Morgunblaðið - 14.10.2006, Blaðsíða 33
MORGUNBLAÐIÐ LAUGARDAGUR 14. OKTÓBER 2006 33
Þetta einstaka tilboðsfargjald
gildir til allra áfangastaða
Flugfélags Íslands innanlands
er fyrir börn 2 - 11 ára í fylgd
með fullorðnum og í sömu bókun
gildir 16. okt. - 6. nóv.
býðst eingöngu þegar bókað er
á netinu www.flugfelag.is
bókanlegt frá 13. október
Í S
L E
N
S K
A
A
U
G
L Ý
S I
N
G
A S
T O
F A
N
E H
F .
/ S
I A
. I
S
- F
L U
3 4
4 7
2
1 0
/ 2
0 0
6
1 kr. aðra leiðina + 739 kr.
(flugvallarskattur og tryggingargjald)
Aðeins 1 króna fyrir börnin
www.flugfelag.is | 570 3030
ÞAÐ BLASIR við öllum með
augu opin að vinnubrögð hinnar
svokölluðu einkavæðingarnefndar
voru samfelldur fjármálalegur
sóðaskapur af verstu gerð. Þó
virðast sölur ríkisbankanna taka
þar öðru fram.
Fyrir skemmstu rakti undirrit-
aður í stuttri klausu í Morg-
unblaðinu aðfarir bankaráðs-
manna Landsbanka Íslands,
Helga S. Guðmundssonar og
Kjartans Gunnarssonar, við sölu á
hlutabréfum bankans í Vátrygg-
ingarfélagi Íslands, en þær at-
hafnir voru undanfari sölu bank-
ans. Í ljós kom, að hlutabréf
Landsbankans voru seld S-
hópnum svonefnda fyrir 6,8 millj-
arða króna. Þessi bréf seldi S-
hópurinn 3 – þremur – árum síðar
fyrir rúmleg 31 milljarð króna.
Mismunur rúmir 24 milljarðar.
Á sölu hlutabréfa Landsbank-
ans í VÍS á sínum tíma báru aðal-
ábyrgð þeir Helgi S. Guðmunds-
son og Kjartan Gunnarsson,
vafalaust að undirlagi þáverandi
bankamálaráðherra, framsókn-
arfrúarinnar frá Lómatjörn. Ær-
in ábyrgð hlýtur það að teljast,
enda tukthússök.
En sagan var ekki hálfsögð.
Það kemur í ljós við kaup S-
hópsins á FL-Group að einn af að-
almönnum S-hópsins reynist vera
hinn sami Helgi S. Bankaráðs-
maðurinn hefir sem sagt gefið
sjálfum sér milljarðana við svo-
kallaða sölu VÍS-bréfanna til S-
hópsins.
Það er ennfremur bókað að
Kjartan Gunnarsson á vænan hlut
í Landsbanka Íslands og hefir
sem bankaráðsmaður í fyrrum
Landsbanka ráðið miklu um það
verðlag, sem hann sjálfur naut við
kaup sín í nýja Landsbankanum.
Það er eftir öðru að Helgi þessi
S skuli vera formaður stjórnar
Seðlabanka Íslands – eða kannski
við hæfi.
Þessi dæmi sýna ljóslega
hverskonar framsóknar-
forarvilpu ríkisstjórnarmenn eru
sokknir í, enda munu þeir aldrei
leyfa opinbera rannsókn á mála-
vöxtum meðan þeir sitja á valda-
stólum.
Eru það kannski þessir kónar
sem nýi forsætisráðherrann á við
þegar hann segir í alþingi á dög-
unum: ,,Ég missi ekki svefn yfir
því að einhverjir aðilar hafi hagn-
ast á viðskiptum.“
Á hinu kynni að verða stutt bið
að einhverjir af bankaræningj-
unum yrðu andvaka.
Sverrir Hermannsson
Bankaræningjar
Höfundur er fv. form.
Frjálslynda flokksins.
ÁRIÐ 1928 voru Samúel Ólafs-
son söðlasmiður og Magnús V. Jó-
hannesson skipasmiður ráðnir sem
fyrstu launuðu starfsmenn Reykja-
víkurbæjar til að sinna fátækra-
málum. Nútíma-
velferðarþjónusta er
arftaki fátækra-
afgreiðslunnar, enda
þótt markmið og úr-
ræði hafi gjörbreytt
um ásýnd. Mikið álag
var á skrifstofu fá-
tækramála um þetta
leyti enda ríkti efna-
hagskreppa. Skipa-
smiðurinn og söðla-
smiðurinn höfðu
reynslu af störfum
fyrir bæinn með setu
sinni í niðurjöfn-
unarnefnd. Þeir höfðu starfað þar
ólaunað og tók það Magnús hálfan
daginn og missti hann vinnuna fyrir
vikið. Fékk hann þá launavinnu við
útburð og innheimtu útsvarsseðla
og við lögtök sem var hans sögn
eitt óvinsælasta starf bæjarins. Það
sem knúði borgarstjóra síðan til að
ráða Magnús og Samúel í fátækra-
málin var að nefndarmeðlimir sem
sinntu störfum ólaunað sem borg-
aralegri skyldu voru orðnir mjög
tregir til að mæta og taka að sér
verkefnin.
