Morgunblaðið - 26.09.2006, Blaðsíða 21

MORGUNBLAÐIÐ ÞRIÐJUDAGUR 26. SEPTEMBER 2006 21
LANDIÐ
Garður | Bæjarráð Garðs samþykkti
samhljóða ályktun um umferðarör-
yggismál. Lýst er yfir þungum
áhyggjum af hraðakstri, einkum á
Garðvegi og Garðskagavegi. Vísað
er til þess að alvarleg umferðarslys
hafi valdið óbætanlegu tjóni og sorg.
Bæjarráð hvetur Garðbúa til að
segja stopp og skuldbinda sig til að
fara eftir umferðarreglum og virða
hraðatakmarkanir. Þá er óskað eftir
auknu umferðareftirliti lögreglu.
Vilja aukið eftirlit
SUÐURNES
Eftir Helga Bjarnason
helgi@mbl.is
Keflavík | „Mér finnst gaman að sýna útlendingum ljós-
myndir. Þeir hrífast af myndefni sem okkur Íslendingum
þykir hversdagslegt, eins og til að mynda norðurljósum
og glitskýjum. En um leið verður maður var við vissa tor-
tryggni og er spurður að því hvort búið sé að eiga við
myndirnar,“ segir Ellert Grétarsson, ljósmyndari í
Keflavík, sem heldur út eigin ljósmyndagalleríi á vefnum
og hefur verið að sýna ljósmyndir og stafræn myndverk
erlendis.
Ellert hefur síðustu tvö sumur tekið þátt í alþjóðlegri
sýningu í Sofia í Búlgaríu, Word Art Print Show. Nýlokið
er einkasýningu hans á myndum úr íslenskri náttúru í
Renaissance galleríinu í listamiðstöðinni Narrows Cent-
er for the Arts í Fall River í Massachusettes í Bandaríkj-
unum. Þá hefur honum verið boðið að taka þátt í sýningu
í Limner-galleríinu í New York í nóvember. Þar sýnir
hann ljósmyndir af höfðum bergrisa í íslenskri náttúru.
Sökkti sér í myndvinnslu
Ellert Grétarsson er fæddur á Húsavík en alinn upp í
Keflavík. Hann hefur lagt stund á ljósmyndun alveg frá
því hann var í ljósmyndaklúbbi í barnaskóla. Hann hóf
störf sem ljósmyndari á staðarblöðum á Suðurnesjum
fyrir tæpum tuttugu árum en eftir átta ár sneri hann við
blaðinu og hóf störf í varahlutaverslun. Segist hafa verið
búinn að fá nóg af fjölmiðlunum í bili. Hann kynntist
myndvinnslu í prentsmiðju sem hann vann við á Egils-
stöðum og sökkti sér í það viðfangsefni. Setti þá upp eigið
vefgallerí, gallerí Elg, og hefur haldið því úti síðan. Gall-
eríið er töluvert mikið sótt og í gegn um það og ýmis sam-
félög ljósmyndara og listamanna á vefnum hefur hann
unnið að því að koma sér á framfæri og fengið nokkur boð
um að taka þátt í sýningum.
„Ég geng ekki um með neina stórmennskudrauma, sé
bara hvað kemur út úr þessum þreifingum og lít á allt
slíkt sem bónus,“ segir Ellert.
Hann sneri á heimaslóðir sínar í Keflavík í byrjun
þessa árs, segist hafa viljað komast aftur á meðal fjöl-
skyldu og vina. Hann er einstæður faðir með tvö börn og
vinnur sem blaðamaður og ljósmyndari á Víkurfréttum.
„Það er alltaf hægt að finna tíma fyrir áhugamálin til við-
bótar við vinnuna og heimilið, en það kemur stundum nið-
ur á því að maður fer svolítið seint að sofa á kvöldin,“ seg-
ir Ellert.
TENGLAR
.......................................................................
www.eldhorn.is/elg
Gaman að sýna ljós-
myndir frá Íslandi
Ljósmynd/Hilmar Bragi
Ljósmyndun Ellert Grétarsson er með vélina á lofti á
daginn en situr við eftirvinnsluna fram á nótt.
