Morgunblaðið - 12.11.2006, Side 41

hann lifði. „Ef þú lofar að borða alltaf
þrjár litlar kartöflur með matnum,“
sagði hann. Þetta var meira stríðið,
því ég gat ekki tuggið sundur kartöfl-
urnar og það varð að stappa þær. Það
voru margir kettir heima og allt í
einu hvarf litla læðan mín, tveggja
ára gömul og mikil vinkona mín; hún
skreið alltaf upp í rúm á morgnana og
heilsaði mér með löppinni. Sveinn
bróðir vísaði mér á hræið undir kletti
og sagði að pabbi hefði skotið hana.
Þá varð ég svo ægilega sorgmædd og
vond með sjálfri mér að ég orti til
hennar ljóð sem hét Vina:
Vina mín mig lítið ljóð
langar á blaðið pára.
Ó, þú féllst á freðna slóð
fullra tveggja ára.
Ó, þú litla yndið mitt
að þeim kött ei finnið;
mér var kært að klappa á þitt
hvíta mjúka skinnið.
Kæra litla kisa mín
ég kveð þig hinsta sinni;
ég elskaði gulu augun þín
sem enn eru mér í minni.
Vertu sæl ó Vina mín,
Vina þín ég sakna,
indæl mér skal minning þín
úr minni aldrei rakna.
Ég hef aldrei gleymt henni og
aldrei átt kött síðan. Mamma fann
ljóðið undir koddanum mínum, fór
með það til pabba og hann kom til
mín og sagði að ég mætti eiga hvaða
gimbur sem ég vildi. Ég hlýddi því en
fannst ekkert í það varið. Það var
aldrei nein sárabót.
– Þú hefur ekki viljað verða skáld?
– Nei, svona fólk verður ekki ljóð-
skáld. Það er fólk sem hefur hug-
sjónir og yrkir flott.
Hún hristir höfuðið.
– Ég geri ekki svoleiðis, aðeins
eina og eina vísu ef einhver deyr sem
mér þykir vænt um.
Jódís talar hlýlega um Huldu dótt-
ur sína sem býr í Noregi „gullfalleg“,
og sonarsoninn Stefán Eiríksson,
sem var oft hjá henni á sumrin, vildi
þá frekar vera með ömmu sinni að
lesa og spjalla en fara út að leika við
krakkana.
– Hann er nærgætinn og elskuleg-
ur og kom alltaf norður um leið og
skólinn var búinn, segir hún hlýlega.
Einu sinni mætti ég honum hlaup-
andi á Drottningarbrautinni. Þá hafði
honum leiðst þófið úti á flugvelli, svo
hann skildi allan farangurinn eftir og
hljóp af stað.
Hún verður sposk á svipinn.
– Ég keyri nú aldrei mjög hratt og
þegar við komum inn að ljósunum í
Kaupvangsstræti neðan við Bautann
stoppaði ég. Þá sagði Stefán nærgæt-
inn, 12 ára gamall: „Það er alveg
ábyggilegt amma mín að þú verður
aldrei tekin fyrir of hraðan akstur.“
Þó að Jódís sé lítið gefinn fyrir
akstur, kunni aðeins að bakka á ein-
um stað á Akureyri og setji bílinn
undir segl yfir veturinn, þá kann hún
vel við sig á hestinum Ljóma.
– Ég fór í fyrrasumar þegar búið
að var að temja hann til að sjá hvern-
ig til hefði tekist. Hann þekkir mig
alltaf og kemur þegar ég kalla á
hann, leirljós með hvíta blesu, afar
fallegur. Fyrsta hestinn eftir að ég
kom til Akureyrar pantaði ég frá Sel-
fossi eftir að hafa heyrt af honum, –
að hann væri fallegur. Þegar ég fékk
hestinn vantaði á hann faxið, hann
var slæmur að því leyti að fara í
gegnum girðingar og sleit það af sér,
– hélt að grasið væri grænna hinu-
megin. Þegar Magnús bróðir frétti af
þessu sendi hann mér vísu:
Hest hún sá til sölu í blaði
símann strax í óð
nokkru seinna heima á hlaði
hestur faxlaus stóð.
