Morgunblaðið - 09.02.2006, Page 36

36 FIMMTUDAGUR 9. FEBRÚAR 2006 MORGUNBLAÐIÐ
UMRÆÐAN
ALLIR þeir stjórnmálaflokkar
sem bjóða fram til bæjarstjórnar í
vor eru einhuga um að vinna að hags-
munum Akureyringa
og bjóða fram krafta
sína til góðra verka.
Það sem máli skiptir er
hvaða flokkur og fram-
bjóðendur eru líkleg-
astir til að koma málum
til framkvæmda. Bær-
inn hefur verið undir
styrkri stjórn Sjálf-
stæðisflokksins og
samstarfsflokka sl. átta
ár og við sjáum árang-
urinn bæði í fólks-
fjölgun og sókn fram á
við.
En á hvaða atvinnu-
starfsemi munum við byggja sam-
félagið í framtíðinni? Hvað skiptir
sköpum fyrir farsæld Akureyrar? Er
það sjávarútvegur, orkufrekur iðn-
aður, ferðaþjónusta eða þekking-
arsamfélag eða allt þetta og fleira
til? Að þessum leiðum er hægt að
stefna samhliða þótt skynsamlegra
sé að Akureyringar móti sér ákveðna
stefnu og skapi sér sérstöðu.
Við verðum hins vegar að standa
vörð um það sem hér er til staðar í
dag – þær meginstoðir sem hér eru,
þ.e. menntun, heilbrigðisþjónustu,
ferðaþjónustu og matvælafram-
leiðslu.
Stjórnvöld verða að vera einhuga
um að styrkja Háskólann á Akureyri
enn betur, efla þær deildir sem eru í
boði en eins þarf að
skapa honum sérstöðu
á ákveðnum sviðum og
víkka t.d. með framboði
á tæknigreinum. Með
þessu gæti skapast að-
staða fyrir sprotafyr-
irtæki eða sjálfstæð
fyrirtæki sem eiga ræt-
ur sínar í þekkingarleit
við háskólann og eru
þannig vettvangur hag-
nýtingar háskólaþekk-
ingar.
Þar með verði líka
fyrir hendi ein af helstu
forsendum þess að hér
byggist upp hátæknistörf, þróun og
framleiðsla t.d. á vélum og tækjum
til matvælavinnslu og fram-
leiðsluðiðnaðar sem tengist síðan á
beinan hátt annarri meginstoð, mat-
vælaframleiðslunni, og þróun henni
tengdri. Oft vill það gleymast hve
matvælaframleiðsla er stór og mik-
ilvægur hluti af fyrirtækjaflórunni
hér, ég nefni sem dæmi fyrirtækið
Norðlenska sem er orðið stærsti
sláturleyfishafi landsins og salan á
síðasta ári sú besta frá upphafi og út-
lit fyrir að fyrirtækið muni skila góð-
um hagnaði. Það hefur verið leiðandi
í að innleiða nýja vinnsluhætti sem
vekja athygli víða.
Fjórðungssjúkrahúsið er þriðja
meginstoð þessa samfélags og býður
upp á fjölmörg tækifæri til eflingar,
bæði í nýsköpun og auknu samstarfi
við önnur fyrirtæki í heilbrigðisgeir-
anum. Þar verðum við einnig að
skoða möguleika sem felast í auknu
samstarfi ríkis og einkaaðila í heil-
brigðisgeiranum með ákveðin verk-
efni eða þjónustu, sem er áfram á
ábyrgð ríkisins en greidd að mestu
úr almannasjóðum.
Ferðaþjónustan er fjórða stoðin.
Samstarf fyrirtækja og einstaklinga
í þeirri grein er til fyrirmyndar og
stofnun Markaðsskrifstofu Norður-
lands mikilvægur áfangi á þeirri leið.
Beint flug til Danmerkur nú í sumar
er síðan annar áfangi og aukinn
áhugi á þessari flugleið kallar á þann
sjálfsagða hlut að lengja flugbraut-
ina á Akureyrarvelli.
Síaukinn fjöldi skemmtiferðaskipa
hingað er staðreynd og nauðsynlegt
er að bæjarfélagið og fyrirtæki taki
höndum saman til að auka hér af-
þreyingu fyrir ferðamenn og lengja
dvalartíma þeirra hér í bæ.
Mikil umræða hefur verið und-
anfarið um álver á Norðurlandi.
Ákvörðunar um áframhald þeirrar
vinnu er að vænta nú í lok mánaðar-
ins og sú ákvörðun mun skipta sköp-
um fyrir fjórðunginn. Í því máli
skiptir samstaða Norðlendinga höf-
uðmáli og að við leggjumst á eitt við
að koma því máli í höfn. Það eru mér
vonbrigði að sjá viðbrögð Þingeyinga
nú á þessum síðustu dögum og yf-
irlýsingar þess efnis að þeir muni
ekki standa við gert samkomulag um
að Norðlendingar tali einni röddu í
þessu mikilvæga máli.
