Réttur - 01.04.1986, Blaðsíða 39

þar sem stúlkur virtust hikandi og
óundirbúnar að gefa svör við þessu var
málið tekið út af dagskrá.“
Svo virðist sem hin 19 ára forystukona
hafi þarna hreyft menntunarmáli sem hafi
komið félagskonum algerlega í opna
skjöldu og var þetta mál ekki frekar rætt
á félagsfundum fyrr en löngu síðar.
í umræðum um vinnutímann kemur
fram að víða hafi það tíðkast að unnið
væri 14 stundir á dag, en í vistum kæmi
fyrir að stúlkurnar væru látnar vinna til
miðnættis. Kom fram hjá félagskonum að
eðlilegt væri að binda vinnudaginn við 10
stundir og bæri atvinnurekendum eða
húsmæðrum að greiða eftirvinnuálag á
vinnu umfram 10 stundir. Kaup starfs-
stúlkna á sjúkrahúsum áður en samningar
voru gerðir haustið 1935 var almennt 75
krónur á mánuði á sumrin en 50 krónur
yfir vetrarmánuðina. Stúlkur sem unnið
höfðu misseri eða lengur fengu 14 daga
sumarfrí en nýkomnar stúlkur 7 daga
Ýmsar stofnanir greiddu lægra kaup,
einkum þær er einkaaðilar ráku og í vist-
um var kaupið almennt helmingi lægra.
Á einkastofnunum virðast starfsstúlkur
jafnframt hræddari við að stíga það skref
að ganga í stéttarfélag og var það sérstak-
lega rætt á fundi, hvernig ná mætti til
þeirra.
Svo virðist að nokkuð hafi vafist fyrir
hinu opinbera að svara kaupkröfum
starfsstúlkna, því kröfur voru eins og
áður er getið settar fram í maí 1934, en
það er ekki fyrr en í október 1935 sem
fyrstu samningar félagsins voru sam-
þykktir á félagsfundi eða 30. okt. Framan
af dróst að kalla saman fund í landspítala-
nefndinni. Stjórn félagsins ítrekaði marg-
sinnis kröfur sínar og gekk á fund land-
læknis. En í ágúst 1935 kemst skriður á
Guðmunda Helgadóttir, form. 1973-1976.
málið. Pá leggur stjórn félagsins fram
uppkast að samningskröfum á félagsfundi
20. ágúst. Átti samningurinn við ríkis-
spítalana að gilda fyrir starfsstúlkur um
land allt og var í 7 greinum. Kynnti Aðal-
heiður samninginn og skýrði hann og var
samningurinn samþykktur á fundinum.
Fann 24. sept. er síðan haldinn fundur og
þar skýrt frá yfirstandandi samningavið-
ræðum milli félagsins og ríkisspítalanna.
Var lesið upp bréf frá stjórnarnefnd ríkis-
spítalanna frá 19. sept. Þar kvittar stjórn-
arnefndin fyrir móttöku á kröfum starfs-
stúlknafélagsins en skýrir jafnframt frá
því að hún verði að hafa samráð við yfir-
lækna á öllum viðkomandi sjúkrahúsum.
Fer stjórnarnefndin fram á að fá frest og
var hann veittur. Þann 30. okt. kynnir
formaður síðan samningana eins og þeir
103