Þetta var þægur og vitur hestur;
ég nefndi hann Geisla. Hann fékk
krabbamein í hálsinn og það varð að
fella hann. Mér fannst það afar leið-
inlegt, fór með hann á staðinn þar
sem hann var drepinn, í húsi fyrir ut-
an bæinn, og hann sá svo mikið eftir
mér þegar ég fór að ég setti rúg-
brauðsmola á bitana utan á veggnum,
klæðninguna og út um allt.
Allt í einu bregður henni við, hún
lítur á blaðamann og segir:
– Guð, ég á eftir að bjóða þér kaffi!
MORGUNBLAÐIÐ SUNNUDAGUR 12. NÓVEMBER 2006 41
Kaldir réttir:
Tvíreykt hangikjöt
Soðið hangikjöt
Saltfiskur
Síldarréttir
Grafinn lambavöðvi
Kalkúna-galantine
Hunangs og
einiberjagrafinn lax
Reykt grísalæri
Salat með bökuðu
rótargrænmeti, eplasalat,
kaldar sósur o.fl
Heitir réttir:
Villikryddað lambalæri
Kalkúnalæri - léttreykt
Fyllt kalkúnabringa
Sósur, salöt o.m.fl.
Eftirréttir:
Heimagert konfekt,
súkkulaðimús og ýmsar
geðþóttaákvarðanir
kokkanna
Kaffi innifalið
Meðal annars á jólahlaðborði Rauða Hússins:
FROST OG FUNI
GISTIHEIMILI
ÞÆGINDI OG GÓÐUR AÐBÚNAÐUR
Lúxus gisting
Hveragerði
Pantanir í síma:
483 4959
kl. 10 til 19
og info@frostogfuni.is
www.frostogfuni.is
www.raudahusid.is
Ævintýri á aðventunni
Gisting - jólahlaðborð og akstur
milli Hveragerðis og Eyrarbakka
19.700 kr.
fyrir tvo
Jólaferðir
Heimsferða
Síðustu sæti
Munið Mastercard
ferðaávísunina
Nú fer hver að verða síðastur að tryggja sér sæti í ferð um jólin til einhvers
af hinum vinsælu vetraráfangastöðum okkar. Ennþá eru nokkur sæti laus í
einstakar brottfarir. Ef þú vilt njóta hátíðanna í sólinni þá er rétti tíminn til
að bóka núna!
Kúba
frá kr.79.990
Netverð á mann, m.v. gistingu í tvíbýli á Hotel
Arenas Dorada í viku með morgunverði 16. des.
Aukavika kr. 20.000.
Vikuferð 23. des. kr. 84.990.
16. des. Örfá sæti laus
23. des. Örfá sæti laus
Kanarí
frá kr.72.394
Netverð á mann, m.v. hjón með 1 barn,
2-11 ára, í 6 nætur 21. des., Paraiso Maspalomas.
20. des. Uppselt
20. des. Aukaflug - Uppselt
21. des. Aukaflug - 18 sæti laus
27. des. Örfá sæti laus
Fuerteventura
frá kr. 76.495 - 2 vikur
Netverð á mann, m.v. hjón með 2 börn,
2-11 ára, í 14 nætur 22. des., Oasis Dunas.
19. des. Uppselt
22. des. Aukaflug - 30 sæti laus
Skógarhlíð 18 • sími 595 1000 • www.heimsferdir.is
S
amkvæmt frétt í Frétta-
blaðinu hinn 9. nóvember
sl. var barnavernd-
arnefnd tilkynnt um
fimm hundruð börn á
síðasta ári vegna fíkniefnaneyslu,
sjálfsvígstilrauna og annarrar sjálf-
skaðandi hegðunar.
Þar af voru þrjátíu og þrjú börn
undir tólf ára aldri.
Hvað þarf til að umræðan um
andlega líðan barna okkar nái ein-
hverju máli?
Það er sorglega einfalt. Þau mál
eru ekki rædd fyrr en börnin stytta
sér aldur með hvaða ráðum sem
þau nú gera það.
