Morgunblaðið - 08.03.2006, Side 2

2 MIÐVIKUDAGUR 8. MARS 2006 MORGUNBLAÐIÐ
FRÉTTIR
Lagastofnun
Málstofa
Föstudaginn 10. mars kl. 12:15 Lögberg, stofa 101
Karl Axelsson
hrl. og lektor við lagadeild HÍ
Fundarstjóri
Eyvindur G. Gunnarsson hdl.
og lektor við lagadeild HÍ
Allir velkomnir Nánari upplýsingar á
www.lagastofnun.hi.is og
www.lagadeild.hi.is
Breytingar á vatnalögum
NÝ BANKASKÝRSLA
Í nýrri skýrslu frá Merrill Lynch
kemur fram að hvorki Fitch Ratings
né Moody’s hafi tekið nægjanlega
mikið mið af kerfislægri áhættu á ís-
lenska fjármálamarkaðinum þegar
þeir hafa metið lánshæfi íslensku
bankanna.
Baráttudagur kvenna
Alþjóðabaráttudagur kvenna er
haldinn í dag, miðvikudag. Meira en
240 konur í 50 ríkjum hafa skrifað
Kofi Annan, framkvæmdastjóra
Sameinuðu þjóðanna, opið bréf, þar
sem hann er sakaður um að styðja
aðeins jafnrétti kynjanna í orði en
ekki á borði.
Bauhaus opnar árið 2007
Helmut Diewald, framkvæmda-
stjóri þróunarsviðs Bauhaus, segir
fyrirtækið stefna að því að koma inn
á byggingavörumarkaðinn hér á
landi fyrir árslok 2007. Fyrirtækið
reki 190 stórverslanir í Evrópu og
hafi hvergi lent í jafnmiklum erf-
iðleikum með að fá lóð undir starf-
semi sína og hér á landi.
Hátt í 2.000 sumarhúsalóðir
Verið er að undirbúa og gera til-
búnar til úthlutunar hátt á annað
þúsund lóðir undir sumarbústaði
fyrir austan fjall, einkum í upp-
sveitum Árnessýslu. Þetta kemur til
viðbótar 400 nýjum bústöðum sem
bættust við á þessu svæði í fyrra.
Y f i r l i t
Í dag
Sigmund 8 Minningar 28/32
Fréttaskýring 8 Brids 33
Viðskipti 14/15 Myndasögur 36
Erlent 16/17 Dagbók 36/39
Minn staður 18 Víkverji 36
Akureyri 19 Velvakandi 37
Suðurnes 20 Staður og stund 38
Daglegt líf 23 Leikhús 40
Menning 23, 40/45 Bíó 42/45
Umræðan 23/27 Ljósvakamiðlar 46
Forystugrein 24 Veður 47
Bréf 27 Staksteinar 47
* * *
Kynningar – Morgunblaðinu fylgir
fasteignablað Miðborgar.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
% 
   


& 

 
 

'() *

 +,,,


   


 



  




