Morgunblaðið

Dagsetning
  • fyrri mánuðurjanúar 2006næsti mánuður
    SuÞrMiFiLa
    1234567
    891011121314
    15161718192021
    22232425262728
    2930311234
    567891011

Morgunblaðið - 31.01.2006, Blaðsíða 29

Morgunblaðið - 31.01.2006, Blaðsíða 29
málin eða landsmálin. Þú áttir líka alltaf hnyttin tilsvör, bara ef ég myndi eitthvað af þeim. Þegar þú varst spurð að því hvað við hefðum þekkst lengi þá sagðir þú að það næði „langt út fyrir okkar minni“. Við áttum margar yndislegar stundir saman fjölskyldurnar, fór- um í ferðalög vítt og breitt um land- ið. Það er ógleymanlegt, það var eins og við værum að flytjast búferl- um landshorna á milli, slíkur var farangurinn. Þá var ekki þessi fíni útilegubúnaður eins og er í dag, engir svefnpokar eða þess háttar, nei það mátti ekki vera minna en hálft eldhúsið og allt svefnherbergið sem við tókum með. Við létum okkur ekki muna um að ferðast með drengina okkar fjóra og allan þann farangur sem því fylgdi sem settur var upp á toppinn á litlu bílunum okkar og síðan brunað af stað. Þess- um ferðum fækkaði eins og öðru sem gerist þegar við eldumst, en við áttum alltaf minninguna. Við töluð- um þeim mun oftar saman í síma eða næstum því á hverjum degi. Við deildum með okkur sameiginlegum heimsins áhyggjum, framtíð barnanna og barnabarnanna sem og öðru sem upp kom. Það var höggvið stórt skarð í hóp- inn þinn þegar þið misstuð hann Guðmund ykkar fyrir sautján árum, hann þá aðeins 23 ára gamall. Það var ykkur báðum erfitt og sárt að lifa með því. Þó birti aðeins til fyrir um tíu árum þegar þú fannst pabba þinn, sem þú varst lengi búin að þrá að eiga. Hann bjó í Ameríku og hafði búið þar alla tíð. Ég man alltaf eftir því þegar þú hringdir í mig og sagð- ir mér frá þessu, þú varst svo stolt og glöð en jafnframt kvíðin að hitta hann. Brást þér til Ameríku og komst í gleðivímu til baka helmingi ríkari því þú hafðir verið einbirni öll þessi ár en svo allt í einu áttirðu fjögur systkini líka. Þú barst alla tíð mikla umhyggju fyrir móður þinni, ekki síst eftir að Jói hennar dó fyrir um sex árum. En þú lifðir alltaf fyrir fjölskyldu þína. Fjölskyldan þín öll hefur misst mikið, þú varst kletturinn í hafinu, bast alla saman. Við eigum margs að minnast, góðra stunda sem við átt- um með þér. Elsku Didda, Lalli, Kristján minn og fjölskylda, ég votta ykkur mína dýpstu samúð. Megi Guð styrkja ykkur í sorginni. Þín æskuvinkona, Jóhanna. Maður á svo erfitt með að trúa og viðurkenna að það sem var í gær kemur ekki aftur. Brosið sem mætti þér í dag getur verið horfið sjónum okkar fyrir fullt og allt á morgun. Á litlum vinnustað þar sem nán- ast eingöngu konur vinna saman myndast sérstök stemmning. Þær eldri og reyndari eru ólatar við að miðla af reynslu sinni og leiðbeina þeim sem yngri eru. Kynslóðabilið hverfur og allar eru jafnar. Þannig var Sonja, fyrrum samstarfskona okkar, sem við kveðjum í dag, hún var síung, átti auðvelt með að setja sig í okkar spor, gefa af sér ótak- markað góð ráð og leiðbeiningar. Það sama átti við um vistfólkið sem hún sinnti af einstakri natni og hlýju. Hennar var sárt saknað af vinnu- staðnum, þegar hún lét af störfum fyrir rúmum fjórum árum, er hún hóf verslunarrekstur ásamt tengda- dóttur sinni. Þar var Sonja á heima- velli, með svo ríka þjónustulund, og hafði unun af. Það var svo notalegt að koma þar við, eiga einlægt spjall og fá klapp á bakið í hversdagnum. Við þökkum Sonju samfylgdina og vottum ættingjum hennar okkar dýpstu samúð með þessum fátæk- legu orðum. Við þökkum samfylgd á lífsins leið, þar lýsandi stjörnur skína og birta himnesk björt og heið hún boðar náðina sína en Alfaðir blessar hvert ævinnar skeið og að eilífu minningu þína. (Vigdís Einarsdóttir.) Sædís Kr. Gígja, Ólöf Ingi- bergsdóttir, Hulda Bergrós Stefánsdóttir og fjölsk. MORGUNBLAÐIÐ ÞRIÐJUDAGUR 31. JANÚAR 2006 29 MINNINGAR Innilegar þakkir fyrir samúð og hlýhug vegna and- láts og útfarar okkar ástkæru HÓLMFRÍÐAR HÉÐINSDÓTTUR, Dalbraut 27, Akranesi. Sérstakar þakkir til starfsfólks lyflækningadeildar Sjúkrahúss Akraness fyrir hlý samskipti og góða umönnun. Guðmundur J. Hallgrímsson, Héðinn Unnsteinsson, Skúlína Kristinsdóttir, Guðrún Unnsteinsdóttir, Sturla