Morgunblaðið - 03.03.2007, Blaðsíða 6

6 LAUGARDAGUR 3. MARS 2007 MORGUNBLAÐIÐ
FRÉTTIR
Vistheimili til skoðunar

Nefnd meti starfsemi vist- og meðferðarheimila fyrir börn
Kannað hvernig
opinberu eftirliti var háttað
Kostnaður er áætlaður 25–30 milljónir króna
GEIR H. Haarde forsætisráðherra lagði í fyrra-
kvöld fram frumvarp á Alþingi um að sett verði á
fót nefnd til að kanna starfsemi vist- og meðferð-
arheimila fyrir börn. Gert er ráð fyrir að kostn-
aður við störf nefndarinnar verði 25–30 milljónir
króna.
Í greinargerð með frumvarpinu segir, að mark-
mið könnunar nefndarinnar sé að staðreyna eins
og kostur er hvort þau börn, sem vistuð voru á ár-
um áður á opinberum vist- eða meðferðarheim-
ilum, hafi sætt illri meðferð meðan á dvöl þeirra
stóð. Í því samhengi verði að skoða starfsemi
stofnana heildstætt og hlutverk þeirra samkvæmt
þeirri löggjöf á sviði barnaverndarmála sem var í
gildi á þeim tíma sem um ræðir. Þá skuli könnunin
taka til þess hvernig opinberu eftirliti með starf-
semi stofnana var háttað á því tímabili sem könn-
unin tekur til.
Tillögur til að koma í veg fyrir að brotinn
verði réttur á börnum í opinberri forsjá
Starf nefndarinnar á að leggja grundvöll að til-
lögugerð til stjórnvalda um frekari viðbrögð. Þá
skal fjallað um hvaða lærdóm megi draga af nið-
urstöðum könnunarinnar og gera tillögur sem ætl-
að er að koma í veg fyrir að brotinn verði réttur á
börnum í opinberri forsjá. Þá skal nefndin leggja á
það mat hvort og þá hvernig skuli brugðist við af
hálfu stjórnvalda gagnvart þeim sem kunna að
hafa í reynd sætt illri meðferð, ef könnunin leiðir
slíkt í ljós.
Samkvæmt frumvarpinu ákveður forsætisráð-
herra skipan nefndarinnar, skipunartíma og þókn-
un og setur nefndinni erindisbréf þar sem nánar
er mælt fyrir um verkefni hennar. Nefndin skal
vera sjálfstæð og óháð í störfum sínum og verður
heimilt að kalla eftir aðstoð sérfræðinga eða ann-
arri aðstoð við einstaka þætti könnunar. Kostn-
aður við störf nefndarinnar greiðist úr ríkissjóði.
Gert er ráð fyrir að í nefndinni sitji þrír menn og
að hún hafi einn starfsmann í fullu starfi. Miðað er
við að nefndin nái að ljúka störfum á árinu 2007.
KARLMAÐUR og kona á þrítugs-
aldri voru flutt á slysadeild Land-
spítala – háskólasjúkrahúss vegna
reykeitrunar eftir að eldur kom upp
í íbúð á annarri hæð í fjölbýlishúsi
við Fannarfell í Breiðholti laust fyrir
hádegi í gær.
Allt tiltækt slökkvilið höfuðborg-
arsvæðisins var kallað út vegna
brunans en það voru nágrannar
fólksins sem hringdu eftir aðstoð,
þar sem reykur hafði borist fram á
stigagang. Eldurinn var minni hátt-
ar og staðbundinn við baðherbergi,
að sögn slökkviliðs, en reykur þeim
mun meiri og skyggni inni í íbúðinni
lítið sem ekkert. Samkvæmt upplýs-
ingum frá lögreglu kom eldurinn
upp í þvottavél, en óljóst er hvers
vegna og er málið í rannsókn.
Reykkafarar fundu parið sofandi í
íbúðinni og um tíma var talið að
þriðji maðurinn væri þar einnig.
Reykkafarar leituðu því vel í íbúð-
inni en þriðji einstaklingurinn
reyndist ekki vera þar. Parið var
flutt með sjúkrabifreið á slysadeild
vegna reykeitrunar, þau voru með
meðvitund og ástand þeirra ekki tal-
ið alvarlegt. Hins vegar er ljóst að
litlu mátti muna því reykurinn inni í
íbúðinni var mjög þéttur.
