Réttur - 01.01.1953, Page 69

RÉTTUR
69
korninnflutningi Vestur-Evrópu frá Bandaríkjunum en nú 80%,
af fóðurkornsinnflutningnum 8% en nú 47%, af olíu- og feitiinn-
flutningnum 7% en nú 20%, af sykurinnflutningnum 40% en nú
78 og þannig mætti lengi telja. Á sama tíma hafa þau af fremsta
megni torveldað allan innflutning til landsins. Árið 1947 gerðu
Bandaríkin tollsamning við nokkur önnur auðvaldsríki. Þessi
samningur var á þann veg, að þessi ríki stórlækkuðu tolla á
innflutningi sínum frá Bandaríkjunum, en þau hétu aftur
smávægilegum tollaívilnunum á móti. Þrátt fyrir það hve
samningur þessi var hagkvæmur Bandaríkjunum nægðí þeim
hann þó ekki og fengu honum þegar á næsta ári breytt enn meir
sér í hag. Nær því samtímis tóku þau að svíkja þennan samning,
settu m. a. beint innflutningsbann á ýmsar vörutegundir, sem
þau höfðu heitið að ívilna, en stórhækkuðu tolla á öðrum. I krafti
hnefaréttarins hélzt Bandaríkjunum þetta uppi. Á síðast-
ljðnu hausti var háð þing þeirra þjóða, er stóðu að þessum toll-
samningi, og virðist svo af ummælum ýmsra þar að nú væri mál
að linni. Ástralski fulltrúinn sagði m. a. að Bandaríkin hefðu árið
1947 lofað að lækka tolla á smjöri frá Ástralíu, Nýja Sjálandi og
Danmörku. Þrátt fyrir þetta loforð hefðu hvorki Ástralía né Nýja
Sjáland getað selt eitt einasta kíló af þessari vörutegund til
Bandaríkjanna. Fulltrúar fimm landa, þeirra er nefnd hafa verið,
og auk þess Hollands og Belgíu lýstu því opinberlega yfir, að
Bandaríkin hefðu hreinlega svikið gerða samninga.
Aðrir fúlltrúar ákærðu Bandarikin fyrir að beita þeirri aðferð
að selja vörur út úr landinu við lægra verði en eðlilegt væri og
þá með styrk frá bandarísku stjórninni. Þannig lýsti bæði gríski
og tyrkneski fulltrúinn því yfir, að Bandaríkin hefðu sölsað undir
sig rúsínumarkað þessara landa, með því að hagnýta þessa „dump-
ing“-aðferð. Þá kom það og fram, að Bandaríkin neyddu þær
þjóðir, sem nytu „aðstoðar" þeirra til að flytja inn vörur, sem
i ríkum mæli væru framleiddar í löndunum sjálfum. Þannig væru
ýms Vestur-Evrópulönd látin flytja inn frá Bandaríkjunum epli
og perur, Italía látin flytja inn makkaroni, Suður-Evrópa rúsínur,
Holland kartöflur.
í sambandi við samkeppnina á milli auðvaldsríkjanna koma
Bandaríkin enn við sögu og á einkar táknrænan hátt. Sem kunnugt
er áttu þau meðal annarra i styrjöld við Japan og Þýzkaland fyrir
örfáum árum. í dag byggja bandarísku auðhringarnir af ofurkappi
upp framleiðslutækni Vestur-Þýzkalands og Japans, en fyrirmuna
þeim um leið að eiga nokkur viðskipti við sósíalistisku ríkin.