Fréttablaðið - 21.02.2008, Blaðsíða 24
24 21. febrúar 2008 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 480
5.082 -0,76% Velta: 5.39 milljónir
HLUTABRÉF Í ÚRVALSVÍSITÖLU: Atorka 7,96 +0,76% ... Bakkavör
45,30 -1,52% ... Eimskipafélagið 29,30 -1,84% ... Exista 12,18 -2,09%
... FL Group 10,03 -1,57% ... Glitnir 18,15 -0,55% ... Icelandair 25,70
-1,53% ... Kaupþing 741,00 -0,40% ... Landsbankinn 28,30 -1,05%
... Marel 94,00 -0,32% ... SPRON 5,79 -1,03% ... Straumur-Burðarás
12,43 -0,80% ... Teymi 5,29 -0,38% ... Össur 91,60 +0,11%
MESTA HÆKKUN
ATL. AIRWAYS +1,81%
ATORKA +0,76%
365 +0,62%%
MESTA LÆKKUN
EXISTA -2,09%
EIMSKIPAFÉL. -1,84%
FL GROUP -1,57%
Undirmálsspá
Strax síðasta sumar bárust fréttir af því að Askar
Capital hefði tapað peningum vegna undirmál-
skrísunnar í Bandaríkjunum. Þegar Markaðurinn
náði tali af Tryggva Þór Herbertssyni, forstjóra
Askar Capital, í júli sagði hann þetta ekki alveg
rétt. Ávöxtun fjárfestinga yrði ekki jafn góð
og vonir stóðu til vegna fjárfestinga tengdum
undirmálslánum. „Samt er áætlað að ávöxtunin
á þeim hluta verði í kringum 20 prósent á
ári í dollurum, í stað 27 prósenta ávöxtunar
sem við reiknuðum upphaflega með,“ sagði
Tryggvi. Í uppgjöri Askar kemur fram
að gjaldfærsla vegna þessara
fjárfestinga nemi um 2,1 milljarði
króna á árinu 2007. Niðurstaðan
var því önnur en Tryggvi spáði
fyrir um en, honum til varnar,
varð niðursveiflan miklu
harðari en menn spáðu um
mitt síðasta ár.
Reynslubolti
Hinn þaulreyndi fundarstjóri Jakob Möller
hæstaréttarlögmaður stjórnaði aðalfundi Glitnis
í gær af mikilli festu. Jakob hefur stjórnað fund-
um FL Group og fleiri félaga enda mikilvægt að
rétt sé að öllu staðið þegar um er að ræða skráð
félög með þúsundir hluthafa. Rólegt var yfir
Glitnisfundinum nema þegar Vilhjálmur
Bjarnason bar fram spurningar um
kaupréttarsamninga við stjórnendur
Glitnis. Fékk Vilhjálmur sanngjarna
meðferð en taldi þó spurningum
ekki nægilega vel svarað. Fráfarandi
stjórnarformaður sagði stjórnina
einungis gera kaupréttarsamning
við forstjóra en yfirstjórn sæi um
kaupréttasamninga við æðstu
stjórnendur. Þeir samningar
væru hluti af launakjörum
og því trúnaðarmál milli
starfsmanns og bankans.
Peningaskápurinn ...
„Við erum að skoða yfirtöku á
matvælafyrirtæki í Evrópu,“ segir
Xavier Govare, forstjóri Alfesca.
Hann vill ekki segja til um hve-
nær frekari fregna af henni sé að
vænta. Þá segir hann hugsanlegt
að Alfesca kaupi dreifingarfyrir-
tæki á Ítalíu á árinu.
Alfesca tilkynnti síðasta haust
að viðræður væru hafnar um kaup
á breska matvælafyrirtækinu
Oscar Mayer. Áreiðanleikakönnun
var lokið í nóvember og stóð til að
semja um verð þegar ákveðið var
að fresta áætlunum þar til drægi
úr óróleika á mörkuðum og hrá-
efnisverð tæki að lækka.
Govare vildi ekki segja nánar
til um fyrirtækið sem nú sé til
skoðunar, hins vegar geti svo farið
að Alfesca kaupi á næstu mánuð-
um ítalskt dreifingarfyrirtæki.
„Ítölum líkar innfluttur matur og
því borgar sig ekki að opna mat-
vælafyrirtæki undir okkar merkj-
um þar. Hagkvæmara er að flytja
vöruna þangað og dreifa henni
sjálfur,“ segir hann. - jab
XAVIER GOVARE Forstjóri Alfesca segir
fyrirtækið vera að skoða yfirtöku á
matvælaframleiðanda í Evrópu og dreif-
ingarfyrirtæki á Ítalíu. FRÉTTABLAÐIÐ/VILHELM
Skoða yfirtöku í Evrópu
MARKAÐSPUNKTAR
Byggingavísitalan hækkaði um 1,3
prósent frá því í janúar. Vísitalan
hefur hækkað um tæp fimm prósent
undanfarna tólf mánuði. „Hækkunin
nú er einkum vegna hækkunar á
verði byggingarefnis,“ segir Guðrún R.