Sigmundsson, Sverrir Unnsteinsson, Hörður Unnsteinsson, Sigríður Héðinsdóttir, Árni Snæbjörnsson, Hólmfríður og Unnsteinn. Elskuleg móðir okkar, tengdamóðir, amma, lang- amma og langalangamma, AÐALBJÖRG AÐALSTEINSDÓTTIR frá Þingeyri, verður jarðsungin frá Fríkirkjunni í Reykjavík mið- vikudaginn 1. febrúar kl. 15.00. Jónína K. Jensdóttir, Matthías Matthíasson, Kristjana Petrína Jensdóttir, Loftur Andri Ágústsson, Guðmundur K. Jensson, Guðmunda Steingrímsdóttir og aðrir aðstandendur. Útför elskulegs föður okkar, tengdaföður, afa og langafa, FALS FRIÐJÓNSSONAR húsgagna- og húsasmiðs frá Sílalæk, Grenivöllum 24, Akureyri, verður gerð frá Akureyrarkirkju miðvikudaginn 1. febrúar kl. 13.30. Sigurvina Kristjana Falsdóttir, Ástþór Harðarson, Sigríður Hrönn Falsdóttir, Elva Björk Einarsdóttir, Þórir Már Einarsson, Daði Ástþórsson, Lilja Sævarsdóttir, Sigmundur Pétur Ástþórsson, Ævar Ísak Ástþórsson, Katrín Lea Daðadóttir. Ástkær eiginmaður minn, faðir, tengdafaðir, afi og bróðir, INGVI GUÐJÓNSSON, Álfalandi 7, Reykjavík, lést á líknardeild Landspítala Landakots sunnu- daginn 22. janúar. Útför hans fer fram frá Fossvogskirkju miðviku- daginn 1. febrúar kl. 15:00. Þeim, sem vilja minnast hans, er bent á Krabbameinsfélagið. Þóra Magnúsdóttir, Kristín Ingvadóttir, Hilmar Karlsson, Magnús Ingvason, Guðrún Agnes Þorsteinsdóttir, Katrín Lovísa Ingvadóttir, Páll Baldvin Baldvinsson og afabörn, Hólmfríður K. Guðjónsdóttir og Böðvar Valtýsson. Kæru vinir, ættingjar og handverksfólk um land allt! Hjartans þakkir fyrir auðsýnda samúð og hlýju vegna andláts og útfarar okkar ástkæra GYLFA ELDJÁRNS SIGURLINNASONAR, Suðurvangi 3, Hafnarfirði. Þórunn Sólveig Ólafsdóttir, Stefana Björk Gylfadóttir, Guðmundur Björgvinsson, Ólafur Gylfi Gylfason, Bergþóra Kristín Garðarsdóttir, Þórunn Rakel Gylfadóttir, Sveinn Margeirsson, Þröstur Ingvar Gylfason, Dóróthea Jónsdóttir og afabörn. Hjartans þakkir til allra þeirra sem auðsýndu samúð og hlýhug við andlát og útför minnar elskulegu eiginkonu, móður, tengdamóður, ömmu, langömmu og langalangömmu, SIGRÍÐAR ÓLAFSDÓTTUR frá Bergvík, Lágholti 6, Mosfellsbæ. Sérstakar þakkir til starfsfólks á Víðinesi fyrir alúð, vinsemd og góða umönnun. Kristján Þorgeirsson, Ólöf Ásta Kristjánsdóttir, María Kristjánsdóttir, Guðmundur Vignir Þórðarson, Ingibjörg Kristjánsdóttir,Kristinn Orri Erlendsson, Páll Kristjánsson, Katrín Tómasdóttir, Höskuldur Svavarsson, barnabörn, barnabarnabörn og barnabarnabarnabörn. Innilegar þakkir fyrir samúð og hlýhug vegna andláts og útfarar eiginmanns míns, föður okkar, tengdaföður, afa og langafa, VÍKINGS GUÐMUNDSSONAR, Grænhóli, Akureyri. Sérstakar þakkir til starfsfólks á lyfjadeild Fjórð- ungssjúkrahússins á Akureyri. Bergþóra Sigríður Sölvadóttir, Arnbjörg A. Guðmundsdóttir, Gunnar Sigurðsson, Guðmundur Víkingsson, Sóley Jóhannsdóttir, Vignir Víkingsson, Hildur Stefánsdóttir, Sölvi Rúnar Víkingsson, Elín Margrét Víkingsdóttir, Jón Víkingsson, Erna Valdís Sigurðardóttir, Guðný Sigríður Víkingsdóttir, Pétur V. Pálmason, Gunnar Víkingsson, Þórunn Hyrna Víkingsdóttir, afabörn og langafabörn. Innilegar þakkir fyrir auðsýnda samúð og hlýhug vegna andláts og útfarar bróður okkar, GÍSLA AÐALSTEINS HJARTARSONAR, Fjarðarstræti 2, Ísafirði. Fyrir hönd annarra aðstandenda, Hjördís Hjartardóttir, Sigurður Bjarni Hjartarson, Viðar Hjartarson, Hilmar Hjartarson. Ástkær faðir okkar, tengdafaðir, afi og langafi, KJARTAN GUÐMUNDSSON bifreiðastjóri, lést fimmtudaginn 19. janúar. Útförin hefur farið fram í kyrrþey að ósk hins látna. Guðmundur Kjartansson, Sigurlaug Jóhannsdóttir, Sighvatur Kjartansson, Genice Baker, Pétur Kúld Kjartansson, Margrét Auður Óskarsdóttir, barnabörn og barnabarnabörn. Elskulegur eiginmaður minn, faðir okkar, tengda- faðir, afi og langafi, HJÖRTUR FRIÐBERG JÓNSSON, Fornastekk 11, Reykjavík, sem lést á heimili sínu mánudaginn 23. janúar, verður jarðsunginn frá Fossvogskirkju föstu- daginn 3. febrúar kl. 15.00. Þeim sem vilja minnast hans er bent á líknarfélög. Vigdís Einarsdóttir, Jón F. Hjartarson, Elísabet Kemp, Einar F. Hjartarson, Kristín Þorgeirsdóttir, Stefán F. Hjartarson, Áslaug Guðmundsdóttir, Ævar S. Hjartarson, barnabörn og barnabarnabörn.

