Morgunblaðið - 09.02.2006, Qupperneq 29

MORGUNBLAÐIÐ FIMMTUDAGUR 9. FEBRÚAR 2006 29
MENNING
Í NÚTIMATÓNLIST leyfist allt,
eins og kollegi minn Bergþóra Jóns-
dóttir benti á í Morgunblaðinu í gær.
Kom það ágætlega í ljós á tónleikum
á Myrkum músíkdögum í Langholts-
kirkju á þriðjudagskvöldið. Þar flutti
kórinn Vox Academica og kammer-
sveitin Jón Leifs Cammerata merki-
lega ólíkar tónsmíðar eftir nokkur ís-
lensk tónskáld, en sumar þeirra voru
forkunnarfagrar. Óhætt er að full-
yrða að nú séu spennandi tímar í tón-
listarheiminum; maður veit aldrei við
hverju er að búast á tónleikum þar
sem ný tónlist fær að njóta sín.
Fyrst á dagskránni voru tvö verk
eftir Úlfar Inga Haraldsson, Alleluia
og Tara’s Harp. Textinn við hið fyrr-
nefnda er úr latnesku messunni en
við það síðarnefnda eftir Thomas
Moore. Bæði voru einstaklega falleg,
sérstaklega Tara’s Harp. Hörpu-
leikur Elísabetar Waage spilaði stórt
hlutverk og skapaði seiðandi, tíma-
lausa stemningu, sem var fyllilega
við hæfi því Tara á Írlandi er sveipuð
goðsögnum. Sönglínurnar voru líka
hástemmdar, en samt þægilega blátt
áfram og þar eð söngur kórsins var
gæddur aðdáunarverðri mýkt, en
einnig tærleika, þá er ekki annað
hægt að segja en að tónlistin hafi
verið dásamleg.
Því miður verður hið sama ekki
sagt um tónsmíð eftir Egil Gunnars-
son, Ísland, við texta eftir Hannes
Pétursson. Verkið minnti lengst
framan af á tónlist við ódýra hryll-
ingsmynd, þ.e. samanstóð af drauga-
legum klisjum sem maður hefur
heyrt þúsund sinnum áður. Nú er
auðvitað ekkert að því að nota klisju
sem efnivið, en það verður þá að vera
almennilega gert. Til allrar óham-
ingju blönduðust raddir kórsins illa
saman og varð kokkteillinn sífellt
bragðverri eftir því sem fleiri og
fleiri hljóðfæri bættust við. Útkoman
var ofhlaðinn óskapnaður sem veru-
lega erfitt var að hlusta á.
Nú er ég viss um að Egill er gædd-
ur töluverðum tónlistarhæfileikum,
en hann þarf að læra betur að semja
tónlist fyrir mismunandi raddir og
hljóðfæri. Vonandi ber hann gæfu til
að gera það.
Annað á dagskránni var mun
betra; Sjö sérhljóðar handa vini mín-
um eftir Hilmar Örn Hilmarsson var
íhugunarkennd helgitónlist sem
byggðist á hefðbundnu tónmáli án
þess að vera klisjukennd. Kórinn
söng þekktar formúlur úr vestrænni
dulhyggjuhefð, en undir spiluðu
strengjaleikarar langa hljóma sem
minntu helst á tónlistina eftir Arvo
Pärt. Ofurveikur pákuleikur gaf
verkinu notalega dýpt og einsöngur
Hallveigar Rúnarsdóttur var ákaf-
lega vandaður, auk þess sem hann
féll fullkomlega inn í heildarmynd-
ina. Óhætt að segja að tónlistin hafi
verið hrífandi í einfaldleika sínum.
Maríumúsík I, II og III eftir Leif
Þórarinsson var líka heillandi, enda
sungin af öryggi og innlifun, en hið
rappkennda Kvenna heiti eftir Atla
Ingólfsson, sem var á margan hátt
skondið, leið fyrir fullmikla endur-
ómun kirkjunnar. Áhrif tónlistar-
innar byggjast talsvert á því að mað-
ur skilji textann, en það var ekki
alltaf auðvelt aftarlega í kirkjunni.
Auk þess var ekki nægilegur kraftur
í túlkuninni, a.m.k. gat ég ekki betur
heyrt en að tónlistin byði upp á mun
snarpari flutning.
Hins vegar var Landslag með tíma
eftir Hauk Tómasson við ljóð eftir
Sigfús Bjartmarsson snilldarverk.
Kórparturinn var unaðslega fagur og
raddir átta hljóðfæraleikara svo
meistaralega samansettar að ég féll
aftur og aftur í stafi af hrifningu.
Tónlistin var líka glæsilega flutt; alls
konar blæbrigði voru mótuð af sjald-
heyrðri alúð og fagmennsku og var
útkoman ekki af þessum heimi.
Í það heila voru þetta skemmti-
legir tónleikar og er stjórnanda kórs-
ins, Hákoni Leifssyni, hér með óskað
til hamingju fyrir gott framlag til
Myrkra músíkdaga, sem hingað til
hafa verið allt annað en myrkir.
Ómyrkir músíkdagar
TÓNLIST
Langholtskirkja
Vox Academica og Jón Leifs Camerata
fluttu tónsmíðar eftir Úlfar Inga Haralds-
son, Egil Gunnarsson, Hilmar Örn Hilm-
arsson, Leif Þórarinsson, Hauk Tóm-
asson og Atla Ingólfsson. Þriðjudagur 7.
febrúar.
Myrkir músíkdagar: Kórtónleikar
Jónas Sen
Morgunblaðið/Kristinn Ingvarsson
„Landslag með tíma eftir Hauk Tómasson við ljóð eftir Sigfús Bjartmars-
son var snilldarverk,“ segir Jónas Sen í umsögn sinni.
HOLTA
EINFALT OG GOTT – NÝTTU TÍMANN VEL
H
V
ÍT
A
H
Ú
S
IÐ
/
S
ÍA
-
5
0
9
0
JAIN-pílagrímar nærri Bangalore
á Indlandi heiðra styttu Bahubalis á
tólf ára fresti með því að baða and-
lit hennar í mjólk og blómum.
Reuters
Andlitsbað