Jónsdóttir, deildarstjóri vísitöludeildar
Hagstofunnar.
Greiðslukortavelta í janúar nam tæp-
lega 29 milljörðum króna, sem er um
fimmtungs aukning frá sama mánuði
í fyrra, að því er fram kemur í nýjum
tölum frá Seðlabanka Íslands. Miðað
er við úttektartímabilið sem hófst 18.
desember.
Debetkortavelta í janúar var 31,5
milljarðar króna sem er óbreytt frá
sama mánuði í fyrra, en samdráttur
um næstum því fjórðung miðað við
desember.
Ráðdeild í rekstri er forsvars-
mönnum Glitnis ofarlega í huga
um þessar mundir. Aðalfundur
bankans var
haldinn í gær.
Þorsteinn
Már Baldvins-
son, nýkjörinn
stjórnarmaður
Glitnis, sagði
undir liðnum
önnur mál að
tími hagræð-
ingar, ráðdeild-
ar og sparnað-
ar væri
framundan hjá
bankanum.
Glitnir ætti að vera leiðandi í því
að skera niður kostnað svo hlut-
hafar og viðskiptavinir gætu vel
við unað. Tillaga hans um að
lækka þóknun til stjórnarmanna
væri lýsandi um að stjórnin væri
ekki undanskilin aðhaldi.
„Sjónum er beint að kostnaði til
að aukinn hluti af tekjum bankans
skili sér til ykkar, hluthafa bank-
ans,“ sagði jafnframt Lárus Weld-
ing, forstjóri Glitnis. Hann vék
einnig orðum að háu skuldatrygg-
ingarálagi á bréf íslensku bank-
anna og kvaðst sammála því að
það endurspegli ofmat á áhættu
tengdri rekstri bankanna.
Fráfarandi stjórnarformaður,
Þorsteinn M. Jónsson, hafði einn-
ig orð á því yfir yfirliti sínu um
starfsemi bankans á liðnu ári að
áherslan væri nú á að draga úr
kostnaði. Hluti af aðgerðum í þá
veru segir hann sameiningu starf-
semi bankans í Noregi undir
merkjum Glitnis sem gengur í
garð um næstu mánaðamót. „Árið
2007 var hins vegar almennt gott,
þrátt fyrir skakkaföll í ytra
umhverfi,“ sagði hann í ræðu
sinni.
Vilhjálmur Bjarnason fjárfestir
gerði athugasemd við uppkaup
hlutabréfa Bjarna Ármannssonar,
fyrrverandi forstjóra Glitnis,
vegna starfsloka hans í fyrra, en í
yfirlýsingu sem stjórn bankans
sendi frá sér í gær er áréttað að
starfslokin og viðskipti þeim
tengd hafi verið í samræmi við
heimildir stjórnar. - óká
ÞORSTEINN MÁR
BALDVINSSON
Á AÐALFUNDI Lárus Welding forstjóri
og Þorsteinn M. Jónsson, fráfarandi
stjórnarformaður Glitnis, höfðu báðir orð
á að áhersla væri nú á ráðdeild í rekstri
bankans. FRÉTTABLAÐIÐ/RÓSA
Ráðdeild og sparnaður framundan
„Þetta eru viðbrögð okkar við
óskum bankanna um að stjórn-
völd taki að sér forystu og sam-
ræmingarhlutverk,“ segir Bolli
Þór Bollason, ráðuneytisstjóri í
forsætisráðuneytinu.
Finnur Sveinbjörnsson, fyrr-
verandi forstjóri Icebank, hefur
verið fenginn til þess að ræða við
bankamenn og ýmsa hagsmuna-
aðila fyrir hönd forsætisráðu-
neytisins. Tilefnið er slæm staða
á mörkuðum, lausafjárskortur,
hátt skuldatryggingarálag
íslenskra banka og ímynd íslensks
efnahagslíf ytra.
Skammt er síðan helstu forystu-
menn íslenskra banka hittu for-
sætisráðherra og utanríkisráð-
herra, til að ræða stöðuna. Eftir
því sem næst verður komist hefur
Finnur þegar rætt við bankamenn,
en enn sem komið er hafa engar
tillögur komið fram. - ikh
Brú til bankanna
Skuldatryggingarálag bank-
anna ræðst af stemningu á
fjármálamarkaði og er úr
samhengi við undirliggjandi
rekstur, segir forstöðumað-
ur í erlendri fjármögnun hjá
Landsbankanum. Í Financ-
ial Times var fjallað um
stöðuna á fjármálamörk-
uðum og íslensku bankana.
