Morgunblaðið - 09.02.2006, Blaðsíða 34

34 FIMMTUDAGUR 9. FEBRÚAR 2006 MORGUNBLAÐIÐ
UMRÆÐAN
SKÝRAR línur er fyrirsögn á
stuttri grein formanns iðn-
aðarnefndar Alþingis sem birtist í
Morgunblaðinu sl.
þriðjudag. Þar hellir
Birkir Jón Jónsson úr
skálum reiði sinnar yf-
ir okkur þingmenn
Vinstrihreyfingarinnar
– græns framboðs fyrir
það að halda uppi
merki náttúruverndar
í landinu. Honum verð-
ur tíðrætt um af-
greiðslu frumvarps
iðnaðarráherra um
rannsóknir á auðlind-
um í jörðu sem afgreitt
var með afbrigðum frá
Alþingi í síðustu viku. Formaður
iðnaðarnefndar missti af meintu
málþófi þar sem hann var í Brussel
á fundi lungann úr vikunni og það
virðist hafa farið sérstaklega fyrir
brjóstið á honum.
Birkir Jón missti af
Staðreyndin er sú að Vinstri-
hreyfingin – grænt framboð er afar
velviljuð rannsóknum á náttúru Ís-
lands en þegar meginmarkmið
rannsóknanna er að flýta fyrir ál-
væðingu landsins, því nú vantar
meiri orku til að selja amerískum ál-
hringjum á slikk, þá setjum við eðli-
lega varnagla við málið. Yfir þetta
var vandlega farið í umræðum sem
Birkir Jón missti illu heilli af. Iðn-
aðarráðherra lá nefnilega svo mikið
á að þröngva frumvarpinu í gegnum
þingið að það var afgreitt með af-
brigðum og formaður iðnaðarnefnd-
ar missti af aukafundi í nefndinni
sem boðaður var með stuttum fyr-
irvara. Á þem fundi (eða öllu heldur
millifundi) samdi meirihlutinn við
Frjálslynda og Samfylkingu um að
koma málinu áfram með því að gefa
nokkuð eftir í ýtrustu
kröfum ráðherra.
Liðsauki úr
óvæntri átt
Hins vegar eru eng-
ar reglur til um hvern-
ig iðnaðarráherra á að
úthluta rannsókn-
arleyfum og þær regl-
ur eiga ekki að vera til
fyrr en í september nk.
Hvað þangað til verður
veit enginn.
Nú er ljóst að það
vantar atvinnu á Norð-
urlandi og Birkir Jón hefur sagt að
þar sé jafnvel „gífurlegt atvinnu-
leysi“. Það verða nú að teljast smá-
ýkjur hjá formanni iðnaðarnefndar.
Við í VG höfum bent á að framtíðin
sé t.d. í bláskeljarækt, ferðamanna-
iðnaði og hraða ber undirbúningi
fyrir polyo-verksmiðju og jafnvel ál-
þynnuverksmiðju í stað þess að
hrekja hátæknifyrirtækin burt af
landinu eins og ríkisstjórnin hefur
gert markvisst með stóriðjustefnu
sinni. Það er nú allur stöðugleikinn
sem Birkir Jón talar um í grein
sinni og vill varðveita. Okkur í
Vinstrihreyfingunni – grænu fram-
boði barst liðsauki úr óvæntri átt
einmitt hér á síðum Morgunblaðsins
því Ágúst Guðmundsson, stjórn-
arformaður Bakkavarar, bendir ein-
mitt á að við eigum að stefna að
þjónustu- og tækniþjóðfélagi en
ekki grunn-hráefnisvinnslu eins og
ríkisstjórnin rær öllum árum að.
Þetta eru sjónarmið sem við Vinstri-
græn höfum lengi haldið á lofti.
Afturhald eða framsýni
Birkir Jón Jónsson segir í grein
sinni að VG sé afturhaldssamur og
öfgafullur stjórnmálaflokkur sem
ekki á erindi í íslensk stjórnmál.
