Morgunblaðið - 13.02.2007, Page 4

4 ÞRIÐJUDAGUR 13. FEBRÚAR 2007 MORGUNBLAÐIÐ
FRÉTTIR
STRAUMUR-Burðarás fjárfesting-
arbanki segir að það sé engum
vafa undirorpið að bankinn hafi að
öllu leyti fylgt réttum lögum við
ákvörðun um að færa bókhald og
semja ársreikning í evrum.
Þetta kemur fram í athugasemd
frá Straumi-Burðarási, sem bank-
inn sendi frá sér í gær. Segir þar
að athugasemdin hafi verið send
þar sem í fjölmiðlum hafi að und-
anförnu verið dregið í efa að farið
hafi verið að lögum er bankanum
var veitt leyfi til að færa bókhald
og semja ársreikning í evrum.
„Við Straum verður ekki sakast
þótt skiptar skoðanir séu innan
stjórnkerfisins um túlkun laga um
ársreikninga og stjórnsýslu-
framkvæmd ársreikningaskrár. Sá
ágreiningur er bankanum óvið-
komandi enda er leyfisveiting árs-
reikningaskrár ívilnandi og verður
ekki afturkölluð. Er þess óskað að
stjórnvöld haldi framvegis nafni
Straums utan við opinbera umfjöll-
un um þetta efni,“ segir í at-
hugasemdunum.
Ákvörðun tekin
Fram kemur í athugasemdunum að
samkvæmt lögum um ársreikninga
sé ársreikningaskrá bær til að
veita fyrirtækjum leyfi til færslu
bókhalds í erlendum gjaldmiðli.
Straumur hafi sótt um slíkt leyfi
með bréfi sem var dagsett 31.
október 2006.
„Leyfið var veitt með bréfi árs-
reikningaskrár dagsettu 5. desem-
ber 2006. Í bréfinu kemur meðal
annars fram að bankinn uppfylli
þau skilyrði sem talin eru í 8. gr.
laga um ársreikninga. Á grundvelli
leyfisins tók stjórn Straums á fundi
í desember 2006 ákvörðun um að
færa bókhald og semja ársreikning
í evrum frá 1. janúar 2007 að
telja.“
Í skoðun í ráðuneytinu
Böðvar Jónsson, aðstoðarmaður
fjármálaráðherra, segir að það sé
til skoðunar í fjármálaráðuneytinu
hvort ástæða sé til að gera ein-
hverjar breytingar á heimildum
fyrirtækja almennt til að færa bók-
hald sitt í erlendum gjaldmiðli.
Hann segir að það tengist Straumi-
Burðarási ekki sérstaklega og að
ekkert liggi fyrir um niðurstöður
skoðunarinnar á þessu stigi.
Ágreiningur
um evrubók-
hald Straumi
óviðkomandi
FULLTRÚAR
Reykjavík-
urborgar og
Kópavogsbæjar
funduðu í gær til
að fara yfir stöðu
mála í tengslum
við lagningu
vatnsleiðslu fyrir
Kópavogsbæ í
gegnum Heið-
mörk. Fram-
kvæmdirnar voru nýverið stöðv-
aðar sem þar skipulagsráð
Reykjavíkurborgar hafði ekki lokið
að fjalla um málið og veitt fram-
kvæmdaleyfi fyrir framkvæmdinni.
„Menn eru sammála um að finna
á þessu sameiginlega lausn,“ segir
Hanna Birna Kristjánsdóttir, for-
maður skipulagsráðs. Segir hún að-
ila vera að reyna að leysa málið
eins hratt og örugglega og hægt er.
Segir hún skipulagssviðs hafa ósk-
að eftir umsögnum frá umhverf-
issviði, Orkuveitu Reykjavíkur og
skrifstofu stjórnsýslu- og lögfræði
borgarinnar. Þegar þær umsagnir
liggi fyrir muni skipulagssvið taka
málið formlega til afgreiðslu. Seg-
ist Hanna Birna gera sér vonir um
að þær umsagnir berist skipulags-
sviði fljótlega og að hægt verði að
klára málið innan tveggja vikna
með útgáfu framkvæmdaleyfis.
Funduðu um
framkvæmdir
Hanna Birna
Kristjánsdóttir
SKÓLASYSTKINI Egils Vagns Sig-
urðarsonar í Valsárskóla á Sval-
barðseyri tóku honum fagnandi
þegar hann mætti í skólann í gær-
morgun, enda skyndihjálparmaður
ársins 2006. Egill, sem tók við við-
urkenningunni í Smáralind í fyrra-
dag eins og fram kom í blaðinu í
gær, var ánægður með titilinn en
ekki síður með forláta dvd-spilara
sem hann fékk einnig að launum.