Öll þessi atriði sem ég hef farið yf-
ir hér að framan eru þess eðlis að
flest getum við verið sammála um
miklvægi þeirra. Hlutverk bæjaryf-
irvalda er að hlúa að þessu umhverfi,
meginstoðunum – hvetja til sam-
starfs og sóknar og sjá um að grunn-
gerðin sé ein sú besta. Þar skiptir
höfuðmáli hverjir veljast til forystu
og þar treysti ég Sjálfstæð-
isflokknum best.
Máttur og meginstoðir
Eftir Sigrúnu Björk
Jakobsdóttur ’Þar skiptir höfuðmálihverjir veljast til forystu
og þar treysti ég Sjálf-
stæðisflokknum best.‘
Sigrún Björk
Jakobsdóttir
Höfundur er bæjarfulltrúi og býður
sig fram í 2. sæti í prófkjöri Sjálfstæð-
isflokksins á Akureyri hinn 11.
febrúar nk.
LAUGARDAGINN 11. febrúar
næstkomandi raða félagsmenn
væntanlegum frambjóðendum á
lista fyrir sveitarstjórnarkosning-
arnar í maí næstkomandi. Hér er
hópur vaskra kvenna
og karla sem hefur
víðtæka reynslu á
mörgum sviðum
mannlífsins.
Við höfum látið
verkin tala og unnið
ötullega að framfara-
málum til að bæta bú-
setuskilyrði allra ald-
urshópa í bænum.
Mörgum verkum er
lokið, önnur eru ýmist
á upphafsreit eða í
undirbúningi og þarf
að fylgja vel eftir til
að þau verði að veru-
leika. Ég dreg hér
fram helstu málefni
sem ég hef unnið að
með félögum mínum
og vil leggja rækt við
áfram.
Skólamál, íþrótta-
og tómstundamál,
samfélagsþjónusta
Nýtt húsnæði
grunnskólans var tek-
ið í notkun í haust, fé-
lagsmiðstöð fyrir ung-
lingana opnuð og
tónlistarskólanum hef-
ur verið búin ný og
glæsileg aðstaða. Ný-
hafin er stækkun íþróttahússins.
Fram undan er að huga að enn
frekari stækkun Álftanesskóla og
sal við tónlistarskólann. Nýr leik-
skóli verður tekinn í notkun í sum-
ar. Lagður er grunnur að enn meiri
fjölbreytni fyrir íþrótta- og útivist-
ariðkun í nýrri tillögu að deiliskipu-
lagi norðurnessins; golfvöllur, smá-
bátahöfn og hesthúsabyggð.
Félagsþjónusta er efld, m.a. með
nýju hlutastarfi félagsráðgjafa und-
ir stjórn okkar ágæta félagsmála-
stjóra.
Náttúran
Við eigum hér langa ósnortna
fjöru með fjölbreyttu lífríki. Hér er
um ómetanlega náttúruperlu að
ræða sem þarf að standa vörð um.
Við þurfum m.a. að fylgjast vel með
þróun framkvæmda við álverið í
Straumsvík og vera vakandi yfir
hugsanlegri aukinni mengun þaðan.
Málefni eldri íbúa
Stutt hefur verið við aukna fjöl-
breytni í félagsstarfi á vegum Fé-
lags eldri borgara. Kapp er lagt á
að íbúðir og þjónustumiðstöð fyrir
eldri borgara verði að veruleika
með samningum sem við höfum
gert við Hjúkrunarheimilið Eir.
Skipulagsmál
Tillögur að nýju aðalskipulagi,
deiliskipulag miðsvæðis og norð-
urness hafa verið auglýstar og at-
hugasemdafrestur runninn út. Meg-
ináherslan í skipulagsmálum er að
þétta byggð og auka óbyggð opin
svæði. Skipulagsnefnd lagði sig
fram um að gera Álftnesingum auð-
velt að hafa bein áhrif á tillögurnar
meðan þær voru í vinnslu í nefnd-
inni. Eins og lög gera ráð fyrir er
íbúum einnig gert kleift að gera at-
hugasemdir við tillög-
urnar eftir auglýsingu.
Skipulagsnefnd hefur
verið að vinna úr þeim
athugasemdum sem
borist hafa eftir að at-
hugasemdafrestur rann
út. Lengst er vinnan
komin hvað varðar at-
hugasemdir um mið-
svæðistillöguna. Þegar
lokabreytingar hafa
verið gerðar, verður
hún send til Skipulags-
stofnunar til staðfest-
ingar. Breytt tillaga
mun síðan verða kynnt
rækilega fyrir Álftnes-
ingum.