Þetta eru auðvitað fullkomin öf-
ugmæli því framtíð okkar og
barnanna okkar byggist á virðingu
fyrir umhverfinu. Við erum fram-
sækinn og bjartsýnn flokkur með
mest fylgi meðal ungs fólks sem er
meira en hægt er að segja um hinn
þreytta Framsóknarflokk. Ef það
eru framfarir að sökkva ósnortnu
landi, þurrka upp fossa og hrekja
hátækniiðnað úr landi þá er það nú
ekki eftirsóknarvert hlutverk.
Framfarir eru að okkar mati að
byggja upp menntun og atvinnu,
samfélag þar sem við lifum í sátt við
umhverfið og þar sem peningaöflin
ráða ekki öllu. Að lækka skatta á
barnafólk og auka lýðræðið er að
okkar mati framfarir, það er von-
andi óumdeilt og flest bendir til að
fleiri séu að verða okkur sammála
um það.
Fúkyrðaflaumur
formanns iðnaðarnefndar
Hlynur Hallssonsvarar grein
Birkis J. Jónssonar ’Framfarir eru að okkarmati að byggja upp
menntun og atvinnu,
samfélag þar sem við lif-
um í sátt við umhverf-
ið …‘
Höfundur er varaþingmaður Vinstri-
hreyfingarinnar – græns framboðs í
NA-kjördæmi.
Hlynur Hallsson
MERKING símanúmersins 1-1-2
hefur frá upphafi verið tengd bráða-
aðstoð vegna slysa og afbrota. Síðan
árið 2004 hefur aðstoð frá barna-
verndaryfirvöldum enn fremur verið
tengd við þetta númer.
Nú er komin reynsla á samstarf
barnaverndarnefnda við 1-1-2. Í
byrjun var óttast að fólk veigraði sér
við að hringja í „neyðarlínu lands-
manna“ vegna aðstæðna barna.
Reyndin er þó sú að bæði börn og
fullorðnir hringja í 1-1-2 til að kalla
eftir aðstoð barnaverndarstarfs-
manna og koma ábendingum um
slæman aðbúnað barna á framfæri.
Eitt númer fyrir allt landið auðveld-
ar fólki að ná til starfsmanna barna-
verndar.
Einföld leið að aðstoð
Þróun í barnaverndarmálum hef-
ur verið hröð á síðustu árum og hef-
ur aukin áhersla verið lögð á rétt
barnsins til að hafa áhrif á eigið líf.
Skrifstofa Barnaverndar Reykjavík-
ur var stofnuð í september 2000. Þar
var frá upphafi lögð áhersla á að
rætt skyldi við öll börn sem tilkynnt
væri um til barnaverndar vegna
gruns um misfellur í aðbúnaði. Ný
barnaverndarlög voru sett árið 2002
þar sem réttur barna var aukinn.
Þar er að finna ákvæði um að 15 ára
barn teljist aðili að eigin máli og
áfram lögð áhersla á að börn eldri en
12 ára eigi ætíð rétt á talsmanni við
málsmeðferð hjá barnavernd-
arnefndum. Rík áhersla er lögð á
það að rödd barnsins heyrist.
Fyrir börn og ungmenni, sem
telja sig hafa þörf fyrir aðstoð, er
gott að vita að 1-1-2 er einföld leið að
hjálp í kerfi sem annars gæti virst
flókið fyrir barn í vanda. Skilaboðin
til barnanna hafa frá byrjun sam-
starfs við 1-1-2 verið mjög skýr.
Númerið hefur verið auglýst m.a. í
skólum og börn hvött
til þess að hika ekki
við að hringja í 1-1-2.
Tilkynning-
arskylda
Í barnaverndar-
lögum er kveðið á um
tilkynningaskyldu al-
mennings ef grunur
leikur á misfellum í
aðbúnaði barns. Sér-
stök áhersla er lögð á
tilkynningaskyldu op-
inberra aðila sem með
einum eða öðrum hætti koma að
umönnun barna. Því er það, að þér,
lesandi góður, ber að hafa samband
við barnavernd ef þú hefur ástæðu
til að ætla að barn búi við óviðunandi
uppeldisskilyrði, það verði fyrir
áreitni eða ofbeldi eða heilsu þess og
þroska sé stefnt í alvarlega hættu.
Hægt er að hafa samband við
Barnavernd Reykjavíkur, eins og
aðrar barnaverndarnefndir landsins,
meðal annars með því að hringja í
númerið 1-1-2, allan sólarhringinn.
