Morgunblaðið - 29.01.2006, Blaðsíða 4

4 SUNNUDAGUR 29. JANÚAR 2006 MORGUNBLAÐIÐ
FRÉTTIR
Nú bjóðum við síðustu sætin til Kanarí 7. febrúar á frábærum kjörum.
Bókaðu strax og tryggðu þér sæti og fjórum dögum fyrir brottför færðu að
vita hvar þú gistir. Að sjálfsögðu nýtur þú þjónustu reyndra fararstjóra
okkar á Kanarí allan tímann.
Skógarhlíð 18 • sími 595 1000 • www.heimsferdir.is
Stökktu til
Kanarí
7. febrúar
frá kr. 29.990
Munið Mastercard
ferðaávísunina
Síðustu sætin
kr. 39.990
Netverð á mann, m.v. 2 í herbergi/íbúð/stúdíó í
viku, stökktu tilboð 7. febrúar. Innifalið flug,
skattar, gisting og íslensk fararstjórn.
Auka vika kr. 10.000 á mann.
kr. 29.990
Netverð á mann, m.v. hjón með 2 börn, 2-11 ára,
í íbúð í viku, stökktu tilboð 7. febrúar. Innifalið
flug, skattar, gisting og íslensk fararstjórn.
Auka vika kr. 10.000 á mann.
HREINDÝR eiga það til að festa horn sín í girðingum og þá getur stundum farið illa. Líklega mun þó þessi fallegi
tarfur, sem var á ferð með þjóðveginum í sunnanverðum Hamarsfirði, losna við víraflækjuna um leið og hann fellir
hornin. Stór hluti tarfanna á svæðinu hefur nú þegar hlaupið af sér hornin.
Morgunblaðið/Andrés Skúlason
Hornaflækja
ATLANTSSKIP og Hafnarfjarðar-
bær hafa undirritað samning um að-
stöðu fyrir fyrirtækið á tæplega fjöru-
tíu þúsund fermetra svæði í
Hafnarfjarðarhöfn. Gert er ráð fyrir
að tekjur hafnarinnar aukist um ná-
lægt 50 milljónum króna árlega vegna
þessa, en um Hafnarfjarðarhöfn er
flutt árlega tæp ein milljón tonna, um
300 þúsund tonn um Hafnarfjarðar-
höfn sjálfa og rúm 600 þúsund tonn
um höfnina í Straumsvík, sem tilheyr-
ir Hafnarfjarðarhöfn.
Mjög ánægðir
Gunnar Bachmann, framkvæmda-
stjóri Atlantsskipa, segir að þeir séu
mjög ánægðir með að flytjast til
Hafnarfjarðar. Þarna fái fyrirtækið
stórt og mikið svæði sem gefi því
möguleika til að vaxa í framtíðinni
Stefnt sé að því að öll starfsemi fyr-
irtækisins muni flytjast til Hafnar-
fjarðar á næstu tveimur árium eða
þar um bil. Byggð verði vöruaf-
greiðsla og skrifstofur fyrir fyrirtæk-
ið á nýja svæðinu.
Gunnar sagði að þrengt hefði að
starfseminni í Kópavogi og ótrygg
framtíð í því að vera þar miðað við
umfang fyrirtækisins, en gert væri
ráð fyrir 70% vexti á þessu ári.
Már Sveinbjörnsson hafnarstjóri
segir að Atlantsskip hafi keypt lóð við
höfnina af lóðarhafa sem hafði fengið
lóðina úthlutaða, en höfnin hafi ekki
haft neinar nýjar lóðir til ráðstöfunar.
Þá sé fyrirtækinu einnig úthlutað
átta þúsund fermetra svæði til viðbót-
ar undir farmafgreiðslu og skrif-
stofur. Már sagði að lóðin væri á nýja
hafnarsvæðinu í Hafnarfirði. „Við er-
um afskaplega fegnir að þessir samn-
ingar skyldu takast,“ sagði hann.
Atlantsskip flytja starfsemi sína til Hafnarfjarðar á næstu tveimur árum
Tekjur hafnarinnar munu
aukast um 50 milljónir
Morgunblaðið/Þorkell
Már Sveinbjörnsson hafnarstjóri sýnir uppdrátt af hafnarsvæðinu.
SAMÞYKKT hefur verið að efla
viðbúnað Alþjóðaheilbrigðismála-
stofnunarinnar (WHO) vegna nátt-
úruhamfara. Samþykktin er m.a.
niðurstaða af 117. fundi fram-
kvæmdastjórnar WHO í Genf, sem
staðið hefur í vikunni, að því er
segir í tilkynningu frá heilbrigðis-
og tryggingamálaráðuneytinu.
Á fundinum var samþykkt til-
laga um átak á sviði heilsueflingar
í heiminum og mælti Davíð Á.
Gunnarsson, ráðuneytisstjóri í
heilbrigðis- og tryggingamálaráðu-
neytinu og stjórnarmaður í WHO,
fyrir tillögunni.
Í samþykkt framkvæmdastjórn-
ar er lögð áhersla á að þjóðir
heims taki í ríkari mæli mið af
helstu orsökum heilsufarsvanda-
mála þegar aðgerðir á sviði for-
varna og heilsueflingar eru skipu-
lagðar.
