Réttur - 01.01.1976, Page 31

vel að þau eru mörg dugleg en þau eru flest
ákaflega illa inni í uppbyggingu verkalýðs-
hreyfingarinnar. En mér hefur oft dottið í
hug að það þyrfti hreinlega að taka þennan
hóp og koma honum í samband við fólk úr
verkalýðshreyfingunni. Sumt af þessu fólki
er ágætt, en það finnur til vanmáttar gagn-
vart þessum reyndu forustumönnum þegar
til kastanna kemur innan verkalýðsfélagsins.
Sigurður: Er það nú ekki oft þannig til
dæmis í Dagsbrún Guðmundur, að þetta
unga fólk gagnrýnir að Dagsbrún hafi sig
ekki nægilega mikið í frammi í alþjóða-
málum eins og herstöðvamálinu og stærri
pólitískum málum eða er gagnrýnin fyrst og
fremst í félagsmálum . . .
Guðmundur ].: Eg vil ekki kvarta undan
þessu fólki. Þetta er ákaflega góð stjórnar-
andstaða . . . .!
Björn: Það leynist sjálfsagt í þessum hóp-
um talsvert af fólki sem getur verið góður
efniviður. Það er kannski eins og Willy
Brandt sagði. Hann sagði að það gæti enginn
orðið góður sósíaldemókrati á miðjum aldri
nema hann hefði verið kommúnisti þegar
hann var ungur og það er kannski eins með
marx-lenínistana að það verður enginn góður
alþýðubandalagsmaður nema hann hafi einu
sinni verið marx-lenínisti!
GAMLA
FÓLKIÐ
OG
LÍFEYRISSJÓÐIR
Réttur: Ef við víkjum aðeins nánar að
þessu fólki, sem er með lágu tekjurnar og
er ætlað að lifa af 50 þúsund krónum á
mánuði. Þetta eru gjarnan konur og stund-
um er því borið við að þær séu ekki eina
fyrirvinnan og þess vegna þoli þær lágu
launin En við athugun kemur í ljós að það
Stéttasamvinnan gagnrýnd 1. maí.
31
L