Morgunblaðið - 31.01.2006, Side 28

28 ÞRIÐJUDAGUR 31. JANÚAR 2006 MORGUNBLAÐIÐ
MINNINGAR
✝ Sonja Andrés-dóttir Cichy
fæddist í Reykjavík
30. desember 1944.
Hún lést á krabba-
meinsdeild Land-
spítalans við Hring-
braut 22. janúar
síðastliðinn. For-
eldrar hennar eru
Kristrún Guðjóns-
dóttir, f. í Helga-
fellssveit, 8.1. 1924,
og Andrew Cichy, f.
í Bandaríkjunum.
Hálfsystkini Sonju
eru Linda, Cindy, Earl og Donna,
búsett í Bandaríkjunum.
Sonja giftist 16. maí 1964 Lár-
usi J. Kristjánssyni verkstjóra, f. á
Ísafirði 9.6. 1942. Synir þeirra
eru: 1) Kristján Helgi, f. 16.8.
1961, kvæntur Hrönn Walters-
dóttur. Börn þeirra
eru Lárus Helgi,
Rúnar Karl, Sonja
Ósk og Guðjón Ósk-
ar. 2) Guðmundur, f.
20.12. 1964, d. 6.12.
1988, kvæntist Dag-
nýju S. Jónsdóttur.
Dóttir þeirra er
Hera.
Sonja var búsett
mestan hluta ævi
sinnar í Hveragerði
og starfaði lengst af
við umönnunarstörf
á Dvalarheimilinu
Ási í Hveragerði. Nú síðast átti
hún og rak Gallerí Smiðju í
Hveragerði ásamt tengdadóttur
sinni Hrönn Waltersdóttur.
Sonja verður jarðsungin frá
Hveragerðiskirkju í dag og hefst
athöfnin klukkan 14.
Hið göfugasta í lífi okkar er
ást er móðir ber til sinna barna
hún fórnar, gefur helft af sjálfri sér
og sækir styrk til lífsins dýpsta kjarna
„hún veitir ljós sem ljómi bjartra stjarna“
hún veitir ljós, og leysir hverja þraut
hún lífið unga styður fyrstu sporin
er fræðari á framvindunnar braut
og fyrirmynd sem yljar best á vorin
„hinn unga stofn sem er til þroska borin“
er stofnin ungi erfir hennar sið
ást og virðing geymir sér í hjarta
við mundum eiga gnótt af yndi og frið
að efla og styðja gleði lífsins bjarta
þá hefur enginn yfir neinu að kvarta
ef móðurástin mótaði okkar spor
og mildi hennar gjörðum okkar réði
þá yrði lífið eins og fagurt vor
sem okkur færði hamingju og gleði
„þá lifðum við sem blóm í fögru beði“
þá kærleikur og tryggðin tækju völd
og trú á lífið veitti sanna gleði
þá ríkti fegurð lífsins fram á kvöld
því fagurt mannlíf stýrði voru geði
„að forsjá hans er fyrst oss hingað réði“
já móðurást er yndi sérhvers manns
og allra besta stoð á vegi hálum
hin dýrmætasti kjarni kærleikans
sem kallar fram hið besta í vorum sálum
„hún ætti að ráða í öllum okkar málum“.
(Árni Böðvarsson.)
Takk fyrir samfylgdina, elsku
mamma og tengdamamma.
Kristján og Hrönn.
Elsku amma.
Nú hefur þú kvatt okkur á þessu
tilverustigi, en ert fyrir víst að fara
á betri stað. Minning okkar um
ömmu er kærleiki, hlýja og um-
hyggja. Þú kenndir okkur að leysa
verkefni veraldarinnar með heiðar-
leika, þolinmæði og kærleika. Ef vel
er að gáð er fátt sem þarf að auki.
Amma var umhyggjusöm og hafði
oft áhyggjur af okkur öllum í einu.
Hún fylgdist vel með hverju fótspori
sem við tókum og passaði upp á að
við misstigjum okkur ekki. Undir
