Morgunblaðið - 30.03.2007, Blaðsíða 1

STOFNAÐ 1913 88. TBL. 95. ÁRG. FÖSTUDAGUR 30. MARS 2007 PRENTSMIÐJA MORGUNBLAÐSINS mbl.is
ÞJÓÐARSTOLT
JÓHANN BJARNI KOLBEINSSON ER
OFT BEÐINN AÐ SPILA ABBA >> 56
ÞEIR HAFA SKORAÐ
FJÖGUR MÖRK Í LEIK
FÓTBOLTAMENN
Á SKOTSKÓNUM >> ÍÞRÓTTIR
FRÉTTASKÝRING
Eftir Agnesi Bragadóttur
agnes@mbl.is
SAMSTARF aðaleigenda Glitnis hefur
farið hríðkólnandi undanfarið og nú er svo
komið að þeir Hannes Smárason, forstjóri
FL Group, og Jón Ásgeir Jóhannesson, for-
stjóri Baugs Group, munu staðráðnir í að láta
til skarar skríða gegn þeim Karli Werners-
syni, stjórnarmanni í Glitni og stórum eig-
anda, Einari Sveinssyni, stjórnarformanni
Glitnis, og að líkindum einnig Bjarna Ár-
mannssyni, forstjóra Glitnis, á þann veg, að
þeir knýi í gegn þá breytingu í stjórn Glitnis,
að Hannes verði stjórnarformaður. Fundað
var um þessi mál í London í fyrradag.
Forsaga málsins er sú, að þeir Hannes og
Jón Ásgeir höfðu sótt það fast fyrir aðalfund
Glitnis, sem haldinn var 20. febrúar sl., að
Hannes tæki við sem stjórnarformaður, með
skírskotun til stórs eignarhlutar FL Group.
Fyrir fundinn náðist hins vegar samkomulag
á þann veg að Einar Sveinsson yrði áfram
stjórnarformaður, en FL Group fengi fjóra
af sjö stjórnarmönnum.
Síðan þetta var hafa FL Group og tengdir
fjárfestar, svo sem Skotinn Tom Hunter,
haldið áfram að kaupa hluti í Glitni og nú
munu fulltrúar FL Group líta þannig á, að
hlutur þeirra sé orðinn það stór, að eðlilegt sé
að óska eftir hluthafafundi, þar sem nýr
stjórnarformaður, Hannes, verði kjörinn.
Hverjir vilja vinna með hverjum?
Í þeim efnum er jafnvel talið að farið sé að
hitna undir Bjarna Ármannssyni á forstjóra-
stól, ekki síst vegna þess að hann mun títt
hafa tekið einarða afstöðu með Karli Wern-
erssyni, sem hefur, að sögn, ekki beinlínis
orðið þeim Hannesi og Jóni Ásgeiri til gleði-
auka, en báðir eru sagðir líta þannig á, að það
eigi ekki að vera í verkahring forstjóra í al-
menningshlutafélagi að vera virkur í valda-
baráttu á milli stórra eigenda.
Tvenns konar sjónarmið eru uppi hvað
varðar framhald málsins, samkvæmt mínum
upplýsingum: Annars vegar er talið, að ef
þeir Einar, Karl og Bjarni missa undirtökin í
bankanum vilji þeir verða keyptir út úr hon-
um, t.d. með eignum bankans í Noregi eða
annars staðar á Norðurlöndum; hins vegar
er rætt um það, að það sé undir þeim Hann-
esi og Jóni Ásgeiri komið, hvort þeir kæri sig
yfir höfuð um slíka eignasölu, þar sem þeir
kynnu með því að vera að veikja undirstöður
bankans.
Þessar vendingar kunna að koma hreyf-
ingu á umræðuna um samruna banka á ný,
en þar kynnu þó ýmis ljón að vera á veginum,
svo sem Samkeppnisstofnun. Lokaspurning-
in hlýtur þó alltaf að verða hverjir vilja vinna
með hverjum. Vilja aðaleigendurnir í Kaup-
þingi, þeir Ágúst og Lýður Guðmundssynir,
Bakkabræður, starfa með Hannesi og Jóni
Ásgeiri er önnur spurningin og hin snýr að
aðaleigendum Landsbankans, Björgólfs-
feðgum, og er sama eðlis; hafa þeir áhuga á
slíku samstarfi við Hannes og Jón Ásgeir?
Karl
Wernersson
Jón Ásgeir
Jóhannesson
Hannes
Smárason
Átök milli
helstu eig-
enda Glitnis
TALSVERÐUR fjöldi línubáta
hefur nú snúið sér að steinbíts-
veiði, enda vertíðin að hefjast.
Margir hafa líka farið á stein-
bítinn vegna þess að þorskkvóti
þeirra er að verða búinn eftir
mokveiði að undanförnu.
Steinbíturinn veiðist mest við
Vestfirði og í vikunni var línu-
báturinn Guðmundur Einarsson
frá Bolungarvík með mokafla,
17 tonn í einni lögn. Það mun
vera Íslandsmet í þeim veiðum.
Bergvík KE 55, sem rær frá
Ólafsvík, er einn þeirra báta
sem hafa reynt við steinbítinn
og hefur aflinn verið ágætur
þegar veður leyfir enda langt
að sækja steinbítinn eða út
undir Bjarg. Magnús Gunn-
laugsson á Bergvík er kampa-
kátur hér á rúllunni með vænan
steinbít.
Mokveiða
steinbítinn
Mogunblaðið/ Alfons
HINN tilhæfulausi kreditreikningur upp á 62
milljónir króna sem Jón Gerald Sullenberger
sendi til Tryggva Jónssonar, fyrrverandi að-
stoðarforstjóra Baugs, var ekki forsenda fyrir
því bókhaldsbroti sem Tryggvi og Jón Ásgeir
Jóhannesson, forstjóri Baugs Group, eru
ákærðir fyrir að hafa framið með því nota reikn-
inginn til að ýkja hagnað Baugs.
Þetta var meðal þeirra röksemda sem Brynj-
ar Níelsson, verjandi Jóns Geralds, vísaði til
þegar hann krafðist sýknu yfir skjólstæðingi
sínum. Brynjar sagði einnig að þótt Jón Gerald
hefði viðurkennt að hafa útbúið reikninginn
hefði hann ekki játað bókhaldsbrot enda í sjálfu
sér ekki refsivert að útbúa slíkan reikning.
Aðalmeðferðinni í Baugsmálinu lauk í gær en
hún hófst 12. febrúar, fyrir rúmlega einum og
hálfum mánuði.
Verjendur Jóns Ásgeirs og Tryggva kröfðust
einnig sýknu og sögðu að dómurinn yrði að hafa
í huga að ef þeir yrðu dæmdir, jafnvel fyrir hið
minnsta brot, yrði þeim gert ómögulegt, vegna
ákvæða í hlutafélagalögum, að gegna störfum
framkvæmdastjóra, forstjóra eða sitja í stjórn-
um hlutafélaga hér á landi. Gestur Jónsson,
verjandi Jóns Ásgeirs, sagði auk þess að grein-
ingarfyrirtæki hefðu talið að meginverðmæti
Baugs Group væru falin í heilabúi Jóns Ásgeirs
en yrði hann dæmdur gæti hann ekki stýrt fyr-
irtækinu næstu þrjú árin. | 12
Kreditreikningurinn ekki for-
senda fyrir bókhaldsbrotinu
Eftir Örlyg Stein Sigurjónson
orsi@mbl.is
ÖRYGGIS- og varnarmál eru nú
enn frekar en áður innanríkismál
fremur en utanríkismál. Meginstoð-
ir landvarnastefnu Íslands eru
vissulega enn sem fyrr varnarsamn-
ingurinn við Bandaríkin og þátttaka
landsins í NATO. Þetta sagði Björn
Bjarnason, dómsmálaráðherra á
fundi Samtaka um vestræna sam-
vinnu og Varðbergs í gær. „Við
gæslu öryggis borgaranna skiptir
samstarf við aðrar stofnanir en her-
málayfirvöld austan hafs og vestan
hins vegar meira máli en fyrr í sögu
okkar, þegar lagt er mat á hættur,
sem að kunna að steðja,“ sagði ráð-
herra. Sagði hann þessar stað-
reyndir birtast í samkomulagi sem
gert var við Bandaríkjamenn síðast-
liðið haust, þar sem lögð væru á ráð-
in um samvinnu við bandarísku
strandgæsluna,
alríkislögregl-
una, tollgæslu
og landamæra-
verði. „Öryggis-
gæsla í þágu
flugs og siglinga
hefur flust í
hendur borgara-
legra yfirvalda
hér og annars
staðar með alþjóðareglum um flug-
vernd og siglingavernd. Bandaríska
heimavarnarráðuneytið kemur að
þeim málum en ekki varnarmála-
ráðuneytið, svo að dæmi sé tekið,“
sagði Björn.
Ráðherra sagði inntakið í sam-
starfinu um öryggismál við Banda-
ríkjamenn hafa breyst verulega
með hinu nýja samkomulagi á
grundvelli varnarsamningsins.
Hefði áherslan flust frá landvörnum
í hefðbundnum skilningi þess orðs
til heimavarna, þar sem borgaraleg-
ar stofnanir kæmu sífellt meira til
sögunnar.
Væri litið til samstarfs Evrópu-
ríkja væri þróunin hin sama. Innan
ramma Schengensamstarfsins væri
sífellt meiri áhersla lögð á lögreglu-
samvinnu í þágu aukins öryggis. „Á
það hefur verið bent, að Evrópu-
sambandið sé samstarfsaðili banda-
ríska heimavarnarráðuneytisins og
slík borgaraleg samvinna í þágu ör-
yggis skipti hinn almenna borgara
jafnvel meiru eins og málum sé nú
háttað en herafli grár fyrir járnum.“
Frumvarp um almannavarnir
Björn sagði frumvarp til nýrra al-
mannavarnalaga nú fullsmíðað.
Ríkisstjórnin hefði lýst því yfir að til
að efla almennt öryggi yrði í
tengslum við endurskoðun laganna
komið á fót miðstöð, þar sem tengd-
ir yrðu saman allir aðilar sem vinna
að öryggismálum innanlands.
Björn gat þess einnig að sér
hefðu verið kynntar tillögur emb-
ættis ríkislögreglustjóra um 240
manna launað varalið lögreglu og
almannavarna vegna sérstaks lög-
gæsluviðbúnaðar. Með þessum liðs-
afla gæti lögreglan kallað út um
1.000 manna þjálfað lið til verkefna
á sínu sviði en auk þess yrði síðan
treyst á björgunarsveitir og aðra.

Öryggisgæsla | 4
Áhersla á heimavarnir

Öryggis- og varnarmál enn frekar en áður innanríkismál segir dómsmála-
ráðherra
Hugmyndir uppi um stofnun 240 manna varaliðs lögreglunnar
Í HNOTSKURN
»Með 240 manna varaliðilögreglunnar gæti lög-
reglan kallað út um 1.000
manna þjálfað lið.
»Stofnkostnaður yrði 244milljónir kr. og árlegur
rekstrarkostnaður 222 millj-
ónir kr.Björn Bjarnason