Morgunblaðið - 09.02.2006, Qupperneq 37
MORGUNBLAÐIÐ FIMMTUDAGUR 9. FEBRÚAR 2006 37
UMRÆÐAN
BRÉF TIL BLAÐSINS
Morgunblaðið Kringlunni 1 103 Reykjavík Bréf til blaðsins | mbl.is
KJARAVIÐRÆÐUR hafa staðið
yfir undanfarið milli samninga-
nefndar Reykjavíkurborgar og fé-
lagsráðgjafa sem þar starfa. Fé-
lagsráðgjafar hafa verið með lausa
samninga frá 1. nóvember síðast-
liðnum. Nýlega felldu þeir þá
samninga sem fyrir lágu með yf-
irgnæfandi meirihluta. Þátttaka í
kosningunni var 89% og felldu 97%
þeirra sem þátt tóku þá samninga
sem í boði voru.
Sumarið 2005 voru stofnaðar
þjónustumiðstöðvar innan Reykja-
víkurborgar, þar sem sameinast á
eina hendi einstaklings- og fjöl-
skylduþjónusta sem áður var á
hendi Félagsþjónustunnar, sér-
fræðiþjónustu Fræðslumiðstöðvar
Reykjavíkur og Leikskóla Reykja-
víkur, auk frístundaráðgjafar ÍTR.
Tilgangurinn var að gera þjón-
ustuna aðgengilegri og auka sam-
starf sérfræðinga í málefnum
barna og fjölskyldna.
Í dag eru félagsráðgjafar 29,2%
starfsmanna á skrifstofum þjón-
ustumiðstöðva borgarinnar. Því má
ljóst vera að þáttur þeirra í starf-
seminni er drjúgur.
Við stofnun þjónustumiðstöðv-
anna varð ljóst að kjör þeirra fag-
stétta sem þarna komu saman eru
mjög ólík. Er greinilegt að kjör fé-
lagsráðgjafa eru lakari en annarra
fagstétta innan þjónustumiðstöðv-
anna. Í október síðastliðnum fóru
félagsráðgjafar, með bréfi til yf-
irmanna sinna, fram á að kjör
þeirra yrðu leiðrétt til samræmis
við kjör annarra fagstétta, frá
þeim tíma er þjónustumiðstöðv-
arnar hófu starfsemi. Enn hafa
engin svör borist við þessari um-
leitan.
Afgerandi niðurstöður fyrr-
greindra kosninga undirstrika
óánægju félagsráðgjafa með kjör
sín. Það hlýtur að vera eðlileg
krafa að til komi leiðrétting á kjör-
um aftur í tímann, til viðbótar við
þær kjarabætur sem nýir kjara-
samningar hljóta að fela í sér.
Sem fyrr segir voru samningar
Reykjavíkurborgar og fé-
lagsráðgjafa lausir þann 1. nóv-
ember síðastliðinn. Fljótt var ljóst
að tilboð borgarinnar myndu
hvorki skila félagsráðgjöfum fram-
angreindri leiðréttingu, né veru-
legri kjarabót á samningstímanum.
Enn síður virðast tilboðin hafa
miðað að því að rétta hluta þeirrar
kvennastéttar sem um ræðir, til
jafns við karlastéttir innan borg-
arkerfisins, með sambærilega
langt háskólanám að baki (t.d.
verkfræðinga eða viðskiptafræð-
inga). Spurningin er hvernig for-
svarsmenn Reykjavíkurborgar
meta þau störf sem lúta að þjón-
ustu við borgarbúa. Eru störf á
sviði viðskipta og tækni verðmæt-
ari en störf sem lúta að því að efla
mannauð og styrkja stöðu þeirra
sem standa höllum fæti í samfélag-
inu?
Í ljósi þess hve takmarkaður
vilji virðist til að koma til móts við
sjónarmið félagsráðgjafa, koma
ítrekaðar yfirlýsingar borgarstjóra
um mikilvægi þess að bæta kjör
kvennastétta þeim nokkuð spánskt
fyrir sjónir. Engu að síður binda
félagsráðgjafar vonir við að standa
eigi við stóru orðin og að þeim
kvennastéttum sem setið hafa eftir
launalega, verði gerð raunhæf til-
boð um kjarabætur. Yfirstandandi
kjaraviðræður við félagsráðgjafa
ættu að vera kjörinn vettvangur til
slíkra verka.
