Morgunblaðið - 30.03.2007, Blaðsíða 53

MORGUNBLAÐIÐ FÖSTUDAGUR 30. MARS 2007 53
BRESKA hljómsveitin The Sha-
dows naut mikilla vinsælda víða um
heim um og eftir 1960 og sá sem hér
heldur á penna var í bernsku í hópi
einlægra aðdáenda sveitarinnar.
Dugði ekki minna en fimm ferðir á
kvikmyndina The Young Ones til að
stúdera „Shadows-sporin“ og spila-
mennskuna og sólógítarleikarinn
Hank Marvin var hetja númer eitt.
Þarna stimplaði söngvarinn Cliff
Richard sig einnig rækilega inn,
enda lék hann aðalhlutverkið í
myndinni og stelpunum fannst hann
sætur. Í tónlist The Shadows kvað
vissulega við nýjan og ferskan tón í
dægurtónlistarflórunni á þeim tíma
og sjálfsagt hefur Cliff notið góðs af
því, enda áttu hann og The Shadows
saman náið og gifturíkt samstarf
framan af ferlinum og segja má að
Cliff hafi verið fyrsti breski dæg-
urlagasöngvarinn sem náði veruleg-
um vinsældum og hylli á al-
þjóðavísu. Í huga undirritaðs náði
Cliff þó aldrei því að komast á stall
með hinum fjóru „stóru“ rokksöngv-
urum í Bandaríkunum, þ.e. Elvis,
Fats, Little Richard og Chuck
Berry, en engu að síður stóð hann
einhvern veginn alltaf fyrir sínu og
átti marga góða smelli. Og fyrir
framlag sitt til breskrar dæg-
urtónlistar var hann aðlaður af
hennar hátign Bretadrottningu og
það eitt undirstrikar að eitthvað
hlýtur að vera í hann spunið.
Á tónleikunum í Laugardalshöll
síðastliðið miðvikudagskvöld stóð
Sör Cliff Richard vissulega fyrir
sínu. Þar söng hann gömlu vinsælu
lögin sín í bland við nýrra efni og
var ekki annað að sjá og heyra en að
aðdáendur hans létu sér vel líka.
Hljómsveitin var léttleikandi og
hljómburður góður. Sjálfur var Cliff
hinn sprækasti á sviðinu og röddin
nánast eins og í upphafi ferilsins og
var hvorki að heyra né sjá að hér
færi maður sem er að verða sjötug-
ur. Það var greinilegt að á sviðinu
stóð fagmaður fram í fingurgóma.
Cliff er vissulega orðinn goðsögn í
lifanda lífi og það eitt, að sjá goð-
sögn á sviði, er ekki svo lítils virði.
Cliff sló á létta strengi í kynningum
á milli laga og sagði sögur af farsæl-
um hálfrar aldar söngferli sínum.
Gömlu slagararnir vöktu greinilega
mesta hrifningu hjá aðdáendum
hans þetta kvöld, en Cliff tók einnig
lög af hljómplötum frá seinni árum
og var þar margt vel gert.
Samt fannst mér eins og eitthvað
örlítið vantaði upp á til að fullkomna
þessa tónleika. Það hefði auðvitað
verið gaman að sjá og heyra The
Shadows með sínum gamla söngv-
ara á sviðinu, en upp á það var ekki
boðið að þessu sinni og því ekki við
því að búast. Kannski var það bara
fortíðarþráin sem kallaði að mér?
Þráin eftir að heyra meira af gömlu
„góðu“ lögunum, sem í sjálfu sér er
ef til vill bara fordild? Mér fannst
Sör Cliff líka fullrólegur í lagavali
sínu í seinni hluta tónleikanna, sem í
sjálfu sér getur verið af hinu góða ef
sá gállinn er á áheyrendum. Þetta
er bara spurning um stemningu og
hugarfar og myljandi „stuð“ er ekki
endilega forsenda fyrir vel heppn-
uðum tónleikum. Það sem upp úr
stendur er auðvitað að á sviðinu
stóð lifandi goðsögn, sem lagði sig
fram um að skemmta aðdáendum
sínum. Það skilur vissulega mikið
eftir og vekur ákveðin hughrif sem
seint gleymast.
