Morgunblaðið - 19.05.2007, Qupperneq 14

Minnkandi Vatnsborðið nálgast efstu brún. Um það bil 50 m vantar upp á fulla vatnshæð.
Flæmi Horft í átt að Kárahnjúk – alveg inn undir Vatnajökul.
Eftir Egil Ólafsson
egol@mbl.is
V
atnsborð Háls-
lóns er núna
u.þ.b. 10 metr-
um hærra en
áætlanir
Landsvirkjunar gerðu ráð
fyrir, en áætlunin byggðist
á meðalrennsli í Jöklu síð-
ustu ár. Lónið er komið í
rúmlega 580 metra hæð yf-
ir sjávarborð og stærð þess
er um 21 ferkílómetri, en
það verður um 57 ferkíló-
metrar þegar það verður
komið í fulla stærð. Reikn-
að er með að það gerist í
ágúst.
Hlýindi og rigningar um
áramót og í vor valda því
að svo mikið vatn er komið
í Hálslón, að sögn Sigurðar
Arnalds, upplýsingafulltrúa
Landsvirkjunar um málefni
Kárahnjúkavirkjunar.
Hann segir þetta engu
breyta varðandi fram-
kvæmdirnar. Vatn sé ekki
enn komið að hliðarstífl-
unum, en framkvæmdir við
þær eru á lokastigi, aðeins
frágangsvinna er eftir.
Snemma í júní mun vatn
fara að flæða að Desj-
arárstíflu, þegar vatns-
borðshæðin nær 590 metrum yfir sjó. Um mitt sumar fer vatn svo að flæða að Sauð-
árdalsstíflu.
Hálslón er núna langt og mjótt. Það er um 25 km langt og 2 km breitt. Það er enn
ís á lóninu, en hann er ekki landfastur vegna hækkunar vatnsborðsins.
Hægt að aka yfir stífluna um verslunarmannahelgi
Verið er að steypa háan varnarvegg ofan á Kárahnjúkastíflu. Þegar þessari vinnu er
lokið verður hægt að keyra yfir stífluna. Sigurður segir að unnið verði við þessar
framkvæmdir í júní og júlí, en stefnt sé að því að hleypa umferð á þessa nýju leið fyrir
verslunarmannahelgi. Ferðamenn geti þá óhindrað komist á milli Vesturöræfa og Brú-
ardala. „Það verður mjög tilkomumikið að fara yfir stíflurnar,“ segir Sigurður.
Einnig er eftir að ljúka vinnu við yfirfallsrennur á austurbakkanum. Ennfremur á
eftir að ljúka vinnu við Hraunaveitu, en vinnu við hana lýkur ekki fyrr en haustið
2008. Þessar framkvæmdir miða að því að veita vatni á svæðinu fyrir austan Snæfell í
Jöklu. Þetta er um fjórðungur af vatninu sem notað verður til að knýja vélar Kára-
hnjúkavirkjunar.
Lónið í 21 ferkílómetra stærð
Morgunblaðið/RAX
Lónið Kárahnjúkur er hægra megin við miðju – stíflan í bakgrunni virðist ósköp lítil orðin.
Eitt í einu Hinn sérkennilegi Þrepafoss fer smám saman í
kaf. Tveir neðstu fossarnir eru þegar horfnir.
14 LAUGARDAGUR 19. MAÍ 2007 MORGUNBLAÐIÐ
FRÉTTIR