Morgunblaðið - 30.03.2007, Blaðsíða 18
18 FÖSTUDAGUR 30. MARS 2007 MORGUNBLAÐIÐ
ERLENT
Á ANNAÐ hundrað Írakar týndu
lífi í sprengjuárásum í gær. Um
60 féllu í árás á útimarkað í
Bagdad, en þetta var mannskæð-
asti dagurinn í höfuðborginni frá
því bandarískar hersveitir hertu
aðgerðir gegn vígasveitum fyrir
skömmu. Minnst 25 særðust í
árásinni á markaðinn, sem er vin-
sælt skotmark öfgamanna úr röð-
um súnníta, sem reyna að há-
marka mannfall í
sprengjuárásum.
Lögreglan var að verki
Til frekari tíðinda dró í Írak í
gær þegar stjórnvöld við-
urkenndu, að það hefðu verið
menn í lögreglunni, sem myrtu
70 súnníta í borginni Tal Afar á
þriðjudag. Óttast er, að það muni
kynda enn meira undir átökunum
milli súnníta
og sjíta.
Mennirnir,
sem vitni
segja að hafi
verið í lög-
reglubúningi,
réðust inn í
hverfi súnníta
í borginni og
skutu þar 70
karlmenn,
unglinga jafnt
sem aldraða
menn.
Jawad Bol-
ani, innanrík-
isráðherra Íraks, segist hafa fyr-
irskipað rannsókn á málinu en
upplýst hefur verið, að 13 lög-
reglumönnum, sem búið var að
handtaka, hafi verið sleppt.
Sorg Enginn endir
á mannvígunum.
Minnst hundrað féllu í
sprengjuárásum í Írak
ÞAÐ ER ekki
nóg að mæta í
pússuðum skóm
og í betra tauinu
og hlýða athugul
á fyrirspurnir í
atvinnuviðtalinu,
allur undirbún-
ingurinn gæti
orðið til einskis
ef bloggið kemur upp um gamlar
syndir og heimskupör.
Breska dagblaðið The Daily
Telegraph gerði þetta að umtals-
efni í gær en þar er vísað til könn-
unar fyrirtækisins Viadeo hjá yfir
600 atvinnuveitendum og 2.000
starfsmönnum sem afhjúpi hættur
bloggsins. Kom þar fram að um
fjórðungur atvinnuveitenda hefur
hafnað a.m.k. einni umsókn vegna
vafasamra upplýsinga úr einkalífi á
blogginu. Um 59 prósent sögðu
slíkar upplýsingar skipta máli.
Bloggið gæti
spillt fyrir
YFIR 10 prósent Íra eru útlendingar
og hefur þeim fjölgað um nærri
helming frá árinu 2002. Þetta kom
fram í nýjum tölum frá írsku hag-
stofunni sem birtar voru í gær. Alls
voru þeir um 420.000 í fyrra en til
samanburðar um 224.000 árið 2002.
Fjölgun í Írlandi
SÆNSKA stjórnin hefur ákveðið að
styrkja þá, sem kaupa umhverf-
isvænstu bílana á markaði, með
tæplega 100.000 íslenskum krón-
um. Áætlar hún sjálf, að um 10.000
manns muni nýta sér það árlega en
margir telja, að miklu fleiri muni
vilja notfæra sér framlagið.
Styrkir bílakaupin
EKKI er óhugsandi, að grænt te
geti komið að gagni í baráttunni við
alnæmið. Vísindamenn hafa upp-
götvað, að efni í teinu bindur sig við
frumur ónæmiskerfisins og kemur
þannig í veg fyrir, að alnæm-
isveiran geti náð taki á þeim.
Te gegn alnæmi
Eftir Davíð Loga Sigurðsson
david@mbl.is
STJÓRNVÖLD í Íran drógu í gær
til baka fyrirheit sín um að sleppa
úr haldi einu konunni í hópi fimm-
tán sjóliða sem Íranar tóku hönd-
um á Persaflóanum sl. föstudag.
Er ástæðan sú að Íranar telja að
bresk stjórnvöld hafi ekki brugðist
rétt við þeim tíðindum, að kon-
unni, Faye Turney, yrði sleppt.
