Morgunblaðið - 14.10.2006, Blaðsíða 49

MORGUNBLAÐIÐ LAUGARDAGUR 14. OKTÓBER 2006 49
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
•
L
jó
s
m
y
n
d
:
S
v
e
n
n
i
S
p
e
ig
h
t
VELKOMIN HEIM
EGG er með allt til að innrétta og fegra heimilið þitt. EGG er á Smáratorgi.
www.egg.is
Við vorum á veitingastað í Bangkok og yfirþjónninn gaf okkur líkneskið.
Sagði að það myndi gera allan mat bragðbetri. Við tókum þjóninn
á orðinu og núna vakir Búdda yfir allri matseld á heimilinu.
„ Búdda passar upp
á eldamennskuna ”
EDDA I eftir Jón Leifs verður flutt í
fyrsta skipti í heild sinni á tónleikum
Sinfóníuhljómsveitar Íslands í Há-
skólabíói í dag. Þetta er stór-
viðburður í íslenskri tónlistarsögu,
því Edda er eitt mesta verk íslensks
tónskálds. Verkið er í þremur bálk-
um, en Jón lést frá Eddu III ófull-
gerðri.
Edda I er stórvirki eitt og sér, í
þrettán þáttum. Tónleikarnir í dag
eru kynntir sem frumflutningur
verksins, en eins og fram hefur kom-
ið, flutti Pólýfónkórinn, undir stjórn
Ingólfs Guðbrandssonar þrjá af þátt-
unum þrettán, árið 1982, í tónleika-
ferð kórsins til Spánar.
Til að varpa ljósi á þann viðburð
rifjum við upp aðstæður þá, eins og
Ingólfur Guðbrandsson og Arnaldur
Indriðason lýstu þeim.
„Á rúmum þremur áratugum sem
Pólýfónkórinn starfaði og frumflutti
á Íslandi mörg helstu stórverk tón-
bókmenntanna fyrir blandaðan kór,
einsöngvara og hljómsveit, tókst
kórinn á hendur allmargar hljóm-
leikaferðir til Norðurlandanna, Bret-
lands og mið- Evrópu, auk ferðanna
til Spánar og Ítalíu, sú síðasta til
Rómar, Assisi, Florence og Feneyja
árið 1985, árið sem sérstaklega var
helgað tónlistinni. Sérstakur ljómi er
yfir ferð kórsins til Spánar sumarið
1982 en þá fagnaði kórinn í senn 25
ára starfsafmæli og var jafnframt
ráðinn til hljómleikahalds af hálfu
heimsmeistarakeppninnar í knatt-
spyrnu sem skemmtilegt mótvægi
við fótamenntina. Haldnir voru tón-
leikar í borgunum Málaga, Marbella,
Nerja, Granada og Sevilla, alls stað-
ar fyrir húsfylli.
Morgunblaðið gerði þessum at-
burði hátt undir höfði með því að
senda tvo af fremstu höfundum sín-
um með í ferðina þá Ragnar Ax-
elsson ljósmyndara og Arnald Indr-
iðason blaðamann og rithöfund.
Birtist hér á eftir stuttur útdráttur
úr frásögn og viðtölum Arnalds við
tónleikagesti og gagnrýnendur, en
kórinn flutti efnisskrá þ.á.m. þætti
úr stórverki Jóns Leifs, Ár var alda á
alþjóðlegu tónlistarhátíðinni í Gra-
nada, hinni 31. í röðinni, en hátíðin
nýtur sérstakrar virðingar um heim
allan.
Arnaldur segir:„ Var hér um
heimsfrumflutning að ræða á þess-
um þáttum Eddu óratoríum Jóns
Leifs. Og í sjálfu sér stóran list-
viðburð. Að lokinni stuttri æfingu
hófust tónleikarnir í dómkirkjunni.
Kirkjan tekur 3000 manns í sæti og
má segja að hvert sæti hafi verið
skipað.
Kórinn fyllti þessa gríðarstóru
dómkirkju tónum sínum að því er
virtist fullkomlega áreynslulaust.
Tónlistarfólkinu var fagnað geysi-
lega vel að tónleikunum loknum …
Af spjalli við nokkra áheyrendur
að loknum tónleikunum í Granada
mátti ráða að þeir hefðu verið meiri-
háttar atburður í borginni. Manuel
Martin sagði m.a. … „Ég held að
þessir tónleikar séu þeir bestu sem
ég hef farið á þessari tónlistarhátíð
sem nú stendur yfir og er að ljúka.
Edda – oratoría Jóns Leifs þótti mér
mjög fallegt verk og vel flutt af kór
og hljómsveit. …““
Rafael Rodriquez sagði: „Þetta
voru stórkostlegir tónleikar. Mag-
nificent! Í 31 ár hef ég sótt tónleika á
hátíðinni hér í Granada en ég hef
aldrei verið á stórkostlegri tón-
leikum og efast um að verða á öðrum
slíkum. Kórinn og einsöngvararnir
heilluðu mig og verk Jóns Leifs þótti
mér mjög gott. … Ég held að þetta
hafi verið best sótta atriðið á tónlist-
arhátíðinni.“
Juan Domingo Moyano vildi fara á
tónleikana í þriðja sinn, hann hafði
farið á tónleikana í Malaga og ekið 50
km leið til Nerja að hlýða aftur á kór-
inn. Hann sagði: „Ég fann streyma
um mig kulda og fegurð norðursins
þegar kórinn flutti kaflana úr verki
Jóns Leifs, Eddu- oratoríuna. Það
var stórkostlegt að heyra það, eins
og reyndar allt annað á efnis-
skránni.…undir magnaðri stjórn
Ingólfs Guðbrandssonar .…“““
Með Jón Leifs á vörum á Spáni 1982
Morgunblaðið/RAX
Ánægja Pólýfónkórinn söng þættina úr Eddu I fyrir Spánverja. Myndin er
tekin í dómkirkjunni í Granada í tónleikaferðinni 1982.
» „Það er synd fyrir
heiminn að kórinn
skuli ekki fara víðar“
Fyrirsögn dagblaðsins
Granada 6. júlí 1982 um
hljómleika Pólýfónkórs-
ins