Morgunblaðið - 03.03.2006, Side 6

6 FÖSTUDAGUR 3. MARS 2006 MORGUNBLAÐIÐ
FRÉTTIR
Ársfundur 2006
ÚTVARPSSTÖÐVAR 365 ljós-
vakamiðla urðu óstarfhæfar í nokk-
urn tíma þegar eldur kom upp í
húsnæði fyrirtækisins á Lynghálsi
5 í Reykjavík í gær. Töluverður
reykur fór um mikinn hluta hússins
og var allt tiltækt slökkvilið höf-
uðborgarsvæðisins á staðnum.
Eldsupptök eru ókunn en þau voru í
rafmagnstöfluherbergi. Enginn
slasaðist en margir flúðu út um
glugga þegar mötuneytið fylltist af
reyk. Skemmdir urðu töluverðar en
til stóð að 365 flytti úr húsinu.
Eldur truflaði
útvarpssendingar
„VIÐ sjáum fram á að þetta dragist
á langinn,“ sagði Guðlaug Einars-
dóttir, formaður Ljósmæðrafélags
Íslands, eftir fund sem félagið hélt í
gærkvöldi um stöðuna í kjaradeilu
ljósmæðra og Tryggingastofnunar
ríkisins vegna heimaþjónustu. Mjög
góð mæting var á fundinum og seg-
ir Guðlaug mikla samstöðu meðal
ljósmæðra.
Á fundinum greindi forysta fé-
lagsins ljósmæðrum frá því að um
miðjan dag í gær hefði verið óskað
eftir samningafundi við fulltrúa
heilbrigðisráðuneytisins, en ekkert
svar hefði borist.
„Nú bíðum við bara eftir því að
verða boðaðar á fund. Við höfum
fullt umboð frá ljósmæðrum til þess
að semja og ljósmæður vilja ljúka
þessari deilu. Við höfum áhyggjur
af skjólstæðingum okkar, enda hef-
ur nú engin þjónusta verið veitt í
sólarhring,“ sagði Guðlaug í gær-
kvöldi.
Guðlaug segir ljósmæður stað-
ráðnar í því að fá leiðréttingu á
töxtum sínum, en undanfarin ár
hafi þær unnið langt undir kostn-
aðargreiningu. „Tímakaupið sem
við erum að fara fram á er 1.534
krónur, en svo kemur álag og
kostnaður ofan á það,“ segir Guð-
laug.
Morgunblaðið/Sverrir
Ungir og gamlir mættu á fund Ljósmæðrafélags Íslands í gær.
Deilan dregst
líklega á langinn
UMTALSVERÐAR breytingar á
leiðakerfi Strætó bs. taka gildi nk.
sunnudag. Að sögn Ásgeirs Eiríks-
sonar, framkvæmdastjóra Strætó bs.,
er með breytingunum verið að sníða
helstu hnökra af leiðakerfinu sem tók
gildi í júlí á síðasta ári, samræmt
leiðakerfi fyrir allt höfuðborgarsvæð-
ið. „Breytingarnar nú eru alfarið til-
komnar vegna ábendinga frá jafnt
viðskiptavinum okkar sem og vagn-
stjórum. Við höfum safnað saman öll-
um þessum ábendingum og erum
með breytingunum nú að mæta
stórum hluta þeirra ábendinga og
þeirrar óánægju sem hefur verið með
nýja leiðakerfið,“ segir Ásgeir og tek-
ur fram að hann geri ráð fyrir að
meiri sátt verði um nýja leiðakerfið
eftir breytingarnar.
Aðspurður segir Ásgeir flestar at-
hugasemdir við leiðakerfið hafa bor-
ist frá íbúum í Breiðholti, Kópavogi,
Grafarvogi og Grafarholti, auk þess
sem margir hafi verið ósáttir við að
ekki væri lengur ekið um Hamrahlíð.