Móðir Egils Vagns, Ásta Laufey
Egilsdóttir, er með bráðaofnæmi
og það var síðastliðið sumar að hún
féll skyndilega meðvitundarlaus á
stofugólfið á heimili fjölskyldunnar
á Svalbarðseyri. Egill brást hárrétt
við; náði í snatri í adrenalínpenna
sem mamma hans geymdi í veskinu
sínu og sprautaði hana í lærið um
leið og hann hringdi í Neyðarlín-
una, 112.
Morgunblaðið leit inn í stofuna
hjá Einari kennara og krökkunum
sem eru saman í 3. og 4. bekk, eftir
að þau komu inn úr frímínútum í
gærmorgun. Þar var glatt á hjalla
og krakkarnir stoltir af bekkj-
arbróður sínum. „Hún var búin að
segja mér það,“ svaraði Egill Vagn
sallarólegur, spurður um það hvers
vegna hann hefði brugðist svona
hárrétt við.
„Mamma sagði mér að koma en
datt svo á gólfið. Ég mundi strax
það sem hún var búin að segja
mér,“ sagði Egill þegar hann rifjaði
í gær upp atvikið frá því í sumar.
Hann náði í adrenalínpennann í
veski mömmu sinnar og lýsti því
nákvæmlega fyrir viðstöddum í
gærmorgun hvernig hann hefði
tekið gult lok af pennanum og síðan
hvítt. „Ég hélt á gemsanum í þess-
ari hendi og stimplaði númerið með
þumalfingrinum á meðan ég skrúf-
aði lokin af pennanum með hinni
hendinni. Svo þegar maður stingur
pennanum í lærið eða höndina þá
kemur nálin sjálf út; það er svona
sjálfstýring þegar penninn snertir
einhvern og þá kemur lyfið.“
Og Egill Vagn vissi sannarlega
hvað hann var að gera. „Ég varð að
sprauta hana strax svo hún myndi
lifa á meðan ég hringdi.“
„Ég varð að sprauta strax“
Morgunblaðið/Skapti Hallgrímsson
Stoltur bekkur Skólafélagarnir tóku vel á móti skyndihjálparmanni ársins. Aftari röð f.v.: Dagbjört, Guðmundur,
Valgeir, Kristófer og Daníel og fyrir framan eru Lotta, Egill Vagn, Jóhanna, Almar og Einar kennari.
nýtingar- og verndaráætlanir fyrir
auðlindir í jörðu og vatnsafl. Gert er
ráð fyrir að báðir starfshóparnir
skili tillögum sínum í formi laga-
frumvarps til forsætisráðherra og
hann muni skipa sérstakan starfs-
hóp sem hafi það hlutverk að sam-
ræma tillögur hópanna í eitt laga-
frumvarp um verndar- og
nýtingaráætlun sem lagt verði fram
á haustþingi 2010.
Getur rekist á við
eignarréttarákvæði
Umhverfisráðherra sagði á fund-
inum í gær að þar sem lögin tækju
einnig til jarða í einkaeign væri
hugsanlegt að upp kæmu álitamál í
tengslum við slíka verndaráætlun
enda snerti hún eignarréttarákvæði
stjórnarskrárinnar og ráðstöfunar-
rétt eigenda á jörðum sínum.
„Stjórnarskrárákvæði eru hins veg-
ar ekki einhlít og þar er að finna
heimildir fyrir því að setja almennar
takmarkanir á nýtingu eignarlands
sé það sama látið yfir alla ganga,“
sagði hún.
Á fundinum kynnti umhverfisráð-
herra einnig frumvarp til laga um
meginreglur umhverfisréttar sem
ætlað er að stuðla að sjálfbærri þró-
Eftir Sigrúnu Birnu Birnisdóttur
sibb@mbl.is
JÓN Sigurðsson iðnaðarráðherra
mælir í dag á Alþingi fyrir frum-
varpi til laga um breytingar á lögum
um rannsóknir og nýtingu á auðlind-
um í jörðu. Með frumvarpinu vilja
stjórnvöld skapa heildstæða vernd-
ar- og nýtingaráætlun fyrir auðlind-
ir í jörðu og vatnsafl á Íslandi. Iðn-
aðarráðherra og Jónína Bjartmarz
umhverfisráðherra kynntu frum-
varpið fyrir blaðamönnum í gær og
sögðu við það tækifæri að með því
væri leitast við að leggja grunn að
sátt milli sjónarmiða verndar og
nýtingar og að frumvarpið markaði
því þáttaskil í umdeildum málum,
sem vörðuðu alla þjóðina.
