Morgunblaðið - 27.01.2007, Blaðsíða 19

Actavis skoðar Merck
ACTAVIS staðfesti á fundi með fjárfestum og grein-
ingardeildum í dag að félagið væri að skoða möguleg
kaup á samheitalyfjahluta Merck og að töluverð tæki-
færi gæfust hjá sameiginlegu félagi. Í þessu efni voru
nefnd ný markaðssvæði á borð við Japan, Ástralíu,
Kanada og Brasilíu. Er sagt frá þessu í Vegvísi Lands-
bankans.
Gera ráð fyrir 10–13% vexti
Þessu til viðbótar er Merck með starfsemi í Suður-
Evrópu sem Actavis hefur litið hýru auga, einkum á
Ítalíu. Merck er með starfsemi bæði í Bandaríkjunum
og Evrópu, eins og Actavis, og má reikna með ein-
hverri skörun, þá einkum í Bretlandi, Hollandi og
Skandinavíu. Forsvarsmenn Actavis reikna þó ekki
með neinni skörun á Bandaríkjamarkaði.
Á fundinum var farið yfir helstu markaði og framtíð-
arsýn félagsins. Var m.a. farið yfir markmið félagsins
næstu þrjú árin (2007–2009). Félagið hafði áður gefið
út rekstrarmarkmið fyrir árin 2007 og 2008 og voru
þau staðfest.
Actavis gerir ráð fyrir 10–13% innri vexti næstu þrjú
árin og að EBITDA-framlegð félagsins verði komin í
25% í árslok 2009.
Fundargestir Sigurður Óli Ólafsson, Fjalar Krist-
jánsson, Róbert Wessman og Hafrún Friðriksdóttir.
MORGUNBLAÐIÐ LAUGARDAGUR 27. JANÚAR 2007 19
Dagskráin í dag
Sögusýning Landsbankans
Aðalstræti 6 (húsnæði TM)
Sími: 410 4300
Opið virka daga kl. 11:00-17:00
og um helgar kl. 13:00-17:00
Enginn aðgangseyrir
Á Sögusýningu Landsbankans er
margt markvert að sjá og skoða, ekki
aðeins úr bankasögunni heldur eru
dregnar upp myndir úr þjóðlífi fyrri
tíðar enda saga bankans og þjóðar-
innar samtvinnuð á ýmsan hátt.
Í dag, laugardag:
Leiðsögn í boði kl. 13:30 og 15:30
Eggert Þór Bernharðsson sagnfræðingur og
Sveinbjörn Guðbjarnarson fara með hópa um
sýninguna, deila sérfræðikunnáttu sinni á
sýningargripum og gefa aukna innsýn í sögu
banka og þjóðar.
ÍS
L
E
N
S
K
A
S
IA
.I
S
L
B
I
35
93
7
01
/0
7
Sögusýningin spannar 120 ára sögu bankans og þjóðarinnar
og er skemmtileg upplifun fyrir alla fjölskylduna.
Lesendum Nyhedsav-
isen fjölgar – en hægt
FRÍBLAÐIÐ 24timer er mest lesna fríblaðið í Danmörku
en lesendur þess eru að jafnaði 420 þúsund. Lesendum
Nyhedsavisen, sem er í eigu Íslendinga, hefur fjölgað um
18% að undanförnu, í um 233 þúsund, og það er annað
mest lesna fríblaðið þar í landi en lesendur Dato eru
205.000. Þetta kemur fram á danska fréttavefnum Er-
hverv på Nettet.
„Okkur finnst að uppsafnaður lestur ætti að vaxa hrað-
ar. Staðreyndin er sú að þetta tekur lengri tíma en gert
var ráð fyrir,“ segir Morten Nissen Nielsen, fram-
kvæmdastjóri Nyhedsavisen.
Poul Madsen, aðalritstjóri 24timer, segir við Ritzau
fréttastofuna, að lesendum blaðsins hafi fjölgað um 22
þúsund frá síðustu mælingu í byrjun desember. „Mark-
mið okkar er að ná 500 þúsund lesendum og við erum ekki
langt frá því,“ segir Madsen.
Kreditkort hf.
skiptist í tvö félög
STJÓRN Kreditkorts hf. hefur ákveðið að gera breyt-
ingar á skipulagi kortastarfsemi félagsins. Samkvæmt
fréttatilkynningu frá félaginu er tilgangur breyting-
arinnar sá að efla kortaútgáfu og þjónustu sem henni
tengist. Þannig verður útgáfa félagsins á alþjóðlegum
kreditkortum aðgreind í sérstakt félag, en starfsemi
Kreditkorts hf. í framtíðinni miðuð að færsluhirðingu
og þjónustu við útgefendur korta.
Dótturfélagið, sem ekki hefur fengið nafn, mun
taka við allri þjónustu við korthafa félagsins og er
gert ráð fyrir að félagið taki til starfa í marsmánuði á
þessu ári. Starfsmenn hins nýja félags verða ríflega
30 talsins og hefur Hafliði Kristjánsson verið ráðinn
framkvæmdastjóri félagsins, en hann var áður fram-
kvæmdastjóri sölu- og markaðssviðs Kaupþings
banka.