Stjórnarformaður Kaup-
þings, átelur sérfræðing
Saxo Bank fyrir „heimsku-
legar“ ályktanir af skulda-
tryggingarálagi Kaupþings.
Mun hærra skuldatryggingarálag
íslensku viðskiptabankanna en
sambærilegra banka í Evrópu
hefur verið til umfjöllunar í erlend-
um miðlum síðustu daga. Vegna
álagsins eru fjármögnunarleiðir
með skuldabréfaútgáfu í raun lok-
aðar íslensku bönkunum, segir í
grein tveggja sérfræðinga í lána-
ráðgjöf sem birt var í Financial
Times á mánudag.
Danska viðskiptablaðið Börsen
birti svo í gær viðtal við yfirmann
greiningardeildar Saxo Bank þar
sem hann dró þá ályktun út frá háu
skuldatryggingarálagi á bréf Kaup-
þings að bankanum væri hættara
við gjaldþroti en nokkru sinni. Í
viðtali við Sigurð Einarsson, stjórn-
arformann Kaupþings, sem birtist
á vef Börsen í gær, segir hann
ályktun greinandans óverjandi og
úr lausu lofti gripna. „Greinandinn
er annað hvort heimskur eða þekk-
ir ekkert til íslensku bankanna.
Ekki þarf annað en heimsækja
heimasíðu okkar til að sjá lykiltöl-
ur úr rekstri Kaupþings,“ segir
hann við Börsen.
Neikvæðar fregnir af íslensku
bönkunum geta hins vegar dregið á
langinn að úr rætist varðandi
skuldatryggingarálagið. Matthías
P. Einarsson, forstöðumaður í
erlendri fjármögnun hjá Lands-
bankanum, segir rétt að ekki sé
fýsilegt fyrir bankana að fjár-
magna sig á þeim kjörum sem nú
bjóðist. „Og horfur eru þannig á
markaði núna að ástandið gæti átt
eftir að versna áður en það batnar,“
segir hann, en áréttar um leið að
íslensku bankarnir séu vel í stakk
búnir til að bíða af sér áhrif fjár-
málaóróleikans. Hann segir suma
evrópska banka, svo sem spænska,
ítalska og írska, ekki standa betur
en þá íslensku þegar kemur að fjár-
mögnun, þótt það endurspeglist
ekki með sama hætti í skuldatrygg-
ingarálagi þeirra. Hann bendir á að
spænskir bankar séu nú nánast ein-
göngu fjármagnaðir í gegn um
Seðlabanka Evrópu.
Matthías segir „íslenska álagið“
svonefnda úr samhengi við grunn-
rekstur bankanna og í raun endur-
spegla stemningu á mörkuðum.
Þannig virðist neikvæðar fregnir
úr fjármálalífi heimsins skila sér í
hækkuðu álagi á íslensku bankana
jafnvel þótt þær snerti þá ekki
neitt. Nýleg afskrift Credit Suisse
vegna undirmálslána hafi þannig
orðið til þess að 10 punktar hafi
bæst við skuldatryggingarálag
svissneska bankans, en 30 til 40 á
íslensku bankana.
Miðlarar á alþjóðlegum fjár-
málamörkuðum segir hann að
horfi til smæðar íslenska hagkerf-
isins og ójafnvægis í hagstærðum
og túlki sem áhættuþátt í rekstri
bankanna. Góðar fréttir af rekstri
þeirra og uppgjör segir hann svo
gleymast jafnskjótt og skugga beri
einhvers staðar annars staðar á.
„Góðar fréttir eru eins og að
skvetta vatni á gæs meðan vondar
fréttir lifa og hafa áhrif,“ segir
hann og telur tæpast von á að þessi
stemning breytist fyrr en sjái til
botns í lausafjárkrísunni.
olikr@frettabladid.is
Á VIÐSKIPTAÞINGI Sigurður Einarsson, stjórnarformaður Kaupþings (lengst til hægri),
gagnrýndi harðlega dómsdagsspá sem greinandi Saxo Bank í Danmörku setti í gær fram
um Kaupþing, vegna hás skuldatryggingarálags á bréf bankans. Hann segir greinandann
annaðhvort heimskan, eða illa upplýstan um stöðu íslensku bankanna. FRÉTTABLAÐIÐ/GVA
Góðar fregnir eru
eins og vatn á gæs