Réttur - 01.01.1983, Page 39

/ s
Al-hringurinn arðrænir Island
Á land vort aftur að verða nýlenda erlendra einokunarherra?
Alusuisse, — eins og svissneski aluminiumhringurinn kallar sig, — er
einn af 150 stærstu auðhringum heims utan Bandaríkjanna. Og raunar er
hann ríkari en hagskýrslur Sviss sýna, því hann á ítök út um allan heim í
hverskonar fyrirtækjum. — Þessi einokunarhringur hefur nú þegar náð
hættulegum tökum hér á íslandi. Og svo furðulega vill til að erindrekar
þeir, sem þessi einokunarhringur hefur eignast hér, hrópa hæst um „frjálsa
verslun“ í stað þess að beina spjótum sínum að arðráni einokunarhringsins.
Sá hættulegi samningur, sem gerður var
við þennan hring af Ihaldi og Alþýðu-
flokki 1966 gegn atkvæðum Alþýðu-
bandalags og Framsóknar, sýnir æ betur
að nauðsyn er á harðvítugri baráttu við
hringinn fyrir þjóðfrelsi og efnahagslegum
hagsmunum þjóðarinnar, ef þessum auð-
hring á ekki að takast að festa sig hér í
sessi og hagnýta æ meir í sína þágu
íslenskar auðlindir og afrakstur þeirra, en
ýta íslendingum til hliðar, — gera þá að
„kotkörluin“ í eigin landi, er borga skulu
of fjár, svo hringurinn megi græða.
Hefur hringurinn nú þegar sýnt hvernig
hann arðrænir ísland og íslendinga á þeim
tíma, sem hann hefur starfað hér: nýtt
eina dýrmætustu auðlind íslendinga, raf-
orkuna, og greitt smánarlega lágt verð
fyrir og fest sér það með samningnum til
25 ára.
Á meðfylgjandi teikningu sést hvað
íslenskar rafveitur verða að borga — og
hve ódýrt einokunarhringurinn fær raf-
magnið.
Það kemur til með að sjást í þessum
kosningum hvort hægt sé að svínbeygja
Islendinga undir arðrán einokunarhrings
á ný og láta almenning borga. — Það er
ekki nóg að kvarta undan háu raforku-
verði, en kjósa svo þræla einokunar-
hringsins á þing — og nú hefur Framsókn
bæst í þann hóp. Þannig hefur henni
hrakað frá 1966, er hún þorði þó að
andæfa!
En einokunarhringurinn hefur snúið á
íslendinga á fleiri sviðum:
39