Réttur - 01.04.1986, Blaðsíða 45

Dýrtíð óx mjög á íslandi á þessum árum
og í lok stríðsins er hafist handa um ný-
sköpun íslensks atvinnulífs er tryggði
áframhaldandi eftirspurn eftir vinnuafli
að styrjöldinni lokinni. Sigrar verkalýðs-
samtakanna í kjarabaráttunni 1942 og
mikill sigur verkalýðsflokkanna það ár,
lagði jafnframt grundvöll að lífskjarabylt-
ingu á íslandi. Allt þetta hafði ótvírætt
mikil áhrif á kjör og starfsaðstöðu Sókn-
arkvenna. Því miður verða á þessu tíma-
bili fundir í félaginu mun færri en áður og
fundargerðir einnig lélegri heimildir um
kjarabaráttu félagsins. Margt bendir til
að í sumum tilfellum hafi kjarabætur sem
önnur verkalýðsfélög eða samtök ríkis-
starfsmanna náðu fram haft átakalítið
hækkunaráhrif á samninga Sóknar og því
minna getið um þessi atriði í gjörðabók.
En hér á eftir verður drepið á það helsta
sem greint er frá í skjölum félagsins.
Á fundi í októberbyrjun árið 1940 er
rætt um það hvort ekki sé orðið tímabært
að segja upp hinum fimm ára gamla kjara-
samningi, en slíkt þurfti að gera fyrir 1.
nóv. Var áhugi hjá félagsmönnum að fá
vetrarkaupið hækkað upp í sumarvinnu-
taxtann og hafði stjórnin leitað álits ASÍ
um málið og sambandið lýst samþykki
sínu við því. Þessi fundur var fámennur
og því frestað til næsta fundar að taka
ákvörðun. Pann 24. okt. mættu hins veg-
ar 50 konur á fund og var þar samþykkt
að segja samningum upp og kosin fimm
manna samninganefnd. 12. desember lagði
samninganefndin fram uppkast að kröfu-
gerð þar sem m.a. var krafist styttingar
vinnutímans úr 10 stundum í 9 en ekki
ríkti bjartsýni á fundinum um að það
næðist fram. Þá var farið fram á að grunn-
kaupið hækkaði upp í 85 krónur og með
naumum meirihluta var samþykkt að
krefjast sérstaks gjalds fyrir helgidaga-
Aðalheiður Bjamfreðsdóttir, form. síðan í febrúar
1976 og er enn.
vinnu. I janúar 1941 kemur móttilboð frá
stjórnarnefnd ríkisspítalanna þar sem
boðin var 5 krónu hækkun á mánaðar-
kaup. Eitthvað hefur starfsstúlkum hitn-
að í hamsi við þetta smánarboð því á
fundinum 22. janúar voru 100 starfsstúlk-
ur mættar og felldu þar mótatkvæöalaust
þetta tilboð. 14 stúlkur, en flestar þeirra
störfuðu á Hvítabandinu, gengu í félagið,
en þar hafði félagið haft lítil ítök. Pá
hófst jafnframt atkvæðagreiðsla um heimild
til vinnustöðvunar ef ekki greiddist úr
samningum. Ekki er ljóst af fundargerð
hvernig atkvæði hafa fallið, en álykta má
að það hafi einnig verið samþykkt mótat-
kvæðalítið. En ekki er haldinn fundur í
félaginu fyrr en aðalfundur 6. maí og þá
ekki greint frá samningum né hann varð-
veist, en þeir höfðu verið undirritaðir 31.
109