Auðveldlega gekk að ráða nið-
urlögum eldsins og fór mestur tími
slökkviliðs í reykræstingu.
Öðrum íbúum í fjölbýlishúsinu
stafaði ekki hætta af eldinum, en
voru beðnir um að halda sig inni í
íbúðum sínum þar sem mikill reykur
var á stigagangi.
Sofandi par hætt komið þegar
eldur kom upp í íbúð í Breiðholti
Morgunblaðið/Júlíus
Viðbúnaður Allt tiltækt slökkvilið höfuðborgarsvæðisins var kallað út að Fannarfelli undir hádegið í gær.
Slökkvistarf gekk vel enda eldurinn staðbundinn við baðherbergi í íbúðinni, en reykskemmdir eru miklar.
„ÞAÐ VAR mikill reykur og lögreglan sagði okkur að
fara inn í íbúðirnar,“ sagði íbúi í Fannarfelli 12 í sam-
tali við Morgunblaðið. Íbúinn, sem ekki vildi láta nafns
síns getið, segir íbúa í fjölbýlishúsinu hafa verið fremur
óttaslegna undanfarinn mánuð vegna fólksins sem býr í
íbúðinni þar sem eldurinn kom upp, og var flutt á slysa-
deild. „Þetta er stórhættulegt. Það var til dæmis brotist
inn í íbúðina á móti og stolið þaðan sjónvarpi og tölvu.
Þetta er voðalega mikið lið sem fylgir fólkinu,“ segir
íbúinn og bætir því við að lögregla hafi komið að hús-
inu á öllum tímum sólarhringsins að undanförnu vegna
þeirra sem í íbúðinni búa.
Íbúar óttaslegnir undanfarinn mánuð
HÉRAÐSDÓMUR Austurlands
dæmdi í gær kínverskan starfsmann
Impregilo í fjórtán mánaða fangelsi
fyrir sérlega hættulega líkamsárás
sem átti sér stað um áramótin síð-
ustu. Honum er að auki gert að
greiða 668 þúsund krónur í sakar-
kostnað vegna málsins.
Ákærði játaði bæði fyrir lögreglu
og dómi að hafa stungið portúgalsk-
an starfsfélaga sinn, í matsal vinnu-
búða við Aðgöng 2, með eggvopni en
sagði það hafa gerst í átökum, þar
sem hann hefði átt við þrjá eða fjóra
Ítali. Sagðist ákærði hafa verið fyrst
og fremst að stympast við einn af
þeim, en hinir hefðu komið aðvífandi.
Ákærði sagðist hafa stungið þann
sem stóð næst honum.
Mikið ósamræmi er milli fram-
burðar Kínverjans og brotaþola.
Portúgalinn sagðist fyrir dómi hafa
verið að fagna nýja árinu með dansi í
matsalnum. Á dansgólfinu hefði ver-
ið kínversk stúlka að grínast við fólk
og í einhverju gríni hefði hann tekið
af henni hatt sem hún bar, en um leið
hefði einhver rekist í hann þannig að
hann datt á stúlkuna. Stúlkan datt í
gólfið og sagðist Portúgalinn hafa
hjálpað henni á fætur. Þá hefði hann
fundið fyrir hnífstungunni en ekki
séð árásarmanninn. Hann kannaðist
hvorki við slagsmál né stympingar.
Kínverska stúlkan var farin af
landi brott þegar aðalmeðferð fór
fram í málinu en við skýrslutöku hjá
lögreglu bar hún á mjög svipaðan
hátt og brotaþoli. Aðrir starfsfélagar
brotaþola báru jafnframt á sama
hátt og þótti dóminum sannað að
árásin hefði verið eins og fram kom
hjá Portúgalanum.
Ragnheiður Bragadóttir dóm-
stjóri kvað upp dóminn. Sigríður
Elsa Kjartansdóttir fulltrúi flutti
málið af hálfu ákæruvaldsins og Eva
Dís Pálmadóttir hdl. varði manninn.
