Morgunblaðið - 14.10.2006, Blaðsíða 48
48 LAUGARDAGUR 14. OKTÓBER 2006 MORGUNBLAÐIÐ
menning
HVÍTUR GRACE HÁFUR - 206.657 kr.
TEKK INNRÉTTING: 510.700 HVÍT QUARTS BORÐPLATA: 417.360 SPAN HELLUBORÐ: 135.990
OFN: 138.990 VASKUR: 69.900 BLÖNDUNARTÆKI: 21.900 HRÆRIVÉL: 15.999
PIPARKVÖRN: 2.999 SKÁL: 2.599 GRACE HÁFUR: 206.657 KRÚS (2 stk) : 2.999
ÍSLENSKAR tónsmíðar hafa ávallt
verið fyrirferðarmiklar í starfsemi
Hamrahlíðarkórsins. Það er því við
hæfi að tónleikar, sem kórinn heldur
klukkan 14 í Hallgrímskirkju í dag á
vegum Norrænna músíkdaga, séu
helgaðir tónlist eftir átta íslensk tón-
skáld. Þeirra á meðal eru Örlygur
Benediktsson og Mist Þorkelsdóttir,
en þau eiga það sameiginlegt að hafa
sungið með kórnum undir stjórn
Þorgerðar Ingólfsdóttur á sínum
yngri árum.
Lög fyrir tónskáldabörn
Örlygur og Mist eiga sitt verkið
hvort á tónleikadagskránni. Verk
Mistar heitir því forvitnilega nafni
Vikivaki fyrir stúdínufrænkur og
segist hún hafa samið það fyrir ári í
tilefni stúdentsútskriftar dóttur
sinnar og frænku hennar. Það var
einmitt Hamrahlíðarkórinn sem
frumflutti lagið við þau tímamót, en
þær frænkur, og reyndar sonur
Mistar sömuleiðis, eru í kórnum.
Hlæjandi segir Mist hefð vera fyr-
ir því að kórinn frumflytji lag þegar
börn tónskálda útskrifist.
„Þegar ég útskrifaðist þá samdi
pabbi fyrir kórinn,“ upplýsir hún en
Mist er dóttir Þorkels Sigurbjörns-
sonar sem einnig á verk á tónleik-
unum, Á raupsaldrinum. „Ég held að
Karólína [Eiríksdóttir] hafi samið
fyrir sína dóttur þegar hún útskrif-
aðist og Hróðmar Ingi Sigurbjörns-
son fyrir sinn son,“ heldur hún
áfram og er augljóslega skemmt við
tilhugsunina. Lag Jóns Nordals,
Heilræðavísa, sem sömuleiðis verð-
ur flutt í dag, segir Mist vera af
sama meiði, samið fyrir dóttur Jóns í
tilefni útskriftar hennar. Er verkum
Jóns gert sérstaklega hátt undir
höfði á tónleikunum enda áttatíu ára
afmælisár þessa virta tónskálds.
Tvö lög eftir Snorra Sigfús
Verk Örlygs, Ísland, við samnefnt
kvæði Hannesar Péturssonar, var
skrifað árið 2004 fyrir 350 manna
samkór á árlegu kóramóti fram-
haldsskólakóra. Síðan hafa Hamra-
hlíðarkórarnir flutt það við ýmis til-
efni, nú síðast á Evrópumóti
ungmennakóra, Europa Cantat, í
Mainz í Þýskalandi í sumar.
Auk verka sem þegar hafa verið
nefnd syngur kórinn verk eftir Atla
Heimi Sveinsson, Huga Guðmunds-
son og Hauk Tómasson. Þá frum-
flytur hann tvö lög eftir Snorra Sig-
fús Birgisson.
Eðli málsins samkvæmt hafa
hvorki Mist né Örlygur heyrt verk
Snorra en Mist segir að börnin sín
séu hæstánægð með verkefnaskrána
alla. Að syngja lög Jóns Nordals
segja þau svo vera einstaka upp-
lifun. Örlygur, sem sjálfur hefur
sungið flest verk Jóns með Hamra-
hlíðarkórnum, segir þau geysilega
merkileg og einstaklega falleg. „Það
er heiður að mitt verk sé upphafið að
tónleikadagskrá undir stjórn Þor-
gerðar sem verk Jóns slá botninn í,“
segir hann að lokum.
Einstök upplifun að syngja verk Jóns Nordal
Morgunblaðið/Sverrir
Ungdómur Hamrahlíðarkórinn heldur tónleika í Hallgrímskirkju á vegum Norrænna músíkdaga í dag.
Hamrahlíðarkórinn syngur íslensk
verk á tónleikum í Hallgrímskirkju