F.h. félagsráðgjafa sem starfa í
Þjónustumiðstöð Laugardals og
Háaleitis,
MARGRÉT S. JÓNSDÓTTIR,
félagsráðgjafi,
ÞORBJÖRG
RÓBERTSDÓTTIR,
félagsráðgjafi.
Kjör félagsráðgjafa
hjá Reykjavíkurborg
Frá Margréti S. Jónsdóttur og
Þorbjörgu Róbertsdóttur:
Marteinn Karlsson: „Vegna óbilgjarnrar gjaldtöku
bæjarstjórnar Snæfellsbæjar af okkur smábáta-
eigendum, þar sem ekkert tillit er tekið til þess hvort
við megum veiða 10 eða 500 tonn, ákvað ég að selja
bátinn og flytja í burtu.“
Sigríður Halldórsdóttir skrifar um bækur Lizu
Marklund sem lýsa heimilisofbeldi.
Hulda Guðmundsdóttir: „Ég tel að það liggi ekki
nægilega ljóst fyrir hvernig eða hvort hinn evang-
elísk-lútherski vígsluskilningur fari í bága við það að
gefa saman fólk af sama kyni …“
Prófkjörsgreinar á mbl.is
www.mbl.is/profkjor
Helgi Hjörvar styður Sigrúnu Elsu Smáradóttur í
prófkjöri Samfylkingarinnar í Reykjavík.
Margrét Frímannsdóttir styður Sigrúnu Elsu
Smáradóttur í prófkjöri Samfylkingarinnar í Reykja-
vík.
Atli Vigfússon styður Elínu Margréti Hallgríms-
dóttur í prófkjöri Sjálfstæðisflokksins á Akureyri.
Jóhann Alfreð Kristinsson styður Sigurð Örn
Hilmarsson í kosningum til stúdentaráðs í HÍ.
Haukur Sveinsson styður Björk Vilhelmsdóttur í
prófkjöri Samfylkingarinnar í Reykjavík.
Elísabet Hjörleifsdóttir styður Elínu Margréti
Hallgrímsdóttur í prófkjöri Sjálfstæðisflokksins á
Akureyri.
Ágúst Ólafur Ágústsson styður Sigrúnu Elsu
Smáradóttur í prófkjöri Samfylkingarinnar í
Reykjavík.
Ingólfur Margeirsson styður Dag B. Eggertsson í
prófkjöri Samfylkingarinnar í Reykjavík.
Gísli Gunnarsson styður Sigrúnu Elsu Smáradótt-
ur í prófkjöri Samfylkingarinnar í Reykjavík.
Guðrún Ögmundsdóttir styður Sigrúnu Elsu
Smáradóttur í prófkjöri Samfylkingarinnar í
Reykjavík.
Birgir Dýrfjörð rafvirki styður Sigrúnu Elsu
Smáradóttur sem býður sig fram í 2. til 4 sæti í
prófkjöri Samfylkingarinnar í Reykjavík.
Aðsendar greinar á mbl.is
www.mbl.is/greinar
VESTFIRÐIR eiga undir högg að
sækja. Hérlendis eins og hvarvetna í
heiminum flytur fólk úr
strjálbýli í þéttbýli.
Staða Ísafjarðarbæjar
er veik. Ekki hefur tekist
að byggja bæinn upp sem
kjölfestukjarna fyrir
landshlutann. Þess vegna
fækkar fólki hér líkt og
annars staðar. Samt leyfi
ég mér að fullyrða, að Ísa-
fjörður hefur alla burði til
að vaxa og keppa við staði
á borð við Akureyri.
Það sem hér hefur
helst vantað er skilningur
á hlutverki höfuðstaðar
og einbeitt forysta. Þó að meira en
helmingur Vestfirðinga búi í Ísafjarð-
arbæ sjást þess lítil merki, að hann
skeri sig úr á pólitískum vettvangi.
Framtíðarsýn bæjaryfirvalda er
ekki reisuleg. Við skulum taka nokkur
dæmi, nánast af handahófi.