Segir hann þetta allt verða lagað með
nýja leiðakerfinu. Í stuttu máli felast
breytingarnar í eftirfarandi:
Nýrri leið verður bætt við í Breið-
holti, leið 17, sem mun aka um Fella-
og Hólahverfin, um Austur- og Vest-
urberg niður í Mjódd og síðan Soga-
veg, Grensásveg, Suðurlandsbraut og
þaðan niður á Hlemm. Stofnleið 4
mun einnig aka Austur- og Vestur-
berg og stofnleið 3 mun framvegis
aka hring um Seljahverfi.
Aukin þjónusta við Grafarholt
Vegna óska íbúa í Grafarholti verð-
ur nýrri leið bætt þar við. Það er leið
19 sem ekur um Grafarholtið, síðan
eftir Bústaðavegi og niður á Hlemm.
Segir Ásgeir þessa nýju akstursleið
auka þjónustuna við íbúa Grafarholts
auk þess að bæta tengingu íbúa Foss-
vogshverfis við miðbæinn.
Að sögn Ásgeirs hefur verið gagn-
rýnt að ekki væru fyrir hendi nein
tengsl frá Hamrahverfi í Grafarvogi
við aðra hluta hverfisins, s.s. Egilshöll
og sundlaug Grafarvogs. Þetta segir
Ásgeir verða lagfært á þann hátt að
leið 16 mun framvegis aka hring um
Hamrahverfið og tengja það betur við
aðra hluta hverfisins.
Nokkur óánægja var með þá
ákvörðun í nýja leiðakerfinu að hætta
akstri um Sogaveg og Hamrahlíð.
Frá og með nk. sunnudegi breytist
þetta á þann hátt að leið 17 mun aka
Sogaveg niður á Hlemm og leið 13
mun aka um Hamrahlíð á leið sinni til
og frá Lækjartorgi.
Tvær nýjar akstursleiðir munu, að
sögn Ásgeirs, bæta tengingar innan
Kópavogs. Þar er um að ræða leið 25
sem tengja mun austurbæinn við
Hamraborg og leið 26 sem tengja
mun vesturbæinn við Hamraborg.
Samkvæmt ósk íbúa í Vatnsenda-
hverfi ekur vagninn þaðan nú í gegn-
um Kóra-, Sala- og Lindahverfi með
viðkomu í Salalaug, að Smáralind um
Dalsmára með viðkomu í Fífunni og
Digranesvegi að Hamraborg, en ekki
í Mjódd líkt og áður var.
Þess má að lokum geta að allar
nánari upplýsingar um breytingarnar
á leiðakerfi Strætó bs. má nálgast á
vef fyrirtækisins á slóðinni: www.bus-
.is auk þess að hægt verður að nálgast
nýjar leiðabækur á öllum sölustöðum
Strætó bs.
Strætó bætir
við fjórum
nýjum leiðum
Eftir Silju Björk Huldudóttur
silja@mbl.is
Morgunblaðið/Ómar
JÓN Kristjánsson heilbrigðis- og
tryggingamálaráðherra sagði á Al-
þingi í gær að kjaradeila ljósmæðra
og Tryggingastofnunar ríkisins
snerist ekki um upphæðir heldur
jafnræði við þær stéttir sem miða
sig við ljósmæður. Hann tók fram að
heimaþjónusta við sængurkonur
væri þörf; hún væri hagkvæm og að
slíka þjónustu þyrfti að hafa áfram.
Þá kvaðst hann vonast til þess að
samningar myndu nást.
Ágúst Ólafur Ágústsson, þing-
maður Samfylkingarinnar, sem hóf
umræðuna, sagðist hafa orðið fyrir
vonbrigðum með svör ráðherra. „Ef
farið væri eftir ýtrustu kröfum ljós-
mæðra mun það valda fimmtán
milljóna króna viðbótarkostnaði á
ári fyrir ríkissjóð. Fimmtán millj-
ónir, þetta er ekki neitt neitt til að
bregðast við þeim vanda sem blasir
við og þeim aukna kostnaði sem
þetta ástand leiðir af sér. Einn sólar-
hringur á spítala kostar jafnmikið og
ein vika í heimaþjónustu.“
Þingmenn, sem tóku þátt í um-
ræðunni, voru sammála um mik-
ilvægi heimaþjónustu ljósmæðra og
nauðsyn þess að deilan leystist.