Ali Larijani, aðalsamningamað-
ur Írana, sagði breska ráðamenn
hafa misreiknað sig hrapallega og
að ef þeir létu verða af hótunum
sínum kynnu írönsk stjórnvöld að
grípa til „lagalegra ráðstafana“ í
málinu; sem væntanlega þýðir að
réttað verði yfir sjóliðunum í Íran
fyrir meint brot þeirra.
Bresk stjórnvöld höfðu tilkynnt
að öll formleg samskipti við Íran
yrðu fryst og að málið yrði tekið
upp á vettvangi öryggisráðs Sam-
einuðu þjóðanna. Bretar segja sjó-
liðana hafa verið tekna í íraskri
lögsögu, en Íranar segja þá hafa
verið komna inn í íranska lögsögu
og hafa þeir ítrekað farið fram á
afsökunarbeiðni frá Bretum vegna
landhelgisbrotsins.
Írönsk fréttastofa hafði eftir
ónafngreindum heimildarmanni í
gær að litlu máli skipti þó að Bret-
ar frystu samskipti ríkjanna
tveggja, sambandið milli Teheran
og London hefði hvort eð er verið
orðið „kalt“. Mikil spenna er
hlaupin í þessa deilu Írana og
Breta en breskir ráðamenn tóku
það m.a. óstinnt upp er sýndar
voru myndbandsupptökur af sjó-
liðunum fimmtán, þar sem Faye
Turney sést m.a. viðurkenna að
þau hafi í óleyfi farið inn í íranska
lögsögu.
Telja breskir ráðamenn einsýnt
að Turney hafi verið undir þrýst-
ingi, er hún lét umrædd ummæli
falla, og líta svo á að um brot á
Genfarsáttmálanum um meðferð
stríðsfanga sé að ræða. Sjóliðarnir
fimmtán teljast að vísu ekki stríðs-
fangar í tæknilegum skilningi,
enda eiga Íran og Bretland ekki í
stríði, hvað svo sem síðar verður.
Reuters
Enga miskunn Íranskur námsmaður heldur á kröfuspjaldi við utanríkisráðuneytið íranska í Teheran í gær. Mað-
urinn mótmælti þeirri fyrirætlan yfirvalda – sem þau hafa nú hætt við – að sleppa einum breskum sjóliða.
Hótanir ganga á víxl
Eftir Kristján Jónsson
kjon@mbl.is
LEIÐTOGAR arabaríkjanna sam-
þykktu á fundi sínum í Sádi-Arabíu
í gær að ítreka tilboð sitt til Ísraela
frá 2002 um fimm ára áætlun er
kveður á um frið fyrir land, en einn-
ig að ekki mætti breyta tillögunum.
Þar er gert ráð fyrir að Ísraelar yf-
irgefi landsvæði sem þeir hernámu
1967, Palestínumenn fái að stofna
eigið ríki og flóttamenn og afkom-
endur þeirra fái að snúa heim. Í
staðinn verði saminn friður.
Shimon Peres, aðstoðarforsætis-
ráðherra Ísraels, sagði að ekki væri
hægt að samþykkja tillögurnar eins
og þær væru og að semja yrði um
þær. Yitzhak Herzog, ráðherra vel-
ferðarmála, sagði að í tillögunum
væru atriði sem Ísraelar gætu ekki
sætt sig við, einkum varðandi rétt-
indi flóttamanna til að snúa heim og
einnig ákvæði um að landamæri
skyldu verða eins og þau voru 1967,
en hann bætti síðan við: „Frum-
kvæði arabaríkjanna er jákvætt
skref í þá átt að hefja viðræður.“
Ísraelar vilja ekki óbreytt landa-
mæri, þeir vilja halda hluta af Vest-
urbakkanum þar sem stórar byggð-
ir landtökumanna gyðinga hafa
verið reistar, en bjóðast til að láta
Palestínumenn hafa önnur svæði í
staðinn.
Mahmoud Abbas, forseti Palest-
ínumanna, hvatti í gær Ísraela til að
„missa ekki á ný af tækifæri“ til að
leysa deilur þjóðanna tveggja. „Ég
staðfesti hér að Palestínumenn vilja
rétta fram friðarhönd til ísraelsku
þjóðarinnar,“ sagði Abbas í ræðu
sinni á leiðtogafundinum í Riyadh í
Sádi-Arabíu. Egyptinn Amr Mo-
ussa, framkvæmdastjóri Araba-
bandalagsins, sagði að breytingar á
tillögunum kæmu ekki til greina en
virtist þó gefa í skyn að sú krafa
væri ekki ófrávíkjanleg. „Þeir [Ísr-
aelar] segja okkur að breyta þeim
en við segjum þeim að samþykkja
þær fyrst, þá getum við sest við
samningaborðið,“ sagði Moussa.