Í frumvarpinu er m.a. kveðið á
um að úthlutun leyfa til rannsókna
og nýtingar færist frá iðnaðarráð-
herra til Orkustofnunar og verk-
lagsreglur verða lögfestar um það
hvernig staðið skuli að afgreiðslu og
vali milli umsókna um rannsóknar-
og nýtingarleyfi.
Iðnaðarráðherra og umhverfis-
ráðherra munu einnig hvor um sig
skipa sérstaka og sambærilega
starfshópa til að móta sérstakar
un og nýtingu umhverfis, samþætt-
ingu umhverfissjónarmiða við önnur
sjónarmið og að draga úr umhverf-
isáhrifum, með hag núlifandi og
komandi kynslóða að leiðarljósi.
Sagði ráðherra að mikilvægt væri
að setja slíkar meginreglur vegna
sérstöðu málaflokksins og þess að
þær ákvarðanir sem hefðu áhrif á
umhverfið væru undirbúnar og
teknar af mörgum stjórnvöldum.
Stefnt að víðtækri þjóðarsátt
um nýtingu auðlindanna
Morgunblaðið/ÞÖK
Auðlindir Iðnaðarráðherra og umhverfisráðherra kynntu á fundi í gær
verndar- og nýtingaráætlun fyrir auðlindir í jörðu og vatnsafl á Íslandi.
Í HNOTSKURN
»Mælt verður í dag fyrirfrumvörpum um breyt-
ingar á lögum um rannsóknir
og nýtingu á auðlindum.
»Með þeim vilja stjórnvöldskapa heildstæða verndar-
og nýtingaráætlun fyrir auð-
lindir í jörðu og vatnsafl.
LANDSPÍTALI – háskólasjúkrahús verður ár-
lega fyrir útgjöldum svo milljónum skiptir vegna
sýkinga eða annarra ófyrirsjáanlegra atvika á
læknastofum. Þetta kemur fram í Sjónarhorni,
starfsemisupplýsingum LSH sem Magnús Pét-
ursson, forstjóri spítalans, ritar og nálgast má á
vef spítalans.
Fram kemur að LSH verður fyrir þessum
kostnaði vegna baktrygginga sem hann veitir
einkarekinni heilbrigðisþjónustu í landinu og
greitt er fyrir með allt öðrum hætti. Að mati for-
stjóra væri eðlilegra að tryggingar eða samningar
kæmu þarna til.
Heildartekjur LSH á árinu 2006 námu 31,9
milljörðum króna sem er, að sögn forstjóra, ívið
lægri upphæð en útgjöldin. Um 93% tekna eða
29,6 milljarðar króna komu árið 2006 sem fjár-
veiting á fjárlögum. Segir forstjórinn ekki annað
fyrirsjáanlegt en að megintekjur spítalans komi
áfram frá ríkinu. Segir hann það mat margra að
tími sé kominn til að styrkja fjárlagagerð til spít-
alans og heilbrigðisþjónustunnar með því að taka
upp breyttar aðferðir í fjárlagagerð. „Í vel flest-
um nálægum löndum eru fjárframlög nú tengd
magni, tegund og gæðum veittrar þjónustu.
Óhugsandi er að halda áfram með óbreyttum
hætti og hafið er yfir vafa að fjármögnun tengd
starfi og afköstum eflir kostnaðar- og tekjuvitund
starfsfólks. Með nýju fjármögnunarkerfi stæðu
stjórnvöld auk þess nær þeim álitamálum sem fel-
ast í takmörkun fjárframlaga til heilbrigðismála.“
Forstjórinn gerir að umtalsefni þá ákvörðun að
bjóða sjúklingum að fara í nýrnaígræðslu hér-
lendis í stað þess að þurfa að sækja þá þjónustu
til útlanda og segir hag samfélagsins í heild af
þeirri ákvörðun augljósan. Segir hann samfélagið
nú greiða minna fyrir meðferðina en áður, færnin
og fjármunirnir hafi færst inn í landið og sjúk-
lingar jafnt sem ættingjar virðist sælli með að
þurfa ekki að fara utan. Jafnframt hafi sú breyt-
ing orðið að fleiri sjúklingar fari í nýrnaígræðslu
en áður.
Endurskoða þarf kostnað
LSH verður fyrir miklum útgjöldum vegna einkarekinnar heilbrigðisþjónustu