GEIR H. Haarde utanríkis-
ráðherra ætlar að fara í
einkaheimsókn til Sandeid í
Noregi á laugardaginn kem-
ur að lokinni opinberri
heimsókn, sem hefst á
fimmtudag, en faðir hans
var frá Sandeid, sem er
þorp sunnarlega á vestur-
strönd Noregs.
Frá þessu er sagt í net-
útgáfu norska blaðsins Haugesunds
Avis, en þar er einnig stutt viðtal við
utanríkisráðherra og sagt meðal
annars að hann sé formaður Sjálf-
stæðisflokksins sem svipi til norska
Hægri flokksins og að hann hafi áður
verið fjármálaráðherra.
Fram kemur að Geir hafi
komið til Sandeid og Hauge-
sund í stutta heimsókn þeg-
ar hann var 14 ára, en hann
missti föður sinn, Tomas
Haarde, þegar hann var ell-
efu ára. Geir segir að faðir
hans hafi verið stoltur af því
að vera frá Sandeid. Með
aldrinum hafi áhugi sinn á
rótunum í Noregi vaxið og
hann vilji gjarnan frétta af ættingj-
um sínum á staðnum.
Með Geir í för verður eiginkona
hans, Inga Jóna Þórðardóttir. Að
lokinni heimsókninni til Sandeid fer
utanríkisráðherra í heimsókn til
Danmerkur.
Geir H. Haarde
heimsækir frænd-
garð í Sandeid
Geir H. Haarde
BRÆÐURNIR Hlífar og Árni Þór Jakobssynir fögnuðu
blíðviðrinu um síðastliðna helgi með því að dusta rykið
af golfkylfunum og æfa sveifluna við sjávarsíðuna við
Sörlaskjól. Fádæma blíða var um helgina en Veður-
stofan spáir heldur kólnandi veðri næstu daga. Þó er
útlit fyrir að sólin skíni um næstu helgi og ef spáin ræt-
ist má vænta þess að fleiri taki golfsettin úr geymsl-
unum og hefji undirbúning fyrir næsta golftímabil.
Morgunblaðið/Sverrir
Golfkylfurnar úr vetrardvala
FORELDRAR nemenda við List-
dansskóla Íslands samþykktu á fjöl-
mennum fundi í fyrrakvöld ályktun
þar sem menntamálaráðherra er
hvattur til þess að fresta um eitt ár
fyrirhugaðri lokun skólans en til
stendur að leggja hann niður í vor.
Sigurður Jónasson, meðstjórn-
andi í foreldrafélagi skólans, bend-
ir á að foreldrafélagið hafi átt gott
samstarf við ráðuneytið með að-
komu að gerð námskrár. „Við höf-
um enga ástæðu til að ætla annað
en ráðuneytið standi við það sem
það hefur sagt og lofað, enda hefur
það þegar tilnefnt formann for-
eldraráðsins í gerð námskrár fyrir
grunn- og miðskólastig.“
Hins vegar hafi foreldrar á fund-
inum í fyrrakvöld verið sammála
um að tíminn væri naumur og „það
væri best í stöðunni að fresta þessu
til þess að gefa öllum aðilum tíma
til að koma betur undirbúnir í
rekstur skólans,“ segir Sigurður.
Í vetur var tilkynnt að mennta-
málaráðuneytið, Menntaskólinn við
Hamrahlíð og Dansmennt ehf.
hefðu undirritað viljayfirlýsingu
um samstarf um listdansnám á
framhaldsskólastigi frá og með
næsta vetri. Sigurður segir að eftir
þetta hafi ekkert komið fram op-
inberlega um framtíðaráformin.
Vilja að ráðherra
fresti lokun List-
dansskólans
BLINDRAFÉLAGIÐ er algerlega mótfallið
frumvarpi heilbrigðisráðherra um sameiningu
Sjónstöðvar Íslands og Heyrnar- og talmeina-
stöðvar Íslands. Sæunn Stefánsdóttir, aðstoðar-
maður heilbrigðisráðherra, segir frumvarpið nú til
meðferðar í efnahags- og viðskiptanefnd Alþingis
og alls ekki sé útilokað að gerðar verði breytingar
á frumvarpinu.
Blindrafélagið telur að frumvarpið muni á eng-
an hátt bæta stöðu blindra og sjónskertra í þjóð-
félaginu. Halda forsvarsmenn Blindrafélagsins og
Sjónstöðvar Íslands því fram að heilbrigðisráðu-
neytið hafi ekki hlustað á neinar þær athugasemd-
ir sem gerðar voru við frumvarpið og vilja að Al-
þingi fresti umfjöllun um það.
Forsvarsmenn Blindrafélagsins telja mörgum
spurningum ósvarað og m.a. sé óljóst hvernig ná
eigi fram hugsanlegum sparnaði eða hagræðingu
með sameiningunni.
Sæunn Stefánsdóttir segist ekki útiloka að
gerðar verði breytingar á frumvarpinu. „Ég veit
að nefndin er búin að senda frumvarpið út til um-
sagnar og síðan mun nefndin kalla fulltrúa þessara
aðila fyrir nefndina og einhverjir hafa nú þegar
komið á fund hennar,“ segir hún.
„Við áttum mjög náið samstarf við þá hags-
munahópa sem að þessu koma í öllu ferlinu. Eftir
fundi skiluðu allir skriflegum athugasemdum og
farið var sameiginlega yfir þær. Frumvarpið tók
að sjálfsögðu breytingum til samræmis við þær,
þó ekki hafi öllum kröfum verið mætt,“ segir hún.
Sæunn segir að hluti gagnrýninnar beinist að
atriðum sem frumvarpið fjalli ekkert um og jafn-
vel að þjónustuþáttum sem heyra ekki undir heil-
brigðisráðuneytið, á borð við túlkaþjónustu, að-
gengi að menntakerfinu o.fl.
Ástæðulaust að óttast að
breytingar verði á gjaldtöku
Friðgeir Jóhannsson, varaformaður Dauf-
blindrafélags Íslands, hefur lýst áhyggjum af því
að kostnaður skjólstæðinganna muni aukast þar
sem ólíkar gjaldskrár séu í dag annars vegar hjá
Heyrnar- og talmeinastöðinni og hins vegar hjá
Sjónstöðinni. Með tíð og tíma kunni þær að nálg-
ast hvor aðra með tilheyrandi auknum kostnaði
fyrir skjólstæðingana.
Sæunn minnir á að Jón Kristjánsson, fyrrver-
andi heilbrigðisráðherra, hafi lýst því yfir að ekki
yrði hróflað við neinum gjaldskrám við þessar
breytingar og segist hún ekki sjá neina ástæðu til
að óttast að gjaldtakan muni breytast.
„Menn eru alltaf hræddir við breytingar og
maður skilur það og virðir það. En við hér í ráðu-
neytinu höfum töluverða reynslu af sameiningu
stofnana og þá einkum af sameiningu heilbrigð-
isstofnana. Reynslan hefur verið á þann veg að
menn hafa getað notað þá peninga sem sparast
þegar um sameiginlega þætti er að ræða í stofn-
unum, hvort sem þar er um að ræða stofnun með
átta starfsmönnum eins og í Sjónstöðinni eða
mörg hundruð manna stofnanir, í þjónustuna við
viðskiptavinina sjálfa. Við finnum að það er mikil
jákvæðni meðal starfsmanna beggja þessara
stofnana og bæði faglegra og rekstrarlegra yf-
irmanna,“ segir Sæunn.
Frumvarp um sameiningu Sjónstöðvarinnar og Heyrnar- og talmeinastöðvarinnar
Ekki er útilokað að breytingar
verði gerðar á frumvarpinu
Eftir Ómar Friðriksson
omfr@mbl.is