Morgunblaðið - 16.12.2006, Page 31

hönnun
MORGUNBLAÐIÐ LAUGARDAGUR 16. DESEMBER 2006 31
Síðumúla 3, sími 553 7355.
Opið í dag kl. 11-18, sunnud. kl. 13-18. Opið frá 18.-22. des. kl. 10-21, þorláksmessu kl. 11-23, aðfangadag kl. 10-13.
Gjöfin hennar
• Undirföt
• Náttföt
• Náttkjólar
• Sloppar
• Gjafakort
Tindrandi silfurmunum semnú gefur að líta á sölusýn-ingu í Ráðhúsi Reykjavík-ur er ætlað að styrkja
krabbameinssjúka fjárhagslega.
Stærsti hluti gripanna er handverk
krabbameinsgreindra einstaklinga.
Sýningin er til styrktar Ljósinu,
sem er endurhæfingar- og stuðn-
ingsmiðstöð krabbameinsgreindra
og aðstandenda þeirra.
„Við erum með mjög mikla starf-
semi alla virka daga og erum með
opið frá átta til fjögur,“ segir Arn-
hildur S. Magnúsdóttir hjá Ljósinu.
„Við erum til dæmis með leirlist-
arkennslu, handverkshús þar sem
m.a. er verið að þæfa ull, silki-
málun, mósaík og tréútskurð svo
eitthvað sé nefnt. Eins erum við
með sjálfstyrkingarnámskeið, jóga,
gönguhóp, svæðanudd og ýmiskon-
ar fræðslu.“
Tilgangur Ljóssins er að efla ein-
staklinga sem þurfa að takast á við
krabbamein á erfiðu tímabili í lífi
sínu. „Oft kemur fólk til okkar eftir
að það er nýgreint og er að byrja
meðferð og er hér þar til það er
sjálft tilbúið til að fara aftur út í líf-
ið. Sumir halda jafnvel áfram að
koma eftir að þeir eru svolítið farn-
ir að vinna aftur. Flestallir sem
greinast með krabbamein þurfa að
hætta að vinna tímabundið og þá er
mikilvægt að hafa eitthvað fyrir
stafni. Stuðningurinn sem þeir fá
hér er vel þeginn því sumir búa
einir eða eru einir með börn. Í
þeim tilvikum viljum við gjarnan
sjá að fólkið komi með börnin sín
með sér til okkar. Á föstudögum er
til að mynda mjög mikið um að fólk
komi með börnin sín sem hafa þá
tækifæri til að taka þátt í þessu
líka.“
Unnu á kvöldin líka
Arnhildur segir starfsemina því
öðrum þræði snúast um að styðja
við bakið á fólki og veita því aukin
lífsgæði meðan á þessu erfiða tíma-
bili stendur. „Hér hefur það stuðn-
ing hvað af öðru og hingað getur
það alltaf leitað ef eitthvað er að
eða þegar það þarf á hjálp að
halda. Oft koma aðstandendurnir
líka því sumir treysta sér ekki til
þess að koma einir til að byrja með.
Aðstandendurnir hafa líka hjálpað
mikið til og staðið vel með okkur.“
Nýlega fór hópur frá miðstöðinni
á námskeið í silfursmíði hjá List-
námi.is og afrakstur þess er nú til
sölu í Ráðhúsinu. „Við vorum ellefu
konur sem fórum frá Ljósinu og
unnum þar gripi undir leiðsögn
Ellu Rósinkrans sem styrkti okkur
á námskeiðið,“ segir Arnhildur,
sem eins og stöllur hennar frá
Ljósinu er krabbameinsgreind.
„Við gáfum svo gripina okkar á
sýninguna og sömuleiðis nokkrir
aðrir nemendur frá Listnámi.is.“
Um og yfir 200 gripir eru á sýn-
ingunni að sögn Arnhildar. „Við
vorum fimm miðvikudaga á nám-
skeiðinu og síðan því lauk höfum
við verið að vinna aukalega á kvöld-
in til að klára okkar muni. Og nú
bíðum við bara spenntar eftir við-
brögðunum.“
Sýningin stendur til 20. desem-
ber næstkomandi.
Töfrandi
handverk
með tilgang
Morgunblaðið/RAX
Styrkja Ljósið Arnhildur er meðal þeirra sem sýna silfurmuni í Ráðhúsi
Reykjavíkur um þessar mundir en andvirði gripanna rennur til Ljóssins.
Silfur Skartgripirnir voru allir unnir á námskeiði hjá Listnámi.is og gefnir til sýningarinnar í Ráðhúsi Reykjavíkur.
Stuðningsmiðstöðin Ljósið veitir fólki, sem greinst
hefur með krabbamein, styrk á erfiðum tímum en ný-
lega fóru ellefu konur þaðan á silfursmíðanámskeið.
Styrktarreikningur Ljóssins er
0132-26-420
ben@mbl.is