niðri var hún samt prakkari og dálít-
ill spennufíkill, með góðan húmor og
langaði oft að gera hluti sem maður
sér ekki venjulegar ömmur gera.
Amma stóð sig með einstakri prýði í
ömmuhlutverkinu.
Strákarnir,
Guðjón Óskar, Lárus
Helgi og Rúnar Karl.
Elsku Sonja amma mín. Minning
þín verður ætíð varðveitt í hjarta
mínu.
Á sólríkum sumardegi, afi að
grilla og við systkinin að busla í
lauginni, hversu gott var það þegar
þú komst með ný og fersk jarðarber
úr garðinum. Ég fann hvernig mað-
ur var umvafinn ást og umhyggju í
návist þinni.
Og hversu gaman var það þegar
við frænkurnar komumst í skart-
gripina þína, hengdum þá alla á okk-
ur og mátuðum svo háhælaða skó-
safnið.
Ég þakka svo innilega fyrir að
hafa fengið að þekkja þig og eiga þig
að sem svo ástúðlega og yndislega
ömmu sem þú varst og verður alltaf
í hjarta mínu.
Sonja Ósk.
Þín ljúfa minning lifir mér í hjarta,
og ljóma slær á ævi minnar braut.
Ég á þig enn, svo fagra, blíða og bjarta
og bíð sem fyrr við töfra þinna skaut.
(Ásmundur Jónsson.)
Elsku amma, þakka þér fyrir
samfylgdina, sjáumst í ljósinu.
Barnabörnin,
Lárus, Rúnar, Sonja og Guðjón.
Elsku Sonja mín, æskuvinkona,
nú ert þú horfin okkur, eftir stutt en
erfið veikindi. Þú barðist eins og
hetja en þetta var þér ofviða. Aldrei
gat ég trúað því þegar Lalli hringdi
um miðjan nóvember og sagði mér
að þú værir mikið veik og komin á
sjúkrahús að þú yrðir öll 22. janúar
eftir ekki lengri legu. Í hvert skipti
þegar við kvöddumst á spítalanum
þá sögðum við „berjast áfram“ og
gáfum hvor annarri merki. En þeim
merkjum fækkaði eftir því sem á
leið. Aldrei varstu svo veik að þú
spyrðir ekki um börnin mín, þú lést
þig alltaf aðra varða en vildir
gleyma sjálfri þér, þannig varstu,
elsku vinkona, þú barst ekki tilfinn-
ingar þínar á torg.
Þú beiðst eftir hverju einasta vori
til að komast í Hólminn því þú elsk-
aðir sveitina þína á Hofsstöðum og
Hólminn þinn. Þegar þú komst þá
bjóst þú hjá ömmu þinni og afa í
næsta húsi við mig á Aðalgötunni í
Stykkishólmi. En það var þitt annað
heimili svo lengi sem þau lifðu. Eitt
sumarið þegar við vorum í kringum
12 ára tókum við okkur til og
ákváðum að smíða hlið handa
mömmu svo að beljurnar hennar
kæmust ekki út. Tókst okkur það
með smáaðstoð. Þetta hlið var engin
smásmíði, heldur um tveir metrar
að lengd, og stóð sú smíð uppi til
margra ára fullmótuð og nýttist vel.
Einu sinni gátum við líka grenjað út
að þú fengir að vera í skóla heima í
Stykkishólmi. Þá stóðum við saman
sem oftar og unnum þann leik. Það
var góður tími og dýrmætur fyrir
okkur.
Ég man að oft þegar ég bankaði
upp á og vildi fá þig út varst þú að
læra, þú varst svo skynsöm og vel
gefin. Last alla tíð mikið, það kom
enginn að tómum kofunum hjá þér,
hvort sem þú varst spurð um heims-
SONJA
ANDRÉSDÓTTIR
CICHY
SÓLSTEINAR

