Morgunblaðið - 19.04.2007, Blaðsíða 2
2 FIMMTUDAGUR 19. APRÍL 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÓHÆTT er að segja að þrátt fyrir
að aðeins rústir einar séu eftir af
veitingastaðnum Café Óperu sé
húsið þó betur farið en Austur-
stræti 22, þar sem skemmtistað-
urinn Pravda var til húsa. Óvíst er
hver afdrif húsnæðisins verða en
afstaða til þess verður tekin á
næstu dögum eða vikum.
Lítið eftir nema rústir einar
Morgunblaðið/Sverrir
Eftir Andra Karl
andri@mbl.is
ENGAN sakaði í brunanum sem
kom upp í miðbæ Reykjavíkur í gær-
dag en þó nokkrir voru við störf í því
húsnæði sem síðar varð alelda. Með-
al annars var unnið að endurbótum á
veitingastaðnum Café Óperu sem
opna átti á nýjan leik í næsta mán-
uði.
Bjarni Sigurðsson kokkur og Pat-
rekur Sigurvinsson þjónn á Café Óp-
eru voru inni á staðnum þegar smið-
ur sem þar var við vinnu kallaði í þá
og lét vita að reykur væri í húsinu.
„Við kíktum á þetta og urðum svo
varir við að reykurinn var að koma í
gegnum veggina,“ segir Bjarni. „Við
fórum þá út á þak Fröken Reykja-
víkur og færðum til gaskúta svo
hægt væri að koma þeim burtu ef um
stórbruna væri að ræða.“ Tveir fullir
gaskútar voru á þakinu en þeim var
komið burtu af slökkviliðsmönnum
þegar þeir komu á vettvang.
Bjarni segir að næst hafi þeir séð
eldtungur koma upp úr niðurfalli
inni á salerni veitingastaðarins og
var þá náð í slökkvitæki og það tæmt
ofan í niðurfallið. „Þá gaus þessi
svakalegi reykur upp og við tókum
þá ákvörðun að yfirgefa bygginguna.
Við slógum út rafmagninu og hlup-
um út. Þá var lögregla komin á stað-
inn.“
Þeir ætluðu því næst aftur inn í
húsið til að ná í eigur sínar og bjarga
verkfærum en reykurinn var orðinn
það þykkur að engin leið var að fara
upp stigann. Bjarni segir að þetta
hafi allt gerst á um fimmtán mín-
útum.
Næstu skref að meta tjónið
Fasteignafélagið Eik á Lækjar-
götu 2, þar sem Café Ópera var til
húsa. Framkvæmdastjóri Eikar,
Garðar Friðjónsson, segir afskap-
lega dapurlegt að húsnæðið skuli
vera svo illa farið en það sem skipti
mestu máli sé að ekki varð mann-
tjón. „Þetta lítur út fyrir að vera
gríðarlegt tjón en það mun koma
betur í ljós á næstu dögum. Við erum
rétt búnir að jafna okkur á brunan-
um og tala við leigutaka sem urðu
flestir fyrir miklu tjóni.“ Fyrir utan
Café Óperu og Fröken Reykjavík
eru einnig í byggingunni Kebab hús-
ið, Café Rosenberg og Highlanders.
Garðar segir að næstu skref séu
að meta tjónið sem varð á húsinu og
svo verða afdrif þess ráðin.
Skemmst er að minnast að í des-
ember 2004 kviknaði eldur í steik-
arpotti í eldhúsi Kebab hússins og
barst upp í loftræstistokk. Þá hafði
eldurinn læst sig í þakskeggið á Café
Óperu og þó greiðlega hafi gengið að
slökkva eldinn var aðeins mínútu-
spursmál að hann næði sér á strik og
bærist í nærliggjandi hús.
Garðar segir að þá hafi komið í ljós
hversu vel húsnæðið er byggt. „Það
þurfti mikið til að eldurinn blossaði
upp, þannig að þetta hefur verið
gríðarlegur eldur.“
Morgunblaðið/Júlíus
Eldhaf Hátt í 100 slökkviliðsmenn tóku þátt í aðgerðunum í gær en eldtungur loguðu út úr Cafe Óperu og skemmtistaðnum Pravda þegar mest gekk á.
Eldtungurnar stóðu upp úr
niðurfalli inni á Café Óperu
Í HNOTSKURN
»Verið var að leggja loka-hönd á endurbætur veit-
ingastaðarins Café Óperu og
var áætlað að staðurinn yrði
opnaður að nýju í næsta mánuði.
Morgunblaðið/Sverrir
Ónýt Þessi klukka á Cafe Óperu
segir ekki til um tímann framar.
VILHJÁLMUR Þ. Vilhjálmsson
borgarstjóri var mættur á vettvang
stórbrunans um klukkan hálfþrjú í
gær og fylgdist með slökkvistörfum
fram á kvöld en hann sagðist líta svo
á að það væri beinlínis skylda sín
sem borgarstjóri
að vera á vett-
vangi þegar aðrir
eins atburðir
yrðu í borginni.
„Mér finnst bæði
dapurt og sárt að
þurfa að upplifa
brunann og átök-
in við eldinn og
sjá smám saman
þessar afleið-
ingar,“ sagði Vil-
hjálmur og bætti við að slökkvilið og
lögregla hefðu unnið frábært starf.
Slökkviliðsmennirnir væru þraut-
þjálfaðir og hefðu barist af þraut-
seigju og lögregla lokað vettvanginn
af með myndarskap. Slökkviliðið
væri eitt það besta í heiminum eins
og hefði komið fram í mælingum.
Húsin sem brunnu mynda eina
elstu og mikilvægustu götumynd í
miðborg Reykjavíkur. Vilhjálmur
sagði að borgaryfirvöld myndu fljót-
lega ræða við eigendur húsanna um
næstu skref. Hann liti svo á að halda
þyrfti í þessa sögufrægu götumynd.
Það væri þó ljóst að Austurstræti 22
væri nánast ónýtt og ekki víst að
húsið sem risi í þess stað yrði ná-
kvæmlega eins, enda hefði húsinu
verið breytt mikið frá því það var
reist. Aðspurður hvort borgin hefði
á valdi sínu að tryggja að götumynd-
in héldist sagði Vilhjálmur að borgin
hefði skipulagsvaldið og gæti sett
skilyrði um útlit húsanna. Mikilvægt
væri að uppbyggingin tækist vel og
að húsin endurspegluðu söguna.
Málið væri ekki einfalt og hafa yrði í
huga að eigendur ættu töluverð
verðmæti í lóðum húsanna.
Vilhjálmur var að koma af fundi
þegar hann fékk upplýsingar um
eldsvoðann og var varla klæddur til
langrar útiveru. Hann fékk því galla
lánaðan hjá slökkviliðinu og hjálm
enda þurftu allir sem voru innan
hins afgirta svæðis að ganga með
slíkt höfuðfat. Þess má geta að Vil-
hjálmur og Jón Viðar Matthíasson
slökkviliðsstjóri höfðu fyrir nokkru
mælt sér mót klukkan þrjú í gær.
Dapurt og
sárt að sjá
brunann
Vilhjálmur Þ.
Vilhjálmsson
Götumyndin haldist og
viðgerðir hefjist fljótt