Morgunblaðið - 19.04.2007, Blaðsíða 62

Nessun dorma er orð-
ið hálfgert fótboltalag
eftir að Pavarotti tók það á
HM 1990… 68
»
reykjavíkreykjavík
SEX íslenskar hljómsveitir og tón-
listarmenn spila á The Great Escape
tónlistarhátíðinni í Brighton í Bret-
landi sem fer fram 17. til 19. maí
næstkomandi. Þetta eru Lay Low,
Jakobínarína, Seabear, Benni
Hemm Hemm, Nix Nolte og Hafdís
Huld. Þau verða væntanlega landi
og þjóð til sóma.
The Great Escape er hátíð þar
sem ungum og upprunalegum tón-
listarmönnum víðsvegar að úr heim-
inum gefst tækifæri til að koma sér
á framfæri og útgáfufyrirtækin
mæta á, til að hafa upp á nýju blóði í
tónlistarheiminum. Á daginn er
þetta tónlistarráðstefna en á kvöldin
tónlistarhátíð.
Tónlistarkonunni Lay Low var
boðið að spila á hátíðinni eftir að að-
standendur hátíðarinnar sáu hana
spila á By:Larm tónlistarráðstefn-
unni í Noregi, sem henni var boðið á
eftir að aðstandendur By:Larm sáu
hana spila á Iceland Airwaves.
Lay Low mun spila tvívegis á The
Great Escape en af þeim rúmlega
100 hljómsveitum sem koma þar
fram er aðeins um 15 boðið að spila
tvisvar, svo um mikinn heiður er að
ræða. Seinna kvöldið mun hún þar á
meðal spila á aðalsviði hátíðarinnar
á sérstöku kvöldi Mojo tímaritsins.
Spila í Brighton
Ljósmynd/Árni Torfason
Góður Benni Hemm Hemm ásamt hljómsveit á Iceland Airwaves 2006 en
hann mun koma fram á The Great Escape í Bretlandi um miðjan maí.Tónlistarkona Lay Low.
www.escapegreat.com
 Metsöluhöf-
undur Íslands,
Arnaldur Indr-
iðason, er með
nýja bók í bígerð.
Mikil leynd
hvílir yfir sögu-
þræðinum eins
og við er að bú-
ast en þær upplýsingar hafa fengist
staðfestar hjá Eddu-útgáfu að bók-
in nýja verði um rannsóknarlög-
reglumanninn Erlend Sveinsson og
félaga hans. Útgáfudagur bók-
arinnar hefur í gegnum tíðina verið
1. nóvember og verður ekki gerð
undantekning á því í ár.
Arnaldur með nýja bók
um Erlend í smíðum
 Nú fer hver að verða síðastur að
skila inn smásögu í Gaddakylfuna,
glæpasmásagnakeppni Mannlífs,
Hins íslenska glæpafélags og
Grand Rokk. Skilafresturinn renn-
ur út á miðnætti þann 1. maí og tek-
ið er á móti sögum á netfanginu
rt@birtingur.is. Höfundar hafa að
mestu frjálsar hendur svo lengi sem
þeir fást við glæpi af einhverju tagi
í smásögunum og halda sig innan
2.500 orða lengdarmarka.
Frestur að renna út
 Síðastliðinn föstudag hófst árleg
tónleikaröð í Tívolíinu í Kaup-
mannahöfn. Hvern föstudag fram
til 21. september fara fram tón-
leikar í Tívolíinu klukkan 22. Fjöldi
þekktra tónlistarmanna hefur kom-
ið fram í tónleikaröðinni síðustu ár,
bæði danskir og erlendir. Í ár verð-
ur stærsta nafnið trúlega Pet Shop
Boys, sem leika þann 1. júní. Eng-
inn aðgangseyrir er á tónleikana,
einungis að Tívolíinu.
Tónleikaröð í Tívolí
Eftir Jóhann Bjarna Kolbeinsson
jbk@mbl.is
„ÉG féll fyrir landi og þjóð um leið og ég kom
hingað. Það var líka mjög undarlegt að þegar ég
hitti frændur mína og frænkur fyrst var eins og
við hefðum alltaf þekkst, eins og við hefðum alist
upp saman,“ segir Justin Newman, þrítugur tón-
listarmaður frá San Diego í Bandaríkjunum.
Amma Justins sem nú er látin var íslensk og seg-
ist hann því vera ¼ Íslendingur. Hann kom fyrst
hingað til lands árið 2004 til þess að vera við-
staddur ættarmót en síðan þá hefur hann heim-
sótt landið fjórum sinnum, bæði til tónleika-
halds, en einnig til þess að hitta vini og ættingja.
„Ég hef til dæmis spilað á Dubliner, Hressó, Café
Oliver, Salti og líka nokkrum sinnum á Ak-
ureyri. Ég hef bara verið með gítarinn minn en
nú vil ég færa þetta á annað stig. Ég er ekki
trúbador, ég er söngvari og lagahöfundur. Og ég
vil halda tónleika þar sem fólk kemur til að sjá
mig, en ekki bara einhvern mann sem spilar á
bar.“
Lokar ekkert inni
Justin er fæddur og uppalinn í Sacramento í
Kaliforníu og hefur stundað tónlistarnám í San
Diego State, CSU Sacramento og American Ri-
ver College. Hann lærði djasstrommuleik en spil-
ar auk þess bæði á gítar og syngur. „Ég hef spil-
að á trommur frá fimmtán ára aldri en svo var
eins og ég næði ekki nógu miklu út úr þeim
þannig að ég fór að spila á gítar og syngja,“ seg-
ir Justin, en Every Night er hans fyrsta plata.
„Þetta er svona létt og nútímaleg dægurtónlist,
en það eru líka töluverð djassáhrif á plötunni
auk þess sem hún er mjög tilfinningaþrungin.
Það er reyndar ekki eins og ég þurfi einhverja
öxl til að gráta á en ég sé heldur enga ástæðu til
þess að loka tilfinningar mínar inni.“
Platan er fáanleg frá og með deginum í dag í
verslunum Skífunnar, en hún er ekki enn komin
út í Bandaríkjunum. Justin segist hins vegar
stefna að því að koma henni út þar í landi fyrr
eða síðar, en hann sér sjálfur um útgáfuna.
Aðspurður segir Justin sína helstu áhrifavalda
í tónlistinni vera David Gray, Norah Jones,
Sting, Dwight Yoakam og Waylon Jennings. Þá
segist hann einnig vera mjög hrifinn af mörgum
íslenskum tónlistarmönnum. „Mér finnst margt
mjög vel gert á Íslandi, ég er til dæmis mjög hrif-
inn af Mugison, hann er alveg frábær. Svo fór ég
á tónleika Bjarkar sem voru mjög góðir auk þess
sem Gus Gus er frábær hljómsveit og ég ætla að
sjá þá á tónleikum á laugardaginn. Síðan er Lay
low mjög flott líka,“ segir Justin sem fer til
Bandaríkjanna eftir rúma viku, en hann stefnir
að því að koma aftur til landsins í sumar.
Tónleikarnir á Oliver hefjast klukkan 21 í
kvöld og aðgangur er ókeypis.
Morgunblaðið/G.Rúnar
Justin „Ég hef spilað á trommur frá fimmtán ára aldri en svo var eins og ég næði ekki nógu miklu út úr þeim þannig að ég fór að spila á gítar og syngja.“
„Ég er ekki trúbador“
Hinn íslensk-ættaði Justin Newman heldur útgáfutónleika á Café Oliver í kvöld
www.myspace.com/justinnewmanmusic