Morgunblaðið - 19.04.2007, Blaðsíða 51
MORGUNBLAÐIÐ FIMMTUDAGUR 19. APRÍL 2007 51
og bleiur. Úr því varð víst aldrei.
Síðustu vikurnar fyrir andlát Benna
hugsaði ég mikið um að við ættum
að láta verða af því að hittast. Fletti
nafninu hans upp í símaskránni til
að kanna hvort hann væri enn með
sama númer og ætti heima á sama
stað. Ætlaði að fara að hringja. Rifj-
aði ósjálfrátt upp ýmsar minningar
eins og þegar ég átti 18 ára afmæli
og Benni lét foreldra sína hjálpa sér
að syngja afmælissönginn í gegnum
símann þegar hann hringdi í mig.
En svo fékk ég fregnir af því að
Benni væri dáinn og að engin yrðu
símtölin. „Svona er lífið,“ hefði
Benni sennilega sagt og í stað þess
að gráta það sem ég hefði átt að
gera en gerði ekki,er vert að halda
upp á þær minningar sem ég á um
Benna og gleðjast yfir að eiga þær.
Ég óska þess af öllu hjarta að
hann Benni minn hafi fundið frið og
um leið votta ég hans nánustu mína
allra dýpstu samúð.
Far vel, vinur minn,
Berta.
Elsku Benni frændi, mér finnst
svo skrýtið að þú sért farinn frá
okkur. Ég er búinn að eiga svo ótrú-
lega góðar stundir með þér, eins og
þegar ég, þú og Ármann Ingvi fór-
um saman upp á Vífilsfell. Það var
nú meiri svaðilförin, ég varð nú
svoldið smeykur því veðrið var ekki
alltof gott, en þú hvattir mig áfram
og sagðir mér bara að „massa“ þetta
og endaði fjallgangan vel. Svo man
ég eftir skemmtilegum veiðiferðum
á Þingvelli þar sem ýmislegt var
brallað. Mér fannst líka gaman þeg-
ar ég kom til þín á Bókhlöðustíginn
og fékk að spila á trommurnar þínar
og öll hin hljóðfærin sem þú áttir.
Meira að segja Ísak Máni litli bróðir
fékk líka að tromma. Svo var svo
gaman þegar þú hélst garðveisluna
þegar Ísabella Ronja átti afmæli og
á þorrablótinu þegar þú varst að
spila á gítar fyrir okkur og komst
öllum í þvílíkt stuð. Það var alltaf
gaman þegar við hittumst og ég er
heppinn að hafa átt þig sem frænda.
Þú varst svo ótrúlega góður og
skemmtilegur frændi og ég sakna
þín svo mikið. Guð geymi þig. Þinn
frændi
Alexander Hugi.
Þegar hjartað grætur
vegna þess sem það hefur misst,
hlær andinn, vegna þess sem
hann hefur hreppt.
Elsku vinur, hjartað grætur af
söknuði en minningin vekur hlátur.
Þú fékkst mig svo oft til að hlæja.
Ég minnist margra stunda þar sem
við söfnuðumst í kringum þig og
hlustuðum. Hvort sem við vorum að
vinna að spuna eða tala saman utan
leikhússins var það áhugavert. Þú
fékkst stóra vöggugjöf. Mikill sögu-
maður og einstaklega sannfærandi
og gast næstum fengið mann til að
trúa hverju sem var. Listrænum
hæfileikum þínum voru engin tak-
mörk sett þó svo að veikindin gerðu
það. Ég man eftir þér brosandi með
Ronju í fanginu, litla sólargeislann
ykkar Öddu. Þú áttir góða að sem
eiga mikið af minningum, myndefni
og Ronja mun njóta góðs af því.
Elsku Benni minn, ég vona að þú
öðlist ró og hvílir í friði. Innilegar
samúðarkveðjur til Ronju, Öddu og
fjölskyldunnar.
Þín vinkona
Vigdís.
Mig langar til að minnast vinar
míns Benedikts Inga Ármannssonar
í örfáum orðum.
Leiðir lágu saman fyrst á mennta-
skólaárum og síðar í gegnum leik-
listina, bæði í Stúdentaleikhúsinu og
í inntökuprófum við Leiklistarskóla
Íslands. Benni hafði einstakan kraft,
ímyndunarafl, húmor og sköpunar-
gáfu sem því miður alltof fáir fengu
að njóta. Hann var skemmtikraftur
af guðs náð og skein einna skærast
þegar uppistandarinn fékk að leika
lausum hala enda gæddur óvenju-
góðum spuna- og tónlistarhæfileik-
um.
Ég hitti Benna fyrir stuttu og við
áttum einlægt spjall um lífið og til-
veruna. Áhugamálin og baráttan við
listagyðjuna var meðal þess sem
sameinaði okkur en í þetta skipti
ræddi Benni líka mikið um það sem
skipti hann mestu máli í lífinu, dótt-
urina Ronju. Hann gerði mér ljóst
að í honum ætti ég alltaf vin og þar
var á ferðinni örlátur vinur sem
hafði einstakt lag á að snúa alvöru
upp í grín þegar við átti. Eftir síð-
ustu samtöl okkar vonaðist ég til að
Benna tækist að finna fljótt frið og
jafnvægi í glímunni við lífið og sjálf-
an sig. Það gerðist með öðrum hætti
en ég hafði í huga en nú fylgir mér
hugskotsmynd af Benna á friðsælli
göngu, umvafinn jafnsterku ljósi og
því sem hann hafði alltaf að geyma
hið innra.