Neyðarvörður í þessu númeri metur
alvarleika símtala og kemur strax
boðum í réttan farveg.
Góð þjónusta við börn í vanda og
fjölskyldur þeirra er hagur sam-
félagsins. Það er mikilvæg forvörn
að allir hafi greiðan aðgang að hjálp-
araðilum í barnavernd. Því teljum
við hjá Barnavernd Reykjavíkur að
mikilvægt skref hafi verið stigið
þegar númerið 1-1-2 varð að þjón-
ustunúmeri fyrir okkur. Við viljum
þakka starfsmönnum 1-1-2 gott
samstarf og hvetjum þá sem þurfa á
aðstoð starfsmanna barnaverndar
að halda að hringja í 1-1-2.
1-1-2 – Neyðarnúmer
barnaverndar
Guðrún Marinósdóttir og Hall-
dóra Gunnarsdóttir fjalla um
samstarf Barnaverndar
Reykjavíkur við 1-1-2
’Skilaboðin til barnannahafa frá byrjun samstarfs
við 1-1-2 verið mjög skýr.
Númerið hefur verið aug-
lýst m.a. í skólum og börn
hvött til þess að hika ekki
við að hringja í 1-1-2.‘
Halldóra Dröfn
Gunnarsdóttir
Höfundar eru félagsráðgjafar og
verkefnastjórar hjá Barnavernd
Reykjavíkur.
Guðrún
Marinósdóttir
SÍÐARI dagur
kosninga til Stúd-
entaráðs og Há-
skólaráðs er í dag,
fimmtudaginn 9. febr-
úar, og er hægt að
kjósa í öllum bygg-
ingum skólans. Við
hvetjum alla stúdenta
til að láta sig málið
varða og nýta kosn-
ingaréttinn í ár. Það er
sterkt fyrir málstað stúdenta að sem
flestir kjósi.
Framkvæmdir frekar
en kröfugerðapólitík
Starfsárið í ár hefur um margt
verið sérstakt vegna þeirrar odda-
stöðu sem upp kom í Stúdentaráði í
kjölfar kosninganna í fyrra. Þótt það
hafi ekki verið óskastaða hafa allir
reynt að gera sitt besta og þegar litið
er til baka getum við í Vöku að
minnsta kosti sagt að við séum nokk-
uð sátt við okkar störf. Við höfum
unnið eftir sömu grundvallarstefnu
og áður, þ.e. látið verkin tala og
framkvæmt í þágu stúdenta en hins
vegar látið þjóðmál og annað sem
varðar stúdenta með litlum eða eng-
um hætti eiga sig. Við teljum að
Stúdentaráð eigi fyrst og fremst að
framkvæma í þágu stúdenta en ekki
reka kröfugerðapólitík.
Afrakstur vinnu okkar í vetur er
meðal annars sá að öllum stúdentum
við Háskóla Íslands gefst nú færi á
að skrá sig fyrir stúdentakortum
sem fulltrúar Vöku í hagsmunanefnd
ráðsins hafa átt veg og vanda af.
Kortin, sem eru stúdentum að kostn-
aðarlausu, veita sólarhringsaðgang
að byggingum í Háskólanum auk
þess að vera afsláttar- og auðkenn-
iskort stúdenta. Þá höfum við í vetur
haldið úti síðunni www.prof.is þar
sem einkunnaskil kennara eru vökt-
uð og þeir áminntir ef skilin dragast
um of. Í vor- og jólaprófunum í fyrra
vöktuðu Vökuliðar byggingar á há-
skólasvæðinu til að tryggja að bygg-
ingar væru lengur opnar í prófatíð
og svo mætti lengi telja.
Stúdentaráð á
að vera sameinað
Í krafti fjöldans og sam-
takamáttar stúdenta geta samtök
stúdenta komið svo mörgu til leiðar
innan skólans og í baráttu fyrir mál-
efnum skólans út á við. Í þessum
málum verður Stúdentaráð að vera
sameinað út á við og viljum við
leggja áherslu á að vinna með öllum
fylkingum innan ráðsins. Stærsti
vandi Háskóla Íslands um þessar
mundir er þó fjárhagslegs eðlis.
