Morgunblaðið - 06.04.2006, Qupperneq 26

26 FIMMTUDAGUR 6. APRÍL 2006 MORGUNBLAÐIÐ
MENNING
Það er mikill gangur í sýn-ingum Leikfélags Akureyr-ar í vetur. Fullkomið brúð-
kaup hefur slegið öll fyrri
aðsóknarmet leikfélagsins og er nú
komið suður í Borgarleikhúsið og
virðist ætla að gera það gott þar
ekki síður en fyrir norðan.
Litla hryllingsbúðin var frum-
sýnd við mikinn fögnuð og stendur
undir væntingum; rómantískur
söngleikur með hryllingsívafi og
tónlistin er löngu búin að sanna sig
og sannar sig einu sinni enn.
Þarna á milli skaust svo Mar-
íubjallan, nýlegt dramatískt verk
frá Rússlandi, sem gerði það sem
því var ætlað að gera; skapa ein-
hvers konar mótvægi við létta dag-
skrá LA að öðru leyti, en því var
greinilega ekki ætlað að ganga
nema í ákveðinn tíma, sýningum
lauk þegar Hryllingsbúðin var
tilbúin til frumsýningar.
  
Leikhússtjórinn Magnús GeirÞórðarson hefur einnig brydd-
að upp á ýmsum öðrum nýjungum í
rekstri leikhússins, gert unga fólk-
inu á Akureyri auðveldara um vik
með aðgang að leikhúsinu með
lækkuðu miðaverði, áskriftar-
kortum fyrir ungt fólk í og með í
samstarfi við banka og önnur fyr-
irtæki. Þetta er auðvitað hárrétt
hugsað þar sem Akureyri er full af
ungu fólki, sérstaklega yfir vetr-
artímann, þar sem eru Mennta-
skólinn, Verkmenntaskólinn og Há-
skólinn; sannkallaður háskólabær
þar sem leikhúsið fær verðugt hlut-
verk sem miðpunktur menningar-
lífs og afþreyingar í bæjarlífinu.
Bæjaryfirvöld gera vel í því að
koma auga á mikilvægi Leikfélags-
ins í þessu samhengi og styðja það
með ráðum og dáð og efla starfsemi
þess svo Akureyri standi undir
nafni sem hraðvaxandi bær menn-
ingar og menntunar.
  
Leikfélag Akureyrar er eina at-vinnuleikhúsið utan höfuð-
borgarsvæðisins og hefur staðið
undir nafni allt frá því í byrjun átt-
unda áratugarins er framsýn bæj-
arstjórn í samstarfi við forkólfa
Leikfélags Akureyrar ákvað að
stíga skrefið til fulls og gera leik-
félagið að atvinnuleikhúsi.
Rætur LA standa þó engu að síð-
ur traustum fótum í áhugaleik-
starfseminni á Eyjafjarðarsvæðinu
og hefur Leikfélagið orðið eins
konar þungamiðja þeirra blómlegu
starfsemi og fjölmörgu leikfélaga
sem þar hafa vaxið og dafnað í
skjóli við nálægðina af atvinnuleik-
húsinu. Það fór nefnilega ekki eins
og ýmsir töldu að áhugaleiklistin
myndi dofna ef komið væri á fót at-
vinnuleikhúsi í hjarta héraðsins.
Þetta á að sjálfsögðu jafnt við um
aðrar listgreinar; list elur af sér list
og hvetur almenning til að taka
þátt og njóta á sem fjölbreyttastan
hátt.
  
Ekki má svo gleyma hinummargnefndu margfeldis-
áhrifum af listsköpuninni þar sem
alls kyns verslun og þjónusta dafn-
ar í kjölfarið og væri gaman ef ein-
hver reiknaði út hvað Leikfélag Ak-
ureyrar er búið að skapa miklar
tekjur fyrir bæjarfélagið bara í vet-
ur með því að taka vel á annan tug
þúsunda áhorfenda inn á sýningar
sínar. Þetta er sú tegund af reikn-
ingsdæmi sem gjarnan gleymist að
reikna þegar horft er ofsjónum yfir
þeim opinberum fjármunum sem
lagðir eru í listsköpun af öllu tagi;
til að skapa list, hvort sem er leik-
list, bókmenntir, tónlist, myndlist
eða hvaðeina, þarf alls kyns aðföng
og þjónustu svo aurarnir dreifast
víða og meiri fjármunir skipta um
hendur en lagðir voru til í upphafi.
