Morgunblaðið - 22.12.2006, Qupperneq 50

|föstudagur|22. 12. 2006| mbl.is
staðurstund
Sönghópurinn Brooklyn Fæv
hefur lengi ætlað að gefa út
jólaplötu og hefur nú loks látið
verða af því. » 52
tónlist
Stórmyndin Flags of our Fath-
ers eftir Clint Eastwood var
frumsýnd í Háskólabíói í gær að
viðstöddu fjölmenni. » 61
kvikmyndir
Bandarískur alríkisdómari hef-
ur vísað frá lögsókn hermanns
á hendur hinum umdeilda Mich-
ael Moore. » 55
fólk
Flóki Guðmundsson fjallar um
þá undarlegu uppákomu þegar
Roberto Alagna strunsaði af
sviðinu í Scala. » 53
af listum
Skemmtistaðurinn Gaukur á
stöng er að syngja sitt síðasta
og af því tilefni er efnt til tón-
leika með Jet Black Joe. » 55
tónleikar
Eftir Arnar Eggert Thoroddsen
arnart@mbl.is
ROKKIÐ lifir, rokkið erdautt o.s.frv. Hljómsveit-arstjórinn KK sagði eitt-hvað á þá leið á sínum
tíma að auðvitað spilaði sveit hans
þessa „rock and roll“ tónlist, þar er
eð hún væri í tísku. En KK vonaði um
leið að hún hyrfi sem skjótast af sjón-
arsviðinu, enda væri hún ekki merki-
legur pappír frekar en aðrir tísku-
dansar.
Fimmtíu árum síðar hefur rokkið
enn kverkatak á heimsbyggðinni,
eldheitur áhugi fyrir forminu end-
urnýjar sig stöðugt og ungir og
ferskir liðsmenn bætast í sífellu í
hópinn. Fimm íslenskar hljómsveitir
af því taginu stíga sín fyrstu skref
fyrir þessi jól í plötuútgáfu, með einni
undantekningu þó.
Grugg og tilraunastarfssemi
Það er hljómsveitin Noise sem er
undanþeginn lýsingunni að ofan, en
önnur plata sveitarinnar, Wicked,
kom út fyrir stuttu. Áður hefur
hljómsveitin gefið út plötuna Pretty
Ugly (2003) og enn lengur hefur hún
verið starfandi, eða frá árinu 2001.
Noise er trú kölluninni, spilar
hrátt og gruggkennd rokk og hefur
dvalið sælleg neðan radars allt frá
upphafi. Tónleikahald hefur alla tíð
verið með reglubundnum hætti en
sveitin er leidd af þeim Vilbergs-
bræðrum, Einari og Stefáni. Á Wic-
ked hristir Noise upp í gruggform-
úlunni og stígur sköpunarlega
nokkur skref fram á við en platan var
tekin upp af Ragnari Zolberg. Sjá
nánar á www.myspace.com/noise1.
Gavin Portland hefur sömuleiðis
verið iðin við tónleikahald þó að líf-
tíminn sé heldur styttri, eða tæp tvö
ár. Nýverið kom fyrsta breiðskífa
sveitarinnar, Views from Distant
Towns, út á vegum 12 Tóna en áður
hafði sveitin gefið tvær stuttskífur út
sjálf. Platan er hiklaust ein af allra
bestu rokkplötum ársins og fékk
fimm stjörnu dóm í blaði þessu fyrir
stuttu. Kolbeinn, eða Kolli, söngvari
býr nú um stundir í Englandi og var
staddur þar er blaðamaður sló á
þráðinn.
„Ég myndi segja að fyrstu lögin
okkar hafi verið meira svona blátt
áfram rokk,“ segir hann um þróun
sveitarinnar. „Það er mun meira
flæði í gangi núna, við erum farnir að
þekkja inn á hvorn annan og getum
því leyft okkur meiri tilraunastarfs-
semi en áður. Dæmi um það er að
finna á nýju plötunni.“ Gavin Port-
land spilar mikið á tónleikum en Kolli
segir það helsta miðillinn sem hljóm-
sveit í þeirra stöðu getur stuðst við.
„Við áttum okkur fyllilega á því að
rokk í harðari kantinum á ekki sér-
staklega greiða leið í útvarpið eða
aðra meginstraumsmiðla. Þannig að
svona höfum við komið okkar tónlist
á framfæri.“ Kolli verður heima um
jólin og þá verður hent í nokkra tón-
leika og svo verða útgáfutónleikar í
janúar.
Framtíðartónlist, þyngri tónlist
og angurvær tónlist
Future Future var reist á rústum
Snafu fyrir nokkrum árum síðan en
sveitina skipa í dag fyrrum Snafu-
limir, þeir Sigurður Alexander Odds-
son söngvari og Eiður Steindórsson
gítarleikari en aðrir sem sveitina
skipa eru þeir Arnar Ingi Viðarsson
trymbill og Árni Hjörvar Árnason
bassi. Snafu lagði fyrir sig tiltölulega
hefðbundið „metal-core“ en Future
Future fara hins vegar í allar áttir og
draga áhrif sín víða að. Fyrsta plata
sveitarinnar er Insight og inniheldur
níu lög.
„Við erum búnir að vera að púsla
þessu saman í tvö ár,“ segir Sig-
urður. „Eftir Snafu langaði okkur að
gera eitthvað nýtt, eitthvað allt ann-
að. Að toga og teygja hið hefðbundna
rokkform eins og kostur væri. Eftir
áramót ætlum við svo að leggja höf-
uðið í bleyti hvað framhaldið varðar,
en hugsanlega skiptum við algerlega
um gír og gerum eitthvað allt, allt
annað. Við látum hjartað ráða för og
útilokum ekki neitt.“ Hljómsveitin
gefur sjálf út en 12 tónar dreifa.
