Morgunblaðið - 03.08.2006, Blaðsíða 17

MORGUNBLAÐIÐ FIMMTUDAGUR 3. ÁGÚST 2006 17
MINNSTAÐUR
sex áningarstaðir m.a. við Eiðs-
granda, Korpúlfsstaði og Elliða-
vatn. Þar geta göngugarpar og hjól-
reiðafólk hvílt lúin bein og notið
náttúrunnar á svæðinu. Á öllum án-
ingarstöðum eru hjólastandar,
bekkir og kortastandur með korti
af stígum sem liggja um nánasta
umhverfi áningarstaðarins. Á hinni
hlið kortsins gefur svo að líta stórt
yfirlitskort af göngu- og hjólreiða-
stígum höfuðborgarsvæðisins. Með-
fram uppbyggingu áningarstaðanna
hefur framkvæmdum á stígum ver-
ið haldið áfram og malarstígar til að
mynda færðir til betra horfs.
Pálmi Randversson hjá umhverf-
Reykjavík | Líkt og undanfarin
sumur hafa umhverfis- og fram-
kvæmdasvið Reykjavíkurborgar
staðið að áframhaldandi uppbygg-
ingu göngu- og hjólastígakerfis á
höfuðborgarsvæðinu. Með þessu er
reynt að gera íbúum höfuðborg-
arsvæðisins kleift að ferðast hjól-
andi eða gangandi um borgina á
öruggan, aðlaðandi og vistvænan
máta.
Áhersla hefur verið lögð á að
beina hjólagörpum á þjóðvegi 1 inn
á stígakerfið eins fljótt og við verð-
ur komið til þess að auka öryggi
þeirra, sem og almennt umferðarör-
yggi.Í sumar hafa verið settir upp
issviði Reykjavíkurborgar, segir að
áningarstaðirnir og betrumbætur
stíganna séu framlag borgaryf-
irvalda til að stuðla að vistvænni
samgöngum. Aðspurður segir Pálmi
að vistvænar samgöngur séu mála-
flokkur sem hvað oftast kemur inn
á borð borgaryfirvalda og áherslan
á málaflokkinn eykst frá ári til árs.
Í samgöngustefnu Reykjavíkur sé
til að mynda vegur hjólreiða,
gangna, almenningssamgangna og
annarra vistvænna samgöngumáta
aukinn á kostnað einkabílsins. „Ég
hef enga trú á öðru en að aukin
áhersla verði lögð á málaflokkinn.
Borgaryfirvöld eru farin að tvinna
saman umhverfis- og samgöngumál
í auknum mæli og þetta er mál sem
verður alltaf á oddinum í þeirri um-
ræðu,“ segir Pálmi að lokum.
Sex nýir áningarstaðir í stígakerfinu
Morgunblaðið/Eggert
Slakað á Áningarstaður hjólreiðamanna við Eiðsgranda.
Nýtt listagallerí
við Thorsplan
Hafnarfjörður | Gallerí Thors var
opnað í Hafnarfirði á dögunum.
Galleríið er á besta stað í mið-
bænum, á jarðhæð bjarts og fal-
legs húss við Linnetstíg 2.
Myndlistarkonan María Ólafs-
dóttir, betur þekkt sem Maja, er
eigandi gallerísins og fékk átta
konur til að sýna listsköpun sína í
galleríinu, allt frá gullsmíði til
textíllistar. Kemur þetta fram á
vef Víkurfrétta.
Hugsunin er að hafa galleríið
lifandi og fá gestalistamenn til að
sýna, tónlistarfólk til að spila og
rithöfunda til að lesa upp úr
verkum sínum. Á góðviðrisdögum
verður hægt að fá sér sæti á
Thorsplaninu fyrir utan galleríið
og fá sér kaffi og með því, þar
sem boðið er upp á léttar veit-
ingar í galleríinu.
Listakonurnar sem lagt hafa
Maju lið eru: Gullsmiðirnir Fríða
Jónsdóttir og Halla Boga, leirlist-
arkonurnar Ingibjörg Klemenz
og Sólveig Hólmarsdóttir, mynd-
listarkonurnar Lilja Bragadóttir,
Þóra Ben og Þóra Einarsdóttir
og textíllistakonan Helena
Sólbrá.
Veita styrk til
umferðarfræðslu
Reykjavík | Fulltrúar Umferðar-
stofu og Reykjavíkurborgar und-
irrituðu nýlega samstarfssamning
til þriggja ára. Samningurinn fel-
ur í sér styrk til umferðarfræðslu
skólabarna og almennings í
Reykjavík.
Reykjavíkurborg veitir árlega
styrk að upphæð alls átta millj-
ónir kr. til fastra verkefna og sér-
verkefna sem Umferðarstofa tek-
ur að sér, að því er fram kemur í
fréttatilkynningu. Föstu verk-
efnin eru útgáfa fræðsluefnis
tengdu umferðarskólanum Ungir
vegfarendur, umferðarfræðsla í
leikskólum og jólagetraun Um-
ferðarstofu.
Sérverkefnin eru m.a. útgáfa
fræðsluefnis tengdu umferðarör-
yggi grunn- og leikskólabarna og
útgáfa fræðsluefnis um hjálma-
notkun og hjólreiðar.
Myndlist á sund-
laugarbakka
Kópavogur | Garðar Jökulsson list-
málari heldur nú sýningu við sund-
laugarbakka Kópavogslaugar.
Hann hefur tileinkað sýninguna
góða veðrinu ekki síður en hinu
ágæta starfsfólki sem sér um að
alltaf sé allt í lagi og að ætíð sé gott
að koma í laugina.
Frá árinu 1995 hefur Garðar
helgað sig myndlistinni en hann
hélt sína fyrstu sýningu í Blómavali
við Sigtún árið 1984. Eftir það hef-
ur Garðar haldið fjölmargar sýn-
ingar á óhefðbundnum stöðum sem
almenningur leggur leið sína um.
Garðar segir að hann hafi alla tíð
verið þeirrar skoðunar að færa beri
listina nær fólkinu, en ekki tak-
marka hana við þröngan hóp sjálf-
skipaðra listeigenda.
HÖFUÐBORGARSVÆÐIÐ