Menningartengd þjónusta og ferða-
mennska er ekki eingöngu bundin
við byggðasöfn og sumarsýningar
heldur er hún sífellt í gangi þar sem
á annað borð er skapaður frjór
jarðvegur fyrir listsköpun af ein-
hverju tagi.
List er
atvinnuskapandi
’Þetta er sú tegund afreikningsdæmi sem
gjarnan gleymist að
reikna þegar horft er
ofsjónum yfir þeim op-
inberum fjármunum sem
lagðir eru í listsköpun af
öllu tagi.‘
Morgunblaðið/Kristján
Starfsemi Leikfélags Akureyrar er
með miklum blóma í vetur.
havar@mbl.is
AF LISTUM
Hávar Sigurjónsson
Í TILEFNI af 250 ára afmælisári
Mozarts verða tónleikar Sinfón-
íuhljómsveitar Íslands tileinkaðir
honum í kvöld. Með hljómsveitinni
syngur Kór Menntaskólans við
Hamrahlíð og Hamrahlíðarkórinn
undir stjórn Þorgerðar Ingólfsdóttur.
Hljómsveitarstjóri er Petri Sakari. Á
efnisskrá eru: Tveir þættir úr Sálu-
messu eftir Joseph Eybler, Toten-
feier eftir Gustav Mahler og Sálu-
messa eftir afmælisbarnið sjálft,
Wolfgang Amadeus Mozart.
„Aðalástæða þessara tónleika er
afmælisár Mozarts og að páskarnir
eru á næsta leiti,“ segir Petri Sakari.
„Fyrir utan Sálumessu Mozarts mun-
um við spila fyrsta hlutann af annarri
sinfóníu Gustavs Mahler en hún hef-
ur aldrei verið leikin hér á landi, ekki
frekar en Sálumessa Eybler sem er
nokkuð öðruvísi en margar slíkar.“
Sakari segir þetta ekki vera mjög
þunga tónlist og að það séu margir
hraðir kaflar í verkunum. „Það er
gott að hafa Hamrahlíðarkórana með
Sinfóníunni, sérstaklega þar sem
þetta eru mjög góðir kórar, með ung-
um röddum.“
Ásamt kórunum koma fram ein-
söngvaranir Hanna Dóra Sturludótt-
ir, Alina Dubik, Jónas Guðmundsson
og Kouta Räsänen. „Ég vildi hafa ein-
söngvara sem væru ekki of léttir, sér-
staklega fyrir Sálumessu Eybler þar
sem þarf stórar og dramatískar radd-
ir. Ég kynni með ánægju til leiks
finnska einsöngvarann Kouta Räs-
änen. Hann er mikill bassi og syngur í
þjóðaróperunni í Finnlandi,“ segir
Sakari sem tekur við Sinfóníu-
hljómsveitinni í Turkuu í Finnlandi á
næsta ári.
Stórkostleg tónmál
„Sálumessa Mozarts er áhrifamik-
ið og afar fagurt verk. Það er sann-
arlega ánægjulegt að Sinfóníu-
hljómsveit Íslands skuli treysta ungu
fólki fyrir svo verðugu verkefni á af-
mælisári tónskáldsins,“ segir Þor-
gerður Ingólfsdóttir en Hamrahlíð-
arkórarnir syngja sálumessurnar
tvær á tónleikunum í kvöld. „Sálu-
messa Eyblers, sem var sam-
tímamaður og kunningi Mozarts, er
nærri óþekkt verk og það er for-
vitnilegt að kynnast því.“
Sálumessa Mozarts varð hans sein-
asta verk og honum entist ekki aldur
til að ljúka því en nemandi hans,
Süssmayr, lauk verkinu að honum
látnum. „Sálumessa Mozarts er með-
al allra þekktustu verka hans. Mús-
íkin fylgir innihaldi þessara fornu
texta meistaralega vel og sterkar
andstæður textans verða svo skýrar.
Við heyrum innilegu bænina fyrir
hinum látna, lúður dómsdagsins gell-
ur, við skynjum vítislogana og heyr-
um ákall mannkyns um frið. Það
snertir við sálinni að heyra 125 ung-
menni biðja um ljós og frið á þessu
stórkostlega tónmáli,“ segir Þorgerð-
ur.
