Morgunblaðið - 22.12.2006, Qupperneq 25

MORGUNBLAÐIÐ FÖSTUDAGUR 22. DESEMBER 2006 25
SUÐURNES
Keflavík | Hefð er fyrir því að nem-
endur Heiðarskóla í Keflavík skipt-
ist á litlum gjöfum á litlu jólunum. Í
ár ákváðu nokkrir bekkir að láta
andvirði pakkanna frekar renna til
góðs málefnis.
Nemendur völdu sjálfir hvaða
málefni þeir vildu styrkja. Stofn-
anir og samtök eins og Barnaheill,
UNICEF, BUGL og Keflavík-
urkirkja urðu fyrir valinu hjá
nokkrum bekkjum og einn bekkur
styrkti langveikan lítinn dreng úr
Reykjanesbæ. María Skúladóttir,
fulltrúi Barnaheilla, og séra Skúli
Ólafsson frá Keflavíkurkirkju
komu og tóku á móti gjöfum.
Gáfu til góðra
málefna
Eftir Helga Bjarnason
helgi@mbl.is
Keflavík | Þrír efstu nemendur á
stúdentsprófi við brautskráningu á
haustönn Fjölbrautaskóla Suður-
nesja voru svo jafnir að ekki var
hægt að gera upp á milli þeirra. Guð-
mundur Benjamínsson, Katrín Pét-
ursdóttir og Þórunn Kristín Kjærbo
skiptu því með sér verðlaunum fyrir
hæstu einkunn á stúdentsprófi.
Guðmundur, Katrín og Þórunn
hafa fylgst nokkuð að í skólanum.
„Þótt þetta sé fjölbrautaskóli lendir
maður oft með sama fólkinu. Svo för-
um við öll þrjú í útskriftarferðina til
Tenerife 28. desember,“ segir Katrín
í stuttu spjalli og þvertekur fyrir að
nokkur keppni hafi verið í gangi
þeirra í milli. „Ég er mjög glöð með
þennan árangur, fyrir þeirra hönd,“
segir Katrín.
Þrjár duglegar úr Sandgerði
Að þessu sinni útskrifuðust 48
nemendur frá Fjölbrautaskóla Suð-
urnesja. Þar af voru 38 stúdentar,
fimm iðnnemar, þrír meistarar og
tveir sjúkraliðar. Nokkrir útskrifuð-
ust af tveimur námsbrautum.
Eins og gera má ráð fyrir sópuðu
Guðmundur, Katrín og Þórunn
Kristín að sér verðlaununum sem af-
hent voru við athöfnina. Fleiri komu
þó við sögu. Meðal þeirra var Chal-
ida Jaidee. Svo vill til að hún er úr
Sandgerði eins og Katrín og Þórunn.
Aðeins fimm nemendur úr Sand-
gerði útskrifuðust og héldu þessar
þrjár stúlkur því merki bæjarins
hátt á lofti að þessu sinni. „Þetta
voru ánægjuleg tíðindi sem því mið-
ur eru allt of sjaldgæf fyrir okkar
litla skóla,“ segir Katrín um árangur
Sandgerðinganna.
Katrín fékk sérstaka viðurkenn-
ingu við útskriftina fyrir störf í þágu
nemenda. Hún var varaformaður
nemendafélagsins á þessari önn og
segist hafa lagt mikla vinnu í það
starf. Það felst að hennar sögn í því
að halda úti félagsstarfinu í sam-
vinnu við aðra stjórnarmenn og
skipuleggja uppákomur. „Aðallega
tímaleysi. Það eru sumir sem fá eitt-
hvað út úr því að vera alltaf upp-
teknir,“ segir Katrín þegar hún er
spurð að því hvað hún fái út úr því að
vasast í félagslífinu. Hún segist hafa
haft mikla ánægju af þessu starfi.
Katrín var í gær að hugsa um út-
skriftarferðina og sagði að framtíðin
eftir það væri enn óráðin. Hún er þó
ákveðin í því að vinna eftir áramótin
og fara svo í háskóla, annaðhvort hér
á landi eða erlendis. Hún segist hafa
ætlað í læknisfræði en væri nú orðin
fráhverf því og stefndi að námi í fé-
lagsvísindadeild.
