Morgunblaðið - 09.02.2006, Page 53

MORGUNBLAÐIÐ FIMMTUDAGUR 9. FEBRÚAR 2006 53
MENNING
Háskólabíó kl. 19.30
SINFÓNÍUHLJÓMSVEIT Íslands
undir stjórn Rumons Gamba leikur
Sjö byltur svefnleysingjans, eftir
Harald Vigni Sveinbjörnsson, Þrenj-
ar eftir Þorkell Sigurbjörnsson, Sjö-
stirni eftir Eirík Árna Sigtryggsson
og frumflytur svo Sinfóníu nr. 1 eftir
Þorstein Hauksson.
„Stóra verkið mitt, Psychomachia,
er verk sem skrifaði sig nánast
sjálft,“ segir Þorsteinn, spurður um
tilurð sinfóníunnar. „Ég var með
ákveðna hugmynd sem ég vildi vinna
út frá, en önnur hugmynd var alltaf
að skjóta upp kollinum. Ég var samt
ekki sáttur við hana, fannst hún jafn-
vel koma frá vitlausri öld! Þegar
fimm dagar voru í að ég yrði að skila
verkinu, gafst ég upp, settist upp í
lestina, með nýju hugmyndina, og
hélt mér bara fast og kláraði á fimm
dögum. Það sama gerðist með sinfón-
íuna, þótt ég hafi ekki samið hana á
fimm dögum. Hún stakk upp á sér
sjálf og samdi sig sjálf, en í þetta
skipti var ég reynslunni ríkari,
streittist ekkert á móti, og vissi að
þetta yrði bara skemmtilegt. Ég hafði
mjög gaman af því að semja sinfón-
íuna, var í fínu stuði og góðu skapi.
Upphaflega voru þetta tveir þættir,
sem ég lauk við árið 2002. Ég vissi
ekki hvort ég ætti að hafa þriðja þátt
með – byrjaði, en leist ekki nógu vel á
hugmyndina. Ég leit svo á hana aftur
í haust og sá strax að ég gæti vel not-
að hana, og þegar ég var kominn í
gang fór þetta aftur að rúlla af stað af
sjálfu sér. Ég kláraði þriðja þáttinn
rétt fyrir jól. Það getur verið erfitt að
taka upp gamlar hugmyndir, en þetta
gekk prýðilega, hvað svo sem fólk
segir um útkomuna – ég skemmti
mér alla vega vel.“
Þorsteinn segir að sú tilfinning
muni fylgja sinfóníunni, hvað gott og
notalegt hafi verið að semja hana –
vinnan var auðveld og þvældist ekk-
ert fyrir honum. En er þetta þá gleði-
músík? „Það getur vel verið – jú, al-
veg örugglega, því þetta er glaðvært
verk þótt það sé ekki beinn húmor í
því. En það er líka svolítið dularfullt
og hlustandinn gæti villst á öldum
þegar hann heyrir það. Þetta er al-
daflakk og ég ber niður víða. Það er
kúnst að láta slíkt ganga upp en ég
held að það hafi tekist. Ég held að
minnsta kosti að hljómsveitinni hafi
ekki leiðst að æfa verkið,“ segir Þor-
steinn Hauksson.
Laugarborg kl. 20.30
Einleikstónleikar Sergios Puccinis
gítarleikara frá Argentínu. Hann
leikur Le Tombeau de Debussy eftir
Manuel de Falla, Elogio de la Danza
og Lento ostinato eftir Leo Brouwer,
Stef og tilbrigði eftir Manuel Ponce,
Within the Circle eftir Karólínu Ei-
ríksdóttur, Self Portrait eftir Manly
Romero, Gítarsónötu eftir José
Buenagu, Sónatínu eftir Germán
Cáceres og Sónötuþætti eftir Alberto
Ginastera. Um frumflutning er að
ræða á verkum Karólínu og Romeros,
og verk Buenagus og Cáceres hafa
ekki heyrst á Íslandi áður.
Tengsl Puccinis við íslenskt tónlist-
arlíf eru merkileg. Í heimsókn sinni
til Íslands fyrir nokkrum árum kom
hann við í Íslenskri tónverkamiðstöð,
þar sem hann skoðaði nótur að ís-
lenskum gítarverkum. Þar fann hann
meðal annars verkið Hvaðan kemur
lognið? sem Karólína samdi fyrir Ein-
ar Kristján Einarsson, og hreifst af
því. Í kjölfarið hafði hann samband
við Karólínu og pantaði hjá henni gít-
arkonsert. Konsertinn var frum-
fluttur í Argentínu fyrir fimm árum.
