Réttur - 01.01.1983, Blaðsíða 42

raunverulegar aðgerðir er fólust í þeirri
„endurskoðun“.
Alþýðubandalagið reyndi að skapa
víðtæka pólitíska samstöðu um sjónar-
mið og hagsmuni íslendinga gegn Alu-
suisse. En íhald og Framsókn ganga
opinberlega Alusuisse á hönd á Alþingi
og reyna að taka málið úr höndum
Alþýðubandalagsins. Varð þá að af-
hjúpa íslensku aðilana, sem að „endur-
skoðuninni“ stóðu, svo þjóðin sæi
hvernig staðið hefði verið að verki, er
hagsmunir hennar voru í veði. Við þá
afhjúpun kom í ljós að Alusuisse sam-
þykkti að hækka raforkuverðið 1975
með því skilyrði að ríkissjóður greiddi
Landsvirkjun raforkuna með samsvar-
andi skattalækkun. Á þetta féllust ís-
lensku samningamennirnir! Þessi niður-
staða heitir á íslensku kaup kaups.
(Englendingurinn kallar það „give and
take“.)
Aldrei hafði verið skýrt frá þessum
hraksmánarlegu niðurstöðum samning-
anna frá 1975 og birtir „Réttur“ tölurnar
eins og iðnaðarráðherra lét þær frá sér
fara.
í yfirlýsingu þeirra manna, sem að
þessari endurskoðun stóðu, en þeir voru
Jóhannes Nordal, Ingólfur Jónsson og
Steingrímur Hermannsson, og birt var í
byrjun mars, játa þeir verknaðinn með
þessum orðum:
„Það var alltaf Ijóst við samningagerð-
ina 1975, að á móti hækkun orkuverðs
myndi koma lækkun á skatttekjum mis-
munandi eftir árferði.“
Við að heyra slíka játningu sem í þessari
yfirlýsingu fólst, hefði eitt sinn íslending-
ur komist svo að orði: „íslands óhamingju
verður alt að vopni“.
Nú heimtar Alusuise að þessir menn
semji við sig aftur. Málið sé tekið úr
höndum Alþýðubandalags, — sá flokkur
sé svo ósvífinn að berjast við sig fyrir
íslenskum hagsmunum, — og slíkt og
þvílíkt láti enginn auðhringur bjóða sér
— síst af öllu af svo fámennri þjóð sem
íslendingum.
Og sjá: þjónar einokunarhringsins:
íhald, Framsókn og Alþýðuflokkur hafa
sameinast um að láta undan kröfu hrings-
ins og leggja til á Alþingi að málið sé tekið
úr höndum Alþýðubandalagsins.
„Þrælslund aldrei þrýtur mann,
þar er að taka á nógu,
hann gerði alt sem hundur kann,
hefði hann aðeins rófu.“
*
Baráttan í komandi Alþingiskosningum
stendur ekki hvað síst um það, hvort
einokunarhringnum Alusuisse á að takast
að svínbeygja þjóðina. Ekki má gefa eftir
þumlung í þessari baráttu. — íslenska
máltækið þekkir hvað það þýðir að rétta
fjandanum litla fingurinn. — Hann muni
þá reyna að taka alla hendina.
42