Okkar svar við ósk-
um þeirra sem vilja sjá
fleiri valkosti um mið-
svæðið er að leggja
verk okkar og aðferðir
í dóm fólksins í bænum
við sveitarstjórn-
arkosningar í vor.
Framkvæmdum á
svæðinu er frestað og
það sett í vald kjósenda
í vor hvort unnið verði
áfram eftir skipulaginu
og staðið við gerða
samninga.
Sveitarfélagið á land-
svæði sunnan Grásteins sem til-
heyrir miðsvæðinu, en hefur ekki
verið deiliskipulagt. Þar eru mögu-
leikar fyrir ýmiss konar stærri
byggingar sem m.a. geta hýst fé-
lagsstarf og ýmsa aðra menningar-
starfsemi. Bæjarstjórn hefur nýlega
falið skipulagsnefnd að hefja und-
irbúning að skipulagi þar.
Ég hvet félaga í Sjálfstæðisfélag-
inu til þátttöku í prófkjörinu sem
verður laugardaginn 11. febrúar
næstkomandi og óska eftir stuðn-
ingi í 2. sæti listans.
Nýr leikskóli og
félagsþjónusta efld
Eftir Erlu Guðjónsdóttur
Erla Guðjónsdóttir
’Okkar svar viðóskum þeirra
sem vilja sjá
fleiri valkosti um
miðsvæðið er að
leggja verk okk-
ar og aðferðir í
dóm fólksins í
bænum við sveit-
arstjórnarkosn-
ingar í vor.‘
Höfundur er skólastjóri og forseti
bæjarstjórnar Álftaness og óskar eft-
ir stuðningi í 2. sæti listans.
Prófkjör Álftanes
Prófkjör Akureyri
VILHJÁLMUR Þ. Vilhjálmsson
hefur nú séð að sér í Laxárvirkj-
unarmálinu og á borgarstjórn-
arfundi á þriðjudaginn stóð hann
ásamt öllum borg-
arfulltrúum Reykjavík-
urborgar, fyrir utan
Björn Bjarnason, að
tillögu þess efnis að
borgin fengi eitthvað
um það að segja að
Landsvirkjun ætli að
færa Laxárvirkjun inn
í nýtt ríkissmásölufyr-
irtæki á undirverði.
Það er nú alltaf ágætt
þegar menn vita upp á
sig skömmina og reyna
hvað þeir geta til að
bæta fyrir þann skaða
sem þeir hafa tekið
þátt í að valda.
Vilhjálmur hafði þó ekki mann-
dóm í sér að viðurkenna að mikill
skaði væri skeður, þó ef til vill mætti
skoða málin betur, hann fjölyrti um
að einhverjir aðrir hefðu setið hjá en
ekki greitt atkvæði á móti og að
skaði Reykvíkinga væri orðum auk-
in.
Með buxurnar á hælunum
Vilhjálmur veittist svo að mér í
Morgunblaðinu í gær, enda kann
hann mér eflaust litlar þakkir fyrir
að benda fólki á að hann hafi bux-
urnar á hælunum í þessu máli. Ég
fékk ekki séð af lestri greinar Vil-
hjálms, sem bar yfirskriftina „Rang-
færslur frambjóðandans“, að í henni
væri bent á einhverjar rangfærslur í
mínum málflutningi. Enda sér Vil-
hjálmur nú eftir að hafa farið svona
með atkvæði sitt í Landsvirkjun og
vill að Reykjavíkurborg sem eigandi
fái málið til skoðunar. Vilhjálmur
virðist ekki aðeins vera tvístígandi
um það hvenær hann eigi að greiða
atkvæði og hvenær ekki. Hann virð-
ist heldur ekki hafa gott tímaskyn,
því í greininni í gær heldur hann því
fram að ég sem stjórnarmaður í
Orkuveitu Reykjavíkur (OR) hafi
tekið þátt og borið ábyrgð á því sem
hann kallar „ævintýralegan fjár-
austur í Línu.net“ og „fram-
úrkeyrslu“ vegna byggingar nýs
Orkuveituhúss. Þegar ég tók sæti í
stjórn OR var löngu búið að leggja
Línu.net niður, en ljósleiðarar Lín-
u.net eru í dag hluti af gagnaflutn-
ingadeild OR sem selur þjónustu
sína til allra stærstu fyrirtækjanna í
borginni. Glæsilegar höfuðstöðvar
Orkuveitunnar voru einnig löngu
reistar þegar ég tók sæti í stjórn.