Hugmyndin um frið fyrir land
var fyrst lögð fram af Sádi-Aröbum
á fundi arabaleiðtoganna í Beirút
2002. Það sem Ísraelar setja fyrst
og fremst fyrir sig er krafan um að
flóttafólk frá 1948 og afkomendur
þess fái að snúa heim til svæða sem
nú eru hluti Ísraels. Um er að ræða
alls rúmar fjórar milljónir manna,
sem nú búa að hluta til í flótta-
mannabúðum á hernumdu svæðun-
um en einnig í Jórdaníu, Líbanon,
Sýrlandi og Líbýu auk fleiri landa.
Benda Ísraelar á að gyðingar yrðu
þá fljótt í minnihluta í ríki sínu.
Í áætlun arabalandanna er sagt
að finna verði „réttláta“ lausn á
flóttamannavandanum. Er þar
hugsanlega smuga sem nota mætti
til að finna málamiðlun er fælist í
því að einhverjir flóttamenn fengju
að snúa heim til fyrri heimila en
ekki allir.
Arabaríkin ítreka til-
lögur um frið fyrir land
AP
Friðartilboð Abdullah Bin Zayed al-Nahyan, utanríkisráðherra Samein-
uðu arabísku furstadæmanna, stendur hér á milli leiðtoga Palestínumanna,
þeirra Mahmoud Abbas forseta (t.v.) og Isamil Haniya forsætisráðherra.
Í HNOTSKURN
»Í tillögum arabaríkjanna seg-ir að Ísraelar skuli yfirgefa
öll svæði sem þeir hernámu 1967,
þ.e. Vesturbakkann, Gaza og
Gólanhæðirnar sem Sýrlend-
ingar réðu áður yfir.
»Palestínumenn eru alls um5,5 milljónir, þar af eru nær
fjórar milljónir í útlegð eða í
flóttamannabúðum í Palestínu.
Að auki er nær 1,5 milljón Ísr-
aela af palestínskum uppruna.
Ísraelar sam-
þykkja ekki að
flóttamenn fái
að snúa heim
Havana. AFP. | Fid-
el Castro, forseti
Kúbu, hefur
gagnrýnt mjög
harðlega fyrir-
ætlanir Banda-
ríkjastjórnar um
að auka mikið
framleiðslu líf-
ræns eldsneytis.
Segir hann, að
með því sé verið
að taka matinn frá munni „þriggja
milljarða manna“.
Kemur þetta fram í fyrstu grein-
inni, sem Castro skrifar eftir að hann
gekkst undir erfiðan uppskurð fyrir
átta mánuðum. Er tilefnið fundur
George W. Bush, forseta Bandaríkj-
anna, með bandarískum bílafram-
leiðendum en á honum var ákveðið
að fimmfalda framleiðslu etanóls
fram til 2017 og verði hún þá komin í
133 milljarða lítra.
Castro kveðst hafa orðið mjög
hugsi yfir þessu enda þurfi um 320
milljónir tonna af korni til að fram-
leiða fyrrnefnt magn af etanóli. Hug-
myndin sé því af hinu illa og greini-
lega hugsuð sem „efnahagslega
hliðin á bandarískri utanríkis-
stefnu“.
Castro segir, að með því að breyta
öllum þessum mat í eldsneyti sé ver-
ið að dæma þrjá milljarða manna til
„ótímabærs dauða“.
Fréttir eru um, að Castro, sem er
áttræður, sé á batavegi. Hann hefur
þó ekki enn komið fram opinberlega
en myndir af honum hafa birst í sjón-
varpi. Evo Morales, forseti Bólivíu,
sagði fyrr í mánuðinum, að Castro
myndi koma fram í apríllok á fundi
leiðtoga Bólivísku hreyfingarinnar,
sem Kúba styður.
Castro for-
dæmir Bush
Fidel Castro Sagð-
ur á batavegi.