Ísabellu Ronju og öllum ástvinum
votta ég mína dýpstu samúð.
Þóra Karítas.
Stelpurnar krotuðu stressaðar á
krumpað blaðið, meðan nemenda-
félagsformenn annarra gagnfræða-
skóla höfuðborgarsvæðisins þuldu
ábyggilegir yfir dagskrá vetrarins
með skilmerkilegum glærum í
gömlu félagsmiðstöðinni í Tónabæ.
Ég var gjaldkeri Langholtsskóla og
formaðurinn og ritarinn höfðu kippt
mér upp í leigubíl úr skólanum án
þess að segja mér hvað væri í gangi
því þær voru of uppteknar af
blaðinu sem var orðið útkrotað og
óskiljanlegt núna þegar röðin var
komin að okkur. Þá ýttu þær því
skyndilega að mér, „Þú verður!“
Salurinn beið, ég þreif blaðið sem ég
vissi að ég gæti ekki lesið af og
hugsaði með mér að ef spunaskáld-
aða skemmtidagskráin mín ætti að
vera meira sannfærandi en glærurn-
ar á undan þyrfti ég að vera
skemmtilegri. Það tókst! þrátt fyrir
skjálfta í hnjánum komst ég aftur í
sætið mitt. Á eftir mér kom formæl-
andi Vogaskóla. Hann var ekki ein-
ungis yngstur (13 ára), heldur líka
minnstur og blaðlaus. Í gulri úlpu
hreif hann salinn með sér með út-
réttum örmum og boðaði fagnaðar-
erindið, sem í þessu tilviki var
skemmtun. Þarna kynntist ég
Benna fyrst almennilega þrátt fyrir
að hafa kannast við hann úr hverf-
inu. Eftir að við höfðum tekið yfir
umræðurnar í hópnum sem við lent-
um saman í á þessari unglingaráð-
stefnu héldum við áfram tveir á
hröðu hugarflugi um takmarkalaus-
an hugarheiminn. Þess háttar flug
náði sennilega hámarki þegar við
unnum fyrir Löndun hvor á móti
öðrum í 3 daga í röð við að hlaða 30
kg fiskikössum inn í gáma sem áttu
að fara til Kína (sennilega til að vera
seldir í Frakklandi). Þó að hendurn-
ar ynnu á ógnarhraða fór hugurinn
ekki hægar og andlega örvunin var
þvílík að hún endist mér út ævina.
Við áttum til að skemmta okkur
saman, lifa brot úr þeim stundum
sem sólargeislar í hjarta mér. Hann
kom í gleðskap upp í sumarbústað
og er mér eftirminnilegt þegar við í
gauragangi hvolfdum báti út á vatn-
inu og enduðum öll hálfnakin fyrir
framan arininn með fötin hangandi
til þerris allt í kringum okkur. Eftir
það varð það að reglu að synda í
vatninu. Seinna enduðum við í
morgunsólinni allsber í blómstrandi
hlíðinni og veltumst um í hláturs-
kasti.
Hugarfar okkar snerti á einhvern
hátt sömu strengi og við fengum
ákveðna útrás við að finna sam-
hljóminn. Við skildum við barns-
mæður okkar á sama tíma og upp-
lifðum svipað mynstur gagnvart
lífinu sem gerði vitundina um hvor
annan sterkari. En við náðum ekki
sama flugi og áður þótt sú tilfinning
tendraðist ósjálfrátt innra með mér,
það var frekar eins og við værum í
hringiðu. Benni háði orrustu innra
með sér og hann vildi að ég berðist
líka, aðallega fyrir að fara alla leið
með eigin leið þannig að einhver
snilld kæmi út úr því sem sýndi hin-
um í tvo heimana. Honum var um-
hugað um hvernig ég kæmi út, las
mér pistilinn og sagði mér að finna
mér stað og gera eingöngu mitt. Ég
fór að ráðum Benna og hreiðraði um
mig í sumarbústaðnum. Í seinasta
partíinu áttum við góðar stundir.
Það var að sjálfsögðu grillað og synt
í vatninu en í þetta skiptið um miðj-
an vetur í tunglskininu.
Jón Þórarinn Þorvaldsson.
Fallegir legsteinar
á góðu verði
Englasteinar
Helluhrauni 10
Sími 565 2566 - www.englasteinar.is
Sendum
myndalista
✝
Elskulegur eiginmaður minn, faðir, tengdafaðir, afi
og langafi,
ÁGÚST KRISTJÁNSSON,
Klettási 25,
Garðabæ,
áður til heimilis
í Selbrekku 9,
Kópavogi,
lést á gjörgæsludeild Landspítalans við Hringbraut þriðjudaginn 10. apríl.
