Réttur - 01.01.1953, Qupperneq 24

24
RÉTTUR
mannkynssögunnar, bundu enda á auðvaldsskipulagið í landi voru,
og héldu inn á nýjar brautir, brautir sósíalismans.
Félagi Stalin hélt uppi merki Leníns, bætti sífelt um kenningar
hans og jók við þær, og varpa þær nú ljósi á veg flokksins og
Ráðstjórnarríkjanna, Stalín stýrði landi voru til hins sögulega
sigurs sósíalismans sem afnam arðrán manns á manni í fyrsta sinni
í hinni árþúsunda gömlu sögu mannsins.
Lenín og Stalín reistu af grunni fyrsta ríki verkamanna og bænda
í heimi, Ráðstjórnarríki vor. Stalín unni sér engrar hvíldar við
að efla ríki vort. Máttur og megin ríkis vors er aðalforsenda þess
að oss takist að koma á sameignarstefnunni í landi voru.
Það er heilög skylda vor að halda áfram með óþreytandi elju
að efla og styrkja í hvivetna hið sósíalistiska ríki vort, vígi friðar
og öryggis þjóðanna.
Nafn Stalíns er tengt lausn eins hins flóknasta vanda í þróunar-
sögu mannfélagsmálanna — þjóðernismálsins. Félagi Stalín, hinn
mikli vísindamaður í þjóðemismálum, afnam í fyrsta skipti í ver-
aldarsögunni hina aldagömlu úlfúð á milli þjóða, og það meira að
segja í afar víðlendu fjölþjóðaríki. Undir leiðsögn félaga Stalíns
heppnaðist flokki vorum að lyfta þjóðum sem áður voru kúgaðar
upp úr fjárhagslegri og menningarlegri ófremd, að steypa saman
í eina bróðurlega fjölskyldu hinum mörgu þjóðum Ráðstjórnar-
ríkjanna og ríða óleysanlega vináttubönd þeirra.
Það er heilög skylda vor að efla vináttu og einingu þjóða ráð-
stjórnarlandanna, að styrkja enn ráðstjórnarríki hinna mörgu
þjóðerna. Þegar slík vinátta ríkir á meðal þjóða lands vors þurfum
vér enga óvini að óttast, hvorki innlenda né erlenda.
Undir leiðsögn félaga Stalíns sjálfs, myndaðist, óx og dafnaði
Ráðstjórnarherinn. Félagi Stalín hafði sífellt vakandi áhuga á þvi
að auka varnarmátt landsins og efla herliðið. Undir forustu hins
mikla fyrirliða, Stalíns hershöfðingja, vann Ráðstjórnarherinn
hinn sögulega sigur í annarri heimsstyrjöldinni, og frelsaði þjóðir
Evrópu og Asíu frá yfirvofandi þrældómi fasismans.
Það er heilög skylda vor að efla til hins ýtrasta hinn volduga
liðsafla Ráðstjómarríkjanna. Hann verðum vér jafnan að hafa
vígbúinn svo að takast megi að veita óvinunum nábjargirnar
tafarlaust.
Fyrir óþreytandi vinnu félaga Stalíns og í samræmi við áætlanir
hans breytti flokkur vor landi sem fyrrum var aftur úr öllum' í
voldugt iðnaðar- og samyrkjuveldi, og skapaði nýtt hagkerfi þar
sem kreppur og atvinnuleysi eru ekki til.