x

Morgunblaðið

Gerð af titli:
Flokkur:
Gegnir:
ISSN:
1021-7266
Tungumál:
Árgangar:
110
Fjöldi tölublaða/hefta:
55340
Skráðar greinar:
3
Gefið út:
1913-í dag
Myndað til:
30.12.2023
Skv. samningi við Árvakur útgáfufélag Morgunblaðsins er ekki hægt að sýna efni frá síðustu þremur árum Morgunblaðsins í almennum aðgangi á Tímarit.is.
Útgáfustaðir:
Ritstjóri:
Vilhjálmur Finsen (1913-1921)
Þorsteinn Gíslason (1921-1924)
Jón Kjartansson (1924-1947)
Valtýr Stefánsson (1924-1963)
Sigurður Bjarnason frá Vigur (1963-1970)
Matthías Johannessen (1959-2000)
Eyjólfur Konráð Jónsson (1960-1974)
Styrmir Gunnarsson (1972-2008)
Ólafur Þ. Stephensen (2008-2009)
Davíð Oddsson (2009-í dag)
Haraldur Johannessen (2009-í dag)
Útgefandi:
Félag í Reykjavík (1924-1947)
Árvakur (1947-í dag)
Efnisorð:
Lýsing:
Dagblað. Fréttir og greinar um innlend sem erlend málefni.
Styrktaraðili:
Fylgirit:

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað: 30. tölublað (31.01.2006)
https://timarit.is/issue/284109

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.

30. tölublað (31.01.2006)

Aðgerðir: