Morgunblaðið - 25.05.2007, Blaðsíða 2
2 FÖSTUDAGUR 25. MAÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson, fréttastjóri, bjb@mbl.is
Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson, Arnór
Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
HÆSTIRÉTTUR hefur dæmt karlmann á fer-
tugsaldri í 15 mánaða fangelsi fyrir að þröngva
ungri stúlku með ofbeldi til annarra kynmaka en
samræðis. Maðurinn var einnig dæmdur til að
greiða stúlkunni 700 þúsund krónur í miskabætur.
Héraðsdómur Suðurlands hafði áður dæmt mann-
inn í 18 mánaða fangelsi.
Hæstiréttur var í þessu máli skipaður sömu
dómurum og milduðu dóm yfir karli á fimmtugs-
aldri í febrúar sl. með því að stytta fangelsisvist
hans úr tveimur árum í 18 mánuði.
Karlmaðurinn sem dæmdur var í gær neitaði
sök fyrir dómi en Hæstiréttur vísaði til þess, að
fjölskipaður héraðsdómur hefði metið framburð
stúlkunnar, sem fékk stoð í framburði annarra
vitna, trúverðugan. Einnig hafði Hæstiréttur hlið-
sjón af ástandi stúlkunnar eftir atvikið og niður-
stöðu DNA-rannsóknar.
Hefur þjáðst af mikilli hræðslu
Stúlkan var 13 ára þegar ofbeldið átti sér stað í
júní 2006. Í dómi héraðsdóms er m.a. vísað til bóta-
kröfu hennar þar sem segir að hún hafi í kjölfar
þessa þjáðst af andlegri vanlíðan, kvíða og mikilli
hræðslutilfinningu. Þá hafi hún ekki treyst sér til
að mæta í skóla eftir atvikið og hafi skólasókn
hennar því að mestu fallið niður af þeim sökum. Þá
sé hún enn barn að aldri og á viðkvæmu þroska-
skeiði í lífi sínu og því séu afleiðingar verknaðarins
víðtækari en ella.
Málið dæmdu hæstaréttardómararnir Gunn-
laugur Claessen, Árni Kolbeinsson, Garðar Gísla-
son, Hrafn Bragason og Markús Sigurbjörnsson.
Verjandi var Guðjón Ægir Sigurjónsson hrl. og
sækjandi Kolbrún Sævarsdóttir saksóknari hjá
ríkissaksóknara.
Fangelsisdómur fyrir
kynferðisbrot mildaður
TÖLUVERÐAR skemmdir urðu á
húsnæði hrognavinnslufyrirtækisins
Vignis G. Jónssonar á Akranesi þeg-
ar í því kviknaði í gærkvöldi. Óvíst er
um skemmdir á afurðum. Slökkvilið-
inu á Akranesi barst tilkynning um
eldinn rétt upp úr klukkan tíu í gær-
kvöldi og hafði það ráðið niðurlögum
eldsins korteri síðar. Að sögn lög-
reglunnar á Akranesi lék ekki grun-
ur á íkveikju, en talið er að eldurinn
hafi kviknað út frá eldavél. Málið er í
rannsókn.
Bruni í hús-
næði Vignis
G. Jónssonar
♦♦♦
ÍSLENSKUR sérfræðingur á veg-
um Þróunarsamvinnustofnunar,
sem búsettur hefur verið í Afríku-
ríkinu Malaví í tvö ár varð fyrir
hættulegri árás í fyrrinótt þegar
fjórir vopnaðir ræningjar réðust inn
á hann sofandi í rúmi hans og
neyddu hann til að afhenda öll verð-
mæti sem hægt var að hafa hendur
á. Við hús Íslendingsins eru gæslu-
menn vopnaðir bareflum en ræn-
ingjunum tókst að yfirbuga þá og
læsa þá inni í geymslu. Því næst
fóru þeir inn í íbúðarhúsið og
rændu Íslendinginn. Þeir voru
vopnaðir byssum og eggvopnum og
hótuðu að skjóta manninn ef hann
hlýddi ekki. Að ráninu loknu bundu
þeir manninn og kefluðu og skildu
þannig við hann í rúmi sínu.
Nokkru síðar tókst gæslumönnum
hans að losa sig úr geymslunni og
leysa hann. Að sögn Sighvats
Björgvinssonar framkvæmdastjóra
Þróunarsamvinnustofnunar varð
maðurinn fyrir gríðarlegu áfalli
vegna ránsins, þótt hann hefði á
hinn bóginn ekki orðið fyrir lík-
amlegum meiðslum. Hann hefur nú
verið fluttur til Evrópu að sögn Sig-
hvats enda þarf hann sérhæfða
áfallahjálp sem ekki fæst í Malaví.
Á vegum Þróunarsamvinnustofn-
unar eru nú þrír Íslendingar með
fasta búsetu í Malaví, að þeim með-
töldum sem rændur var. Allir
starfsmennirnir voru fluttir til höf-
uðborgar Malaví, Lilongwe, en að-
alskrifstofunni verður ekki lokað.
Lögreglan í Malaví tekur málið
mjög alvarlega en svona atvik munu
ekki vera algeng á þessum slóðum.
Íslendingur í Malaví lenti í vopnuðu ráni
Rekinn á fætur
með byssuhótun
„ÞETTA er hlutur sem ég vona að
nýr félagsmálaráðherra taki á sem
fyrst,“ segir Finnbogi Sveinbjörns-
son, formaður Verkalýðsfélags
Vestfirðinga, Verk-Vest, um óvissa
stöðu erlends verkafólks hjá fisk-
vinnslunni Kambi á Flateyri, eftir
að ákveðið var að selja kvóta félags-
ins.
Að sögn Finnboga eiga starfs-
menn frá löndum utan Evrópska
efnahagssvæðisins, EES, ekki rétt á
atvinnuleysisbótum, nema þeir hafi
íslenskan ríkisborgararétt og skorar
hann á stjórnvöld að veita þessu
fólki aðstoð, allmargir séu í þessari
stöðu.
Verkalýðsfélagið fundaði með
starfsfólkinu í gær og segir Finn-
bogi að túlkur og fulltrúar fjölmenn-
ingarseturs Ísafjarðar, fræðslumið-
stöðvar Vestfjarða og Rauða
krossins hafi aðstoðað við að skýra
fyrir þeim stöðuna á ensku, pólsku
og tagalog, helstu mállýsku Filipps-
eyja.
Fólkið hefði verið í algjörri óvissu
og mörgum spurningum ósvarað.
„Við fórum einkum yfir réttinda-
mál. Í svona stóru fyrirtæki gilda
ekki sömu kjarasamningar fyrir
alla. Það eru samningar landverka-
fólks og sjómannasamningar. Það
var nauðsynlegt að fara yfir þessi
mál þar sem fólk hafði gert sér mis-
munandi hugmyndir um samn-
ingana. Það fór enginn af þessum
fundi í einhverri óvissu með rétt-
indamál.“
Skorar
á ríkis-
stjórnina
Eftir Silju Björk Huldudóttur
silja@mbl.is
„Ég get sagt ykkur í fullum trúnaði að þetta hef-
ur verið frábær dagur,“ sagði Geir H. Haarde,
forsætisráðherra, þegar hann í gær var gerður
að heiðursdoktor við Háskólann í Minnesota, að-
eins þremur klukkustundum eftir að annað ráðu-
neyti hans, ríkisstjórn Samfylkingar og Sjálf-
stæðisflokks, tók við völdum á ríkisráðsfundi á
Bessastöðum.
Það var Robert H. Bruininks, rektor Háskólans
í Minnesota, sem lýsti kjöri Geirs við hátíðlega at-
höfn í Hátíðarsal Háskóla Íslands.
Geir lauk meistaraprófi í hagfræði frá Háskól-
anum í Minnesota árið 1977. Í framsögu Bruin-
inks kom fram að með heiðursnafnbótinni vildi
skólinn veita þessum fyrrverandi nemanda sínum
viðurkenningu fyrir framlag hans til íslensks
samfélags, sem þar með yki hróður Háskólans í
Minnesota. Samstarf háskólanna tveggja á sér 25
ára sögu og hefur að sögn bæði Bruininks og
Kristínar Ingólfsdóttur, rektors HÍ, reynst af-
skaplega gjöfult og farsælt. Fyrr um daginn var
undirritaður samningur um áframhaldandi sam-
starf skólanna og ljóst má vera að stjórnendur
skólans vænta mikils af því samstarfi.
„Þetta er mikill heiður og óvænt ánægja,“
sagði Geir í samtali við Morgunblaðið að athöfn
lokinni. Sagði hann athöfnina hafa framkallað
ánægjulegar minningar um dvöl sína við skólann
fyrir rétt rúmum 30 árum. „Ég átti ánægjulega
tíma úti og kom heim reynslunni ríkari með
þekkingu sem nýst hefur mér vel síðar á lífsleið-
inni.“
Aðspurður sagði Geir það afar mikilvægt fyrir
íslenskt þjóðfélag að nemar á háskólastigi leituðu
sér framhaldsmenntunar erlendis. „Þetta er
ómetanlegur þáttur í okkar mennta- og uppbygg-
ingarstarfi hér í þjóðfélaginu að sækja reynslu og
kunnáttu til annarra landa. Ég mæli eindregið
með því að ungt fólk noti sér þessa möguleika og
víkki sinn sjóndeildarhring með því að fara í nám
til útlanda.“
Spurður hvaða gildi endurnýjun samnings há-
skólanna tveggja hefði sagðist Geir sannfærður
um að sá samningur yrði til góðs. „Ég tel mjög já-
kvætt að framlengja og dýpka þetta samstarf. “
„Þetta hefur verið frábær dagur“
Morgunblaðið/Kristinn
Góður dagur hjá Geir Geir H. Haarde, forsætisráðherra, var í gær gerður að heiðursdoktor við Háskólann í Minnesota. Rektor og einn deildarforseti há-
skólans, Robert H. Bruininks (t.v.) og James A. Parente, sveipuðu Geir skikkju til marks um viðurkenninguna sem honum hlotnaðist.
HEIMSÓKNUM Á fréttavef Morg-
unblaðsins, mbl.is, hefur fjölgað að
undanförnu samkvæmt nýjum niður-
stöðum samfelldrar dagblaða- og
netmiðlamælingar Capacent Gallup
fyrir mars- og aprílmánuði.
Í könnuninni kemur fram að 49,6%
Íslendinga á aldrinum 12-80 ára
heimsóttu mbl.is daglega en 21,7%
heimsóttu netmiðilinn visir.is. Með-
alfjöldi heimsókna hvers notanda á
dag var 3,08 á mbl.is en 2,01 á visir.is.
Litlar breytingar
á lestri prentmiðla
Þegar tölurnar eru brotnar niður
eftir aldurshópum kemur sama til-
hneiging í ljós, mbl.is er meira en
tvöfalt vinsælli en visir.is í öllum ald-
urshópum. Munurinn er áberandi
mestur í aldurshópnum 40-49 ára en
minnstur meðal unglinga og þeirra
sem náð hafa 60 ára aldri.
Lestur vefmiðla er mestur meðal
þeirra sem eru í aldurshópunum 20-
29 ára og 30-39 ára en minnstur er
lesturinn í yngsta og elsta aldurs-
hópnum.
Hvað lestur prentmiðla varðar
hefur hann lítið breyst milli tímabila.
Á fyrstu tveimur mánuðum ársins
var lestur Morgunblaðsins 43,6% en
43% í mars og apríl. Lestur Frétta-
blaðsins hefur aukist um 0,1 pró-
sentustig milli tímabila og lestur
Blaðsins hefur dregist saman um 0,1
prósentustig.
Aukin aðsókn að mbl.is
Helmingur þjóð-
arinnar notar
vefinn daglega
!" #
# $#