Fréttablaðið - 21.02.2008, Blaðsíða 72

44 21. febrúar 2008 FIMMTUDAGUR
maturogvin@frettabladid.is
Blómaval hefur undanfarin ár staðið
fyrir námskeiðum fyrir þau fermingar-
börn, og foreldra þeirra, sem vilja baka
kransakökur sínar sjálf fyrir stóra
daginn. Námskeiðin eru þegar farin af
stað en það síðasta verður haldið
laugardaginn 8. mars, og þá á Kaffi
Edinborg á Ísafirði.
Halldór Kr. Sigurðsson konditor-
meistari leiðbeinir á námskeiðinu, þar
sem þáttakendur munu gera sína eigin
40 manna köku. Hana er svo hægt að
frysta þar til að fermingardegi kemur.
Námskeiðin taka um tvær og hálfa
klukkustund. Nánari upplýsingar um
námskeiðin og skráningu er hægt að
finna á vef Blómavals, blomaval.is, en
þátttökugjald er 4.990 krónur.
Eigin kransakaka
Franski rétturinn soufflé var afar
vinsæll á árum áður, sama hvort
um ostafrauð eða sætt frauð í eftir-
réttinn var að ræða. Þó að margar
hryllingssögur séu til af frauði sem
fellur saman á örskotsstundu stend-
ur soufflé þó enn fyrir sínu. Þessa
uppskrift að súkkulaðifrauði má
finna á síðunni taste.com.au, en
henni er ætlað að vera auðvelt að
fylgja.
Hitið ofninn í 220°C. Smyrjið tvö
300 ml frauðform með smjöri og
þekið botn og hliðar með strásykri.
Kælið í 15 mínútur.
Bræðið súkkulaði og rjóma
saman í potti yfir lágum hita, hrær-
ið þangað til blandan er jöfn. Takið
af hitanum. Hrærið 2 eggjarauðum
og koníaki saman við, breiðið yfir
pottinn og látið standa í allt að 2
tíma.
Þeytið eggjahvíturnar þar til stíf-
ar, bætið sykri út í og þeytið áfram.
Ef súkkulaðið er kalt, hitið varlega
og blandið eggjunum varlega
saman við.
Hellið í formin, ekki alveg upp að
brúninni. Bakið í 8-10 mínútur, þar
til frauðið hefur lyft sér. Stráið flór-
sykri yfir og berið fram samstund-
is.
Soufflé fyrir sálina
SÚKKULAÐISOUFFLÉ Sætt súkkulaði-
soufflé ætti að gleðja margar sálir á
þessum árstíma. NORDICPHOTOS/GETTY
> Ekki gleyma...
...valhnetunum, þó að jólin séu
löngu liðin. Þær eru enn þá
ljúffengar og tilvalin viðbót í hin
ýmislegustu salöt. Svo eru þær
líka stútfullar af hollum ómega-3
fitusýrum.
Súkkulaðifrauð fyrir 2
Lint smjör, til að smyrja form
½ msk. strásykur + auka til að þekja form
90g gott, dökkt súkkulaði
75 ml rjómi
2 egg, hvítur og rauður aðskildar
1 eggjahvíta
1 msk. koníak
Flórsykur
NÁMSKEIÐ Í KRANSAKÖKU-
GERÐ Blómaval stendur fyrir
námskeiðum í kransaköku-
gerð fyrir fermingarbörn og
foreldra þeirra.
FR
ÉT
TA
B
LA
Ð
IÐ
/V
A
LL
I
Hvaða matar gætirðu síst verið án?
Ætli mér þætti ekki erfitt að hætta að borða brauð með
lífrænu hnetusmjöri og sultu.
Besta máltíð sem þú hefur fengið:
Ég hugsa oft um indversku máltíðina sem ég fékk í
Prag árið 1990, þegar ég var á Interrail-ferðalagi. Það
var ekkert langt síðan að landamærin voru opnuð og
búðirnar allar hálftómar. Eini maturinn sem var í boði
voru hráir hamborgarar í götuskýlum. Eftir þrjá daga
fundum við indverskan stað, og ég held að við höfum
setið við málsverðinn í svona 5 tíma. Ég man eftir metr-
aháum stöflum af nan-brauði.
Er einhver matur sem þér finnst vondur? Eini
maturinn sem ég man eftir að hafa átt erfitt með var
sagógrjónagrautur í leikskólanum.