Fjórtán mánaða
fangelsi fyrir árás
„VIÐ höfum
fundið fyrir mikl-
um áhuga á kom-
andi listmuna-
uppboði,“ segir
Tryggvi Frið-
riksson, annar
eigandi Gallerís
Foldar, en upp-
boðið fer fram
nk. sunnudags-
kvöld.
Að sögn Tryggva verður mikið af
góðum myndum og talsverður fjöldi
verka gömlu meistaranna, þeirra á
meðal mjög þekktar myndir. Nefnir
hann í því samhengi mynd eftir Þor-
vald Skúlason frá árinu 1941 sem
nefnist Stúlkur með bolta sem sam-
kvæmt uppboðsskrá er verðmetin á
3,2–3,5 milljónir kr. Einnig nefnir
hann til málverkið Stúlka með fiðlu
eftir Gunnlaug Blöndal sem verð-
metið er á 3–3,5 milljónir kr.
Finna fyrir
miklum áhuga
á uppboðinu
Tryggvi
Friðriksson
FANGELSISYFIRVÖLD munu
leggja enn meiri vinnu en áður í að
meta hvort hætta sé á að fangi sem
framið hefur brot gegn börnum fái
að ljúka afplánun sinni utan fang-
elsis, segir m.a. í svari Björns
Bjarnasonar, dómsmálaráðherra,
við fyrirspurn Jóhönnu Sigurð-
ardóttur, þingmanns, sem spurði
hvað ráðherra hygðist gera til að
bæta öryggi borgara gagnvart
barnaníðingum.
Björn sagði ráðuneyti sitt hafa til
skoðunar að beina því til refsirétt-
arnefndar að athuga hvort setja
ætti í lög sérstakt ákvæði sem
heimilar að dæma megi kynferð-
isbrotamenn til að gangast undir
meðferð. Einnig að dómstólar hafi
staðfest að lögreglu sé heimilt að
nota tálbeitu, og þar hljóti að koma
til álita brot þar sem væntanlegur
brotamaður leggur snörur fyrir sér
ókunnug, saklaus börn.
Notkun tálbeita
og meðferðir
MAGNÚS Stef-
ánsson félags-
málaráðherra
segir að þegar
ákveðið var í
fyrra að lækka
lánshlutfall og
hámarkslán
Íbúðalánasjóðs
hafi legið fyrir
að það væri tíma-
bundin aðgerð.
Hann hefur nú ákveðið að færa
þetta til fyrra horfs. „Að mínu mati
er tímasetningin ágæt,“ segir hann.
Fram hefur komið gagnrýni á
ákvörðunina. Magnús segist lítið
hafa um þær athugasemdir að
segja. Hann hafi skilning á að menn
velti þessu fyrir sér.
Telur tímasetn-
inguna ágæta
Magnús
Stefánsson.
LÖGREGLAN á höfuðborgarsvæð-
inu varar enn við gylliboðum á
netinu og segir ekkert lát á þeim.
Að þessum boðum standi
óprúttnir aðilar sem einskis svíf-
ist, og jafnvel séu dæmi um að
hryðjuverkamenn noti þessa að-
ferð til að fjármagna starfsemi
sína. Er netnotendum ráðlagt að
leita til lögreglunnar ef þeim ber-
ist grunsamleg gylliboð, að því er
fram kemur í tilkynningu lögregl-
unnar. Sem dæmi um svik greinir
lögreglan frá því að karli á
miðjum aldri hafi verið boðið að
gerast skráður eini lögerfingi efn-
aðs læknis í Senegal. Honum hafi
verið gert að senda þangað fjár-
hæðir en enginn arfur hafi skilað
sér.
Fólk varist
gylliboð á neti
Ólöf Arnalds í dag kl. 15.00
- opið til kl. 22.00 öll kvöld
„Þótt platan Við og við sé frumburður er
ekkert óburðugt við hana. Hún gerir við
mann það sama og kertaljós gerir; lyftir
andanum á næsta plan fyrir ofan. Fínstillir
andrúmsloftið og lætur það titra.“
- Guðrún Eva Mínervudóttir.
Aðeins í dag og á morgun
1.499 kr.
Ólöf Arnalds spilar lög af nýju
plötunni sinni „Við og við“ í dag,
laugardag kl. 15.00