Morgunblaðið - 14.10.2006, Blaðsíða 37

MORGUNBLAÐIÐ LAUGARDAGUR 14. OKTÓBER 2006 37
Chevrolet Lacetti Station
Kr. 1.892.000
www.benni.is Opið virka daga frá kl. 9.00 - 18.00. Lau. 12.00 - 16.00
FerðabíllFjölskyldubíllSkólabíllFlutningabíllVetrarbíll
Lacetti
Meiri bíll – uppfullur af snjöllum lausnum
Þetta er bíllinn sem þú ert að leita að. Það eru 25 snjallar lausnir á geymslurými sem henta allri fjölskyldunni,
bílstjórinn er með stjórnbúnað í stýrinu og geislaspilarinn tekur 5 geisladiska, svo fátt eitt sé talið. Það hefur verið
hugsað fyrir öllu svo að þér og allri fjölskyldunni líði einstaklega vel í Chevrolet Lacetti. Komdu til okkar á
Tangarhöfðann og skoðaðu Evrópulínuna frá Chevrolet, þín bíður reynsluakstur og kaffi á könnunni.
Tangarhöfða 8-12 Sími 590 2000
Umboðsmenn: Bílahornið hjá Sissa, Keflavík. Bílasalan Ós, Akureyri.
Fjölskyldubíll í sparifötunum
A
U
K
A
BÚ
N
A
Ð
U
R
Á
M
Y
N
D
:Á
LF
EL
G
U
R
MORGUNBLAÐINU hefur bor-
ist eftirfarandi greinargerð um stöðu
tónlistarmála í Skálholti frá stjórn
Skálholts: „Fyrir um hálfum öðrum
áratug var gert samkomulag milli
Skálholtsstaðar, fjögurra sókn-
arnefnda Skálholtsprestakalls og
sveitarfélagsins Biskupstungna-
hrepps um að standa sameiginlega að
stöðu organista fyrir staðinn og
sóknirnar. Hefur staðurinn greitt
organista tíu mánaða laun, sóknirnar
saman ein mánaðarlaun og sveitarfé-
lagið ein. Skálholtsstaður hefur síðan
séð organista fyrir húsnæði og nokk-
urri starfsaðstöðu.
Organisti hefur stýrt starfi Skál-
holtskórs, sem eftir atvikum hefur
þjónað þörfum sóknanna allra og
staðnum sjálfum í söng á Skál-
holtshátíð og við sérstök tilefni. Kór-
inn hefur fengið föst fjárframlög frá
staðnum, auk starfsaðstöðu og fyr-
irgreiðslu. Enn fremur hefur org-
anisti byggt upp barna- og unglinga-
kór í sóknunum, sem sóknirnar
sjálfar hafa greitt fyrir. Loks hefur
hann stýrt kammerkór Suðurlands.
Þessir tveir síðarnefndu kórar hafa
ekki starfað á vegum Skálholtsstaðar
enda er þeirra hvergi getið í ráðning-
arsamningi organistans. Þó hafa
þessir kórar notið fyrirgreiðslu á
staðnum.
Aðdragandi
breytinga í Skálholti
Á undanförnum árum hefur um-
fang starfseminnar á Skálholtsstað
farið vaxandi. Þar kemur til aukið
starf í tengslum við Skálholtsskóla,
sívaxandi straumur ferðamanna og
ný þátttaka dvalargesta frí-
stundabyggða í helgihaldi staðarins.
Dagana 9. og 10. janúar var hald-
inn fundur með kirkjuráði, skólaráði
Skálholtsskóla og þeim sem á staðn-
um starfa. Þar komu fram hug-
myndir um að sameina rekstur Skál-
holtsstaðar og Skálholtsskóla, sem
kirkjuráð féllst á.
