Morgunblaðið - 12.11.2006, Síða 83

MORGUNBLAÐIÐ SUNNUDAGUR 12. NÓVEMBER 2006 83
Borgartúni 35 - 105 Reykjavík - Sími 591 0100 - Fax 591 0101 - mottaka@si.is - www.si.is
Námsefnisstyrkir
Styrkir til námsefnisgerðar
í greinum sem varða iðnað
Framtíð iðnaðar veltur á menntun og mannauði. Aukin þekking
gefur iðnaðinum takmarkalaus tækifæri til vaxtar, nýsköpunar
og útrásar. Mikilvægt er að nemendum í iðn- og starfsnámi standi
til boða námsefni við hæfi.
Samtök iðnaðarins auglýsa eftir umsóknum um styrki til náms-
efnisgerðar í iðngreinum og öðrum greinum sem varða iðnað.
Skilyrði fyrir styrkveitingu eru eftirfarandi:
Fyrir liggi skuldbinding um heildarframvindu verkefnis
Verkefnið svari raunverulegri þörf fyrir náms- eða kennsluefni
Verkefnið sé unnið í samvinnu við þá sem málið varðar,
s.s. skóla, félaga og fyrirtækja
Aðrir en Samtök iðnaðarins fjármagni verkefnið a.m.k. að hálfu
Þeir sem vinna verkefnið hafi reynslu og þekkingu á viðkomandi sviði
Tryggt skal að námsefnið nýtist til kennslu í skólum og á vinnustöðum
Styrkur er greiddur eftir því sem verki vindur fram
Nánari upplýsingar á www.si.is
Umsóknarfrestur: 30. nóvember 2006
á tónleika við fyrsta tækifæri.
Að sögn sinfóníufólks er ástæða
þess að ráðist er í slíkt átak sú, að
margar vísbendingar eru um að
fjöldi fólks hafi áhuga á tónleikum
Sinfóníuhljómsveitarinnar en mikli
fyrir sér ýmissa hluta vegna að stíga
skrefið til fulls.
„Með þessu móti vonumst við til
þess að auðvelda áhugasömum að
taka skrefin á tónleikana og njóta
þeirrar einstöku upplifunar sem það
er að heyra fullvaxna sinfón-
íuhljómsveit leika á tónleikum,“ seg-
ir í tilkynningu frá sveitinni. Og því
fyrr því betra, segja þeir. „Há-
skólabíó er stór tónleikasalur og er
oftar en ekki þétt setinn á tón-
leikum. Val um sæti er því alltaf háð
aðsókn greiðandi gesta. En yfirleitt
eru einstaka sæti laus og það eru
einmitt þau sem við höfum áhuga á
að nýta fyrir áhugasama sem hafa
aldrei komið á tónleika Sinfón-
íuhljómsveitarinnar.“
SINFÓNÍUHLJÓMSVEIT Íslands
og FL-Group hafa sameinast um að
bjóða landsmönnum öllum á sinfón-
íutónleika. Þetta er stærsta kynn-
ingar- og fræðsluátak hljómsveit-
arinnar til margra ára, og var kynnt
á kvikmyndatónleikum sveitarinnar
í gær. „Fyrsti konsert er frír“ er
nafn verkefnisins, og eins og nafnið
bendir til eiga nú allir landsmenn
kost á því að kynnast hljómsveitinni,
sjá hana og heyra í öllu sínu veldi á
tónleikum. Áhugasamir þurfa ein-
ungis að fara inn á heimasíðu hljóm-
sveitarinnar, www.sinfonia.is, og
skrá sig þar. Sinfóníuhljómsveitin
mun síðan bjóða öllum sem skrá sig
Landsmönnum
boðið á tónleika
Morgunblaðið/Golli
Stemmning Það er sérstök upplifun að hlusta á sinfóníuhljómsveit í lifandi
leik með einsöngvurum eða einleikurum.
