Réttur - 01.06.1952, Side 38

166
RÉTTUR
kveðum við að kjósa 3ja manna nefnd til að vinna að því
að þeir verði aftur teknir í vinnu og munum neyta þess
ítrasta til að svo megi verða“.
Tillögu þessa undirrituðu 35 sveinar er staddir voru á
fundinum. Einnig var kosin 3ja manna nefnd til að starfa
á grundvelli tillögunnar.
Þetta kvöld var haldinn f jölmennur fundur í Félagi járn-
iðnaðarmanna. Urðu þar miklar umræður um málið og
hnigu ræður manna þar mjög í sömu átt: Fordæmingar á
uppsögnunum. Þó virkaði það dálítið hjáróma, að ýmsum
fannst, þegar fyrrv. formaður félagsins, íhaldsmaðurinn
Sigurjón Jónsson setti hnjóð í sjóm þess fyrir að boða
strax til þessa fundar. Taldi hann það óþarfa fljótfæmi,
að boða til félagsfundar svo fljótt, út af málinu. Fannst
eiginlega ekki liggja fyrir nægar upplýsingar um það!
Eftirfarandi mótmæli samþykkti fundurinn samhljóða:
„Fundur haldinn í Félagi jámiðnaðarmanna þriðjudag-
inn 9. september 1952, mótmælir harðlega þeirri tilhæfu-
lausu uppsögn þriggja starfsmanna í Vélsmiðjunni Héðni
h f., sem allir em trúnaðarmenn Félags járniðnaðarmanna,
þeirra Jónasar Hallgrímssonar, Kristins Ág. Eiríkssonar
og Snorra Jónssonar.
Fundurinn lítur á þessar uppsagnir sem ógnun gagn-
vart Félagi járniðnaðarmanna og öðram verkalýðsfélögum
í landinu og krefst þess að þeir verði tafarlaust teknir
aftur til vinnu“.
Á fundinum var einnig kosin 3ja manna nefnd til að eiga
viðræður við forstjóra Héðins og flytja honum kröfur 'fé-
lagsins irm að taka hina brottreknu strax til vinnu aftur.
1 nefnd þessa urðu sjálfkjörnir þeir: Kristian M. Huseby,
Sigurjón Jónsson (kendur við Stálsmiðjuna, til aðgreining-
ar frá fyrrv. formanni), og Loftur Árnason.
Auk þessa samþ. fundurinn að fela stjóm félagsins, að
leita til Alþýðusambands íslands og Fulltrúaráðs verka-
lýðsfélaganna í Reykjavík, um stuðning í málinu.