Á þessum fundi var fjallað sér-
staklega um starfsemi skólans. Sam-
kvæmt lögum um skólann starfar
hann á þremur sviðum, sem nefnast
guðfræðisvið, kirkjutónlistarsvið og
almennt fræðasvið. Kom fund-
armönnum saman um að þörf væri á
að styrkja starfsemina á kirkju-
tónlistarsviði og leita í því sambandi
samstarfs við söngmálastjóra og
Tónskóla kirkjunnar. Þá þegar lá
ljóst fyrir að tónlistarstarfið á staðn-
um yrði endurskipulagt og var haft á
orði að hugsanlega væri nauðsynlegt
að leggja niður starf organista í nú-
verandi mynd og móta nýtt starf sem
yrði að fullu í þágu Skálholts og aug-
lýsa það.
Í framhaldi þessa fundar var óskað
eftir því að organisti Skálholts-
dómkirkju myndi ræða þessa end-
urskipulagningu við söngmálastjóra
og fulltrúa Tónskólans og leggja þar
fram sínar tillögur. Af því varð ekki
en þó funduðu þessir aðilar um þessi
mál tvívegis, í júlí og september, þar
sem rætt var um væntanlegar skipu-
lagsbreytingar á starfi organistans.
Niðurstaða stjórnar
Eftir að hafa hlustað á væntingar
fólks og sérfróðra manna um aukið
tónlistarstarf í Skálholti komst stjórn
Skálholts að þeirri niðurstöðu að rétt
væri að auglýsa hina nýju stöðu og
veita fleirum en einum tækifæri til að
sækjast eftir hinu nýja starfi.
Hin nýja staða ætti að snúast um
þrjá meginþætti. Fyrst væri þjón-
ustan við hið reglubundna helgihald
Skálholtsdómkirkju. Í öðru lagi ætti
starfið að fela í sér þjónustu við starf-
semi Skálholtsskóla og fræðslu þar. Í
þriðja lagi ætti organisti að sinna
ákveðinni listrænni forystu þar sem
hann leitaðist eftir að ná fram auknu
samstarfi og samþættingu alls tón-
listarstarfs á staðnum auk samstarfs
við söngmálastjóra og Tónskóla þjóð-
kirkjunnar og Sumartónleika í Skál-
holti.
Viðbrögð við
gagnrýni á uppsögn
Eftir uppsögn organista 14.9. 2006
með þriggja mánaða uppsagn-
arfresti, samkvæmt kjarasamningi
hans og uppsögn sama dag á sam-
starfssamningi við sóknarnefndir
Skálholtsprestakalls og sveitarfélags
Biskupstungnahrepps, sem þá var,
barst hörð gagnrýni víðs vegar frá,
sem vígslubiskup Skálholts hefur
svarað fyrir hönd stjórnar Skálholts.
Þessari gagnrýni var einnig svarað á
fundi kirkjuráðs 21. og 22. september
í samráði við formann stjórnar Skál-
holts.
Í framhaldi af fundi stjórnar org-
anistafélagsins með biskupi í lok
september, óskaði biskup eftir því að
umfjöllunaraðilar ræddu þessi mál
með stjórn Skálholts. Sá fundur var
haldinn 3. október með starfs-
mönnum á biskupsstofu og söng-
málastjóra, sem óskaði sérstaklega
eftir að stjórn Skálholts myndi leita
eftir að ná sáttum.
Tillögur stjórnar Skálholts eru
þrjár:
1. Starfslokum organista sé frest-
að til 31. maí 2007.
2. Ef sóknarnefndir Skálholts-
prestakalls og sveitarstjórn Bál-
skógabyggðar beita sér fyrir
ráðningu organista á þeirra veg-
um með hugsanlegri þátttöku
annarra prestakalla og stofnana
í uppsveitum Árnessýslu telur
stjórn Skálholts koma til greina
að Skálholtsstaður hagnýti sér
þann starfskraft að einhverju
leyti eftir samkomulagi við
sóknirnar.