Morgunblaðið/Ásdís
Petri Sakari hljómsveitarstjóri ásamt einsöngvurunum Hönnu Dóru Sturludóttur, Alina Dubik, Jónasi Guðmunds-
syni, Kouta Räsänen og Hamrahlíðarkórunum, sem koma fram í Háskólabíói í kvöld.
Tónlist | Sinfóníuhljómsveit Íslands og Hamrahlíðarkórarnir
flytja sálumessur eftir Mozart og Eybler
„Snertir við sálinni“
Morgunblaðið/Ásdís
Vel á annað hundrað ungmenni syngja á tónleikunum.
Eftir Ingveldi Geirsdóttur
ingveldur@mbl.is
Tónleikarnir hefjast í Háskólabíói
í kvöld kl. 19.30.
KANSÓNUR úr suðri og norðri er
yfirskrift hádegistónleika Íslensku
óperunnar í dag. Þar syngur Kolbeinn
Jón Ketilsson tenór lög frá Ítalíu,
Noregi, Svíþjóð og Íslandi við und-
irspil Önnu Guðnýjar Guðmunds-
dóttur píanóleikara.
Kolbeinn hefur starfað mikið er-
lendis undanfarin ár og komið fram í
óperuhúsum í m.a. Þýskalandi, Belg-
íu, Austurríki, Sviss, Frakklandi og
Portúgal. Í byrjun síðasta árs söng
hann hlutverk Radames í Aidu, sem
var opnunarsýningin í nýja óperuhús-
inu í Kaupmannahöfn. Kolbeinn kem-
ur nú fram á Íslandi eftir þó nokkuð
hlé. „Ég er í Gautaborg núna að
syngja í Fidelio eftir Beethoven, ég á
eftir þrjár sýningar og síðan kem ég
aftur hingað til lands til að æfa fyrir
Galdraskyttuna eftir Weber sem
Sumaróperan sýnir á Listahátíð í
Reykjavík. Auk þess syng ég líka með
Rússibönunum 23. maí á vegum
Listahátíðar,“ segir Kolbeinn sem
augljóslega hefur í mörgu að snúast.
„Í haust syng ég svo í óperunni Les
Troyens eftir Berlioz hjá Parísaróper-
unni. En ég verð óvenjulega mikið hér
á Íslandi í vor og byrjun sumars. Ég
fékk tilboð um að syngja í Rínargull-
inu eftir Wagner í Lissabon nú í sum-
ar en ég ákvað að taka því ekki því það
var svo langt síðan ég hafði sungið hér
á landi. Það er mér mjög mikilvægt að
halda tengslum við land og þjóð.“
Kolbeinn segir tónleikana í dag vera
einstaklega stóra stund hjá sér því
hann hafi ekki sungið tónleika í um
tíu ár og sé því spenntur fyrir hvernig
til takist. „Ég hef verið að þvælast
mikið á Ítalíu og um Skandinavíu og
kem alltaf heim öðru hverju svo mér
datt í hug að setja efnisskrána saman
úr lögum frá þessum löndum,“ segir
Kolbeinn sem ætlar að tengja efnis-
skrána veðrum, vindum og árstíð-
unum og þá sérstaklega vorinu sem
hann vonar að sé á leiðinni. „Þetta
verða léttir og skemmtilegir tónleikar
í hádeginu.“
Tónleikarnir hefjast í Óperunni kl.
12.15 og standa yfir í um fjörutíu mín-
útur.
Tónlist | Kolbeinn Jón Ketilsson syngur á hádegistónleikum Óperunnar
Efnisskrá veðra, vinda og árstíða
Morgunblaðið/Eyþór
Kolbeinn Jón Ketilsson og Anna
Guðný Guðmundsdóttir.
Eftir Ingveldi Geirsdóttur
ingveldur@mbl.is
BRAGI Ólafsson
hefur ákveðið að
ganga til sam-
starfs við Eddu
útgáfu um að
næstu verk hans
komi út hjá
Eddu. Jafnframt
mun Edda sjá
um sölu, dreif-
ingu og endur-
útgáfur á eldri verkum hans, og
réttindasölu þeirra erlendis. Bragi
hefur um árabil gefið verk sín út
hjá bókaforlaginu Bjarti.
Bragi hefur lengi verið í fremstu
röð rithöfunda og skálda. Hann var
einn af stofnendum Sykurmolanna
og Smekkleysu, en hefur um árabil
helgað sig nær eingöngu rit-
störfum.
Bragi Ólafs-
son til Eddu
Bragi Ólafsson