Þau mál sem
framkvæmda-
stjórn WHO
ræddi mest á
fundi sínum voru
fuglaflensan og
hugsanlegur
heimsfaraldur
inflúensu, auk
jarðskjálftans og
hinna miklu
hörmunga sem
riðu yfir Pakist-
an. Samþykkt var að alþjóðlegar
reglur á sviði heilbrigðismála (Int-
ernational Health Regulations),
sem ætlað var að taka gildi árið
2007, taki gildi svo fljótt sem verða
má að því er varðar viðbrögð við
fuglaflensunni. Reglum þessum er
ætlað að tryggja að WHO geti
framfylgt viðbragðsáætlun og að-
gerðum sínum með viðeigandi ráð-
stöfunum.
Fjárhagsleg geta WHO
verði betur tryggð
Framkvæmdastjórnin sam-
þykkti einnig tillögu Davíðs sem
felur í sér að leitast verði við að
tryggja betur fjárhagslega getu
WHO til þess að bregðast við af-
leiðingum jarðskjálfta og annarra
náttúruhamfara með enn fljótvirk-
ari hætti en nú er. Fundi fram-
kvæmdastjórnarinnar lauk í gær,
laugardag.
Davíð Á. Gunnarsson, ráðuneytisstjóri heilbrigðis-
ráðuneytisins á fundi framkvæmdastjórnar WHO í Genf
Viðbúnaður vegna
náttúruhamfara efldur
Davíð Á.
Gunnarsson
NÝ FRIÐLÝSING fyrir friðlandið
Surtsey leggst ekki illa í útvegsbænd-
ur í Vestmannaeyjum, en ábendingar
þeirra voru teknar til greina í mótun
þess. Upphaflega var gert ráð fyrir
töluverðri skerðingu á áður nýttum
togslóðum Eyjamanna, en fallið var
frá henni í lokatillögunni.
Magnús Kristinsson, útvegsbóndi í
Vestmannaeyjum, segist ánægður
með að tillit hafi verið tekið til ábend-
inga útvegsbænda og skerðing á
hagsmunum þeirra sé sáralítil. „Þetta
svæði verður uppeldisstöð fiskjar og
við fáum að njóta þess fiskjar sem þar
elst upp og syndir út,“ segir Magnús.
„Almennt snertir þessi friðun ekki
togslóðir heldur snurvoðarslóðir, en
Vestmannaeyingar leggja ekki
áherslu á slíka útgerð.“
Í kjölfar stækkunar friðlandsins í
og við Surtsey verður einungis leyfi-
legt að veiða með handfærum og línu
en bann er lagt við veiðum með veið-
arfærum sem dregin eru eftir botn-
inum á rúmlega 46 ferkílómetra svæði
innan friðlandsins.
Vestmanna-
eyingar sátt-
ir við friðun
SAMANALAGT birtust um 170
þúsund innlendar fréttir og grein-
ar í helstu fréttamiðlum landsins,
bæði prent- og ljósvakamiðlum, á
síðasta ári eða 14–15 þúsund á
mánuði, auk þess sem birtist í
tímaritum og sérhæfðum útgáfum,
að því er fram kemur í samantekt
Fjölmiðlavaktarinnar ehf.
Þar af birtust um 125 þúsund
fréttir og greinar í dagblöðunum
og var hlutdeild Morgunblaðsins
mest eða 37%, Fréttablaðsins 29%
og DV 20%. Hlutdeild Blaðsins var
10%, en það hóf ekki útgáfu fyrr
en í maímánuði og Viðskiptablaðs-
ins 5% en það kemur út tvisvar í
viku. Einungis er um að ræða
samantekt á fjölda greina en ekki
stærð þeirra.
Í ljósvakamiðlum virtust rúm-
lega 32 þúsund innlendar fréttir á
síðasta ári. Þar af voru flestar
fluttar af fréttastofu Ríkisútvarps-
ins eða 38%, fréttastofu sjónvarps
20%, Stöðvar 2 20% og Bylgjunnar
18%. Um er að ræða fjölda inn-
lendra frétta en ekki lengd þeirra.
Tíðast um stjórnmál
Svo dæmi sé tekið af lögreglu-
fréttum voru þær hlutfallslega
flestar í DV 34%, í Morgunblaðinu
31% og í Fréttablaðinu 28%.
Fram kemur að tíðast var fjallað
um stjórnmál, bæði í dagblöðum
og ljósvakamiðlum í fyrra. Við-
skipti voru í öðru sæti í ljósvaka-
miðlum og dóms- og rétttarfars-
mál í þriðja sæti og
sveitarstjórnarmál í fjórða sæti. Í
dagblöðum var fjölmiðlun í öðru
sæti, popptónlist í þriðja sæti, við-
skipti og rekstur í fjórða sæti og
sveitarstjórnarmál í fimmta sæti,
en ítrekað skal að um er að ræða
talningu á fjölda en ekki lagt mat
á lengd umfjöllunar.
Samantekt Fjölmiðlavaktarinnar ehf.
170 þúsund inn-
lendar fréttir
á árinu 2005