Aðeins sjónarmunur
á milli þriggja efstu
Morgunblaðið
Tímamótadagur Stúdentsefnin klæddu sig upp í tilefni útskriftarinnar.
Fleiri konur voru í stúdentahópnum að þessu sinni, 26 á móti 22 körlum.
Í HNOTSKURN
»48 nemendur brautskráð-ust frá FS á haustönn. Þar
af voru 38 stúdentar.
»Konur voru fleiri en karl-ar. Flestir komu úr
Reykjanesbæ eða 30 útskrift-
arnemendur, átta úr Grinda-
vík en færri af hinum stöð-
unum.
Reykjanesbær | Fjölgun íbúa
Reykjanesbæjar styrkir stoðir bæj-
arsjóðs, segja bæjarfulltrúar Sjálf-
stæðisflokksins. Fulltrúar A-listans í
minnihluta segja hins vegar að sú
„meinta“ uppbygging sem sjálfstæð-
ismenn hafi haldið á lofti hafi ekki
skilað sér í bættum rekstri bæjar-
sjóðs.
Fjárhagsáætlun Reykjanesbæjar
fyrir næsta ár var samþykkt á fundi
bæjarstjórnar í vikunni, af sjö
fulltrúum Sjálfstæðisflokksins, en
fjórir fulltrúar A-listans, sem Sam-
fylkingin, Framsóknarflokkurinn og
óflokksbundnir standa að, sátu hjá.
Mismunandi túlkun á hag bæjar-
sjóðs kom fram í bókunum fylking-
anna við afgreiðslu áætlunarinnar.
Í áætluninni er gert ráð fyrir sex
milljóna kr. rekstrarafgangi á bæj-
arsjóði og 72 milljóna kr. afgangi af
samstæðunni.
Skuldum safnað
Minnihlutinn gagnrýnir mikla
skuldasöfnun og að með þeim og
fleiri aðgerðum sé búið að ráðstafa
nánast öllum fjármunum sveitarfé-
lagsins fyrirfram. Því sé nauðsynlegt
að fá óháðan og sérfróðan aðila til að
fara sérstaklega yfir fjármál sveitar-
félagsins. Ekki gangi til frambúðar
að tekjur dugi ekki fyrir rekstri.
Sjálfstæðismenn vöktu athygli á
því að íbúum hefði fjölgað um 8% á
tveimur árum og væru nú að nálgast
11.900. Fjárhagsáætlunin sýndi skýr
merki þess að reksturinn væri að
styrkjast. Tekjuaukning síðustu ára
hefði verið mikil, vegna fjölgunar
íbúa, hækkunar fasteignaverðs og
launahækkana.
Mismun-
andi sýn á
fjárhaginn
Grindavík | Bláa lónið hf. og Jóhann
Ólafsson og co. hafa gert með sér
samning um tækjabúnað í eldhús
nýs veitingastaðar Bláa lónsins sem
verður opnaður í vor. Jafnframt
gerðu Bláa lónið og Jóhann Ólafs-
son og dótturfélög, GV heildverslun
og Snæfiskur, með sér samning um
þjónustu sem tekur til allra þátta í
starfsemi félaganna. Er þetta í
fyrsta skipti sem slíkt er gert í
samningum hér á markaði, segir í
fréttatilkynningu frá félögunum.
Samið um alla
þætti rekstrar
AUSTURLAND
Egilsstaðir | Listahátíðin Börnin
heim verður haldin á veitingahúsinu
Hetjunni í Fellabæ að kvöldi 27. des-
ember nk. Þar verður fjölbreytt dag-
skrá ungra listamanna af Fljótsdals-
héraði í boði og segir Stefán
Vilhelmsson, forsvarsmaður hátíðar-
innar, að nú þegar séu nokkrar list-
greinar komnar inn og eins sé ungt
fólk að taka sig saman um að koma
fram. Hann nefnir myndlist, ljós-
myndun, leiklist og tónlist en fleira
geti komið til því hátíðin sé opin öllu
ungu fólki af Fljótsdalshéraði sem
fáist við listsköpun. Hátíðin er nú
haldin í annað sinn en sú fyrri var
2004. Aðgangseyrir er 500 krónur og
rennur óskiptur í sjóð sem stofnaður
var við hátíðina árið 2004 og rann þá
30 þúsund króna aðgangseyrir í
hann. Annað eins kom frá sveitarfé-
laginu og loforð um slíkt hið sama frá
KB banka.