Snýst ekki um upp-
hæðir heldur jafnræði
Jón Kristjánsson heilbrigðisráðherra
ÞORGERÐUR Katrín Gunnars-
dóttir, staðgengill utanríkisráðherra
í heimsókn til Indlands sem nú
stendur, opnaði í gær nýja starfsstöð
fyrir dótturfélag Actavis Group,
Lotus Labs, í borginni Bangalore á
Indlandi. Nýskipaður sendiherra Ís-
lands á Indlandi, Sturla Sigur-
jónsson, og viðskiptasendinefnd frá
Íslandi voru einnig viðstödd opn-
unina.
Samkvæmt upplýsingum frá
Actavis mun starfsstöðin sem nú var
tekin í notkun hýsa skrifstofur, rann-
sóknarstofur og aðstöðu fyrir frá-
sogsrannsóknir. Í verksmiðjunni,
sem er alls um 3.000 fermetrar,
munu starfa vel á þriðja hundrað
manns og þykir þessi áfangi því mjög
mikilvægur fyrir starfsemi Actavis á
Indlandi.
Að sögn Stefáns Jökuls Sveins-
sonar, framkvæmdastjóra þróun-
arsviðs Actavis, eru aukin umsvif fé-
lagsins í samræmi við stefnu þess að
nýta þá miklu sérþekkingu sem
býðst á Indlandi og styðja þannig við
frekari vöxt.
Auka umsvifin enn frekar
„Við áætlum að auka umsvif okkar
enn frekar með því að setja á stofn
miðstöð fyrir geymsluþolsrannsóknir
sem mun þjóna samstæðunni í Evr-
ópu og Ameríku. Þá er það stefna
okkar að nýta eldra húsnæði Lotus
Labs til að styrkja rannsóknir og
þróun á virkum lyfjaefnum.“
Actavis hefur sl. ár aukið verulega
umsvif sín á Indlandi og fjárfesti m.a.
í lyfjarannsóknarfyrirtækinu Lotus
Labs fyrir um 1,6 milljarða ísl. króna
í febrúar 2005. Lotus Labs, sem var
stofnað árið 2001, er með höf-
uðstöðvar í Bangalore og hjá félaginu
starfa um 260 manns. Félagið sér-
hæfir sig í klínískum rannsóknum á
aðgengi lyfja, milliverkunum þeirra
og læknisfræðilegum prófunum. Árið
2005 gerði Actavis samstarfssamn-
inga við fjögur indversk samheita-
lyfjafyrirtæki: Emcure, Intas, Shas-
un og Orchid. Samningurinn við
Emcure snýst um lyfjaframleiðslu
fyrir Bandaríkjamarkað en samning-
arnir við Shasun og Orchid snúast
bæði um framleiðslu og þróun lyfja.
Að opnun lokinni flutti Þorgerður
Katrín ræðu á viðskiptamálþingi í
Bangalore, þar sem sjónum var sér-
lega beint að hugbúnaðar- og há-
tækniiðnaðnum. Að sögn Ragnhildar
Elínar Árnadóttur, aðstoðarmanns
utanríkisráðherra, var mikil ánægja
hjá íslensku viðskiptasendinefndinni
með málþingið enda ljóst að bæði
mikil gróska og möguleikar eru þar.
Heimsókn ráðherra lauk formlega
í gær, en viðskiptasendinefndin held-
ur í dag ásamt Sturlu Sigurjónssyni,
sendiherra Íslands á Indlandi, til
borgarinnar Ahmedabad þar sem
Sturla mun vígja nýja verksmiðju
Sæplasts.
Opnaði nýja starfsstöð
Actavis Group á Indlandi
Þorgerður Katrín Gunnarsdóttir menntamálaráðherra og J. Sudhir Pai,
forstjóri Lotus Labs, afhjúpa gullsleginn skjöld með nafni fyrirtækisins.