fleiri gjöfum frá þeim sem það
hefur eftirlit með. Umboðsmaður Alþingis rannsakar því ekki gjöf Kaupþings.
Viðskiptaráðherra tekur ekki afstöðu til þess hvort reglur hafi verið brotnar.
APAR AÐ LEIK Kalim-Alam, eins árs
siamang-api í dýragarðinum í San
Diego í Bandaríkjunum, sá kjörið tæki-
færi í leik sínum að nota sér höfuðið á
Karen, sextán ára gömlum orangút-
anapa í sama dýragarði, á flakki sínu
milli trjáa.
NORDICPHOTOS/AFP
1. gr.
Markmið reglnanna.
„Reglum þessum er ætlað að
tryggja hlutlægni við úrlausn verk-
efna Fjármálaeftirlitsins...“
3. gr.
Samskipti við eftirlitsskylda aðila.
„Stjórnarmönnum, forstjóra og
starfsmönnum er óheimilt að taka
við gjöfum eða annarri ívilnun
frá eftirlitsskyldum aðilum sem
ekki eru veittar viðskiptamönnum
almennt og eðlilegar geta talist.
- Sjá reglugerð 704/2001, sem fylgir
lögum 87/1998 um eftirlit með
fjármálastarfsemi.
REGLUR RÁÐHERRA
Vínið sem lykilstarfsmenn Fjár-
málaeftirlitsins fengu að gjöf frá
Kaupþingi var annars vegar Muga
Reserva árgerð 2003 og hins vegar
Torre Muga árgerð 2004, að því er
fjölmiðlafulltrúi FME greinir frá.
Flaska af hinu fyrrnefnda kostar
1.990 krónur í Áfengis- og tóbaks-
verslun ríkisins, en Torre Muga er
ófáanleg.
Lausleg leit á netinu leiddi í ljós að
netverð á Torre Muga er í Evrópu 54
til 55 evrur, tæpar 5.000 krónur.
7.000 KRÓNA GJÖF
BJÖRGVIN GUÐNI
SIGURÐSSON Ætlar
ekki að taka afstöðu
til þess hvort FME
hafi brotið reglur.
FRÉTTABLAÐIÐ/ANTON
Madrid til Barcelona
Tvær og hálf klukkustund
Fyrsta hraðlestin milli Barcelona
og Madrid á Spáni var tekin í
notkun í gær eftir miklar tafir. Nú
er hægt að ferðast á
tveimur og hálfri
klukkustund
milli borg-
anna.
Gatwick-flugvöllur í London
Búsettur á vellinum
Heimilislaus kokkur, Anthony
Delaney að nafni, hefur búið
á Gatwick-flugvelli í London í
þrjú ár. Delaney hefur hafst við í
suðurálmu flugvallarbyggingarinn-
ar, sofið þar og borðað og notað
hreinlætisaðstöðu, þrátt fyrir að
lögreglan hafi ítrekað haft afskipti
af honum.
Sprenging í Kaupmannahöfn
Fundu nýja gaslind
Sprenging varð á sólbaðsstofu í
Kaupmannahöfn í gærmorgun.
Tveir menn sáust hlaupa af vett-
vangi. Engan sakaði.
Rannsókn á láti Díönu
Leyniþjónustan neitar
Richard Dearlove, sem var yfir-
maður bresku leyniþjónustunnar
MI6 þegar Díana
prinsessa fórst í París
árið 1997, segir það
tóma fjarstæðu að
leyniþjónustan
beri ábyrgð á láti
hennar. Viða-
mikil rannsókn
stendur nú yfir
í Bretlandi á láti
Díönu.