Nú er verið að ganga formlega frá
stofnun sjóðsins sem á að styrkja
unga listamenn af Fljótsdalshéraði
og verður byrjað að veita úr honum
styrki árið 2014.
Börnin heim í Fellabæ
milli jóla og nýárs
Egilsstaðir | Tekið er að fækka í röð-
um starfsmanna við álver Alcoa
Fjarðaáls á Reyðarfirði og Kára-
hnjúkavirkjun, enda mannskapurinn
að miklu leyti farinn eða rétt ófarinn í
jólaleyfi. Framkvæmdir verða í lág-
marki yfir hátíðarnar.
Á Þorláksmessu fljúga um sjö
hundruð pólskir verkamenn, sem
starfað hafa fyrir Bechtel við bygg-
ingu álversins á Reyðarfirði, frá Eg-
ilsstöðum og heim í jólafrí. Bechtel
leigir flugvélar af Loftleiðum Ice-
landic og verða farnar fjórar ferðir til
Katówice í suðurhluta Póllands. Ligg-
ur vinna að langmestu leyti niðri á ál-
verslóðinni um hátíðarnar, utan
venjubundinnar öryggisgæslu á
svæðinu.
Vandað til hátíða-
haldanna á svæðinu
Fámennt er orðið á vinnusvæðun-
um við Kárahnjúkavirkjun, enda
margir farnir í jólaleyfi og fleiri á för-
um. Þó verja margir af starfsmönnum
Impregilo jólum og áramótum á
Kárahnjúkasvæðinu. Af þeim 1.076
mönnum sem starfa þar fyrir Imp-
regilo er 271 farinn á brott, flestir í
jólaleyfi, en 211 þeirra koma til baka
um og eftir 6. janúar. Í þessum hópi
eru m.a. 107 Portúgalar, 56 Ítalir og
52 Kínverjar. Þrettán fjölskyldur
verða á Kárahnjúkum yfir hátíðarnar.
Vandað er til hátíðahaldanna á svæð-
inu og er mest lagt upp úr jóladegi og
gamlárskvöldi. Á jóladag er m.a. boð-
ið upp á kalt borð með humarhölum,
rækjum, graflaxi, sjávarrétti og fisk-
paté, hreindýrapaté, nautacarpaccio,
hangikjöti og ýmsum fiski. Heitir
réttir verða m.a. cannelloni, nautafil-
let, spaghetti gamberi, svínakjöt og
kartöflukrókettur. Eftirréttir eru
ekki af verri endanum, m.a. panet-
toni-turn, ávaxtaturn, pandori-turn
og kaka að hætti matreiðslumeistar-
ans.Búið er að skreyta jólatré í klúbb-
húsi aðalbúðanna og hvarvetna er
orðið jólalegt í búðunum. Leikskólinn
og barnaskólinn hafa undirbúið jólin
með hefðbundnum hætti og kaþólsk
messa verður sungin að venju.
Tíföld hækkun vatnsborðs
Veður hefur verið rysjótt við Kára-
hnjúka undanfarna daga og hafði
vatnsborð Hálslóns hækkað um 60 cm
milli daga í gær og stendur nú í rúm-
um 562 metrum. Er það tífalt meira
en að jafnaði í síðustu viku.
Mannskapurinn að
tínast heim í jólaleyfi
Morgunblaðið/Steinunn Ásmundsdóttir
Heimþrá Margir þeirra erlendu starfsmanna sem vinna við Kárahnjúka-
virkjun hlakka til heimferðar og jólahalds í faðmi fjölskyldunnar.
Þrettán fjölskyldur
dvelja á Kárahnjúk-
um yfir jól og áramót
Í HNOTSKURN
»700 pólskir starfsmennBechtel sem byggir álverið
á Reyðarfirði fljúga til síns
heima á morgun.
»Af rúmlega 1000 starfs-mönnum Impregilo við
Kárahnjúka eru hátt í þrjú
hundruð farnir heim.
»Þrettán barnafjölskyldurverja hátíðum við Kára-
hnjúka.