Núna er til umfjöllunar tillaga að
deiliskipulagi, sem gerir ráð fyrir að
allar helstu stofnanir og íbúðabyggð
framtíðarinnar á Ísafirði skuli kúldrast
saman neðst á eyrinni.
Stofnað hefur verið háskólasetur
sem undanfari háskóla, en húsnæði
skólans er þegar fullnýtt áður en hann
tekur til starfa og ekki hægt að sjá að
menn geri ráð fyrir neinum vexti.
Enginn virðist hafa viðunandi yf-
irsýn um stöðu ferða-
mála og þróun þeirra
næsta áratuginn eða
svo.
Skemmti-
ferðaskipum fjölgar
með hverju ári en ekki
er boðið upp á aðra við-
legu en drulluga gáma-
höfn.
Sundlaugin á Ísafirði
er sextán metra löng
og sextíu ára gömul.
Hjá bæjaryfirvöldum
eru engar hugmyndir
um nýja laug. Bæj-
arfulltrúar virðast hugsa til þess með
skelfingu, að ungir athafnamenn skuli
vilja leysa þetta verkefni strax og
leigja síðan bænum aðstöðuna.
En yfirleitt held ég að fólk sé ánægt
að eiga heima á Ísafirði, á þessum ein-
staklega fagra stað. Hér er ævintýra-
land barna. Menningarstarfið er ótrú-
lega kraftmikið og frjósamt. Verslun
og margvísleg þjónusta eru í sæmilega
góðu lagi.
Samt fækkar fólkinu ár frá ári. Mér
hrýs hugur við þeirri þróun. Ég ann
fæðingarbæ mínum af öllu hjarta og vil
að hann vaxi og eflist. Fyrir hundrað
árum var hann öflugasti bær landsins
utan Reykjavíkur og stóð henni að
ýmsu leyti framar. Það var ekki síst að
þakka framsýnum athafnamönnum
sem hér störfuðu.
Sem betur fer er fólk af því tagi til í
Ísafjarðarbæ enn í dag. Ég vil mynda
bandalag með framsýnu athafnafólki
nútímans og byggja hér upp öflugan
bæ á ný. Ég vil að Ísafjörður verði öfl-
ugur landshlutakjarni, sem tryggir full
not af gæðum Vestfjarða.
Góðir sjálfstæðismenn í Ísafjarð-
arbæ og aðrir sem taka vilja slaginn!
Ég þarf á ykkar stuðningi að halda í
prófkjörinu.
Ísafjarðarbær og framtíðin
Eftir Úlfar Ágústsson ’Góðir sjálfstæðismenn íÍsafjarðarbæ og aðrir
sem taka vilja slaginn!
Ég þarf á ykkar stuðn-
ingi að halda í prófkjör-
inu.‘
Úlfar Ágústsson
Höfundur sækist eftir 1.–4.
sæti í prófkjöri Sjálfstæðisflokksins
í Ísafjarðarbæ.
Prófkjör Ísafjörðu
Fréttasíminn 904 1100
SÍMI 5 900 800
Ólafur B. Blöndal löggiltur fasteignasali
OPIÐ HÚS Í DAG FRÁ KL. 18-20
HÁALEITISBRAUT 17 – TOPPEIGN
Vorum að fá í sölu einstak-
lega bjarta og vel skipu-
lagða 4ra herbergja 111 fm
íbúð á 3. hæð í einu best
staðsetta fjölbýlinu við
Háaleitisbrautina ásamt 24
fm bílskúr með öllum
þægindum. Húsið er nýlega
allt tekið í gegn að utan,
sprunguviðgert, málað,
þakið endurnýjað, gluggar,
gler o.fl. Íbúðin er með
rúmgóðu eldhúsi, þremur
rúmgóðum herbergjum,
stórri stofu, suðursvölum,
góðu skápaplássi og glæsi-
legu útsýni, parket á gólfum. Sérhiti í hverri íbúð, þvottahús m. sam. vélum.
Lágt húsfélagsgjald vegna útleigu, sam. pláss undir bílskúrum. Verð 25,8 millj.
SÆVAR OG ELÍN TAKA Á MÓTI ÞÉR OG ÞÍNUM
Í KVÖLD FRÁ 18 – 20