Eftir Kristínu Sigurrós Einarsdóttur
Trékyllisvík | Þrír nemendur eru í
Finnbogastaðaskóla í Árneshreppi á
Ströndum í vetur og er skólinn einn
af fámennustu ef ekki fámennasti
skóli landsins. Aldursdreifing er líka
mjög breið því tvær stúlkur eru í
fyrsta og fjórða bekk og einn dreng-
ur í níunda bekk. Þessi börn koma
frá tveimur bæjum í sveitinni.
Starfsmenn eru jafn margir nem-
endunum, skólastjóri, leiðbeinandi
og matráður.
Að sögn Jóhönnu Þorsteinsdóttur
skólastjóra fer ekki hjá því að lífið í
svona skóla líkist meira sæmilega
stóru heimili en stofnun. Kennslan
verður persónuleg og uppfyllir
a.m.k. skilyrði um einstaklingsmiðað
nám. „Við náum að uppfylla skilyrði
aðalnámskrár um námsframboð og í
vetur erum við t.a.m. svo heppin að
hafa tónmenntakennara. Sund kenn-
um við svo í námskeiðsformi á vor-
in,“ segir Jóhanna. „Í fyrra voru
fjórir nemendur og þá var hægt að
vera með hópa- og paravinnu.“
Hún segir kennsluna stundum
geta verið dálítið snúna, enda eigi
hver og einn aldurshópur rétt á sín-
um stundafjölda. Reynt er að sam-
kenna eins lítið og hægt er þó ekki
verði hjá því komist. „Kröfurnar til
hvers nemanda eru töluverðar, það
getur verið erfitt að svara öllu sem
spurt er um í bekknum. En eft-
irfylgnin sem hver og einn fær er
líka mikil. Kannski kemur þetta
fram í gæðum kennslunnar, en þau
yngri verða ansi seig í að fylgja hin-
um eldri eftir. Þetta er afar heim-
ilislegt, og það eru öðruvísi vanda-
mál í svona fámennum skólum en
þeim fjölmennari. Það er til dæmis
afar erfitt að eignast vinkonu eða vin
þegar aldurs- og kynskiptingin er
svona.
En mannlífið í sveitinni er óskap-
lega gott og bætir ýmislegt upp.
Nemendur sjá um og eru þátttak-
endur í félagslífi sveitarinnar. Kost-
irnir við skólastarfið eru fleiri en
gallarnir enda kemur ekki til greina
vegna samgangna að sameinast öðr-
um hreppi en Reykjavík. En ég veit
ekki hvort Vilhjálmur [borgarstjóri]
vill okkur!“ sagði Jóhanna.
Menningarmiðstöð
Jóhanna er að hefja sitt þriðja
starfsár við skólann og kann ágæt-
lega við sig. „En ég vissi ekki að ég
væri að afsala mér snjómokstri og
viðunandi vegakerfi, enda borga ég
sömu skatta og gjöld og þegar ég bjó
fyrir austan fjall. Það virðist ekki
vera hirt um að opna veginn eftir
áramót hvernig sem tíðarfarið er.
Mér finnst hart að búa við lélegasta
vegakerfi á landinu og vera mein-
aður aðgangur að því stóran hluta úr
árinu. Áður en ég kom hingað var ég
forstöðumaður á Sólheimum í
Grímsnesi í sjö ár. Þar varð maður
var við hefilinn á Hellisheiðinni allan
sólarhringinn og því kom mér á
óvart þessi lokun hér.“
– En hvernig lítur út með nem-
endafjölda í skólanum næstu árin?
„Ja, við liggjum hér á gægjum yfir
barneignum í sveitinni. Það fæddist
barn á þessu ári sem var auðvitað
mikið gleðiefni. Foreldrarnir eru
ungt fólk og við treystum því að þau
haldi þessu áfram. Umrætt barn er
hins vegar eina barnið undir skóla-
aldri svo það lítur út fyrir að nem-
endafjöldi fari í tvo á næsta skólaári.