Þungarokksveitin Canora er þá og
reist á rústum, en það er hljómsveitin
d.u.s.t. sem liggur undir þeim.
Albert Ásvaldsson segir blaða-
manni að þeir d.u.s.t.-liðar hafi lang-
að til að búa til tónlist áfram þó að sú
sveit hafi verið lögð niður.
Canora var því stofnuð árið 2003
og áherslan nú á þyngri tónlist, eitt-
hvað sem Albert var að gera áður en
d.u.s.t. var stofnuð.
„Við höfum verið starfandi með
góðum pásum,“ segir hann og hlær
við.
„Við erum búnir að vera frekar lat-
ir ef satt skal segja. Ég sé um að reka
Ryk hljóðverið og einnig hefur Jakob
gítarleikari aðgang að hljóveri. Þetta
er því of auðvelt, of mikill tími og því
hefur þetta setið á hakanum.“ Ca-
nora kýldi svo loks á það, setti sér að
klára plötu á þremur vikum.
Hún er nú komin út og kallast
Kelvinator. Albert segir lítinn mark-
að hérlendis fyrir svona tónlist og
væri vel til í að þreifa fyrir sér í
Skandinavíu t.d. eða einhvers staðar
erlendis. Einhverjir tónleikar verða
svo í janúar en í febrúar er það túr
um landið ásamt hinni akureyrsku
Nevolution.
Shadow Parade leikur lágstemmt
og angurvært nýbylgjurokk en
fyrsta plata hennar, Dubious Inten-
sions, kom út fyrir stuttu. Shadow
Parade byrjaði í höfuðstað Norður-
lands sem raftónlistardúett en er nú
sex manna rokksveit. Um ár tók að
vinna plötuna, var það gert um kvöld
og helgar og segir Beggi Dan, söngv-
ari, að annar háttur verði hafður á
hvað þá næstu varðar, einn þéttur
mánuður verður tekinn í það verk-
efni. Líkt og með Future Future gef-
ur sveitin sjálf út en 12 Tónar dreifa.
Jólarokk Þungarokksveitin Canora er reist á rústum, en það er hljómsveitin d.u.s.t. sem liggur undir henni.
Rokkað í kring-
um jólatréð
Tónlist | Fimm íslenskar rokksveitir stíga fram með plötur fyrir þessi jól
Eftir Ingveldi Geirsdóttur
ingveldur@mbl.is
Á LOKASPRETTINUM fyrir jól er
tilvalið að slaka aðeins á og gefa sér
tíma til að hlusta á góða tónlist.
Í Neskirkju í kvöld munu Hall-
veig Rúnarsdóttir sópransöngkona
og Steingrímur Þórhallsson org-
elleikari halda sína árlegu kyrrðar-
og íhugunartónleika.
„Þetta er í fjórða sinn sem við
höldum þessa kyrrðartónleika. Við
hugsum þá sem mótvægi við hinn
mikla hraða sem einkennir jóla-
haldið á okkar dögum og viljum að
fólk upplifi hina sönnu jólastemn-
ingu eftir hlaupin á milli búða,“
segir Hallveig en tónleikarnir
verða mjög trúarlegir í ár.
„Á efnisskránni verða gamlir ís-
lenskir aðventusálmar sem flestir
þekkja í bland við tónlist Johanns
Sebastians Bach. Við munum ekki
flytja sálmana eftir bókinni heldur
erum við með okkar eigin nútíma-
legu útsetningar. Við flytjum svo
þrjár aríur og sálmaforleiki eftir
Bach inni á milli sálmana. Bach er
hinn fullkomni friðargjafi að okkar
mati, það er mikil kyrrð í tónlist
hans.“
Ekki klappað og aðeins kerti
Hugmyndin að kyrrðarstundinni
kviknaði hjá Hallveigu og Stein-
grími þegar þau fundu þörf hjá
sjálfum sér til að fá íhugunartíma í
lok aðventunnar. „Mér finnst
dásamlegt að syngja á þessum tón-
leikum og finn mína innri ró á þeim
þótt ég sé að koma fram. Allur des-
ember er brjálaður hjá manni og ég
finn minn innri kjarna á tónleik-
unum.“
Á kyrrðar- og íhugunartón-
leikum er ekki klappað og kirkjan
er aðeins lýst upp með kertum og
ljósum frá jólatrénu. „Við leggjum
mikla áherslu á að þetta verði mjög
friðsamleg stund.“
Endaspretturinn fyrir jól
Steingrímur er organisti í Nes-
kirkju og því lá beint við hjá þeim
að halda tónleikana þar.
„Það hefur verið mjög góð mæt-
ing í þessi þrjú skipti sem tónleik-
arnir hafa verið haldnir hingað til,
við höfum þá alltaf á sama degi og á
sama tíma og mörgum finnst gott
að koma alveg á endasprettinum
fyrir jól og taka því rólega í
klukkutíma.“
Kyrrðar- og íhugunartónleika-
rnir hefjast kl. 21 í kvöld í Nes-
kirkju við Hagatorg. Aðgangseyrir
er 1500 kr. en 500 kr. fyrir aldraða
og námsmenn.
Gamlir sálmar og Bach á kyrrðarstund
Morgunblaðið/Árni Sæberg
Sálmar Hallveig Rúnarsdóttir sópran og Steingrímur Þórhallsson org-
anisti halda kyrrðar - og íhugunartónleika í Neskirkju í kvöld.