Sör Cliff stóð fyrir sínu
Morgunblaðið/Ómar
Göðsögnin Cliff Richard var sprækur á sviðinu og stóð fyllilega fyrir sínu.
TÓNLEIKAR
Laugardalshöll
Tónleikar Cliffs Richards ásamt
hljómsveit í Laugardalshöll miðviku-
daginn 28. mars klukkan 20.
Cliff Richard

Sveinn Guðjónsson
Eftir Birtu Björnsdóttur
birta@mbl.is
„Nei ég bjóst ekki við þessu,“ segir
Þorvaldur Davíð Kristjánsson þeg-
ar hin dæmigerða spurning sig-
urvegara er lögð fyrir
hann.
Hér ræðir um inn-
göngu hans í leiklist-
ardeild hins virta Ju-
illiard-listaháskóla í
New York sem hann
fékk staðfesta í gær.
Þorvaldur fór til
New York í febrúar
og sótti um inngöngu í
nokkra leiklistarskóla
þar í borg og var kall-
aður aftur til Banda-
ríkjanna um miðjan
mars til að þreyta inn-
tökupróf í Juilliard.
„Ég veit ekki hve
margir sóttu um en ég
veit að það er prófað í
mörgum borgum í Bandaríkjunum í
nokkra daga. Þegar ég mætti í inn-
tökuprófið voru þar um 200 manns
í sömu erindagjörðum svo það er
örugglega hægt að margfalda á
tölu talsvert,“ segir Þorvaldur.
„Við vorum svo 18 sem komumst
inn, 9 stelpur og 9 strákar skilst
mér.“
Námið tekur fjögur ár og ef allt
gengur að óskum útskrifast Þor-
valdur með BFA gráðu í leiklist að
þeim tíma liðnum.
Spurningin er ef til
vill óþörf en ætlar
Þorvaldur ekki örugg-
lega að þekkjast boð-
ið?
„Jú það er ekki ann-
að hægt. Auðvitað geri
ég það.“
Leikararnir Kevin
Spacey, Robin Willi-
ams og Val Kilmer eru
meðal þeirra sem
numið hafa list sína í
Julliard.
„Í skólanum má sjá
á vegg myndir af öll-
um þessum hetjum
þegar þeir voru nem-
endur í skólanum,“
segir Þorvaldur en
segir markmiðið þó ekki endilega
að komast upp á vegginn góða.
„Markmiðið hjá mér er númer
eitt, tvö og þrjú að sökkva mér of-
an í þetta nám og læra að verða
eins góður leikari og ég mögulega
get.“
Þorvaldur Davíð
Kristjánsson
Ætla að verða eins góður
og ég mögulega get
Þorvaldur Davíð fékk inngöngu
Juilliard-listaháskólann
SVARTHÖFÐI, Leia prinsessa og
Logi Geimgengill eru meðal persóna
sem hugsanlega munu prýða banda-
rísk frímerki. Tilefnið er 30 ára af-
mæli Stjörnustríðsmyndanna.
Alls munu 15 frímerki verða gefin
út í formi veggspjalda og verður al-
menningur beðinn um að kjósa sitt
uppáhald.
Frímerkin verða sett í sölu 25.
maí. Fyrr í mánuðinum fengu 400
póstkassar væna andlitslyftingu í
formi R2-D2, vélmennisins litla úr
Stjörnustríðsmyndunum. Póstþjón-
usta Bandaríkjanna kynnti frímerk-
in í Grauman’s Chinese kvikmynda-
húsinu en þar var fyrsta myndin
frumsýnd 25. maí 1977.
Talið er að frímerkin nái svip-
uðum vinsældum og Elvis Presley-
frímerkin sem gefin voru út árið
1993. Yfir 14 milljónir manna kusu
uppáhalds Elvis-frímerkið sitt og
telja aðstandendur bandarísku póst-
þjónustunnar að „mátturinn“ hjálpi
mögulega upp á að svipaðar tölur
náist nú, að því er fram kemur í frétt
á vef BBC.
Reuters
Fígúrur Darth Maul, Leia prinsessa
og Boba Fett vonast til að komast á
frímerki í Bandaríkjunum.
Bakhlutinn
á Svarthöfða
sleiktur?