Fréttablaðið - 14.03.2009, Síða 78

46 14. mars 2009 LAUGARDAGUR
menning@frettabladid.is
Í tengslum við ljósmyndasýningu Blaðaljós-
myndarafélags Íslands í Gerðarsafni, Mynd
ársins 2008, hefur félagið kallað til heiðursfé-
laga, Jim Smart ljósmyndara. Hefur Jim valið
nokkrar myndir úr sínu stóra myndasafni, sem
nú telur yfir tvær milljónir verka. Eru það allt
saman portrett, mannamyndir, frá þriggja ára-
tuga ferli hans við blaðaljósmyndun.
Við skoðun rifjast margar þessara mynda upp: hin ein-
staka mynd af Finni Jónssyni eða glaðhlakkalegt por-
trett af Halldóri Laxness. Jim kom til Íslands 1972 með
Sigurlaugu konu sinni en þau kynntust þar ytra. Jim
stundaði nám í listaskóla í Lowestoft í Austur-Anglíu
og lærði þar grunninn í ljósmyndun. Þegar hingað kom
fór hann að vinna við auglýsingateiknun eins og það hét
þá fagið sem nú kallast hönnun. Hann fór fljótt að taka
myndir og var ráðinn í það verk á Vikunni. Þaðan lá leið-
in á Dagblaðið 1975 og fimm árum síðar á Helgarpóstinn
þar sem Jim hóf mannamyndir upp á hærra stig, þeim
var loks gefið rými og úrvinnsla hans á myndunum gerði
þær sterkari í hvítum tilbrigðum og dökkum grunni.
Hafa margir elt þá slóð síðan og sú dramatíska dirfska
sem hann stundaði hafði ekki síður áhrif á marga í
tökum á stafrænar vélar þegar þær komu til.
Jim tók fyrst á filmur og vann myndir sínar mikið í
framköllun fyrir prentun. Eftirvinnslan var í þann tíma
meira erfiði, handverk sem sumir urðu góðir í en aðrir
ekki. Nú vinna menn myndir sínar á skjá en verða að
þekkja litprentið, pappírinn til að elta rétta ásýnd ljós-
myndarinnar sem þeir vilja hneppa.
Jim starfaði eftir daga Helgarpóstsins á ýmsum blöð-
um: Þjóðviljanum, Pressunni, Helgarblaðinu og Mogg-
anum. Hann hefur prýtt öll þau blöð sem hann hefur
starfað við. Myndirnar frá sýningunni eru sýnilega frá
nokkuð löngu tímabili á ferlinum en allar bregða þær
skýru ljósi á þær persónur sem þeim er ætlað að lýsa.
Það er Blaðaljósmyndarafélagið sem stendur fyrir sýn-
ingunni í samstarfi við Ljósmyndasafn Reykjavíkur.
pbb@frettabladid.is
MANNAMYNDIR JIM SMART
FINNUR JÓNSSON LISTMÁLARI Ein af myndum Jim
Smart á sýningunni
> Ekki missa af...
Á morgun kl. 15 tekur Helgi
Gíslason þátt í leiðsögn
um sýningu sína VERUND í
Hafnarborg. Helgi er á meðal
þekktustu myndhöggvara
þjóðarinnar og á sýningunni
eru nýjar lágmyndir, teikningar
og skúlptúrar. Einnig eru skiss-
ur sem sýna vel hugmynda-
vinnu listamannsins.
Kl. 17.00
Þriðja sýning á sviðsetningu
Antonys Mingella (English Patient,
Ripley´s game) á Madame Butterfly
verður í dag í Kringlubíó kl. 17. Troð-
fullt var á fyrri sýningarnar tvær.
Óperur í beinni frá Metropolitan
hitta í mark. Svo er bein útsending
í kvöld frá Metropolitan á Rás 1 þar
sem Kristinn Sigmundsson syngur á
móti Rene Fleming.
Næstu sunnudaga flytur Útvarpsleikhúsið
nýjan þríleik eftir Andrés Indriðason sem Ásdís
Thoroddsen leikstýrir. Í þremur sjálfstæðum
leikverkum eru sögur af Íslendingum. Í hverju
verki eru tvær persónur, venjulegir Íslendingar
sem heita venjulegum nöfnum, Jón og Sigríður.
Verkin eiga það sameiginlegt að þau gerast á
skömmum tíma, á sólarhring, eina dagstund
eða eina klukkustund á okkar tímum. Sögu-
sviðið er í Reykjavík, Borgarfirði og á Snæ-
fellsnesi. Verkin heita Sól og blíða í Paradís,
Sannleikurinn og lífið og Í Undralandi.
Í fyrsta verkinu sem flutt er á morgun, Sól
og blíða í Paradís, segir af Jóni sem vill koma
konu sinni, Sigríði, á óvart að morgni gull-
brúðkaupsdags þeirra. Hann leggur af stað
í ferðalag í jeppa sínum með stórt hjólhýsi í
eftirdragi og er þögull sem gröfin þegar kona
hans vill vita hvert þau séu að fara. Segir það
eitt að hann ætli að koma henni á óvart. Og
það tekst honum – og sjálfum sér líka. Margrét
Guðmundsdóttir og Pétur Einarsson fara með
hlutverk þeirra hjóna. Hljóðvinnslu annast
Ragnar Gunnarsson.
Þrjú verk eftir Andrés flutt
LEIKLIST Andrés Indriðason
Skipholti 35
105 Reykjavík. sími 511 7010
Gsm: 847-1600
petur@galleriborg.is