En það þarf að gera allt til að halda
skóla hér, enda er hann forsenda
byggðar fyrir fjölskyldufólk. Svona
samfélag má ekki missa skólann
sinn enda er hann ekki aðeins skóli
heldur líka menningarmiðstöð sam-
félagsins.“
Vel fylgst með barneignum
Ljósmynd/Jón G. Guðjónsson
Skólahúsið Finnbogastaðaskóli á Ströndum er einn af fámennustu skólum
landsins, ef ekki sá fámennasti og byggðin er einangruð á vetrum.
Aðeins þrjú börn í Finnbogastaðaskóla í Trékyllisvík á Ströndum og starfsfólk er jafn margt nemendunum
Allir Nemendurnir Júlíana Lind Guðlaugsdóttir, Númi Fjalar Ingólfsson og
Ásta Þorbjörg Ingólfsdóttir standa fyrir framan Reynhildi Karlsdóttur
leiðbeinanda og Jóhönnu Þuríði Þorsteinsdóttur skólastjóra.
Varmahlíð | Sveitarstjórn Skaga-
fjarðar hefur ákveðið að fresta fram-
kvæmdum við breytingar á félags-
heimilinu Miðgarði í Varmahlíð og
taka verkefnið til gagngerrar endur-
skoðunar.
Fyrirhugað var að stækka Mið-
garð og gera að menningarhúsi með
áherslu á tónlist. Sveitarfélagið og
ríkið sömdu um að standa saman að
málinu. Framkvæmdir reyndust
dýrari en reiknað var með og var öll-
um tilboðum í útboði hafnað. Reyna
á að minnka kostnað án þess að slá af
kröfum um gæði hússins sem menn-
ingarmiðstöðvar. Í bókun sveitar-
stjórnar kemur fram að stefnt er að
því að hönnunarvinnu verði lokið um
mánaðamótin október og nóvember
þannig að hægt verði að ganga frá
samningum við verktaka og hefja
framkvæmdir á árinu.
Fulltrúar minnihlutans, Sjálf-
stæðisflokks og vinstri grænna,
greiddu atkvæði gegn frestun.
  
Endurskoða
breytingar
á Miðgarði
Borgarbyggð | Ákveðið hefur verið
að ráða Guðrúnu Jónsdóttur í hálft
starf menningarfulltrúa Borgar-
byggðar, til eins árs. Tillaga sveit-
arstjóra þessa efnis var samþykkt
samhljóða í byggðaráði.
Guðrún hefur undanfarin ár unn-
ið að kynningarmálum hjá Land-
búnaðarháskóla Íslands á Hvann-
eyri en áður stýrði hún Mark-
aðsráði Borgarfjarðar og sat í
bæjarstjórn Borgarbyggðar í eitt
kjörtímabil.
Ráðin í stöðu
menningarfulltrúa
Kynning á lykilmörkuðum
ÞÝSKALAND
Samtök ferðaþjónustunnar halda fund á Grand Hótel
Reykjavík (Hvammi) 28. september 2006
kl. 9-12. Markmið fundarins er að ræða þýska
markaðinn og þýska ferðamanninn nú og í framtíðinni.
• Þýski ferðamarkaðurinn.
Hvernig er eftirspurn Þjóðverja nú og fram til ársins
2015? Greining á markaðnum:
Ulf Sonntag, sérfræðingur frá Forschungsgemeinscaft Urlaub und
Reisen e.V., sem er helsta rannsóknarstofnunin í Þýskalandi í
ferðamálum og hegðun þýska ferðamannsins.
Erindi Ulf Sonntag verður á ensku.
• Að selja Ísland í Þýskalandi –
hvar liggja tækifærin?
Hvar stendur Ísland miðað við önnur markaðssvæði?
Stefna og starfshættir stærstu ferðaheildsalanna í
Þýskalandi.
Gunnar Már Sigurfinnsson, framkvæmdastjóri sölu- og
markaðssviðs Icelandair.
• Hagtölur um ferðir Þjóðverja á Íslandi.
Þorleifur Þór Jónsson, hagfræðingur SAF.
Þátttökugjald kr. 5.000 fyrir félagsmenn SAF
(kr. 2.500 fyrir umfram einn frá hverju fyrirtæki)
kr. 8.000 fyrir fyrirtæki utan SAF.
Þátttaka tilkynnist í síma 511 8000 eða með tölvupósti info@saf.is
www.saf.is
S A F