LAGAFLOKKURINN Vetr-
arferðin fjallar um mann með
brostið hjarta er sér aðeins dauð-
an framundan á kaldri vetr-
argöngu. Schubert samdi Vetr-
arferðina rétt áður en hann lést,
og notaði síðustu augnablikin á
banabeði sínum til að fara yfir
handritið að seinni hluta verksins,
en fyrri hlutinn hafði verið gefinn
út skömmu áður. Bæði Schubert
og ljóðskáldið Wilhelm Müller,
sem orti Vetrarferðina, voru korn-
ungir þegar þeir létust, og má
telja víst að Schubert, sem var
ekki fæddur undir heillastjörnu
hvað ástina varðaði, hafi séð sjálf-
an sig í ljóðunum.
Vetrarferðin samanstendur af
24 ljóðum og eru ýmist minningar
frá ljúfu sumri þegar ástin
blómstraði eða lýsingar á sorg og
vonleysi vetrarins. Bjartar dúrtón-
tegundir eru sjaldheyrðar í tón-
listinni og tákna yfirleitt hamingju
fortíðar. Drungalegar molltónteg-
undir lýsa hinsvegar harmi og ör-
væntingu nútíðar.
Píanóleikarinn er í afar mik-
ilvægu hlutverki því í tónum slag-
hörpunnar er stemning hvers ljóðs
undirstrikuð með myndrænu tón-
máli. Þungir, taktfastir hljómarnir
í fyrsta ljóðinu tákna t.d. gönguna
yfir vetrarhjarnið; hraðar, brotnar
sexundir lýsa þyt í laufi og í ljóð-
inu „Kráin“, þar sem leiðin liggur
um kirkjugarð, minna alvörugefnir
hljómar píanósins á sálmasöng.
Vegna þess hve hljóðfærið er
mikilvægt stakk það í augu að lesa
í einhverju blaðinu nýverið að
Gerrit Schuil yrði undirleikari
söngvarans Keiths Reeds í þessu
verki á tónleikum í Fella- og Hóla-
kirkju. Tónleikarnir voru haldnir
síðasta laugardag og var Gerrit
þar allt annað en undirleikari. Un-
aður var að hlusta á hann spila;
hann hefur sérlega fallegan tón
sem rammaði sönginn inn og lyfti
honum upp í hæstu hæðir. Mjúkur
hljómurinn skapaði ávallt rétta
andrúmsloftið í hverju ljóði og er
því ekki annað hægt að segja en
að píanóleikurinn hafi verið ein-
stakur.
Keith söng líka prýðisvel. Af og
til örlaði á ónákvæmni í tónhæð á
lágværustu augnablikunum en
annað er ekki hægt að finna að
frammistöðunni. Röddin var dökk
og hljómmikil, fallega þýð en líka
öflug þegar svo bar undir. Túlk-
unin var ávallt sannfærandi,
þrungin eftirsjá og trega.
Segja má að við hæfi hafi verið
að vitlaust veður var meðan á tón-
leikunum stóð. Og samt varð mað-
ur ekki þunglyndur. Í bók sinni
Tilurð tragedíunnar úr anda tón-
listarinnar sagði Nietzche að
Grikkir til forna hefðu litið svo á
að lífið væri í eðli sínu hræðilegt
en þeir hefðu hafnað bölsýninni og
umbreytt lífssýn sinni með því að
listgera hana. Lífið varð ásætt-
anlegt með því að nálgast það í
gegnum listræna upplifun; með
harmleikjum og tónlist var hægt
að „faðma lífið í öllum sínum
hryllingi“. Þannig má líta á Vetr-
arferðina eftir Schubert; sorgin er
föðmuð og gerð fögur … og manni
líður betur á eftir.
Sorgin
gerð fögur
TÓNLIST
Fella- og Hólakirkja
Vetrarferðin eftir Schubert í flutningi
Keeths Reeds og Gerrits Schuils. Laug-
ardagur 4. nóvember.
Söngtónleikar
Jónas Sen
Fréttir á SMS