Karólína samdi verkið sem flutt verð-
ur í kvöld einnig fyrir Sergio Puccini.
Myrkir músíkdagar | Sinfónía stakk upp á sér sjálf og samdi sig
sjálf og tónskáldið stökk um borð
Glaðvært aldaflakk
Þorsteinn Hauksson tónskáld. Sergio Puccini gítarleikari.
Á NEÐRI hæð Gerðarsafns er sýn-
ing á um 20 kjólum og höklum sem
Guðrún J. Vigfúsdóttir hannaði og óf
á meðan hún rak vefstofu á Ísafirði.
Vefstofuna stofnaði Guðrún árið 1965
í eigin nafni og rak í rúmlega 20 ár
ásamt því að vinna við alhliða vefn-
aðarkennslu. Í fréttatilkynningu frá
safninu segir að markmið Guðrúnar
með vefstofunni hafi verið að hefja
hinn forna ullariðnaðar til vegs og
virðingar og vinna glæsilegar og nú-
tímalegar flíkur frá grunni líkt og ís-
lenskar konur gerðum fyrrum. Flík-
urnar á sýningunni eru merkilegur
vitnisburður um þá starfsemi og við
lestur bókarinnar Við vefstólinn í
hálfa öld, sem liggur frammi á sýn-
ingunni og fjallar í máli og myndum
um líf og starf Guðrúnar, fæst enn
fyllri mynd af starfi hennar. Starf
sem óhætt er að segja að sé ekki síður
innblásið af áhuga hennar á þeim
sköpunarmætti sem býr meðal al-
mennings og áhuga á eigin sköpun
þar sem framleiðslu á handofnum há-
tískufatnaði ber hæst.
Flíkur Guðrúnar á sýningunni eru
ofnar úr eingirni sem gefur þeim ein-
staklega fíngert og létt yfirbragð.
Það sambland af hrjúfleika og mýkt
sem ullin býr yfir skapar efninu sér-
stöðu, en allar flíkurnar eru hag-
anlega fóðraðar og bera með sér
áherslu á lúxus og þægindi við notk-
un. Kjólarnir á sýningunni eru marg-
ir í sauðarlitum en einnig sérstaklega
litaðir og hönnunin tekur jafnt mið af
íslenskri vefnaðarhefð og minnum úr
íslenskri náttúru. Á sjöunda og átt-
unda áratugnum naut fatnaður frá
vefstofu Guðrúnar mikilla vinsælda,
ekki síst ofnir kjólar hennar sem voru
sýndir á mörgum tískusýningum hér
heima og erlendis. Það fer ekki hjá
því að hugsa til íslenskra fatahönnuða
samtímans þegar kjólar Guðrúnar
eru skoðaðir, áhersluna á íslensku ull-
ina og sérstöðu hönnunar sem bygg-
ist á grunnþáttum efnisgerðarinnar.
Margir kjólanna bera tísku og tíð-
aranda síns tíma vitni, tísku sem eins
og ávallt kemur aftur í lítillega
breyttum myndum. Sumir kjólarnir
eru þó klassískari eða tímalausari en
aðrir þrátt fyrir sterk höfund-
areinkenni, margir þeirra og þeir
nánast smellpassa við tíðaranda
dagsins í dag. Brúðarkjólar Guðrúnar
eru alveg sér á parti þar sem óhætt er
að segja að efniskennd þeirra er ólík
hefðbundinni efnisgerð slíkra kjóla.
Hönnun þeirra eins og hinna kjól-
anna liggur fyrir áður en efnið er ofið,
enda ofið eftir fyrir fram ákveðnum
sniðum. Eingirnisvefnaðurinn er mis-
þéttur eftir viðfangsefnum og í brúð-
arkjól með kambgarnslykkjukögri er
vefnaðurinn þéttari en ella til að ná
efnislegu jafnvægi í heildarmyndinni.