3. Núverandi organista verði gef-
inn kostur á hinu nýja starfi frá
1. janúar 2007. Gagnkvæmur
uppsagnarfrestur verði þrír
mánuðir. Náist ekki sam-
komulag um erindisbréf og laun
fyrir 31. desember 2006, nýtur
hann starfsloka í samræmi við
lið 1. hér að ofan.
Drög að starfslýsingu organista
Starf organista í Skálholti er fullt
starf sem miðast við þjónustu hans á
staðnum sem tónlistarstjóri. Þjón-
usta hans við aðrar kirkjur Skálholts-
prestakalls er óháð starfi hans á
staðnum og ekki hluti af því starfi
sem hér er fjallað um. Hann er
starfsmaður Skálholtsstaðar og er
ráðinn af stjórn Skálholts, sem sem-
ur við hann um kaup og kjör. Í störf-
um sínum heyrir hann undir formann
stjórnar Skálholts, sem setur honum
erindisbréf og framkvæmdastjóra
Skálholts, hvað varðar fjárhag og
framkvæmd starfsáætlunar. Starf
organista í Skálholti felst einkum í
þremur meginþáttum:
A Skálholtsdómkirkja – Helgihald
Messað er hvern helgan dag í
Skálholti. Helgiþjónusta í Skálholts-
kirkju miðast við þarfir og skyldur
dómkirkju sem í senn þjónar sínum
heimasöfnuði og kirkjunni allri óháð
landfræðilegum sóknarmörkum.
Organisti ber ábyrgð á organleik og
söngstjórn í Skálholtskirkju og leit-
ast við að halda við lýði kirkjukór
með reglulegum æfingum.
Hann leikur a.m.k. við tvær mess-
ur í kirkjunni í mánuði hverjum og á
stórhátíðum. Honum ber sumarleyfi í
samræmi við það sem tíðkast í samn-
ingum annarra organista. Ein messa
hvers mánaðar er sérstaklega messa
fyrir sóknarfólk í Skálholtssókn og
semur stjórn Skálholts við sókn-
arnefnd um hugsanlega þátttöku í
því.
Leitast er við að halda morgun- og
kvöldbænir í kirkjunni hvern virkan
dag. Organisti tekur þátt í þeim eftir
samráði við aðra embættismenn
staðarins og hefur forystu um að
kenna staðarfólki meiri fjölbreytni í
tíðasöng.
B Skálholtsskóli – þjónusta og
fræðsla.
Organista í Skálholti ber að þjóna
vegna helgihalds í tengslum við
fundi, ráðstefnur, kyrrðardaga og
önnur mannamót á vegum Skálholts-
skóla, þegar eftir er leitað. Hann skal
hafa samstarf við söngmálastjóra
þjóðkirkjunnar og Tónskólann, m.a.
um námskeiðahald og kennslu.
C Skálholtsstaður – listræn for-
ysta.
Organista í Skálholti ber að leita
samkomulags við Sumartónleika í
Skálholtskirkju um það hvernig hann
tengist þeim best til samstarfs og
samþættingar Sumartónleika við
annað tónlistarstarf og helgihald
staðarins m.a. með tilliti til kirkju-
tónlistarstefnu þjóðkirkjunnar.
Organisti í Skálholti sé til ráð-
gjafar og aðstoðar við vörslu og úr-
vinnslu gagna Helgisiðastofu.
Organista í Skálholti ber sem
ábyrgðarmanni orgela kirkjunnar að
hafa forystu um að skipuleggja aukin
not hljóðfæra í þágu kirkjutónleika
og ferðamanna árið um kring.
Organista í Skálholti ber að sækja
starfsmannafundi með fram-
kvæmdastjóra, þar sem unnið sé eftir
samþykktri starfsáætlun og fjár-
hagsáætlun, svo og að sækja þá fundi
sem vígslubiskup kann að boða með
honum og öðrum.
Sr. Sigurður Sigurðarson, sr. Hall-
dór Gunnarsson og Jóhann E.
Björnsson.“
Staða tónlistarmála í Skálholti