Gæði

Góð þjónusta

Gott verð

Mikið úrval
i
j
i i l
Kársnesbraut 98, 200 Kópavogi – s: 564 4566
www.solsteinar.is – sol@solsteinar.is
15-50% afsláttur
Eiginmaður minn og faðir okkar,
MARINÓ GUÐMUNDSSON,
Hrísateigi 19,
Reykjavík,
andaðist föstudaginn 27. janúar.
Guðrún Guðmundsdóttir
og börn hins látna.
Ástkær eiginmaður minn, faðir okkar, tengdafaðir,
afi og langafi,
JÓN GÍSLASON
frá Skálafelli
í Suðursveit,
lést á Landspítalanum við Hringbraut laugardag-
inn 28. janúar.
Jarðsungið verður frá Kálfafellsstaðarkirkju í
Suðursveit, Austur-Skaftafellssýslu, föstudaginn 3. febrúar kl. 14.00.
Pálína G. Gísladóttir,
Ingunn Jónsdóttir, Eggert Bergsson,
Róshildur Jónsdóttir, Eyþór Ingólfsson,
Þorvaldur Þ. Jónsson, Stella Kristinsdóttir,
Sigurgeir Jónsson, Elísabet Jensdóttir,
Þóra V. Jónsdóttir, Þorsteinn Sigfússon,
barnabörn og barnabarnabörn.
Elskulegur eiginmaður minn, faðir okkar, tengda-
faðir, afi, sonur og tengdasonur,
GUÐMUNDUR TEITSSON,
Akurgerði 6,
Akranesi,
lést á heimili sínu 26. janúar.
Útförin fer fram frá Akraneskirkju fimmtudaginn
2. febrúar kl. 14.00.
Elín Bjarnadóttir,
Þórdís Bj. Guðmundsdóttir, Skarphéðinn M. Guðmundsson,
Sigurgeir F. Guðmundsson, Juliet Joensen,
Rannveig H. Guðmundsdóttir,Gunnar Högnason,
Baldvin Þ. Guðmundsson,
Steinar Bragi Gunnarsson,
Snædís Lilja Gunnarsdóttir,
Dóra Þórðardóttir,
Bjarni Stefánsson, Benný Sigurgeirsdóttir.
Elskulegur sonur minn,
GUÐMUNDUR AÐALSTEINN ÞORKELSSON,
fæddur 14. febrúar 1946
á Húsavík,
lést eftir skurðaðgerð á sjúkrahúsi á Cozumel í
Mexíkó miðvikudaginn 25. janúar sl.
Útförin hefur farið fram í Mexíkó.
Karen Guðlaugsdóttir.
Elskuleg eiginkona mín, móðir mín, amma, dóttir
og systir,
ERNA FRIÐBJÖRG EINARSDÓTTIR,
Vallargötu 34,
Sandgerði,
lést á Heilbrigðisstofnun Suðurnesja þriðjudaginn
24. janúar.
Útförin fer fram frá Kópavogskirkju föstudaginn
3. janúar kl. 13.00.
Blóm og kransar eru vinsamlegast afþakkaðir, en þeim, sem vilja minnast
hennar, er bent á Krabbameinsfélag Íslands.
Hannes Friðrik Oddsson,
Guðný Rósa Hannesdóttir,
Erna Líf Gunnarsdóttir,
Filippía Kristjánsdóttir
og systkini.
Ástkær eiginmaður minn, faðir, tengdafaðir
og afi,
NJÁLL SVEINBJÖRNSSON,
Háaleitisbraut 22,
lést á heimili sínu laugardaginn 28. janúar.
Dóra Guðbjörnsdóttir,
Jóna Oddný Njálsdóttir, Einar Ágústsson,
Ágúst Valur Einarsson,
Dóra Esther Einarsdóttir,
Erla Björk Einarsdóttir,
Njáll Örvar Einarsson.
Ástkær móðir okkar, tengdamóðir, amma og lang-
amma,
GRÉTA SVANLAUG JÓNSDÓTTIR,
Villingaholti,
Flóa,
lést á Sjúkrahúsi Suðurlands laugardaginn
28. janúar.
Börn, tengdabörn, ömmubörn
og langömmubörn.