Pólítískir stjórnendur Reykjavík-
urborgar réðu nýlega nýjan sviðs-
stjóra Velferðarsviðs. Hinn nýráðni
starfaði um skeið á sömu stofnun
og láta starfsmenn frá þeim tíma
vel af henni. Það eru góðu frétt-
irnar í málinu en jafnframt er að-
kallandi að benda á að ráðningin er
umdeilanleg. Formaður Velferð-
arráðs borgarinnar tjáði sig um
málið í grein í Mbl. 2.okt. sl. Fyr-
irsögn greinarinnar er „Staða
sviðsstjóra velferðarsviðs er stjórn-
unarstaða“ og kemur sú fullyrðing
ekki á óvart.
Starf sviðsstjóra Velferðarsviðs
er fjölþætt. Hann þarf að hafa góða
þekkingu á innviðum og einkennum
stofnana og kunna að greina og
stýra margþættum samskiptum og
ákvarðanatöku. Þetta geta ýmsir
gert sem lært hafa stjórnun og
rekstur. Það sem við bætist í vel-
ferðarstjórnun er m.a. krafa um
trausta þekkingu á veik- og styrk-
leikum mannsins, á samskiptum
hans við aðra og á tilurð, vexti og
viðgangi ýmissa félagslegra fyr-
irbæra. Þar reynir m.ö.o. á hæfni
til að samþætta þekkingu úr ýms-
um greinum félagsvísinda.
Í velferðarþjónustu eru teknar
ákvarðanir sem valda oft straum-
hvörfum í daglegu lífi, bæði þeirra
sem nýta sér almenna þjónustu s.s.
öldrunarþjónustu og félagslegan
stuðning og þeirra sem standa til
langframa höllum fæti í lífinu. Þess
vegna er farsælast að stjórnandi
sem er sérhæfður í velferðarmálum
standi í brúnni. Á þessu sviði er
miklum fjármunum forvaltað og því
þurfa fjárglöggir menn að vera á
ferð. Mörgum slíkum er til að
dreifa sem geta stutt við sérfræð-
inga í velferðarþjónustu sem og á
öðrum sviðum.
Því ber að fagna að nokkrir mjög
hæfir sérfræðingar á sviði stjórn-
unar sóttu um starfið. Það er ekki
sjálfgefið því að hér um ræðir eitt
af mestu álagsstörfum sem um get-
ur hérlendis m.a. vegna þess hve
viðkvæm mál eru og á stundum lítt
viðurkennd.
Formaður Velferðarráðs bendir á
að það sé mikilvægt að nýta þekk-
ingu fagaðila þegar það á við og
hafi því sérstaklega verið litið til
stjórnunarhæfni og reynslu við
ráðninguna. Ég tel að ekki hafi ver-
ið litið til réttrar fagþekkingar því
að ákvarðanir um velferð fólks eiga
að vera í höndum yfirstjórnanda
sem er sérhæfður á því sviði.
Ákvörðuninni má líkja við það að
prófastur með stjórnunarreynslu
þætti hæfastur sem skattrann-
sóknastjóri. Það er e.t.v. þörf á að
upplýsa hina pólitísku stjórnendur
um að rétt eins og hægt er að
mennta sig í stjórnun menntastofn-
ana og heilbrigðisstofnana og al-
mennt í opinberri stjórnsýslu er
hægt að mennta sig í
velferðarstjórnun. Ég
er sammála því að
þessi staða er ekki frá-
tekin fyrir eina fag-
stétt enda tryggja
prófgráður á sviði vel-
ferðarmála því miður
ekki gæði fremur en
meistaranám í við-
skiptafræði og stjórn-
un. Tvímælalaust hefði
átt að ráða umsækj-
anda með stjórn-
unarhæfni og við-
urkennda sérþekkingu
í velferðarstjórnun. Slíkir umsækj-
endur hljóta að hafa blasað við
þeim sem fjölluðu um ráðninguna
því að í hópnum var að finna ein-
staklinga með langvarandi reynslu
á sviði velferðarstjórnunar og m.a.
með próf upp á vasann í félagslegri
stjórnun og stjórnsýslu svo sem fé-
lagsráðgjafar, félagsfræðingar o fl.
í þessum geira afla sér gjarnan.
Því hafði ég orð á sögubrotinu í
inngangi greinarinnar að formaður
Velferðarráðs minnist á það að for-
veri fv. sviðsstjóra hafi verið lög-
fræðingur, en mér er ókunnugt um
hve margir höfðu þá sérhæft sig
sem viðskiptafræðingar. Ég veit
hins vegar að lögfræðingurinn var
reynslu sinnar og bakgrunns vegna
réttur maður á réttum stað þegar
hann var ráðinn. Það er ástæða til
að rifja upp að sérhæfing var þá
ekki hafin á sviði velferðarstjórn-
unar hérlendis. Síðan hefur mikil
þróun átt sér stað á þessu sviði,
nýjar fagstéttir og sérhæft nám
komið til sem hægt hefur verið að
leggja stund á í nokkra áratugi við
fjölmarga viðurkennda háskóla er-
lendis. Velferðarmál og stjórnun á
því sviði er verkefni sem njóta ber
krafta sérhæfðs yfirstjórnanda.
Hvort sem pólítík réð ráðningunni
eður ei, en formaður gerir það að
sérstöku umtalsefni í grein sinni,
var þar ekki litið til nútíma þekk-
ingarþróunar í velferðarmálum.
Hvers konar yfirstjórnun hent-
ar best í velferðarþjónustu?
Guðrún Kristinsdóttir
fjallar um ráðningu
sviðsstjóra Velferðarsviðs
» Velferðarmál ogstjórnun á því sviði
er verkefni sem njóta
ber krafta sérhæfðs yf-
irstjórnanda.
Guðrún Kristinsdóttir
Höfundur er prófessor með sér-
fræðileyfi á sviði félagsþjónustu.