Leyndarmál úr eldhússkápnum:
Mér finnst rosalega gaman að baka og er mikið fyrir
dökkt súkkulaði. Ég nota varla súkkulaði án þess að
setja smá viskí út í, það virkar alltaf.
Hvað borðar þú til að láta þér líða betur? Latte með
góðu dökku súkkulaði.
Hvað áttu alltaf til í ísskápnum?
Sítrónu og hvítlauk.
Ef þú yrðir föst á eyðieyju, hvað tækirðu
með þér? Ef við gefum okkur að það sé
ísskápur á eyjunni myndi ég taka með mér
kassa af hrísmjólk með kanilsósu, ég hef
þrifist ansi vel á henni síðasta árið.
Hvað er það skrýtnasta sem þú hefur
borðað? Ostrur. Ég fékk þær fyrst á enska
markaðnum í Cork á Írlandi. Mér fannst þær
mjög skrýtnar, sérstaklega þegar ég var búin
að borða þrjár og einhver sagði að þær væru
eiginlega lifandi.
MATGÆÐINGURINN MARGRÉT SIGURÐARDÓTTIR SÖNGKONA
Indversk máltíð í tómri Prag minnisstæð
Í Norræna húsinu stendur nú yfir matarhá-
tíðin Kræsingar og kæti. Þar er nýrri nor-
rænni matargerðarlist gert hátt undir höfði
með viðamikilli dagsskrá.
Kræsingar og kæti er einn angi hinnar vinsælu
matarhátíðar Food and fun, að sögn Ragnheiðar Har-
vey, fjölmiðlafulltrúa Norræna hússins. „Þar sem
Food and fun leggur mikla áherslu á norrænar
matvörur og matargerð er tilvalið að við séum aðilar
að þessu líka. Við stöndum nú einu sinni fyrir því að
kynna það sem er áhugavert á Norðurlöndunum,“
segir hún.
Stærsta Food and fun-hátíðin frá upphafi var opnuð
í Norræna húsinu í gær, en þetta er í fyrsta sinn sem
Ný norræn matargerðarlist verður kynnt á hátíð-
inni. Svo heitir samstarfsverkefni Norðurlandaráðs
sem leggur áherslu á að tengja fyrsta flokks
matargerðarlist við hreint og ferskt hráefni
norðurslóða, sjálfbærni, heilsu, gildismat og
menningu Norðurlanda.
Matarhátíðinni í Norræna húsinu lýkur á sunnu-
dag, en af nógu er að taka þangað til. Norræna húsið
býður upp á viðamikla fyrirlestradagskrá, og frá og
með morgundeginum býðst gestum líka að skoða
vörusýningu í kjallara hússins, þar sem hægt er að
bragða á kræsingum frá Íslandi, Svíþjóð, Noregi og
Danmörku. „Aðaláherslan þar er á lífrænar og
vistvænar vörur, og það er margt spennandi að sjá,“
segir Ragnheiður.
Af fyrirlestrum og öðrum viðburðum má til dæmis
nefna matarinnsetningu frá finnsk-sænskum hjónum
sem kynntar verða klukkan þrjú í dag og á morgun.
„Þau gera matarinnsetningar úr matvörum sem síðan
er hægt að borða. Önnur innsetningin kallast Norður-
ljós, og henni fylgir sérsamin tónlist,“ útskýrir
Ragnheiður. Þá er boðið upp á smökkun á epla-cider,
víni og norrænum bjór. Aldurstakmark og aðgangs-
eyrir er á þá viðburði en aðrir fyrirlestrar eru opnir
öllum. Miðar á matarsýninguna kosta 1.200, og þá er
hægt að nálgast á miði.is. Nánari upplýsingar um
viðamikla dagskrá hátíðarinnar er að finna á heima-
síðu Norræna hússins, www.nordice.is.
sunna@frettabladid.is
Norræn matargerð í fókus
KRÆSINGAR OG KÆTI Þeir Einar K. Guðfinnsson, landbúnaðar-
og sjávarútvegsráðherra, og Össur Skarphéðinsson iðnað-
arráðherra voru viðstaddir opnun Food and fun í Norræna
húsinu í gær, en þar stendur nú yfir viðamikil matarhátíð að
nafni Kræsingar og kæti.
FOOD AND FUN Um fjörutíu kokkar frá tíu löndum taka þátt í stærstu Food and fun-hátíð frá upphafi. FRÉTTABLAÐIÐ/GVA