Jarðarförin fer fram frá Digraneskirkju í Kópavogi föstudaginn 20. apríl
kl. 13.00.
Hekla Þorkelsdóttir,
Sigríður Ágústsdóttir, Sigurður Ólafsson,
Fanný María Ágústsdóttir, Illugi Örn Björnsson,
Þorkell Ágústsson, Ingunn Sigurðardóttir,
barnabörn og barnabarnabörn.
✝
Alúðarþakkir sendum við öllum þeim sem sýndu
okkur samúð, hlýhug og vináttu við andlát, útför og
minningarathöfn elskulegrar eiginkonu, móður og
dóttur,
HÖNNU ERLENDSDÓTTUR,
Backmo,
Svíþjóð.
Guð geymi ykkur öll.
Ægir Guðmundsson,
Jóhanna Jónsdóttir,
Helga Björk Ægisdóttir,
Stefanie Ægisdóttir
og aðrir aðstandendur.
✝
Innilegar þakkir fyrir auðsýnda samúð og hlýhug
við fráfall elskulegs eiginmanns, föður, tengda-
föður, afa og langafa,
BORGÞÓRS JÓNSSONAR,
Gullengi 13,
Reykjavík.
Halldóra Guðmundsdóttir,
Guðmundur Borgþórsson, Margrét Tryggvadóttir,
Arndís Borgþórsdóttir, Ísleifur Gíslason,
Jón Gunnar Borgþórsson, Kristín Jóhannsdóttir,
Ólafur Borgþórsson, María Lea Guðjónsdóttir,
barnabörn og barnabarnabörn.
✝
Innilegar þakkir til allra þeirra sem auðsýndu okkur
samúð og vinarhug við andlát og útför bróður okkar,
JÓHANNS GUÐLAUGSSONAR.
Sérstakar þakkir til starfsfólks á hjúkrunarheimilinu
Eir og Bjargi á Seltjarnarnesi fyrir góða og kær-
leiksríka umönnun.
Samferðafólki er þökkuð áratuga tryggð og vinátta.
Guð blessi ykkur öll.
Lilja Guðrún Guðlaugsdóttir,
Jón Guðmundur Guðlaugsson
og aðstandendur.
✝
Okkar innilegustu þakkir til allra þeirra er auðsýndu
okkur samúð og hlýhug við andlát og útför okkar
ástkæru móður, tengdamóður, ömmu, langömmu,
systur og mágkonu,
GUÐBJARGAR KRISTÍNAR
GUÐJÓNSDÓTTUR
frá Vogum,
Grandavegi 47,
Reykjavík.
Ingibjörg S. Guðmundsdóttir, Bergur Felixson,
Rósa Guðmundsdóttir,
Ludvig Á. Guðmundsson, Jóna Borg Jónsdóttir,
María S. Guðmundsdóttir, Einar Benediktsson,
Guðjón Guðmundsson, Heiða Elín Jóhannsdóttir,
Gunnar Þór Guðmundsson, Hrönn Hjálmarsdóttir,
Friðrik Guðjónsson, Kristín Halldórsdóttir,
barnabörn og barnabarnabörn.
✝
Elskuleg móðir okkar, tengdamóðir, amma, lang-
amma og systir,
RAGNHEIÐUR FRIÐRIKA JÓNASDÓTTIR,
Skálabrekku,
Húsavík,
lést á Heilbrigðisstofnun Þingeyinga á Húsavík
mánudaginn 9. apríl.
Útförin fer fram frá Húsavíkurkirkju föstudaginn
20. apríl kl. 14.00.
Auður Hermannsdóttir,
Hreiðar Olgeirsson, Halla Hallgrímsdóttir,
Pétur S. Olgeirsson, Ása D. Hólmgeirsdóttir,
Jón Olgeirsson, Hulda Salómónsdóttir,
Skarphéðinn J. Olgeirsson, Kristjana V. Ketilsdóttir,
Egill Olgeirsson, Pálína Stefánsdóttir,
Sigríður Sveinbjörnsdóttir,
Kristján B. Olgeirsson, Fríða S. Rúnarsdóttir,
Björn Olgeirsson, Rúna B. Sigurðardóttir,
Heiðar Geir Olgeirsson, Brynja B. Halldórsdóttir,
Sigríður Jónasdóttir,
barnabörn og barnabarnabörn.
✝
Ástkær móðir okkar, systir, tengdamóðir og amma,
GUÐNÝ SÓLVEIG SIGURÐARDÓTTIR
frá Vötnum,
Álftarima 5,
Selfossi,
sem andaðist föstudaginn 6. apríl, verður jarðsung-
in frá Selfosskirkju laugardaginn 21. apríl kl. 14.00.
Ragnar Heiðar Sigtryggsson, Aðalbjörg Valdimarsdóttir,
Lúter Þór Gunnlaugsson,
Guðni Björn Gunnlaugsson, Júlía Katrín Behrend,
Helgi Páll Gunnlaugsson,
Sigurður Gísli Gunnlaugsson
og fjölskyldur.