Réttur - 01.07.1974, Page 8

LtlÐVlK JÓSEPSSON:
HVERS VEGNA
VAR EKKI MYNDUÐ NÝ
VINSTRI STJÓRN?
Hvað var það sem olli því, að Ólafur Jóhannesson sleit viðræðunum um vinstri
stjórn og sneri sér samstundis til Sjálfstæðisflokksins og myndaði síðan á nokkrum
dögum rikisstjórn undir forsæti Geirs Hallgrímssonar?
Greinarhöfundur leitast við að svara þessum spurningum í eftirfarandi grein. Lúð-
vík kynnir þar þær tillögur sem fram voru lagðar í viðræðunum um myndun vinstri
stjórnar, og greinir frá viðbrögðum viðsemjenda Alþýðubandalagsins. Sérstaklega er
fjallað um þátt Gylfa Þ. og Ólafs Jóhannessonar í því að koma í veg fyrir árangur.
Hér fjallar Lúðvík um efni, sem allir vinstri menn verða að kynna sér.
ÞÁTTUR GYLFA
OG ALÞÝÐUFLOKKSINS
I upphafi viðræðnanna um myndun nýrrar
vinstri stjórnar stóðu málin þannig, að 30
þingmenn stjórnarflokkanna þriggja áttu
samkvæmt yfirlýsingum í síðustu kosningum
að standa örugglega með nýrri vinstri stjórn.
Óvissan í málinu var um Alþýðuflokkinn,
sem hafði verið í stjórnarandstöðu og yfir-
leitt í nánu samstarfi við íhaldið.
Afstaða Gylfa var öllum ljós. Hann fagn-
aði þeim úrslitum kosninganna að vinstri
stjórnin hafði ekki lengur meirihluta, og
hann taldi strax sjálfsagt, að Geir Hallgríms-
son formaður Sjálfstæðisflokksins reyndi nú
stjórnarmyndun.
Myndun nýrrar vinstri stjórnar með Gylfa
Þ. Gíslasyni leit því ekki vel út í fyrsm. En
það sem breytti málinu varðandi Alþýðu-
flokkinn var það, að mikill meirihluti í
flokksstjórn hans hafði samþykkt, að flokk-
urinn skyldi breyta um afstöðu og taka þátt
í vinstri stjórn, en snúa sér algjörlega frá
Sjálfstæðisflokknum. Þessi samþykkt í flokks-
stjórn Alþýðuflokksins gjörbreytti stöðunni
varðandi stjórnarmyndun og í rauninni átti
hún að þýða að íhaldsstjóm kæmi ekki til
greina og að vinstri stjórn hlyti að verða
mynduð, þó að það kynni að taka nokkurn
tíma.
Þegar til samninga-viðræðna kom við Al-
þýðuflokkinn um þátttöku í vinstri stjórn,