Réttur - 01.04.1986, Blaðsíða 44
stríði voru fundir all tíðir í félaginu og var
aðalfundur í mars 1940 þá 29. fundur sem
bókaður er í fundagerðarbók. Fundar-
sókn var yfirleitt nokkuð góð. Fer tala
fundarmanna aldrei undir 14 manns og
mest er getið 50 starfsstúlkna á fundi.
Flestir eru fundirnir árið sem fyrstu samn-
ingarnir voru gerðir 1935 eða sjö talsins,
en fimm árið eftir og þeir mjög fjölsóttir.
Svo virðist sem félagsstarfið hafi sjald-
an verið blómlegra en einmitt árið 1936.
Þá er unnið ötullega að því að reyna að
ná samningum við önnur sjúkrahús en
þau ríkisreknu en það reyndist örðugt,
sérstaklega reyndist erfitt að semja við
Landakotsspítalann en það hafðist þó í
janúarlok 1937. Þá er skýrt frá því þann
18. mars að formaður félagsins hafi farið
til Akureyrar vegna bréfs sem þaðan hafi
borist frá starfsstúlkum á sjúkrahúsinu
þar og á Kristneshæli, þar sem þær hafi
farið fram á aðstoð vegna nýstofnaðs fé-
lags þar. Félagið var mánaðargamalt og í
því 46 starfsstúlkur. Kom formaður með
þá ósk að norðan að félagið þar teldist
deild úr Sókn og hafa samstarf við það
eftir því sem hægt væri að koma því við.
Meira er ekki getið um félagsdeild þessa
í fundargerðum Sóknar í Reykjavík.
(Væri æskilegt að þeir sem hefðu heimild-
ir um deildina á Akureyri eða muna
eitthvað um starf þess, að þeir skrái það
og sendi skrifstofu Sóknar upplýsingar
um þennan þátt Sóknar á Norðurlandi.)
Má telja líklegt að félagsstofnunin á Ak-
ureyri hafi komið til vegna þeirra samn-
inga sem árið áður höfðu verið gerðir við
ríkisspítalana en yfirmenn fyrir norðan
hafa ekki haldið þá samninga og því hafa
starfsstúlkur reynt að knýja fram að
samningurinn gilti einnig á Akureyri og
talið félagsstofnun og aðstoð að sunnan
helsta ráðið til að ná árangri. Er líklegt að
starfsstúlkur norðanlands hafi náð tilætl-
uðum árangri með þessu og síðan hafi
samningar Sóknar verið haldnir þar, en
félagsdeildin lognast út af.
Nokkuð er rætt á félagsfundum um
nauðsyn þess að félagið komi á fót upp-
lýsingaskrifstofu og er þess getið að félag-
ið hafi fengið inni í Mjólkurfélagshúsinu
og síðar Alþýðuhúsinu. Haustið 1937 er
rætt á fundi um nauðsyn þess að ráða
starfsmanneskju en af heimildum er ekki
hægt að sjá hvað úr framkvæmdum varð.
í nóvember 1939 kemur í fyrsta sinn til
umræðu að félagið sjái um samningagerð
fyrir stúlkur í greiðasölustöðvum sem þá
voru farnar að skjóta upp kollinum víðar
en áður var. Áttu kjör þessara stúlkna
eftir að komar oftar á dagskrá félags-
funda síðar.
Á þessum fyrstu 5 árum félagsins
myndaðist lítill en traustur kjarni félaga
er virðist vera lífið og sálin í öllu félags-
starfinu. Verða tiltölulega litlar breytingar
á stjórn félagsins og á hverjum vinnustað
kemur upp forystukona er yfirleitt tekst
að mynda hóp þar og fá einhverjar með
sér á félagsfundi.
Atvinnuaukning og daufara
félagsstarf
Það er eðlilegt að fjalla sérstaklega um
starf Sóknar á styrjaldarárunum 1940-45.
Vorið 1940 gjörbreyttust allar aðstæður
á íslandi. Með hernámi Breta í maí það
ár hófust hér umfangsmiklar framkvæmdir
og nærvera þúsunda erlendra hermanna
kallaði á stóraukna þjónustustarfsemi.
Ekki er ólíklegt að þetta hafi haft þau
áhrif að stórauka eftirspurn eftir vinnuafli
starfsstúlkna og gert það að verkum að
minni tími varð aflögu til félagsstarfa.
108