Þannig að ég vísa rang-
færslum til föðurhús-
anna.
Einkavæðing
Orkuveitunnar
Það var ánægjulegt
að sjá í Morgunblaðinu
að Vilhjálmur hyggist
ekki selja OR komist
hann í aðstöðu til þess.
Ég reikna þá með því
að sjálfstæðismenn
styðji boðaða tillögu
mína í stjórn OR um að
óska eftir breytingum
á lögum um Orkuveit-
una þannig að það þurfi aukinn
meirihluta eigenda til að breyta um
eignarhald á fyrirtækinu og selja
það eða hluta þess út fyrir eig-
endahóp. Svona ef Vilhjálmur kynni
að greiða óvart atkvæði einhvern
vegin öðruvísi en hann ætlar.
Aðrir eigendur fái
virkjanir á undirverði
Nú er það svo að Reykjavík-
urborg á rúm 45% í Landsvirkjun og
ríkið um 50%, því spurði ég bæði Vil-
hjálm og Björn Bjarnason að því á
borgarstjórnarfundinum hvort þeir
myndu beita sér fyrir því að aðrir
eigendur Landsvirkjunar og þá
Reykjavíkurborg fengi að taka
virkjanir út úr Landsvirkjun á svip-
uðu undirverði og hér um ræðir og
stofna þá um þær nýtt orkufyrirtæki
borgarinnar.
Ég gæti vel hugsað mér fyrir
hönd Reykvíkinga að fá t.d Sogið á
fáránlegu undirverði. Hvorugur
þeirra svaraði þessu, en Birni fannst
þó einsýnt að þarna færi stjórn-
armaður í OR sem væri að reyna að
verja hagsmuni fyrirtækisins, eins
og það væri stórhneyksli.
Hagsmunir Orkuveitunnar
Ég veit ekki hvaða hagsmuni
Birni Bjarnasyni finnist að ég eigi að
verja aðra en hagsmuni Reykvíkinga
sem eiga jú 94% í Orkuveitunni. Það
var fullkomlega ljóst á borgarstjórn-
arfundinum í gær að sjálfstæð-
ismenn gefa lítið fyrir hagsmuni OR
og að hún búi við eðlilegt samkeppn-
isumhverfi.
Samkvæmt frétt í Fréttablaðinu
6. febrúar er Laxárvirkjun metin á
2–4 milljarða en ekki einn milljarð
eins og nýja ríkissmásölufyrirtækið
fær virkjunina á og því einsýnt að
nýja ríkisfyrirtækið verður ekki til
að skapa eðlilega samkeppni á raf-
orkumarkaði.
En sjálfstæðismönnum finnst
augljóslega, ef marka má orð Björns
Bjarnasonar, allt í lagi að OR og
önnur orkufyrirtæki keppi við rík-
issmásölufyrirtæki sem er nið-
urgreitt af ríkinu í gegnum Lands-
virkjun.
Ég benti nú líka þessum herrum á
að þetta stæði ekki einungis OR fyr-
ir þrifum heldur myndi þetta
skekkja alla samkeppni sem verið er
að reyna að skapa með nýjum raf-
orkulögum. Hvernig ættu til dæmis
einkaaðilar sem vildu hasla sér völl í
raforkuframleiðslu og/eða sölu að
geta gert það í samkeppni við þetta
nýja niðurgreidda ríkisfyrirtæki.
Er það svona borgarstjóri
sem Reykvíkingar vilja
Af umræðunum í borgarstjórn má
ráða að borgarfulltrúar Sjálfstæð-
isflokksins hafa megna andúð á OR
og velgengni þess fyrirtækis undir
stjórn félagshyggjuaflanna. Það
hlakkar í þeim að ríkið og markaðs-
ráðandi ríkisfyrirtækið Lands-
virkjun ætli nú að keyra af stað
óeðlilega samkeppni við OR. Það
skýrir í mínum huga atkvæði Vil-
hjálms í stjórn Landsvirkjunar,
hann stóðst bara ekki mátið að
klekkja á OR en sér nú eftir öllu
saman og vill skoða málið í borg-
arstjórn. Er það svona borgarstjóri
sem Reykvíkingar vilja?
Vilhjálmur Þ. sér
eftir öllu saman
Sigrún Elsa Smáradóttir svarar
Vilhjálmi Þ. Vilhjálmssyni ’Ég reikna þá með því aðsjálfstæðismenn styðji
boðaða tillögu mína í
stjórn OR …‘
Höfundur er varaformaður stjórnar
Orkuveitu Reykjavíkur og býður sig
fram í 2.–4. sæti í prófkjöri Samfylk-
ingarinnar.
Sigrún Elsa
Smáradóttir