Á árinu hafa ótal ungmenni látist
í bílslysum. Önnur hafa fallið vegna
eiturlyfjaneyslu og enn önnur hafa
einfaldlega meðvitað stytt sér ald-
ur.
Börn. Vansæl börn.
Við bregðumst við svona fréttum
stutta stund og síðan er málið látið
niður falla. Það berst enginn stjórn-
málaflokkur á Íslandi svo heitið geti
fyrir málefnum barna. Líðan barna
skiptir litlu máli í þessu samfélagi
okkar.
Sama gildir um aðra „minni-
hlutahópa“ í þjóðfélaginu, samanber
innflytjendur. Íslenskir atvinnurek-
endur hafa orðið uppvísir að því að
undirborga erlendu verkafólki fyrir
störf sín. Það þykja mér ekki frétt-
ir.
Konur á Íslandi fá enn ekki sömu
laun fyrir sömu vinnu árið 2006!
Allar götur frá því að við buðum
öðrum þjóðum að setjast að í land-
inu okkar hafa móttökurnar ein-
kennst af sýndarmennsku.
Það er nefnilega flókið að taka á
móti gestum þannig að þeim líði vel.
Góðir gestgjafar láta gestinn vera
í fyrirrúmi. Ef vel á að vera þarf
gesturinn að geta notið sín og finn-
ast hann vera velkominn.
Það er ekki nóg að gefa gestinum
mat og húsaskjól heldur þarf ekki
síður að skapa þannig aðstæður að
gesturinn geti óheft tjáð sig. Gest-
inum þarf að finnast hann hafa
frelsi sem einstaklingur til orða og
athafna. Gesturinn verður að geta
mætt gestgjafanum á jafnrétt-
isgrundvelli.
Sú umræða sem hefur skapast í
samfélaginu síðustu daga er vara-
söm.
Það þykir sýnt að börnum inn-
flytjenda líður verr í skólanum en
íslenskum börnum. Hvernig er tal-
að um mál innflytjenda við kvöld-
matarborðið á íslenskum heimilum?
Er börnum haldið utan við þá
umræðu? Ég er hrædd um ekki.
Eruð þið hissa að börnum inn-
flytjenda líði illa?
Hvernig eiga þau að mæta ís-
lenskum skólafélögum sínum sem
mæta í skólann með upplýsingar
um það að útlendingar séu ekki vel-
komnir á Íslandi? Að útlendingar
séu að hafa vinnu af mömmu og
pabba og ættu með réttu að vera
sendir aftur til síns heimalands.
Við berum ábyrgð á þeim upplýs-
ingum sem við látum börnunum
okkar í té.
Við berum ábyrgð á því að börnin
okkar komi fram við aðra af sann-
girni og virðingu.
Það er brottrekstrarsök í skóla
barnanna minna að hæðast að útliti,
uppruna eða trúarlegum skoðunum
annarra. Ekki að ástæðulausu.
Í fjölmenningarsamfélagi sem
Los Angeles hafa skólar engin önn-
ur ráð en að reka börn sem verða
uppvís að slíku beint til föðurhús-
anna, þar sem fordómarnir verða
til, því börn fæðast fordómalaus.
Börn eru varnarlaus gagnvart því
munnlega ofbeldi sem þau þurfa að
sitja undir af hendi fullorðinna,
heimafyrir og í fjölmiðlum.
Íslensk börn hafa gott af því að
kynnast fólki af öðrum uppruna.
Það eykur víðsýni þeirra og skiln-
ing á framandi menningarheimum.
Börn eru nefnilega ólík fullorðnu
fólki að því leyti að þau hræðast
ekki nýjungar. Allt sem er nýtt er
spennandi. Þau taka því sem er
nýtt og framandi opnum örmum af
einskærum áhuga og umfram allt
fordómaleysi. Það ættum við sem
fullorðin erum að taka okkur til fyr-
irmyndar.
Þjóð drepur börn
HUGSAÐ UPPHÁTT
Steinunn Ólína Þorsteinsdóttir
steinunnolina@mbl.is