Skólinn hefur um langt skeið fengið
of lág framlög og það þarf að bæta.
Fyrirkomulag fjármögnunar skól-
ans, sem byggist á svonefndu reikni-
líkani, er gallað. Afleiðingin er meðal
annars sú að alltof margir stúdentar
við skólann þurfa að sætta sig við
kennslu í fjölmennum námskeiðum
og fá því ekki þá persónulegu nálgun
á námsefnið og kennsluna sem til
þyrfti. Vaka hefur lagt til að komið
verði til móts við þetta vandamál
með því að greiða meistaranemum
einingar fyrir að sjá um stunda-
kennslu. Stóri slagurinn er þó auð-
vitað að hækka hlutfall kennara mið-
að við nemendur í skólanum og efla
framhalds- og doktorsnám við skól-
ann þannig að hann geti orðið sá
rannsóknarháskóli á heims-
mælikvarða sem marga dreymir um.
Þennan slag erum við tilbúin að taka
enda skiptir hann alla stúdenta máli.
Vaka leggur verk sín, hugmyndir
og áherslur óhrædd í dóm kjósenda.
Setjið x við A og tryggjum öflugra
Stúdentaráð.
Virkjum samtaka-
mátt stúdenta
Eftir Árna Helga-
son og Ingu Hrefnu
Sveinbjarnardóttur
Árni
Helgason
’Við teljum að Stúd-entaráð eigi fyrst og
fremst að framkvæma í
þágu stúdenta en ekki
reka kröfugerðapólitík. ‘
Árni er oddviti Vöku og Inga Hrefna
Sveinbjarnardóttir er formaður
Vöku.
Inga Hrefna
Sveinbjarnardóttir
ÁLITSHAFAR éta
það nú upp hver eftir
öðrum að fylgi Sjálf-
stæðisflokks hafi auk-
ist mikið við að losna
við Davíð Oddsson og
sókn hans sé mikil inn
á miðjuna. Þetta er
ljótur leikur þegar
menn vita að seðla-
bankastjóri getur ekki
varið hendur sínar og
helsti talsmaður hans
múlbundinn í Hæsta-
rétti. Þessar túlkanir,
sem bersýnilega eru
að undirlagi Geirs
Haarde og félaga, eru
ekki aðeins ósann-
gjarnar gagnvart
Davíð heldur beinlínis
rangar.
Allir sem eitthvað
þekkja til stjórnmála
vita að þar er reikn-
ingsárið kjörtímabilið
og þróun er borin
saman frá einu kjör-
tímabili til annars. Í áreiðanlegri
6.000 manna könnun Gallup í jan-
úar mældist Sjálfstæðisflokkurinn
með rúmlega 42% fylgi. Í sama
mánuði 2002 mældist
hann með sama fylgi
hjá sama könnunarfyr-
irtæki. VG og Fram-
sókn mælast nú með
tæplega 2–3% minna
fylgi hvor en þá, en
breyting Frjálslyndra
er innan skekkju-
marka, eða lækkun um
1%. Eina verulega
breytingin er að fylgi
Samfylkingar er nú
27% en var þá aðeins
20% og er þannig
þriðjungi meira. Allir
vita svo að sterk staða
Samfylkingar í sveit-
arstjórnarmálum,
glæsileg prófkjör o.fl.
mun auka fylgi hennar
frameftir árinu með
sama hætti og 2002.
Þegar fylgisbreyt-
ingar milli mánaða
verða ímyndunarafli
manna efni til drama-
tískra kenninga um ris
og hnig í stjórnmálum
er það yfirleitt til
marks um að þeir hafi
of lítið fyrir stafni
hvunndags og leiðist fréttaleysið í
litlum bæ.
Til varnar Davíð
Helgi Hjörvar
fjallar um fylgi
flokkanna
Helgi Hjörvar
’Þessar túlkanir,sem bersýnilega
eru að undirlagi
Geirs Haarde og
félaga, eru ekki
aðeins ósann-
gjarnar gagnvart
Davíð heldur
beinlínis rang-
ar.‘
Höfundur er alþingismaður.
Útsala
Opið virka daga kl. 10-18
laugardaga kl. 10-16
Nýbýlavegi 12,
Kópavogi
sími 554 4433