Réttur - 01.04.1986, Blaðsíða 43

fyrir og segir Brynjólfur í ræðu m.a. „að
hvað húsmæður snertir, er ekki sæmandi
að taka tillit til þeirra á þann hátt, að þær
megi þrælka vinnustúlkur.“ Athyglisvert
er að rifja upp hvernig þingmenn tóku
þessu réttindamáli. Það var samþykkt
með 7 atkvæðum gegn 6 að vísa málinu til
2. umræðu og til allsherjarnefndar með
10 atkvæðum gegn 4. Venja er að vísa
málum til nefndar og 2. umræðu og fer
það oftast samhljóða í gegn, nema í stærri
málum sem menn vilja fella strax ef þeir
eru þeim mjög mótfallnir. Það er athygl-
isvert hve andstaðan er sterk gegn frum-
varpinu og þeir sex sem greiða atkvæði
gegn því eru allir bændaþingmenn úr
þingflokki Framsóknarflokksins. Málið
kom síðan ekki frá nefnd, þ.e. var svæft í
nefnd eins og það er kallað.
Málefni vistráðinna stúlkna komu ekki
til frekari umræðna hvorki á fundum lög-
gjafarsamkomunnar né í Sókn og má
telja víst að með aukinni eftirspurn eftir
vinnu frá og með vorinu 1940 (þ.e. með
hernámsvinnunni) hafi mjög fækkað vist-
ráðnum stúlkum. Þær hafa sótt út á hinn
almenna vinnumarkað. Heimilishald tók
og miklum stakkaskiptum á stríðsárun-
um. Heldri frúr hafa því á þessum tíma
staðið frammi fyrir vinnukonueklu og
smám saman hefur þessi starfsgrein nær
lognast út af. Um það vitnar m.a. að um-
ræður um málefni vistráðinna stúlkna
hverfa af félagsfundum Starfsstúlknafé-
lagsins Sóknar, en ný mál koma í staðinn.
Þannig hverfa þessar eftirstöðvar þræla-
halds á íslandi ekki fyrir atbeina stéttar-
félags né alþingis heldur er það brotthvarf
atvinnuleysis með hernámsvinnunni og
h'fskjarabylting stríðsáranna sem afmá
þessar umræddu eftirstöðvar.
Almennt um félagið fram til 1940
Á fyrsta reglulega aðalfundi félagsins
vorið 1935 mun tala félagsmanna hafa
verið 56, en á stofnfundi árið áður voru
26 stúlkur. Á aðalfundi í mars 1936 er
fyrst getið um félagatölu og þá sagt að
fjölgað hafi í félaginu um 74 og væru fé-
lagar nú 130. Ári síðar eru 178 félagar í
Sókn. Næst getur um félagatölu á aðal-
fundi 13. mars 1940 og eru félagar þá 123
og auk þess um 50 aukafélagar. Fram að
Helga Guðmundsdóttir og Anna Guðmundsdóttir,
Elliheimilinu Grund.
Til vinstri: Rósa Oddsdóttir og Þórunn Kristjáns-
dóttir. Til hægri: Kristjana Finnbogadóttir og Sól-
borg Guðbrandsdóttir.
107