Þótt Guðrún hanni flesta kjóla sína
sjálf er gerð þeirra samstarfsverkefni
hennar og starfsmanna á vefstofunni
en þar leika ákveðnar saumakonur
stórt hlutverk. Þegar ferill Guðrúnar
er skoðaður er áberandi hversu mik-
inn áhuga hún hefur á þeirri dínamík
sem samstarfsverkefni af ýmsu tagi
fela í sér og sú virðing sem hún ber
fyrir listrænu framlagi annarra í
samstarfs- og hópverkefnum. Óhætt
er að segja að framlag Guðrúnar til
menningarinnar liggi á mörgum svið-
um innan vefnaðarlistarinnar og eins
og sýningin ber með sér er framlag
hennar til hönnunarsögu á fatnaði,
hefðbundnum jafnt sem hátískufatn-
aði, ákaflega áhugavert. Mikilvægi
þessa framlags mun koma betur í ljós
með tímanum, ekki síst sú verkmenn-
ing sem Guðrún hefur tekið þátt í að
viðhalda í landinu og það hugarfar
sem liggur að baki vinnu hennar.
Hugarfar samnýtingar krafta mis-
munandi listamanna ásamt því að
samþætta það gamla og nýja en ekki
síst það alþýðlega og það einstaka.
Þræðir íslenskrar tískuhönnunar
Morgunblaðið/Sverrir
Verk Guðrúnar á sýningunni, brúðarkjóll ásamt hatti.
MYNDLIST
Listasafn Kópavogs Gerðarsafn
Sýningin stendur til 12. febrúar
Guðrún J. Vigfúsdóttir: Þræðir
Þóra Þórisdóttir
Útsölunni lýkur 11. febrúar
Klapparstíg 44 - sími 562 3614 • Innleggsnótur og gjafakort í fullu gildi á útsölunni
Enn meiri afsláttur síðustu dagana
Innköllun vegna rafrænnar
skráningar hlutabréfa
í Fiskeldi Eyjafjarðar hf.
Mánudaginn 15. maí 2006 verða hlutabréf í
Fiskeldi Eyjafjarðar hf. tekin til rafrænnar skrán-
ingar hjá Verðbréfaskráningu Íslands hf. í sam-
ræmi við ákvörðun stjórnar Fiskeldi Eyjafjarðar
hf. þar að lútandi. Frá þeim tíma ógildast hin
áþreifanlegu hlutabréf í fyrirtækinu í samræmi
við ákvæði laga og reglugerðar um rafræna
eignarskráningu verðbréfa.
Hér með er skorað á alla eigendur ofan-
greindra hlutabréfa sem telja nokkurn
vafa leika á að eignarhald þeirra sé rétti-
lega fært í hlutaskrá Fiskeldis Eyjafjarðar
hf. að staðreyna skráninguna með fyrir-
spurn til hlutaskrár Fiskeldi Eyjafjarðar
hf., Hjalteyri, 601 Akureyri eða í síma/
netfangi 462 7489/
arnar.jonsson@fiskey.is. Komi í ljós við
slíka könnun að eigendaskipti hafi ekki
verið skráð ber eigendum að færa sönnur
á þau gagnvart félaginu fyrir nefndan dag.
Enn fremur er skorað á alla þá sem eiga
takmörkuð réttindi til ofangreindra hluta-
bréfa, s.s. veðréttindi, að koma þeim á
framfæri við fullgilda reikningsstofnun,
þ.e. banka, verðbréfafyritæki eða spari-
sjóð sem gert hefur aðildarsamning við
Verðbréfaskráningu Íslands hf. fyrir
skráningardag.
Athygli hluthafa er vakin á að hin áþreifanlegu
hlutabréf félagsins verða ógild sjálfkrafa og
því er ekki þörf á að skila þeim til félagsins.
Jafnframt er vakin athygli á að ferli rafrænnar
skráningar hefur engin áhrif á möguleika hlut-
hafa til að eiga viðskipti með hluti sína í félag-
inu að undanskildum sjálfum skráningardegin-
um. Að lokinni rafrænni skráningu þurfa hlut-
hafar að fela reikningsstofnun umsjón með
eignarhlut sínum í félaginu til að geta framselt
hluti sína svo sem vegna sölu eða skipta.
Reikningsstofnun mun í þessu skyni stofna
VS-reikning í nafni viðkomandi hluthafa. Hlut-
höfum félagsins verður kynnt þetta bréfleiðis.
Framkvæmdastjóri.